Click it and Unblock the Notifications
ಆಗಸ್ಟ್ ತಿಂಗಳ ಮಾರಾಟದಲ್ಲಿ ಬೆಳವಣಿಗೆ ಸಾಧಿಸಿದ ಟಾಟಾ ಹ್ಯಾರಿಯರ್ ಎಸ್ಯುವಿ
ಟಾಟಾ ಹ್ಯಾರಿಯರ್ ಎಸ್ಯುವಿಯು 2019ರ ಜನವರಿ ತಿಂಗಳಲ್ಲಿ ಬಿಡುಗಡೆಗೊಂಡ ಆರಂಭದಲ್ಲಿ ಭರ್ಜರಿಯಾಗಿ ಮಾರಾಟವಾಗುತ್ತಿತ್ತು, ಆದರೆ ನಂತರದ ಕೆಲವು ತಿಂಗಳಲ್ಲಿ ಎಂಜಿ ಹೆಕ್ಟರ್ ಮತ್ತು ಕಿಯಾ ಸೆಲ್ಟೋಸ್ ಎಸ್ಯುವಿಗಳ ಆಗಮನದೊಂದಿಗೆ ಹ್ಯಾರಿಯರ್ ಮಾರಾಟದಲ್ಲಿ ದೊಡ್ಡ ಮಟ್ಟದಲ್ಲಿ ಕುಸಿತವನ್ನು ಕಂಡಿತು.
2019ರ ಟಾಟಾ ಹ್ಯಾರಿಯರ್ ಎಸ್ಯುವಿಯಲ್ಲಿ ಡ್ಯುಯಲ್ ಟೋನ್ ಅಲಾಯ್ ವ್ಹೀಲ್ ಮತ್ತು ಪನರೋಮಿಕ್ ಸನ್ರೂಫ್ ಹೊಂದಿರಲಿಲ್ಲ. ಈ ಎಸ್ಯುವಿಯು ಕಡಿಮೆ 140 ಬಿಹೆಚ್ಪಿ ಪವರ್ ಜೊತೆ ಡೀಸೆಲ್ ಎಂಜಿನ್ ಜೊತೆಯಲ್ಲಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಅನ್ನು ನೀಡಲಾಗಿತ್ತು. ಇದರಿಂದ ಹೆಚ್ಚಿನ ಗ್ರಾಹಕರು ಇತರ ಎಸ್ಯುವಿಗಳನ್ನು ಆಯ್ಕೆ ಮಾಡಿದರು. ಆದರೆ ಈ ವರ್ಷದ ಜನವರಿಯಲ್ಲಿ ಟಾಟಾ ಹ್ಯಾರಿಯರ್ ಅನ್ನು ಅಪ್ಡೇಟ್ ಮಾಡಿದರು.
ಈ ವರ್ಷದಲ್ಲಿ ಆರಂಭದಲ್ಲಿ ಟಾಟಾ ಹ್ಯಾರಿಯರ್ ಎಸ್ಯುವಿಯಲ್ಲಿ ದೊಡ್ದ ಅಲಾಯ್ ವ್ಹೀಲ್ ಗಳು, ಹೆಚ್ಚು ಪವರ್ ಫುಲ್ 170 ಬಿಹೆಚ್ಪಿ ಪವರ್ ಉತ್ಪಾದಿಸುವ ಡೀಸೆಲ್ ಎಂಜಿನ್ ಅನ್ನು ನೀಡಿದರು.
MOST READ: ಅನಾವರಣವಾಯ್ತು ಬಿಎಂಡಬ್ಲ್ಯು ಎಕ್ಸ್7 ಡಾರ್ಕ್ ಶ್ಯಾಡೋ ಎಸ್ಯುವಿ
ಇನ್ನು 2020ರ ಆಗಸ್ಟ್ ತಿಂಗಳಲ್ಲಿ ಹ್ಯಾರಿಯರ್ ಎಸ್ಯುವಿಯ 1,694 ಯುನಿಟ್ಗಳು ಮಾರಾಟವಾಗಿವೆ. 2020ರ ಟಾಟಾ ಹ್ಯಾರಿಯರ್ ಎಸ್ಯುವಿಯ ಮಾರಾಟದಲಿ ಉತ್ತಮ ಬೆಳವಣಿಗೆಯನ್ನು ಸಾಧಿಸಿದೆ.
2019ರ ಆಗಸ್ಟ್ ತಿಂಗಳ ಮಾರಾಟವನ್ನು ಈ ವರ್ಷದ ಆಗಸ್ಟ್ ತಿಂಗಳಿಗೆ ಹೋಲಿಸಿದರೆ ಶೇ.167 ರಷ್ಟು ಬೆಳವಣಿಗೆಯನ್ನು ಸಾಧಿಸಿದೆ. ಆದರೆ ತನ್ನ ಎಸ್ಯುವಿ ವಿಭಾಗದ ಮಾರಾಟದಲ್ಲಿ ಅಗ್ರಸ್ಥಾನವನ್ನು ಗಳಿಸುವಲ್ಲಿ ಯಶ್ವಸಿಯಾಗಿದೆ.
MOST READ: ಮರ್ಸಿಡಿಸ್ ಬೆಂಝ್ ಜಿಎಲ್ಇ ಎಸ್ಯುವಿಯ ಎರಡು ಹೊಸ ರೂಪಾಂತರಗಳು ಬಿಡುಗಡೆ
2020ರ ಆಗಸ್ಟ್ ತಿಂಗಳಲ್ಲಿ ಎಂಜಿ ಹೆಕ್ಟರ್ ಎಸ್ಯುವಿಯ 2,732 ಯುನಿಟ್ಗಳು ಮಾರಾಟವಾಗಿವೆ. ಈ ಎಂಜಿ ಹೆಕ್ಟರ್ ಈ ಎಸ್ಯುವಿಯಲ ಮಾರಾಟದ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದೆ.
ಹೆಕ್ಟರ್ ಜೊತೆ ಹೆಕ್ಟರ್ ಪ್ಲಸ್ ಮಾರಾಟವನ್ನೂ ಒಳಗೊಂಡಿದೆ ಎಂಬುದನ್ನು ಗಮನಿಸಬೇಕಾದ ಅಂಶವಾಗಿದೆ. ಎಂಜಿ ಹೆಕ್ಟರ್ ಮತ್ತು ಹೆಕ್ಟರ್ ಪ್ಲಸ್ ಮಾರಾಟದ ಪ್ರತ್ಯೇಕ ಸಂಖ್ಯೆಗಳನು ಎಂಜಿ ಸಂಸ್ಥೆಯು ಬಹಿರಂಗಪಡಿಸಲಿಲ್ಲ.
MOST READ: ಮಾರಾಟದಲ್ಲಿ ಹೊಸ ಮೈಲಿಗಲ್ಲು ಸಾಧಿಸಿದ ಹೋಂಡಾ ಆಮೇಜ್ ಕಾರು
ಹೆಕ್ಟರ್ ಎಸ್ಯುವಿಯು ಪೆಟ್ರೋಲ್ ಜೊತೆಗೆ ಡೀಸೆಲ್ ಎಂಜಿನ್ ಆಯ್ಕೆಯೊಂದಿಗೆ ಲಭ್ಯವಿದೆ. ಇದರಿಂದ ಈ ವಿಭಾಗದಲ್ಲಿ ಎಂಜಿ ತನ್ನ ಮುನ್ನಡೆ ಕಾಯ್ದುಕೊಳ್ಳಲು ಸಹಕಾರಿಯಾಗಿದೆ. ಎಂಜಿ ಹೆಕ್ಟರ್ ಮಾರಾಟದಲ್ಲಿ ಸುಮಾರು ಶೇ.50 ಪೆಟ್ರೋಲ್ ಮಾದರಿಗಳಾದರೆ ಉಳಿದ ಶೇ,50 ಡೀಸೆಲ್ ಮಾದರಿಗಳಾಗಿದೆ
ಟಾಟಾ ಕಂಪನಿಯು ಕೂಡ ಹ್ಯಾರಿಯರ್ ಎಸ್ಯುವಿಯನ್ನು ಪೆಟ್ರೋಲ್ ಆವೃತ್ತಿಯಲ್ಲಿ ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಈ ಟಾಟಾ ಹ್ಯಾರಿಯರ್ ಪೆಟ್ರೋಲ್ ಮಾದರಿಯು ಭಾರತದಲ್ಲಿ ಸ್ಪಾಟ್ ಟೆಸ್ಟ್ ಅನ್ನು ನಡೆಸಿದೆ. ಶೀಘ್ರದಲ್ಲೇ ಈ ಹೊಸ ಟಾಟಾ ಹ್ಯಾರಿಯರ್ ಪೆಟ್ರೊಲ್ ಆವೃತ್ತಿಯು ಬಿಡುಗಡೆಯಾಗಬಹುದು ಎಂದು ನಿರೀಕ್ಷಿಸುತ್ತೇವೆ.
Continue with Google