ಇನ್ನು ನಾಲ್ಕು ವರ್ಷಗಳಲ್ಲಿ ರಸ್ತೆಗಿಳಿಯಲಿವೆ ಆಟೋಮ್ಯಾಟಿಕ್ ಆಗಿ ಚಲಿಸುವ ಆ್ಯಪಲ್ ಕಂಪನಿಯ ಕಾರುಗಳು

ಆ್ಯಪಲ್ ಕಂಪನಿಯು ಈಗ ಆಟೋಮೊಬೈಲ್ ಉದ್ಯಮಕ್ಕೂ ಕಾಲಿಡಲು ಸಿದ್ದತೆಯನ್ನು ನಡೆಸುತ್ತಿದೆ ಎಂಬ ಮಾಹಿತಿ ಹೊರಬಂದಿದೆ. ವರದಿಗಳ ಪ್ರಕಾರ, ಆ್ಯಪಲ್ ಕಂಪನಿಯು ಆಟೋಮ್ಯಾಟಿಕ್ ಆಗಿ ಚಲಿಸುವ ಕಾರುಗಳನ್ನು ತಯಾರಿಸಲಿದೆ. ಈ ಕಾರುಗಳು 2024ರಲ್ಲಿ ರಸ್ತೆಗಿಳಿಯಲಿವೆ. ಈ ಕಾರುಗಳಿಗಾಗಿ ಆ್ಯಪಲ್ ಕಂಪನಿಯು ತನ್ನದೇ ಆದ ಬ್ಯಾಟರಿ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುತ್ತಿದೆ.

ಕಡಿಮೆ ಬೆಲೆಯನ್ನು ಹೊಂದಲಿರುವ ಈ ಬ್ಯಾಟರಿಗಳು, ಕಾರುಗಳು ಹೆಚ್ಚು ದೂರ ಚಲಿಸುವಂತೆ ಮಾಡುತ್ತವೆ. ಸದ್ಯಕ್ಕೆ ಈ ಕಾರಿನ ಬ್ಯಾಟರಿಯ ಬಗ್ಗೆ ಹೆಚ್ಚಿನ ವಿವರಗಳು ಬಹಿರಂಗಗೊಂಡಿಲ್ಲ. ಆ್ಯಪಲ್ ಕಾರುಗಳ ಆಪ್ಟಿಮೈಸೇಶನ್ ಬಗೆಗಿನ ಮಾಹಿತಿ ಮಾತ್ರ ಬಹಿರಂಗವಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಮಾಹಿತಿಯ ಆಧಾರದ ಮೇಲೆ ಆ್ಯಪಲ್ ಕಂಪನಿಯಿಂದ ಒಳ್ಳೆಯ ಕಾರನ್ನು ನಿರೀಕ್ಷಿಸಬಹುದು. ಕಂಪನಿಯು ಇತ್ತೀಚಿಗೆ ತನ್ನ ಲ್ಯಾಪ್‌ಟಾಪ್ ಬ್ಯಾಟರಿ ಅವಧಿಯನ್ನು ದ್ವಿಗುಣಗೊಳಿಸಿ ಟೆಕ್ ಜಗತ್ತಿಗೆ ದೊಡ್ಡ ಅಚ್ಚರಿಯನ್ನು ನೀಡಿತ್ತು.

ಬ್ಯಾಟರಿ ಅವಧಿಯನ್ನು ಹೆಚ್ಚಿಸಲು ಆ್ಯಪಲ್ ಕಂಪನಿಯು ಎಂ 1 ಚಿಪ್ ಅನ್ನು ಬಳಸಿದೆ. ಆದರೆ ಕಾರುಗಳು ಸಂಪೂರ್ಣವಾಗಿ ವಿಭಿನ್ನವಾಗಿರಲಿವೆ. ಆದರೆ ಆ್ಯಪಲ್ ಬ್ಯಾಟರಿ ಆಪ್ಟಿಮೈಸೇಶನ್‌ನಲ್ಲಿ ಪ್ರಮುಖ ಕಂಪನಿಯಾಗಿದೆ. ಕಂಪನಿಯು ಆಟೋಮ್ಯಾಟಿಕ್ ಆಗಿ ಚಲಿಸುವ ಕಾರನ್ನು ಉತ್ಪಾದಿಸಲಿದೆ ಎಂಬುದು ವಿಶೇಷ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಆ್ಯಪಲ್ 2014ರಲ್ಲಿ ಪ್ರಾಜೆಕ್ಟ್ ಟೈಟಾನ್ ಅನ್ನು ಆರಂಭಿಸಿತು. ಇದರನ್ವಯ ಕಂಪನಿಯು ತನ್ನ ವಾಹನವನ್ನು ವಿನ್ಯಾಸಗೊಳಿಸಿತ್ತು. ಆದರೆ 2017ರಲ್ಲಿ ಸಾಫ್ಟ್‌ವೇರ್‌ನತ್ತ ಗಮನ ಹರಿಸುವ ಪ್ರಯತ್ನಗಳನ್ನು ಹಿಂತೆಗೆದುಕೊಂಡ ಹಿನ್ನೆಲೆಯಲ್ಲಿ ಈ ಯೋಜನೆಯು ಸ್ಥಗಿತಗೊಂಡಿತು.

ಈಗ ಕಂಪನಿಯು ಗ್ರಾಹಕರಿಗಾಗಿ ಆಟೋಮ್ಯಾಟಿಕ್ ಆಗಿ ಚಲಿಸುವ ಕಾರನ್ನು ಉತ್ಪಾದಿಸುವ ಗುರಿಯನ್ನು ಹೊಂದಿದೆ. ಬ್ಯಾಟರಿ ತಂತ್ರಜ್ಞಾನದಲ್ಲಿ ಯಶಸ್ಸನ್ನು ಕಂಡಿರುವ ಆ್ಯಪಲ್ ಕಂಪನಿಯು 2024ರ ವೇಳೆಗೆ ಪ್ಯಾಸೆಂಜರ್ ಕಾರನ್ನು ಬಿಡುಗಡೆಗೊಳಿಸುವ ಗುರಿಯನ್ನು ಹೊಂದಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಆ್ಯಪಲ್ ಕಂಪನಿಯು ಮೂಲತಃ ಕಾರು ತಯಾರಕ ಕಂಪನಿಯಲ್ಲ. ಈ ಕಾರಣಕ್ಕೆ ಕಂಪನಿಯು ಕಾರನ್ನು ಉತ್ಪಾದಿಸಲು ಬೇರೆ ಕಾರು ತಯಾರಕ ಕಂಪನಿಯೊಂದಿಗೆ ಪಾಲುದಾರಿಕೆಯನ್ನು ಮಾಡಿಕೊಳ್ಳುವ ಸಾಧ್ಯತೆಗಳಿವೆ.

ಆ್ಯಪಲ್ ಕಂಪನಿಯು ಆಟೋಮ್ಯಾಟಿಕ್ ಆಗಿ ಚಲಿಸುವ ಕಾರುಗಳಿಗಾಗಿ ಸಾಫ್ಟ್‌ವೇರ್ ಹಾಗೂ ಇಂಟೆಲಿಜೆನ್ಸ್ ಅನ್ನು ತಯಾರಿಸುವ ಸಾಧ್ಯತೆಗಳಿವೆ. ಆ್ಯಪಲ್ ಕಂಪನಿಯು 2024ರ ವೇಳೆಗೆ ಆಟೋಮ್ಯಾಟಿಕ್ ಆಗಿ ಚಲಿಸುವ ಕಾರುಗಳನ್ನು ಬಿಡುಗಡೆಗೊಳಿಸುವ ಗುರಿಯನ್ನು ಹೊಂದಿದ್ದರೂ ಕರೋನಾ ವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ ಈ ಗಡುವು ಮತ್ತಷ್ಟು ಮುಂದೂಡಿಕೆಯಾಗಬಹುದು.

ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.