ದೀಪಾವಳಿ ಸಂಭ್ರಮ: ಗಗನಕ್ಕೇರಿದ ವಾಹನ ಮಾರಾಟ ಪ್ರಮಾಣ

ಸುಮಾರು 4 ತಿಂಗಳವರೆಗೆ ವಾಹನ ಮಾರಾಟವು ಕುಸಿಯುತ್ತಲೇ ಇತ್ತು. ಕರೋನಾ ವೈರಸ್ ಹರಡಬಹುದೆಂಬ ಭೀತಿಯಿಂದಾಗಿ ಜನರು ಸಾರ್ವಜನಿಕ ಸಾರಿಗೆಗಳಲ್ಲಿ ಸಂಚರಿಸುವ ಬದಲು ತಮ್ಮ ಸ್ವಂತ ವಾಹನಗಳಲ್ಲಿ ಸಂಚರಿಸುವುದಕ್ಕೆ ಆದ್ಯತೆ ನೀಡಿದ ಕಾರಣ ವಾಹನ ಮಾರಾಟ ಪ್ರಮಾಣವು ಏರಿಕೆಯಾಗಿದೆ. ಈಗ ಹಬ್ಬದ ಹಿನ್ನೆಲೆಯಲ್ಲಿ ವಾಹನ ಮಾರಾಟವು ಮತ್ತಷ್ಟು ಹೆಚ್ಚಿದೆ.

ಭಾರತದ ನಗರವೊಂದರಲ್ಲಿ ವಾಹನ ಮಾರಾಟ ಪ್ರಮಾಣವು ನಂಬಲಾಸಾಧ್ಯ ರೀತಿಯಲ್ಲಿ ಏರಿಕೆಯಾಗಿದೆ ಎಂದು ವರದಿಯಾಗಿದೆ. ಮಧ್ಯಪ್ರದೇಶದ ಭೋಪಾಲ್ ನಗರದಲ್ಲಿ ವಾಹನಗಳು ಅತಿ ಹೆಚ್ಚು ಮಾರಾಟವಾಗಿವೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಬಗ್ಗೆ ಮಾತನಾಡಿರುವ ಭೋಪಾಲ್ ನಗರದ ಆಟೋಮೊಬೈಲ್ ಅಸೋಸಿಯೇಶನ್ ಅಧ್ಯಕ್ಷರಾದ ಆಶಿಶ್ ಪಾಂಡೆ, ಪ್ರಮುಖ ಕಂಪನಿಗಳ ವಾಹನಗಳು ಈಗಾಗಲೇ ಮಾರಾಟವಾಗಿವೆ. ಆದರೂ ವಾಹನಗಳಿಗೆ ಬುಕ್ಕಿಂಗ್ ಮುಂದುವರೆದಿದೆ ಎಂದು ಹೇಳಿದರು.

ಸಾಕಷ್ಟು ಜನರು ದೀಪಾವಳಿಗಿಂತ ಮುಂಚಿತವಾಗಿ ವಾಹನಗಳನ್ನು ಬುಕ್ಕಿಂಗ್ ಮಾಡಿದ್ದಾರೆ. ವಾಹನಗಳ ಕಾಯುವ ಅವಧಿ ದೀರ್ಘವಾಗಿದೆ ಎಂದು ತಿಳಿದಿದ್ದರೂ ಹೊಸ ವಾಹನಗಳನ್ನು ಬುಕ್ಕಿಂಗ್ ಮಾಡುತ್ತಿದ್ದಾರೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಇದರಿಂದಾಗಿ ದೀಪಾವಳಿಯ ನಂತರವೂ ವಾಹನ ಮಾರಾಟವು ಏರಿಕೆಯಾಗುವ ನಿರೀಕ್ಷೆಗಳಿವೆ. ಕಳೆದ ವರ್ಷ ಈ ಅವಧಿಯಲ್ಲಿ 3,500ರಿಂದ 4,000 ವಾಹನಗಳು ಮಾರಾಟವಾಗಿದ್ದವು ಎಂದು ಅವರು ಹೇಳಿದರು.

ಈ ವರ್ಷವೂ ಇದೇ ರೀತಿ ಮಾರಾಟವಾಗುವ ನಿರೀಕ್ಷೆಗಳಿವೆ. ವಿಶೇಷವಾಗಿ ಧಂತೆರಾಸ್ ದಿನದಂದು ಹೆಚ್ಚು ವಾಹನಗಳು ಮಾರಾಟವಾಗಿವೆ. ದ್ವಿಚಕ್ರ ವಾಹನ ಮಾರಾಟವು ಮುಂಬರುವ ದಿನಗಳಲ್ಲಿ ಹೆಚ್ಚುವ ಸಾಧ್ಯತೆಗಳಿವೆ ಎಂದು ಅವರು ತಿಳಿಸಿದರು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ದೇಶಿಯ ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಯ ಎಸ್‌ಯುವಿಗಳನ್ನು ಬಿಡುಗಡೆಗೊಳಿಸುತ್ತಿರುವುದರಿಂದ ಎಸ್‌ಯುವಿಗಳ ಮಾರಾಟವು ಗಗನಕ್ಕೇರುತ್ತಿದೆ. ಕರೋನಾ ವೈರಸ್ ಭಯದಿಂದಾಗಿಯೂ ಜನರು ಸಾರ್ವಜನಿಕ ವಾಹನಗಳ ಬದಲು ಸ್ವಂತ ವಾಹನಗಳತ್ತ ಸಾಗುತ್ತಿದ್ದಾರೆ ಎಂದು ಆಶಿಶ್ ಪಾಂಡೆ ಹೇಳಿದರು.

ದ್ವಿಚಕ್ರ ವಾಹನ ಮಾರಾಟದ ಬಗ್ಗೆ ಮಾತನಾಡಿದ ಆಶಿಶ್ ಪಾಂಡೆ, ಧಂತೆರಾಸ್ ದಿನದಂದು ಸುಮಾರು 6,000-7,000 ದ್ವಿಚಕ್ರ ವಾಹನಗಳು ಮಾರಾಟವಾಗಿವೆ. ಕಳೆದ ವರ್ಷ ಸುಮಾರು 10,000 ದ್ವಿಚಕ್ರ ವಾಹನಗಳು ಮಾರಾಟವಾಗಿದ್ದವು. ವಾಹನಗಳ ಮಾರಾಟವು ನಿಧಾನವಾಗಿ ಹೆಚ್ಚಾಗುತ್ತಿದೆ ಎಂದು ಹೇಳಿದರು.