Click it and Unblock the Notifications
ಹ್ಯುಂಡೈ ಕ್ರೆಟಾ ಕಾರಿನ ಮೇಲೆ ಭರ್ಜರಿ ಆಫರ್
ಹ್ಯುಂಡೈ ಮೋಟಾರ್ ಇಂಡಿಯಾ ಲಿಮಿಟೆಡ್ (ಹೆಚ್ಎಂಐಎಲ್) ಕಂಪನಿಯು ತನ್ನ ಸರಣಿಯ ಪ್ರಮುಖ ಮಾದರಿಯಾದ ಕ್ರೆಟಾ ಮೇಲೆ ಭರ್ಜರಿ ರಿಯಾಯಿತಿಯನ್ನು ಘೋಷಿಸಿದೆ. ಈ ವರ್ಷದ ಅಂತ್ಯದಲ್ಲಿ ಹ್ಯುಂಡೈ ಕಂಪನಿಯು ಕ್ರೆಟಾ ಮಾದರಿಗೆ ಬರೊಬ್ಬರಿ ರೂ.95 ಸಾವಿರಗಳವರೆಗೆ ರಿಯಾಯಿತಿಯನ್ನು ಘೋಷಿಸಿದೆ.
ಹ್ಯುಂಡೈ ಕ್ರೆಟಾ, ಎಸ್ಯುವಿ ಸೆಗ್ಮೆಂಟ್ನಲ್ಲಿ ಹೆಚ್ಚು ಮಾರಾಟವಾಗುವ ಎಸ್ಯುವಿಗಳಲ್ಲಿ ಒಂದಾಗಿದೆ. ಕ್ರೆಟಾ ಎಸ್ಯುವಿ ಭಾರತದಲ್ಲಿ ಒಂದೆರಡು ವರ್ಷಗಳ ಹಿಂದೆ ಬಿಡುಗಡೆಯಾಗಿತ್ತು. ಅಂದಿನಿಂದಲೇ ತನ್ನ ಸೆಗ್ಮೆಂಟಿನಲ್ಲಿ ಪಾರುಪತ್ಯ ಸಾಧಿಸುತ್ತಿದೆ. ಇತ್ತೀಚೆಗೆ ಹ್ಯುಂಡೈ ಕ್ರೆಟಾಗೆ ಪೈಪೋಟಿ ನೀಡಲು ಕಿಯಾ ಸೆಲ್ಟೋಸ್ ಮತ್ತು ಎಂಜಿ ಹೆಕ್ಟರ್ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಬಳಿಕ ಉಂಟಾದ ಪೈಪೋಟಿಯಿಂದ ಕ್ರೆಟಾದ ಮಾರಾಟವು ಕುಸಿಯಿತು.
ಇದರಿಂದ ಮಾರಾಟವನ್ನು ಹೆಚ್ಚಿಸಲು ಮತ್ತು ಬಿಎಸ್-4 ಎಂಜಿನ್ ಸ್ಟಾಕ್ಗಳನ್ನು ಮಾರಾಟ ಮಾಡಲು ಭರ್ಜರಿ ಆಫರ್ ಅನ್ನು ಘೋಷಿಸಲಾಗಿದೆ ಎಂದು ವರದಿಗಳು ಪ್ರಕಟವಾಗಿದೆ.
ಹ್ಯುಂಡೈ ಕ್ರೆಟಾದ 1.6 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಯು 4000 ಆರ್ಪಿಎಂನಲ್ಲಿ 126 ಬಿಹೆಚ್ಪಿ ಪವರ್ ಮತ್ತು 1500-3000 ಆರ್ಪಿಎಂ ನಡುವೆ 240 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ನೊಂದಿಗೆ ಸ್ಟ್ಯಾಂಡರ್ಡ್ 6 ಸ್ಪೀಡ್ ಮ್ಯಾನುವಲ್ ಗೇರ್ಬಾಕ್ಸ್ ಅಳವಡಿಸಲಾಗಿದೆ.
ಹೊಸ ಬೇಸ್ ಮಾದರಿಯಲ್ಲಿ ಡೀಸೆಲ್ ಎಂಜಿನ್ ಸೇರ್ಪಡೆಯ ಹೊರತಾಗಿ ಹ್ಯುಂಡೈ ಕ್ರೆಟಾದ ಎರಡು ಲೋವರ್ ಸ್ಪೆಕ್ ರೂಪಾಂತಗಳಲ್ಲಿ ಬೇರೆ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಇ ಪ್ಲಸ್ ಮತು ಇಎಕ್ಸ್ ರೂಪಾಂತರಗಳು ಮೊದಲಿನಂತೆಯೇ ಅದೇ ವೈಶಿಷ್ಟ್ಯಗಳು ಮತ್ತು ಉಪಕರಗಳು ಹಾಗೇ ಮುಂದುವರೆಯಲಿವೆ, ಈ ವಿಭಾಗದಲ್ಲಿ ಯಾವುದೇ ಬದಲಾವಣೆಗಳು ಹೊಂದಿಲ್ಲ.
ಈ ಕಾರಿನಲ್ಲಿ ಒಆರ್ವಿಎಂಗಳು, ಸ್ಟೀಲ್ ವ್ಹೀಲ್, ಸಿಲ್ವರ್ ಸ್ಕಿಡ್ ಪ್ಲೇಟ್ಗಳ ಜೊತೆಯಲ್ಲಿ ಡ್ಯುಯಲ್ ಟೋನ್ ಬಂಪರ್ಗಳು ಮತ್ತು ಬ್ಲ್ಯಾಕ್/ಸಿಲ್ವರ್ ಗ್ರಿಲ್ಗಳಿವೆ. ಈ ಎರಡು ರೂಪಾಂತರಗಳಲ್ಲಿನ ಇತರ ವೈಶಿಷ್ಟ್ಯಗಳು ಫಾಲೋ-ಮಿ-ಹೋಮ್ ಹೆಡ್ಲ್ಯಾಂಪ್ಗಳು, ಇಂಟಿಗ್ರೇಟೆಡ್ ಎಲ್ಇಡಿ ಟರ್ನ್ ಸಿಗ್ನಲ್ಗಳೊಂದಿಗೆ ಎಲೆಕ್ಟ್ರಿಕ್ ಒರ್ವಿಎಂಗಳನ್ನು ಹೊಂದಿವೆ.
MOST READ: ಬೈಕ್ ಸವಾರನ ಪ್ರಾಣ ಉಳಿಸಿದ ಆಪಲ್ ವಾಚ್..!
ಹ್ಯುಂಡೈ ಕ್ರೆಟಾ ರೂಪಾಂತಗಳ ಕಾರಿನ ಇಂಟಿರಿಯರ್ನಲ್ಲಿ ಎಸಿ, ಹೊಂದಾಣಿಕ ಮಾಡಬಹುದಾದ ಚಾಲಕನ ಸೀಟ್, ಹಿಂಭಾಗದ ಎಸಿ ವೆಂಟ್ಸ್, ಸ್ಟೀರಿಂಗ್ ವ್ಹೀಲ್ಗಾಗಿ ಟಿಲ್ಟ್ ಪಂಕ್ಷನ್ ಮತ್ತು ಎಲೆಕ್ಟ್ರಿಕ್ ಟೈಲ್ಗೇಟ್ ಅನ್ನು ಹೊಂದಿದೆ.
MOST READ: ಖರೀದಿಸಿದ ಬೈಕ್ ಪಡೆಯಲು ಕಾನೂನು ಹೋರಾಟ ಮಾಡಿದ ಉದ್ಯಮಿ
ಇಎಕ್ಸ್ ಟ್ರಿಮ್ ಹೆಚ್ಚುವರಿಯಾಗಿ ರೇರ್ ಸೆಂಟ್ರಲ್ ಆರ್ಮ್ಮಸ್ಟ್ರೆಸ್ಟ್, ಎಲ್ಇಡಿ ಡಿಆರ್ಎಲ್, ಫ್ರಂಟ್ ಯುಎಸ್ಬಿ ಚಾರ್ಜರ್, ಸನ್ಗ್ಲಾಸ್ ಹೋಲ್ಡರ್ಗಳು, ಹೊಂದಾಣಿಕ ಮಾಡಬಹುದಾದ ಫ್ರಂಟ್ ಮತ್ತು ರೇರ್ ಹೆಡ್ರೆಸ್ಟ್, 5.0 ಇಂಚಿನ ಟಚ್ಸ್ಕ್ರೀನ್ ಇನ್ಪೋಟೈನ್ಮೆಂಟ್ ಸಿಸ್ಟಂ ಹ್ಯುಂಡೈನ ಐ-ಬ್ಲೂ ರಿಮೋಟ್ ಅಪ್ಲಿಕೇಶನ್ ಮತ್ತು ಮಲ್ಟಿ ಫಂಕ್ಷನ್ ಸ್ಟೀರಿಂಗ್ ವ್ಹೀಲ್ ಅನ್ನು ಹೊಂದಿದೆ.
MOST READ: ಕಳ್ಳತನವಾಗಿದ್ದ ಕಾರು ಫಾಸ್ಟ್ಟ್ಯಾಗ್ನಿಂದಾಗಿ ವಾಪಸ್ ಸಿಕ್ಕಿದ್ದೆ ಒಂದು ರೋಚಕ
ಹ್ಯುಂಡೈ ಕ್ರೆಟಾ ಇ ಪ್ಲಸ್ ಮತ್ತು ಇಎಕ್ಸ್ ರೂಪಾಂತರಗಳಲ್ಲಿ ಹೆಚ್ಚಿನ ಸುರಕ್ಷಾ ವೈಶಿಷ್ಟ್ಯಗಳನ್ನು ಅಳವಡಿಸಿದ್ದಾರೆ. ಸುರಕ್ಷತೆಗಾಗಿ ಫ್ರಂಟ್ ಏರ್ಬ್ಯಾಗ್, ಎಬಿಎಸ್ ಜೊತೆ ಇಬಿಡಿ, ರೇರ್ ಪಾರ್ಕಿಂಗ್ ಸೆನ್ಸಾರ್, ಡೇ/ನೈಟ್ ಐಆರ್ವಿಎಂ, ಫ್ರಂಟ್ ಸೀಟ್ಬೆಲ್ಟ್ ಪ್ರಿಟೆನ್ಷನರ್, ಹೈಸ್ಪೀಡ್ ವಾರ್ನಿಂಗ್ ಮತ್ತು ಸೀಟ್ ಬೆಲ್ಟೆ ರಿಮೈಂಡರ್ ಅನ್ನು ಅಳವಡಿಸಲಾಗಿದೆ.
Continue with Google