ಡ್ರ್ಯಾಗನ್ ಫ್ಯಾಮಿಲಿ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬಿಡುಗಡೆಯಾಗಲಿವೆ ಫೋರ್ಡ್ ಕಾರುಗಳು

ಆಟೋ ಮೊಬೈಲ್ ಉದ್ಯಮದಲ್ಲಿ ಕಾರುಗಳ ಮೈಲೇಜ್ ಹೆಚ್ಚಳ ಕುರಿತು ದಿನಕ್ಕೊಂದು ಸಂಶೋಧನೆ ನಡೆಯುತ್ತಿದ್ದು, ಸದ್ಯ ಫೋರ್ಡ್ ಸಂಸ್ಥೆಯು ಕೂಡಾ ಒಂದು ಹೆಜ್ಜೆ ಮುಂದು ಹೋಗಿ ಸುಧಾರಿತ ತಂತ್ರಜ್ಞಾನ ಹೊಂದಿರುವ ಡ್ರ್ಯಾಗನ್ ಫ್ಯಾಮಿಲಿ ಪೆಟ್ರೋಲ್ ಎಂಜಿನ್ ಪರಿಚಯಿಸಲಿದೆ.

ಈ ಬಗ್ಗೆ ಅಧಿಕೃತ ಮಾಹಿತಿ ಕೂಡಾ ಹೊರಬಿದ್ದಿದ್ದು, ಮುಂಬರುವ ದಿನಗಳಲ್ಲಿ ಫೋರ್ಡ್ ನಿರ್ಮಾಣದ ಎಲ್ಲಾ ಪೆಟ್ರೋಲ್ ಕಾರು ಮಾದರಿಗಳಲ್ಲೂ ಡ್ರ್ಯಾಗನ್ ಫ್ಯಾಮಿಲಿ ಎಂಬ ಎಂಜಿನ್ ಅಳವಡಿಕೆಯಾಗಲಿವೆ.

ಡ್ರ್ಯಾಗನ್ ಫ್ಯಾಮಿಲಿ ಎಂಬ ಎಂಜಿನ್ ಅಳವಡಿಕೆಯಿಂದ ಕಾರುಗಳ ಮೈಲೇಜ್ ಗಣನೀಯವಾಗಿ ಹೆಚ್ಚಳವಾಗಲಿದ್ದು, ಕಾರುಗಳ ನಿರ್ವಹಣಾ ವೆಚ್ಚವು ಕೂಡಾ ತಗ್ಗಲಿದೆ.

ಇನ್ನು ಸೆಪ್ಟೆಂಬರ್ 15ರಂದು ಬಿಡುಗಡೆ ಕಾಯ್ದಿರುವ ಫೋರ್ಡ್ ಇಕೋ ಸ್ಪೋರ್ಟ್ ಫೇಸ್‌ಲಿಫ್ಟ್ ಕಾರಿನ ಪೆಟ್ರೋಲ್ ಆವೃತ್ತಿ ಕೂಡಾ ಡ್ರ್ಯಾಗನ್ ಫ್ಯಾಮಿಲಿ ಎಂಜಿನ್‌ನೊಂದಿಗೆ ಬರಲಿದ್ದು, ಪ್ರಸ್ತುತ ಮಾದರಿಗಳಿಗಿಂತ ಅಧಿಕ ಮೈಲೇಜ್ ನೀಡಲಿವೆ.

Recommended Video

Jeep Compass Launched In India | In Hindi - DriveSpark हिंदी

ನೆಕ್ಟ್ಸ್ ಜನರೇಷನ್ ಫೋರ್ಡ್ ಫಿಗೋ, ಆಸ್ಪೈರ್ ಪೆಟ್ರೋಲ್ ಕಾರುಗಳ ಕೂಡಾ ಸುಧಾರಿತ ಡ್ರ್ಯಾಗನ್ ಫ್ಯಾಮಿಲಿ ಎಂಜಿನ್ ಪಡೆದುಕೊಳ್ಳಲಿದ್ದು, 1.5-ಲೀಟರ್, 1.2-ಲೀಟರ್ ಪೆಟ್ರೋಲ್ ಎಂಜಿನ್ ಹಾಗೂ 1.5-ಲೀಟರ್ ತ್ರಿ ಸಿಲಿಂಡರ್ ಎಂಜಿನ್‌ನೊಂದಿಗೆ ಬಿಡುಗಡೆಯಾಗಲಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಕಾರುಗಳ ಮೈಲೇಜ್ ಹೆಚ್ಚಳಕ್ಕೆ ಹೊಸ ಯೋಜನೆ ಕೈಗೊಂಡಿರುವ ಫೋರ್ಡ್ ಕ್ರಮ ಉತ್ತಮವಾಗಿದ್ದು, ಎಲ್ಲಾ ಕಾರು ಉತ್ಪಾದಕರು ಕೂಡಾ ಇಂತಹ ಮಹತ್ವದ ಯೋಜನೆಗಳನ್ನು ಜಾರಿಗೊಳಿಸುವ ಅಗತ್ಯವಿದೆ.