ಇನ್ಮುಂದೆ ನೈಟ್ ಟೈಂ ಎಲ್ಲೆಂದ್ರಲ್ಲೇ ಕಾರ್ ಪಾರ್ಕ್ ಮಾಡಿದ್ರೆ ಚಾರ್ಜ್..!!

ದೆಹಲಿಯಲ್ಲಿ ಇನ್ಮುಂದೆ ರಾತ್ರಿ ವೇಳೆ ರಸ್ತೆ ಪಕ್ಕಕ್ಕೆ ಕಾರು ಪಾರ್ಕಿಂಗ್ ಮಾಡುವ ಹತ್ತು ಬಾರಿ ಯೋಚನೆ ಮಾಡಬೇಕಿದೆ. ಒಂದು ವೇಳೆ ಅನಿವಾರ್ಯವಾಗಿ ಕಾರು ಪಾರ್ಕ್ ಮಾಡಲೇಬೇಕಿದ್ದರೆ ನಿಮ್ಮ ಜೇಬು ಗಟ್ಟಿಯಾಗಿರಬೇಕು.

ಯಾಕೇಂದ್ರೆ ದೆಹಲಿ ಸರ್ಕಾರ ಸಿದ್ಧಪಡಿಸಿರುವ ಹೊಸ ಪಾರ್ಕಿಂಗ್ ನೀತಿಯಿಂದ ರಾತ್ರಿ ವೇಳೆ ರಸ್ತೆ ಪಕ್ಕಕ್ಕೆ ಕಾರು ನಿಲುಗಡೆಗೆ ದುಬಾರಿಯಾಗಲಿದ್ದು, ಆಯಾ ಪ್ರದೇಶಗಳಿಗೆ ಅನುಗುಣವಾಗಿ ಪಾರ್ಕಿಂಗ್ ಚಾರ್ಜ್ ನೀಡಬೇಕಾಗುತ್ತದೆ.

ದೆಹಲಿಯಲ್ಲಿ ಬಹುತೇಕ ಕಡೆ ಸ್ಥಳ ಅಭಾವಿದ್ದು, ಈ ಹಿನ್ನೆಲೆ ಹೊಸ ಪಾರ್ಕಿಂಗ್ ನೀತಿಯನ್ನು ಜಾರಿಗೆ ತರಲಾಗುತ್ತಿದೆ.

ಇದಕ್ಕೂ ಮೊದಲು ಸಾರ್ವಜನಿಕ ಅಭಿಪ್ರಾಯ ಸಂಗ್ರಹಿಸಲು ಮುಂದಾಗಿರುವ ದೆಹಲಿ ಸರ್ಕಾರವು, ಸದ್ಯದಲ್ಲೇ ಹೊಸ ನೀತಿಯನ್ನು ಕಾರ್ಯರೂಪಕ್ಕೆ ತರುವ ಸಿದ್ಧತೆಯಲ್ಲಿದೆ.

ವಸತಿ ಪ್ರದೇಶಗಳಲ್ಲೂ ಈ ನೀತಿ ಅನ್ವಯವಾಗಲಿದ್ದು, ಮನೆ ಮುಂದೆ ಕಾರು ಪಾರ್ಕಿಂಗ್ ಮಾಡಿದರು ಚಾರ್ಜ್ ಕಟ್ಟಬೇಕಾಗುತ್ತೆ.

ಒಂದು ವೇಳೆ ದೆಹಲಿಯಲ್ಲಿ ನೈಟ್ ಟೈಮ್ ಪಾರ್ಕಿಂಗ್ ಶುಲ್ಕು ನೀತಿ ಜಾರಿಗೆ ಬಂದಲ್ಲಿ, ದೇಶದ ಪ್ರಮುಖ ಮೆಟ್ರೋ ಸಿಟಿಗಳಲ್ಲೂ ಜಾರಿ ಬರುವುದಲ್ಲಿ ಯಾವುದೇ ಅನುಮಾನವಿಲ್ಲ. ಹೀಗಾಗಿ ನೈಟ್ ಟೈಮ್ ಪಾರ್ಕಿಂಗ್‌ಗೆ ಅಗತ್ಯ ವ್ಯವಸ್ಥೆ ಮಾಡಿಕೊಳ್ಳುವುದು ಒಳಿತು.