ಮೊಬಿಲಿಟಿ ಸೇವೆ ನೀಡಲು ಡಬ್ಲ್ಯು‍ಆರ್‍ಐ ಜೊತೆ ಕೈಜೋಡಿಸಿದ ಟೊಯೊಟಾ

ಟೊಯೊಟಾ ಪ್ರಕಟಣೆಯ ಮೂಲಕ, ಈ ಇಕೊ ಸಿಸ್ಟಂ ನಿರ್ಮಿಸುವುದು ದಟ್ಟಣೆ ಹಾಗೂ ಮಾಲಿನ್ಯದಂತಹ ಸವಾಲುಗಳಿಂದ ಕೂಡಿದೆ. ಆದರೆ ಒರಿಜಿನಲ್ ಎಕ್ವಿಪ್‍‍ಮೆಂಟ್ ಮ್ಯಾನುಫ್ಯಾಕ್ಚರರ್ ಹಾಗೂ ವಿನ್ಯಾಸಕಾರರಿಗೆ ಕಾರ್ಯಸಾಧ್ಯವಾದ ಹಾಗೂ ಗಣನೀಯ ಪ್ರಮಾಣದ ಸಾರಿಗೆ ವಿಧಾನಗಳನ್ನು ಅಭಿವೃದ್ಧಿಪಡಿಸಲು ಅನುವು ಮಾಡಿಕೊಡುತ್ತದೆ. ಅದು ವೆಚ್ಚ-ಪರಿಣಾಮಕಾರಿ, ಆರಾಮದಾಯಕವಾಗಿದ್ದು ಹಾಗೂ ಸುಲಭವಾಗಿ ಪಡೆಯಬಹುದು ಎಂದು ಹೇಳಿದೆ.

ಸ್ಟೇಷನ್ ಆಕ್ಸೆಸ್ ಮೊಬಿಲಿಟಿ ಪ್ರೋಗ್ರಾಂ ಮೆಟ್ರೊದಂತಹ ನಗರಗಳಲ್ಲಿ ಸಾಮೂಹಿಕ ಸಾರಿಗೆ ವ್ಯವಸ್ಥೆಗೆ ಮೊದಲ ಹಾಗೂ ಕೊನೆಯ ಸಂಪರ್ಕ ಪರಿಹಾರಗಳನ್ನು ನೀಡುತ್ತದೆ. ಪ್ರಯಾಣಿಕರನ್ನು ಹೆಚ್ಚಿಸುವ ಮೂಲಕ ಹಾಗೂ ಸಾರ್ವಜನಿಕರಿಗೆ ತಡೆರಹಿತ ಮೊಬಿಲಿಟಿಯನ್ನು ಅಭಿವೃದ್ಧಿಪಡಿಸುವ ಮೂಲಕ ಸಾಮೂಹಿಕ ಸಾಗಣೆಗೆ ಅನುಕೂಲವಾಗುವಂತಹ ಈ ಕ್ರಮವು ಸರ್ಕಾರವನ್ನು ಬೆಂಬಲಿಸುತ್ತದೆ.

ಟೊಯೊಟಾ ಮೊಬಿಲಿಟಿ ಫೌಂಡೇಶನ್‌ನ ಏಷ್ಯಾ ಪ್ರದೇಶದ ಕಾರ್ಯಕ್ರಮ ನಿರ್ದೇಶಕರಾದ ಪ್ರಾಸ್ ಗಣೇಶ್‍‍ರವರು ಮಾತನಾಡಿ, ಭಾರತೀಯ ಉಪಖಂಡದಲ್ಲಿ ನಗರ ಸಾರಿಗೆಯ ಜನಪ್ರಿಯತೆಯು ಹೆಚ್ಚಾಗುತ್ತಿರುವ ಕಾರಣಕ್ಕೆ ಕೊನೆಯ ಮೈಲಿ ಕನೆಕ್ಟಿವಿಟಿ ಕಲ್ಪಿಸಲು ಟೊಯೊಟಾ ಕೈಗೆಟಕುವ, ಹೊಸದಾದ ಹಾಗೂ ಸುಲಭವಾಗಿ ಪ್ರವೇಶಿಸಬಹುದಾದ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವುದು ಕಡ್ಡಾಯವಾಗಿದೆ ಎಂದು ಹೇಳಿದರು.

ಸಾರ್ವಜನಿಕರ ಸಹಕಾರವಿಲ್ಲದೇ ಬದಲಾವಣೆ ಸಾಧ್ಯವಿಲ್ಲವೆಂಬುದು ಟೊಯೊಟಾ ಕಂಪನಿಯ ಅಭಿಪ್ರಾಯವಾಗಿದೆ. ಇದರ ಜೊತೆಗೆ ಪ್ರಮುಖ ವಿಷಯಗಳ ಮೇಲೆ ಸಂವಾದಗಳು ಹಾಗೂ ಅವುಗಳಿಗೆ ಪರಿಹಾರಗಳೂ ಸಹ ಬೇಕಾಗಿವೆ. ಮೊಬಿಲಿಟಿ ಪಾಲುದಾರರೊಂದಿಗೆ ಕೈಜೋಡಿಸುವ ಮೂಲಕ ಹಾಗೂ ಮೊಬಿಲಿಟಿಯ ಅಗತ್ಯ ಹಾಗೂ ಅವುಗಳಿಗೆ ಪರಿಹಾರಗಳನ್ನು ಕಲ್ಪಿಸುವ ಮೂಲಕ ಸಮುದಾಯಗಳ ಮಹತ್ವವನ್ನು ಬಲಪಡಿಸಲು ಟೊಯೊಟಾ ಕಂಪನಿಯು ಉದ್ದೇಶಿಸಿದೆ.

MOST READ: ಹಳೆ ವಾಹನವನ್ನು ಗುಜರಿಗೆ ಹಾಕುವ ಮಾಲೀಕರಿಗೆ ಆಫರ್

ಗಣೇಶ್‍‍ರವರು ಮಾತನಾಡಿ, ಸುಸ್ಥಿರ ಸಾರಿಗೆ ವ್ಯವಸ್ಥೆಯು ಸುಸ್ಥಿರ ನಗರ ಅಭಿವೃದ್ಧಿಯ ಪ್ರಮುಖ ಅಂಶವೆಂದು ನಾವು ನಂಬುತ್ತೇವೆ. ಸರ್ಕಾರಿ ಅಧಿಕಾರಿಗಳು, ಪ್ರಮುಖ ಪಾಲುದಾರರು, ನಮ್ಮ ಮೊಬಿಲಿಟಿಯ ಪಾಲುದಾರರು ಸೇರಿದಂತೆ ನಮ್ಮ ಪಾಲುದಾರರಿಂದ ಪಡೆದ ಸಕಾರಾತ್ಮಕ ಪ್ರತಿಕ್ರಿಯೆ ನಾವೆಲ್ಲರೂ ಹಂಚಿಕೊಳ್ಳುವ ಸಾಮಾನ್ಯ ನಂಬಿಕೆಯನ್ನು ನಿಜವಾಗಿಯೂ ತೋರಿಸುತ್ತದೆ. ನಾವು ಯಾವಾಗಲೂ ಹೊಸತನವನ್ನು ನೀಡುತ್ತಾ ಬಂದಿದ್ದು, ಗ್ರಾಹಕರಿಗೆ ತಡೆರಹಿತ ಮೊಬಿಲಿಟಿಯ ಅನುಭವವನ್ನು ನೀಡುತ್ತೇವೆ ಎಂದು ಹೇಳಿದರು.

MOST READ: ಕೈಕೊಟ್ಟ ದುಬಾರಿ ಬೆಲೆಯ ಕಾರಿನ ಬ್ರೇಕ್..!

ಟೊಯೊಟಾ ಮೊಬಿಲಿಟಿ ಫೌಂಡೇಶನ್ ಹಾಗೂ ಡಬ್ಲ್ಯುಆರ್‌ಐಗಳು ಭಾರತದಲ್ಲಿ ಮೊಬಿಲಿಟಿ ಸೇವೆಗಳನ್ನು ನೀಡುತ್ತಿರುವ ಬೌನ್ಸ್, ಮೊಬಿಸಿ, ಬೈಕರ್, ಕ್ವಿಕ್‌ರೈಡ್ ಹಾಗೂ ಕಾನ್‌ಸ್ಟಾಪಾರ್ಕ್‌ಗಳೊಂದಿಗೂ ಕಾರ್ಯನಿರ್ವಹಿಸುತ್ತವೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

ಇದೊಂದು ಬೃಹತ್ ಯೋಜನೆಯಾಗಿದೆ. ನಾಲ್ಕು ಮೆಗಾ ನಗರಗಳಿಗೆ ಮೊಬಿಲಿಟಿ ಸೇವೆಗಳನ್ನು ನೀಡುವುದು ನಿಜಕ್ಕೂ ಸವಾಲಿನ ಕಾರ್ಯವಾಗಿದೆ, ಆದರೆ ಟೊಯೊಟಾ ಕಂಪನಿಯು ಸದಾ ಸವಾಲುಗಳನ್ನು ಎದುರಿಸುತ್ತಾ ಬಂದಿದೆ. 814 ಮಿಲಿಯನ್ ಜನರಿಗೆ ಸೇವೆ ನೀಡುವುದು ನಿಜಕ್ಕೂ ಶ್ಲಾಘನೀಯ.