ಬಹುನೀರಿಕ್ಷಿತ 2018ರ ದೆಹಲಿ ಆಟೋ ಮೇಳಕ್ಕೆ ದಿನಾಂಕ ನಿಗದಿ

ಫೆಬ್ರುವರಿ 9ರಿಂದ 14ರ ತನಕ ದೆಹಲಿ ಆಟೋ ಮೇಳವನ್ನು ಆಯೋಜಿಸಲು ಉದ್ದೇಶಿಸಲಾಗಿದ್ದು, ಈ ಬಾರಿ ದೆಹಲಿಯಲ್ಲಿ ಅಷ್ಟೇ ಅಲ್ಲದೇ ನೋಯ್ಡಾದಲ್ಲೂ ಆಟೋ ಪ್ರದರ್ಶನ ನಡೆಸುವ ಬಗ್ಗೆ ತೀರ್ಮಾನಿಸಲಾಗಿದೆ.

ಫೆ.9ರಿಂದ ದೆಹಲಿಯ ಪ್ರಗತಿ ಮೈದಾನದಲ್ಲಿ ಆಟೋ ಮೇಳಕ್ಕೆ ಅಧಿಕೃತ ಚಾಲನೆ ಸಿಗಲಿದ್ದು, ಭವಿಷ್ಯದ ವಾಹನ ಮಾದರಿಗಳು, ಬಿಡಿಭಾಗಗಳು ಮತ್ತು ಫೇಸ್‌ಲಿಫ್ಟ್ ಆವೃತ್ತಿಗಳ ಪ್ರದರ್ಶನದಲ್ಲಿ ಭಾಗಿಯಾಗಲಿವೆ.

Recommended Video

Tata Nexon Price And Features Variant-wise - DriveSpark

ಇಂಡಿಯನ್ ಇಂಡ್‌ಸ್ಟ್ರಿಯಲ್ ಫೆಡರೆಷನ್ (ಸಿಸಿಐ) ಮತ್ತು ಆಟೋ ಮೊಬೈಲ್ ಅಸೋಷಿಯೆಶನ್ ಆಫ್ ಇಂಡಿಯಾ(ಎಸಿಎಂಎ) ನೇತೃತ್ವದಲ್ಲಿ ದೆಹಿಲಿ ಆಟೋ ಮೇಳವನ್ನು ಆಯೋಜಿಸಲಾಗಿದ್ದು, 1,85,000ಚದರ ಅಡಿಯಲ್ಲಿ ಆಟೋ ಪ್ರದರ್ಶನ ಸಿದ್ಧಗೊಳ್ಳುತ್ತಿದೆ.

ಇನ್ನು ಈ ಬಾರಿ ನಡೆಯಲಿರುವ ಆಟೋ ಪ್ರದರ್ಶನಗಳಲ್ಲಿ ಹಲವು ಕಾರು ಮಾದರಿಗಳು ಪ್ರದರ್ಶನಗೊಳ್ಳಲಿದ್ದು, ಆಟೋ ಮೇಳದ ನಂತರವಷ್ಟೇ ಭಾರತೀಯ ಮಾರುಕಟ್ಟೆಯಲ್ಲಿ ವಾಡಿಕೆಯಂತೆ ಖರೀದಿಗೆ ಲಭ್ಯವಾಗಲಿವೆ.

ಇನ್ನೊಂದು ಪ್ರಮುಖ ವಿಚಾರ ಎನೆಂದರೆ ಈ ಬಾರಿ ಆಟೋ ಪ್ರದರ್ಶನದಲ್ಲಿ ಫೇಸ್‌ಲಿಫ್ಟ್ ಮಾದರಿಗಳು ಮತ್ತು ಎಲೆಕ್ಟ್ರಿಕ್ ಎಂಜಿನ್ ಪ್ರೇರಿತ ಹೊಸ ವಾಹನಗಳು ಪ್ರದರ್ಶನವಾಗಲಿದ್ದು, ಮಹೀಂದ್ರಾ ನಿರ್ಮಾಣದ ಎರಡು ಹೊಸ ಕಾರು ಮತ್ತು ಸುಜುಕಿ ಸ್ವಿಫ್ಟ್ ಸ್ಪೋಟ್ ಆವೃತ್ತಿಗಳು ಹೆಚ್ಚು ಗಮನಸೆಳೆಯುವ ವಿಶ್ವಾಸದಲ್ಲಿವೆ.

ಹೀಗಾಗಿ ಗ್ರಾಹಕರಿಗೆ ಭವಿಷ್ಯ ವಾಹನ ಬಗೆಗೆ ಸಂಪೂರ್ಣ ಮಾಹಿತಿ ನೀಡುವ ಉದ್ದೇಶದಿಂದ ಪ್ರತ್ಯೇಕ ವಿಭಾಗಗಳನ್ನು ತೆರೆಯಲಾಗುತ್ತಿದ್ದು, ಹೊಸ ವಾಹನ ವಿಭಾಗ, ಸಂಶೋಧನಾ ಆವೃತ್ತಿಗಳ ವಿಭಾಗ, ಸ್ಮಾರ್ಟ್ ಮೊಬಿಲಿಟಿ ವಿಭಾಗ, ಸ್ಪರ್ಧಾತ್ಮಕ ವಾಹನ ವಿಭಾಗಗಳನ್ನಾಗಿ ವಿಭಾಗಿಸಲಾಗಿದೆ. ಈ ಮೂಲಕ ಆಟೋ ಉದ್ಯಮ ಕುರಿತು ಪೂರ್ಣ ಪ್ರಮಾಣದ ಮಾಹಿತಿ ನೀಡುವ ಉದ್ದೇಶ ಹೊಂದಿದೆ.