ಟ್ರಾಫಿಕ್ ಕಿರಿಕಿರಿಗೆ ಮುಕ್ತಿ ನೀಡಲಿವೆ ಈ ಹಾರುವ ಕಾರುಗಳು

ಇಸ್ರೇಲಿನ ಏರೋನಾಟಿಕ್ಸ್ ಕಂಪನಿಯಾದ ಅರ್ಬನ್ ಏರೋನಾಟಿಕ್ಸ್ ಹಾರುವ ಕಾರುಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಕಂಪನಿಯು ಈ ಹಾರುವ ಕಾರುಗಳಿಗೆ ಸಿಟಿ ಹಾಕ್ ಇವಿಟೋಲ್ ಎಂಬ ಹೆಸರನ್ನಿಟ್ಟಿದ್ದು, ಅದರ ಮೂಲಮಾದರಿಯನ್ನು ಸಿದ್ಧಪಡಿಸಿದೆ. ವಿಶೇಷವೆಂದರೆ ಈ ಹಾರುವ ಕಾರುಗಳಲ್ಲಿ ರೆಕ್ಕೆಗಳಾಗಲಿ, ರೋಟರ್ ಗಳಾಗಲಿ ಇಲ್ಲ. ಇದರಿಂದ ಯಾವುದೇ ತೊಂದರೆಯಿಲ್ಲದೆ ಈ ಹಾರುವ ಕಾರುಗಳನ್ನು ಎಲ್ಲಿಂದ ಬೇಕಾದರೂ ಹಾರಿಸಬಹುದು. ತುಂಬಾ ಚಿಕ್ಕ ಗಾತ್ರವನ್ನು ಹೊಂದಿರುವ ಈ ಕಾರು 6 ಸೀಟುಗಳನ್ನು ಹೊಂದಿದೆ.

ಈ ಕಾರುಗಳಿಂದ ತುರ್ತು ಸೇವೆ ಹಾಗೂ ನಗರ ಸಾರಿಗೆಗೆ ಹೆಚ್ಚಿನ ಅನುಕೂಲವಾಗಲಿದೆ. ಈ ಹಾರುವ ಕಾರುಗಳನ್ನು ಏರ್ ಟ್ಯಾಕ್ಸಿಯಾಗಿ ಆರಂಭಿಸಲು ಕಂಪನಿಯು ಬಯಸಿದೆ. ಇದರಲ್ಲಿರುವ ಹೈಡ್ರೋಜನ್ ಫ್ಯೂಯಲ್ ಸೆಲ್, ಸಿಟಿ ಹಾಕ್ ಹಾರುವ ಕಾರಿಗೆ ಪವರ್ ನೀಡುತ್ತದೆ.

MOST READ:ಪೊಲೀಸರಿಗೆ ತಲೆ ನೋವು ತಂದಿಟ್ಟ ಸೀಜ್ ಆದ ವಾಹನಗಳು

ಹೈಡ್ರೋಜನ್ ಫ್ಯೂಯಲ್ ಸೆಲ್ ಅನ್ನು ಗ್ರೀನ್ ಟೆಕ್ನಾಲಜಿಯ ಆಧಾರದ ಮೇಲೆ ತಯಾರಿಸಲಾಗಿದೆ. ಈ ಟೆಕ್ನಾಲಜಿಯಲ್ಲಿ ಹೈಡ್ರೋಜನ್ ಅನ್ನು ಇಂಧನವಾಗಿ ಬಳಸಲಾಗುತ್ತದೆ. ಈ ಹೈಡ್ರೋಜನ್ ನಿಂದ ಯಾವುದೇ ರೀತಿಯ ವಾಯು ಮಾಲಿನ್ಯ ಉಂಟಾಗುವುದಿಲ್ಲ.

ಸಿಟಿ ಹಾಕ್ ಹಾರುವ ಕಾರುಗಳು ಇತ್ತೀಚಿನ ಏರೋಡೈನಾಮಿಕ್ ಟೆಕ್ನಾಲಜಿಯನ್ನು ಬಳಸುತ್ತವೆ. ಈ ಟೆಕ್ನಾಲಜಿಯು ಹೆಚ್ಚಿನ ವೇಗ, ಕಡಿಮೆ ಶಬ್ದ, ಸ್ಟಾಬಿಲಿಟಿ ಹಾಗೂ ಸರಿಯಾದ ಕಂಟ್ರೋಲ್ ಅನ್ನು ನೀಡುತ್ತದೆ.

MOST READ:ಒಂದೇ ದಿನದಲ್ಲಿ ಸಾವಿರಕ್ಕೂ ಹೆಚ್ಚು ಆಂಬ್ಯುಲೆನ್ಸ್ ಪಡೆದ ಜಗನ್ ಸರ್ಕಾರ

ವಿಮಾನ ತಯಾರಕ ಕಂಪನಿಯಾದ ಅರ್ಬನ್ ಏರೋನಾಟಿಕ್ಸ್ 15 ವರ್ಷಗಳ ಸಂಶೋಧನೆ ಹಾಗೂ ಅಭಿವೃದ್ಧಿಯ ನಂತರ ಈ ಕಾರನ್ನು ಅಂತಿಮಗೊಳಿಸಿದೆ. ಕಂಪನಿಯ ಎಂಜಿನಿಯರ್‌ಗಳು ವ್ಯಾಪಕ ಸಂಶೋಧನೆಯ ನಂತರ ಇಂಟರ್ ನಲ್ ಪ್ರೊಪೆಲ್ಲರ್ ಸಿಸ್ಟಂಗಳನ್ನು ಅಭಿವೃದ್ಧಿಪಡಿಸಿದ್ದಾರೆ.

ಈ ಸಿಸ್ಟಂ ಹಾರುವ ಕಾರುಗಳನ್ನು ಸುರಕ್ಷಿತವಾಗಿಸುತ್ತದೆ. ಈ ಕಾರನ್ನು ವಿವಿಧ ಸನ್ನಿವೇಶಗಳಲ್ಲಿ ಪರೀಕ್ಷೆ ನಡೆಸಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ. ಪರೀಕ್ಷೆ ಯಶಸ್ವಿಯಾದ ನಂತರ ಈ ಕಾರನ್ನು ನಗರಗಳಲ್ಲಿ ಫ್ಲೈಯಿಂಗ್ ಟ್ಯಾಕ್ಸಿಯಾಗಿ ಬಳಸಬಹುದು.