ಬಿಡುಗಡೆಗೊಳ್ಳಲಿರುವ ಜೀಪ್ ಕಾಂಪಸ್ ಕಾರಿನ ವಿಶೇಷತೆ ಇಲ್ಲಿದೆ

ಇತ್ತೀಚಿಗೆ ಭಾರತದಲ್ಲಿ ಜೀಪ್ ವಾಹನ ತಯಾರಿಕಾ ಕಂಪನಿಯು ತನ್ನ ಅಸ್ತಿತ್ವವನ್ನು ಉಳಿಸಿಕೊಳ್ಳುವ ಸತತ ಪ್ರಯತ್ನ ಮಾಡುತ್ತಿದ್ದು, ಈ ನಿಟ್ಟಿನಲ್ಲಿ ಹೊಸ ಕಾರನ್ನು ಭಾರತದಲ್ಲಿ ಪರಿಚಯ ಮಾಡಲು ಸಿದ್ಧವಾಗಿದೆ.

ಬಿಡುಗಡೆಗೂ ಮೊದಲು ಜೀಪ್ ಸಂಸ್ಥೆ ತನ್ನ ನೆಚ್ಚಿನ ಕಾಂಪ್ಯಾಕ್ಟ್ ಎಸ್‌ಯುವಿ ಕಾರನ್ನು ಭಾರತದಲ್ಲಿ ಪ್ರದರ್ಶನ ಮಾಡಿದ್ದು ಈ ಬಗ್ಗೆ ಹೆಚ್ಚಿನ ವಿವರ ಈ ಲೇಖನದಲ್ಲಿ ತಿಳಿಸಲಾಗಿದ್ದು, ಕಾರಿನ ವೈಶಿಷ್ಟ್ಯತೆಗಳನ್ನು ತಿಳಿದುಕೊಳ್ಳಿ.

ಕಾಂಪಸ್ ಕಾರಿನ ಬುಕಿಂಗ್ ಈಗಾಗಲೇ ಆರಂಭವಾಗಿದ್ದು, ಜೀಪ್ ಸಂಸ್ಥೆ ಈ ಕಾಂಪ್ಯಾಕ್ಟ್ ಎಸ್‌ಯುವಿ ಕಾರು ಐದು ರೂಪಾಂತರಗಳಲ್ಲಿ ಬಿಡುಗಡೆಗೊಳ್ಳಲಿದೆ.

ಸ್ಪೋರ್ಟ್, ಲಾಂಗಿಟ್ಯೂಡ್, ಲಾಂಗಿಟ್ಯೂಡ್(O), ಲಿಮಿಟೆಡ್ ಮತ್ತು ಲಿಮಿಟೆಡ್(O) ಎಂಬ ನಾಲ್ಕು ವಿಧದಲ್ಲಿ ನಿಮ್ಮ ಮುಂದೆ ಬರಲಿದೆ. ಟರ್ಬೊ ಚಾರ್ಜ್ಡ್ 2-ಲೀಟರ್ ಡೀಸೆಲ್ ಮತ್ತು 1.4 ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕೆಗಳಲ್ಲಿ ಈ ಕಾಂಪಸ್ ಕಾರು ಲಭ್ಯವಿರುತ್ತದೆ ಎಂದು ಕಂಪನಿ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಟರ್ಬೊ ಚಾರ್ಜ್ಡ್ 2-ಲೀಟರ್ ಡೀಸೆಲ್ ಕಾರು 350ಏನ್‌ಎಂ ತಿರುಗುಬಲದಲ್ಲಿ 170ರಷ್ಟು ಅಶ್ವಶಕ್ತಿ ಉತ್ಪಾದಿಸಲಿದೆ. ಇನ್ನು ಟರ್ಬೊ ಚಾರ್ಜ್ಡ್ 1.4-ಲೀಟರ್ ಪೆಟ್ರೋಲ್ ಕಾರು 250ಏನ್‌ಎಂ ತಿರುಗುಬಲದಲ್ಲಿ 160ರಷ್ಟು ಅಶ್ವಶಕ್ತಿ ಉತ್ಪಾದಿಸಲಿದೆ.

ಕಾಂಪಸ್ ಕಾರಿನ ಪೆಟ್ರೋಲ್ ಮತ್ತು ಡೀಸೆಲ್ ಇಂಜಿನ್ ಹೊಂದಿರುವ ಬೇಸ್ ಸ್ಪೋರ್ಟ್ಸ್ ಆವೃತಿಯು 6 ಸ್ಪೀಡ್ ಮ್ಯಾನ್ಯುವಲ್ ಗೇರ್ ಬಾಕ್ಸ್ ಹೊಂದಿದೆ.

ಸ್ಪೋರ್ಟ್ ಮಾದರಿಯಲ್ಲಿ 5-ಇಂಚಿನ ಟಚ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, 16-ಇಂಚಿನ ಮಿಶ್ರಲೋಹದ ಚಕ್ರಗಳು, ಎಲೆಕ್ಟ್ರಿಕ್ ಓಆರ್‌ಎಂವಿಗಳು ಮತ್ತು ವಿದ್ಯುತ್ ಪಾರ್ಕಿಂಗ್ ಬ್ರೇಕ್‌ಗಳನ್ನು ಹೊಂದಿದೆ.

ಸುರಕ್ಷತೆ ಮುಂಭಾಗದಲ್ಲಿ, ಡ್ಯುಯಲ್ ಏರ್ ಬ್ಯಾಗ್, ಎಬಿಎಸ್, ಇಬಿಡಿ ಮತ್ತು ಟಿಸಿಎಸ್‌ನಂತಹ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಸ್ಪೋರ್ಟ್ ರೂಪಾಂತರ ಬಿಡುಗಡೆಗೊಳ್ಳಲಿದೆ.