ಆಯ್ದ ಕಾರುಗಳ ಮೇಲೆ ಭಾರೀ ರಿಯಾಯ್ತಿ ಘೋಷಿಸಿದ ಟಾಟಾ ಮೋಟಾರ್ಸ್

ಆಟೋಮೊಬೈಲ್ ಕ್ಷೇತ್ರದಲ್ಲಿ ತೀವ್ರ ಕುಸಿತ ಕಂಡಿರುವ ಹಿನ್ನಲೆಯಲ್ಲಿ ಉತ್ಪಾದಿತ ವಾಹನಗಳ ಮಾರಾಟ ಮಾರಟ ಮಂದಗತಿಯಲ್ಲಿ ಸಾಗುವುದರಿಂದ ಸಂಕಷ್ಟಕ್ಕೆ ಸಿಲುಕಿರುವ ಹಲವು ವಾಹನ ಉತ್ಪಾದನಾ ಕಂಪನಿಗಳು ಗ್ರಾಹಕರನ್ನು ಸೆಳೆಯಲು ಭರ್ಜರಿ ರಿಯಾಯಿತಿ ದರವನ್ನು ಘೋಷಣೆ ಮಾಡಿತ್ತಿದೆ. ಇದೀಗ ಟಾಟಾ ಮೋಟಾರ್ಸ್ ಮುಂದಿನ ದಸಾರ ಮತ್ತು ದೀಪಾವಳಿ ಹಬ್ಬಗಳನ್ನು ಗಮನದಲ್ಲಿಟ್ಟುಕೊಂಡು ಭಾರೀ ರಿಯಾಯಿತಿ ಘೋಷಣೆ ಮಾಡಿದೆ.

ಟಾಟಾ ಮೋಟಾರ್ಸ್‍‍ನ ಪ್ರಮುಖ ಆಯ್ದ ಮಾದರಿಗಳಲ್ಲಿ ಮಾತ್ರ ರಿಯಾಯಿತಿ ಮತ್ತು ಇತರ ಕೊಡುಗೆಗಳು ಲಭ್ಯವಿರುತ್ತದೆ. ಇದರಲ್ಲಿ ಟಾಟಾ ಹೆಕ್ಸಾ, ಟಾಟಾ ಟಿಯಾಗೋ, ಟಾಟಾ ಟೈಗೊರ್, ಟಾಟಾ ಟಿಯಾಗು ಎನ್‍ಆರ್‍‍ಜಿ, ಟಾಟಾ ನೆಕ್ಸನ್ ಮತ್ತು ಹ್ಯಾರಿಯರ್ ಕಾರಿಗೆ ಈ ಕೊಡುಗೆಗಳು ಲಭ್ಯವಿರುತ್ತದೆ. ಟಾಟಾ ಮೋಟಾರ್ಸ್ ಕಾರುಗಳ ಮಾದರಿ ಮತ್ತು ಮಾರಾಟವಾಗುವ ಪ್ರದೇಶವನ್ನು ಆಧಾರಿಸಿ ರೂ. 50,000 ಸಾವಿರದಿಂದ ರೂ.1.50 ಲಕ್ಷದವರೆಗೆ ರಿಯಾಯಿತಿಯನ್ನು ನೀಡಲಾಗುವುದು.

ಟಾಟಾ ಟೈಗೊರ್

ಟಾಟಾ ಮೋಟಾರ್ಸ್ ತನ್ನ ಶೇಣ್ರಿಯ ಆಯ್ದ ಕಾರುಗಳಲ್ಲಿನ ರಿಯಾಯಿತಿ ಮತ್ತು ಕೊಡುಗೆಗಳು ಪ್ರತಿ ಗ್ರಾಹಕರ ಅಗತ್ಯಗಳಿಗೆ ತಕ್ಕಂತೆ ನೀಡಲಿದೆ. ನಗದು ಬಹುಮಾನ ಹೊರತಾಗಿ ಟಾಟಾ ಮೋಟಾರ್ಸ್ ಇತರ ವಿನಿಮಯ ಕೊಡುಗೆಗಳು, ಕಾರ್ಪೊರೇಟ್ ಪ್ರಯೋಜನಗಳು ಮತ್ತು ಸರ್ಕಾರಿ ನೌಕರರಿಗೆ ನಿರ್ದಿಷ್ಟ ಯೋಜನೆಗಳನ್ನು ಸಹ ನೀಡಲಾಗುವುದು ಎಂದು ಕಂಪನಿ ಘೋಷಿಸಿದೆ.

ಟಾಟಾ ಮೋರ್ಟಾಸ್ ಅನ್-ರೋಡ್ ಬೆಲೆಯ ಜೊತೆಗೆ ಕಡಿಮೆ ಇ‍ಎಂಐ ಪ್ಯಾಕೇಜ್‍‍ಗಳನ್ನು ನೀಡಲು ಕಂಪನಿಯು ಹಣಕಾಸು ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದೆ ಎಂದು ಕಂಪನಿ ತಿಳಿಸಿದೆ.

ಟಾಟಾ ಮೋಟಾರ್ಸ್ ಮಾರ್ಕೆಟಿಂಗ್ ಮತ್ತು ಕಸ್ಟಮರ್ ಸರ್ಪೋರ್ಟ್, ಸೆಲ್ಸ್ ವಿಭಾಗ ಉಪಾಧ್ಯಕ್ಷ ಎಸ್.ಎನ್ ಬಾರ್ಮನ್ ಮಾತನಾಡಿ, ಹಬ್ಬಗಳ ಕಾಲ ನಮಗೆ ಉತ್ತಮ ಸಮಯವಾಗಿದೆ. ಏಕೆಂದರೆ ನಾವು ನೀಡುವ ಕೊಡುಗೆಯೊಂದಿಗೆ ನಮ್ಮ ಗ್ರಾಹಕರ ಹಬ್ಬದಲ್ಲಿ ಆಚರಣೆಯಲ್ಲಿ ನಾವು ಕೂಡ ಭಾಗವಾಗುತ್ತೇವೆ. ಗ್ರಾಹಕರಿಗೆ ವಿವಿಧ ರೀತಿಯ ಕೊಡುಗೆಗಳನ್ನು ನೀಡುತ್ತಿದ್ದೇವೆ. ಈ ವರ್ಷ ನಮ್ಮ ಕೊಡುಗೆಗಳು ಹಿಂದಿನ ವರ್ಷಕ್ಕಿಂತ ಹೆಚ್ಚಾಗಿದೆ ಮತ್ತು ಉತ್ತಮವಾಗಿದೆ.

ಓಣಂ ಮತ್ತು ಗಣೇಶ ಚತುರ್ಥಿ ಹಬ್ಬದ ಗ್ರಾಹಕರಿಂದ ನಮಗೆ ಭಾರೀ ಉತ್ತಮ ಪ್ರತಿಕ್ರಿಯೆ ದೊರತಿದೆ. ಹಬ್ಬದ ಕಾಲದಲ್ಲಿ ಇಡೀ ದೇಶಕ್ಕೆ 'ಫೆಸ್ಟಿವಲ್ ಆಫ್ ಕಾರ್ಸ್' ಅಭಿಯಾನದ ಮೂಲಕ ನಮ್ಮ ಗ್ರಾಹಕರಿಗೆ ಹಬ್ಬಕ್ಕೆ ವಿಶೇಷ ಕೊಡುಗೆ ನೀಡುವ ಮೂಲಕ ಹಬ್ಬಕೆ ಬೇಕಾದ ಮೆರಗನ್ನು ನೀಡುವಲ್ಲಿ ಸಹಕಾರಿಯಾಗಿದೆ.

MOST READ: ಸೀಟ್ ಬೆಲ್ಟ್ ಧರಿಸದ ಪೊಲೀಸರನ್ನೇ ಅಡ್ಡಗಟ್ಟಿದ ಭೂಪ..!

ಈ ವರ್ಷ ಹಬ್ಬದ ವಿಶೇಷವಾದ ಕೊಡುಗೆಗಳು ಖರೀದಿದಾರರಿಗೆ ಭಾರಿ ಉತ್ತೇಜನವನ್ನು ನೀಡುತ್ತದೆ ಎಂದು ನಾವು ಭಾವಿಸುತ್ತೇವೆ, ಇದರಿಂದಾಗಿ ಅವರಿಗೆ ನಮ್ಮ ಬ್ರಾಂಡ್‌ನೊಂದಿಗೆ ಉತ್ತಮ ಒಡನಾಟವನ್ನು ಬೆಳೆಸಿಕೊಳ್ಳುತ್ತೇವೆ. ನಮ್ಮ ಎಲ್ಲ ಗ್ರಾಹಕರು ಮತ್ತು ಪಾಲುದಾರರಿಗೆ ಹಬ್ಬದ ಶುಭಾಶಯಗಳನ್ನು ಕೋರುತ್ತೇವೆ ಎಂದು ಹೇಳಿದರು.

MOST READ: ತಡೆದು ನಿಲ್ಲಿಸಿದ್ದು ಒಂದು ಕಾರಣಕ್ಕೆ, ದಂಡ ವಿಧಿಸಿದ್ದು ಇನ್ನೊಂದಕ್ಕೆ..!

ಟಾಟಾ ಮೋಟಾರ್ಸ್ ತನ್ನ ಶ್ರೇಣಿಯಲ್ಲಿ ಆಯ್ದ ಕಾರುಗಳಿಗೆ ವಿಶೇಷ ಕೊಡುಗೆಗಳನ್ನು ರಿಯಾಯಿತಿಗಳನ್ನು ಅಧಿಕೃತವಾಗಿ ಘೋಷಿಸಿದೆ. ಆರ್ಥಿಕ ಹಿಂಜರಿತದ ಸಮಯದಲ್ಲಿ ಟಾಟಾ ಮೋಟಾರ್ಸ್ ಈ ವರ್ಷದ ಹಬ್ಬದ ಕಾಲದಲ್ಲಿ ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸಲು ಯತ್ನಿಸುತ್ತಿದೆ.