ಎಎಂಟಿ ಆಯ್ಕೆಯೊಂದಿಗೆ ಟಾಟಾ ನೆಕ್ಸಾನ್ ಬಿಡುಗಡೆ ?

ಟಾಟಾ ಕಂಪನಿ ತನ್ನ ಬಹುನಿರೀಕ್ಷಿತ ನೆಕ್ಸನ್ ಕಾಂಪಾಕ್ಟ್ SUV ಕಾರನ್ನು ಸದ್ಯದರಲ್ಲಿಯೇ ಬಿಡುಗಡೆಗೊಳಿಸಿದ್ದು, ಈ ಕಾರನ್ನು ಮುಂದಿನ ವರ್ಷದ ಏಪ್ರಿಲ್ ಕೊನೆಯಲ್ಲಿ AMT(ಸ್ವಯಂಚಾಲಿತ ಮ್ಯಾನುಯಲ್ ಟ್ರಾನ್ಸ್ಮಿಷನ್) ಆಯ್ಕೆಯೊಂದಿಗೆ ಅನಾವರಣಗೊಳಿಸಿದೆ ಎಂಬ ಅಧಿಕೃತ ಮಾಹಿತಿ ಹೊರಬಿದ್ದಿದೆ.

ನೆಕ್ಸಾನ್ ಕಾರು ಮೂರು ಸಿಲಿಂಡರ್ 1.2 ಲೀಟರ್ ಟರ್ಬೊಚಾರ್ಜ್ಡ್ REVOTRON Petrol ಎಂಜಿನ್ ಮತ್ತು ನಾಲ್ಕು ಸಿಲಿಂಡರ್ 1.5 ಲೀಟರ್ REVOTORQ Diesel ಎಂಜಿನ್ ಆಯ್ಕೆಯಲ್ಲಿ ಬಿಡುಗಡೆಯಾಗಲಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಎರಡೂ ಎಂಜಿನ್‌ಗಳು 108.5 ರಷ್ಟು ಅಶ್ವಶಕ್ತಿ ಉತ್ಪಾದನೆ ಮಾಡಲಿದ್ದು, 6 ಸ್ಪೀಡ್ ಓವರ್ ಡ್ರೈವ್ ಮಾನ್ಯುಯಲ್ ಗೇರ್‌ಬಾಕ್ಸ್ ಹೊಂದಿರಲಿವೆ.

ಈ ಹಬ್ಬದ ಋತುವಿನಲ್ಲಿ ಅಮೋಘವಾಗಿ ವಾಹನ ಮಾರುಕಟ್ಟಗೆ ಪ್ರವೇಶ ಮಾಡಲಿರುವ ಈ ಕಾರು 44 ಲೀಟರ್ ಫ್ಯೂಯೆಲ್ ಟ್ಯಾಂಕ್ ಕೆಪ್ಯಾಸಿಟಿ ಹೊಂದಿರಲಿದೆ. ಇಕೊ, ಸಿಟಿ ಮತ್ತು ಸ್ಪೋರ್ಟ್ ಎಂಬ ಮೂರು ರೀತಿಯ ಡ್ರೈವಿಂಗ್ ಮೋಡ್‌ಗಳಲ್ಲಿ ಈ ಕಾರಿನ ಚಾಲನೆ ಮಾಡಬಹುದು.

ಇನ್ನು ಈ ಕಾರಿನ ವಿಶೇಷತೆಗಳ ಬಗ್ಗೆ ಹೇಳುವುದಾದರೆ, ಈ ಕಾರು ರಿವರ್ಸ್ ಕ್ಯಾಮೆರಾ, 6.5 ಇಂಚಿನ ಇನ್ಫೋಟೈನ್ಮೆಂಟ್ ಸಿಸ್ಟಮ್ HD ಡಿಸ್‌ಪ್ಲೇ, ಆಪಲ್ ಕಾರ್‌ಪ್ಲೇ ಸೌಲಭ್ಯಗಳನ್ನು ಪಡೆದುಕೊಂಡಿದೆ.

ಈ ಕಾರು ಧ್ವನಿ ನೆರವು ಇರುವಂತಹ ಆಂಡ್ರಾಯ್ಡ್ ಆಟೊ, ಸ್ವಯಂಚಾಲಿತ ಹವಾಮಾನ ಮೇಲ್ವಿಚಾರಣೆ ಮತ್ತು ಟಿಲ್ಟ್ ಮಾಡಬಹುದಾದ ಸ್ಟೀರಿಂಗ್ ಪಡೆಯುತ್ತದೆ.

ಈ ಕಾರಿನಲ್ಲಿ ಹೆಚ್ಚು ಸುರಕ್ಷತೆ ಆಯ್ಕೆಗಳನ್ನು ನೀಡಲಾಗಿದ್ದು, ಡುಯಲ್ ಫ್ರಂಟ್ ಏರ್‌ಬ್ಯಾಗ್ಸ್ ಮತ್ತು ಎಬಿಎಸ್ ಜೊತೆ ಈಬಿಡಿ ಸ್ಟ್ಯಾಂಡರ್ಡ್ ಆಯ್ಕೆಯಾಗಿವೆ. ಬಿಡುಗಡೆಯ ನಂತರ ಈ ಕಾರು ಮಾರುತಿ ಸುಜುಕಿ ವಿಟಾರಾ ಬ್ರೇಝ ಮತ್ತು ಫೋರ್ಡ್ ಇಕೊ ಸ್ಪೋರ್ಟ್ ಕಾರುಗಳೊಂದಿಗೆ ಸ್ಪರ್ಧೆ ನೆಡೆಸಲಿದೆ.