ಗ್ರಾಹಕರ ಸೇವೆಗಳಿಗಾಗಿ ಇಸುಝು-ಟಿವಿಎಸ್‌ನಿಂದ ಮಲ್ಟಿ ಬ್ರಾಂಡ್ ಸರ್ವಿಸ್ ಸೆಂಟರ್ ಶುರು

ಈ ನಿಟ್ಟಿನಲ್ಲಿ ಗ್ರಾಹಕರ ಸೇವೆಗಳನ್ನು ಹೆಚ್ಚಿಸುವ ಪ್ರಮುಖ ಯೋಜನೆಯೊಂದಕ್ಕೆ ಚಾಲನೆ ನೀಡಿರುವ ಇಸುಝು ಮೋಟಾರ್ಸ್ ಕಂಪನಿಯು ಟಿವಿಎಸ್ ಮೋಟಾರ್ ಜೊತೆಗೆ ಕೈಜೋಡಿಸಿದ್ದು, ಮೈ ಟಿವಿಎಸ್ ಸರ್ವಿಸ್ ಸೆಂಟರ್ ಮೂಲಕ ವಿವಿಧ ಬ್ರಾಂಡ್‌ಗಳಿಗೆ ಒಂದೇ ಸೂರಿನಡಿ ಗ್ರಾಹಕ ಸೇವೆಗಳನ್ನು ಒದಗಿಸುವ ಹೊಸ ಒಪ್ಪಂದಕ್ಕೆ ಸಹಿ ಹಾಕುವ ಮೂಲಕ ಹೊಸ ಯೋಜನೆಗೆ ಅಧಿಕೃತವಾಗಿ ಚಾಲನೆ ನೀಡಿವೆ.

ಭಾರತದಲ್ಲಿ ಡೀಸೆಲ್ ವಾಹನಗಳ ಮಾರಾಟದಲ್ಲಿ ಜನಪ್ರಿಯತೆ ಹೊಂದಿರುವ ಇಸುಝು ಕಂಪನಿಯು ಮಾರುಕಟ್ಟೆ ವಿಸ್ತರಣೆ ಮಾಡುತ್ತಿದ್ದು, ಮಾರಾಟ ಹೆಚ್ಚಿದಂತೆ ಗ್ರಾಹಕರ ಸೇವೆಗಳತ್ತ ಗಮನಹರಿಸುವುದು ಕೂಡಾ ಪ್ರಮುಖವಾಗಿದೆ.

ಈ ಹಿನ್ನಲೆಯಲ್ಲಿ ಟಿವಿಎಸ್ ಆಟೋಮೊಬೈಲ್ ಸೆಲ್ಯೂಷನ್ ವಿಭಾಗದ ಜೊತೆಗೂಡಿರುವ ಇಸುಝು ಕಂಪನಿಯು ಗ್ರಾಹಕರ ಸೇವೆಗಳಿಗೆ ಹೆಚ್ಚಿಸುವ ನಿಟ್ಟಿನಲ್ಲಿ 'ಮೈ ಟಿವಿಎಸ್' ಸರ್ವಿಸ್ ಸೆಂಟರ್‌ಗಳ ಮೂಲಕ ಒಂದೇ ಸೂರಿನಡಿ ಎರಡು ಬ್ರಾಂಡ್‌ಗಳ ಗ್ರಾಹಕರಿಗೆ ಸರ್ವಿಸ್ ಒದಗಿಸಲಿವೆ.

ಎರಡು ಕಂಪನಿಗಳ ಸಹಭಾಗೀತ್ವದಲ್ಲಿ ಆರಂಭವಾಗಿರುವ ಮೈ ಟಿವಿಎಸ್ ಸರ್ವಿಸ್ ಸೆಂಟರ್ ಅನ್ನು ಪ್ರಾಯೋಗಿಕವಾಗಿ ಅಹಮದಾಬಾದ್‌ನಲ್ಲಿ ಆರಂಭಿಸಲಾಗಿದ್ದು, ಶೀಘ್ರದಲ್ಲೇ ದೇಶದ ಪ್ರಮುಖ ನಗರಗಳಿಗೂ ವಿಸ್ತರಣೆ ಮಾಡಲು ನಿರ್ಧರಿಸಲಾಗಿದೆ.

ಮೈ ಟಿವಿಎಸ್ ಸರ್ವಿಸ್ ಸೆಂಟರ್ನಲ್ಲಿ ಎರಡು ಬ್ರಾಂಡ್ ಬಗೆಗೆ ನುರಿತ ಆಟೋ ತಜ್ಞರನ್ನು ಒಳಗೊಂಡ ಉದ್ಯೋಗಿಗಳ ಲಭ್ಯತೆಯಿರಲಿದ್ದು, ಇದು ಎರಡು ಬ್ರಾಂಡ್ ಮೌಲ್ಯ ವೃದ್ದಿಗೆ ಹೊಸ ಸರ್ವಿಸ್ ಸೆಂಟರ್‌ಗಳು ಪ್ರಮುಖ ಪಾತ್ರ ವಹಿಸಲಿವೆ.

MOST READ: ವಾಹನ ಖರೀದಿಯನ್ನು ಸುಲಭವಾಗಿಸಲಿದೆ ಅಗಸ್ಟ್ 1ರಿಂದ ಜಾರಿಗೆ ಬಂದಿರುವ ಹೊಸ ವಿಮಾ ನೀತಿ..

ಇನ್ನು ಇಸುಝ ಕಂಪನಿಯು ಭಾರತದಲ್ಲಿ ರೀಬ್ರಾಂಡಿಂಗ್ ಮಾಡುವ ಯೋಜನೆಯಲ್ಲಿದ್ದು, ಈಗಾಲಲೇ ಪ್ರಮುಖ ಕಂಪನಿಗಳ ಜೊತೆಗೂಡಿ ಹೊಸ ಯೋಜನೆಗಳಿಗೆ ಚಾಲನೆ ನೀಡಿದೆ. ಹೊಸ ಯೋಜನೆ ಅಡಿ ವಾಹನ ಮಾರಾಟ ಮಳಿಗೆಗಳ ವಿಸ್ತರಣೆ ಮತ್ತು ಹೊಸ ವಾಹನಗಳ ಬಿಡುಗಡೆಯು ಸಹ ಸೇರಿದೆ.

ಹೀಗಾಗಿ ಭವಿಷ್ಯ ಯೋಜನೆಗಳ ದೃಷ್ಠಿಯಿಂದ ಗ್ರಾಹಕರ ಸೇವಾ ಕೇಂದ್ರಗಳನ್ನು ಬಲಪಡಿಸುತ್ತಿರುವ ಇಸುಝು ಕಂಪನಿಯು ಟಿವಿಎಸ್ ಆಟೋಮೊಬೈಲ್ ಸೆಲ್ಯೂಷನ್ ಜೊತೆಗೂಡಿ ಹೊಸ ಯೋಜನೆಗೆ ಚಾಲನೆ ನೀಡಿದೆ.

MOST READ: ಪ್ರತಿ ಚಾರ್ಜ್‌ಗೆ 480 ಕಿ.ಮೀ ಮೈಲೇಜ್ ನೀಡುವ ಎಲೆಕ್ಟ್ರಿಕ್ ಎಸ್‌ಯುವಿ ಬಿಡುಗಡೆ ಮಾಡಲಿದೆ ನಿಸ್ಸಾನ್

ಸದ್ಯ ಕರೋನಾ ವೈರಸ್ ಪರಿಣಾಮದಿಂದ ಕುಸಿದಿರುವ ಹೊಸ ವಾಹನಗಳ ಮಾರಾಟವು ನಿಧಾನವಾಗಿ ಚೇತರಿಕೆ ಕಾಣುತ್ತಿರುವುದಲ್ಲದೆ ಮುಂಬರುವ ಇನ್ನಷ್ಟು ಹೆಚ್ಚಾಗುವ ನೀರಿಕ್ಷೆಯಿದ್ದು, ವೈರಸ್ ಭೀತಿಯಿಂದಾಗಿ ಬಹುತೇಕರು ಸ್ವಂತ ಬಳಕೆಯ ವಾಹನಗಳ ಮಾಲೀಕ್ವದ ಕಡೆಗೆ ಗಮನಹರಿಸುತ್ತಿರುವುದು ಆಟೋ ಕಂಪನಿಗಳಿಗೆ ವರದಾನವಾಗಲಿದೆ.