ಹೊಸ ಭರವಸೆ ಮೂಡಿಸಿದ ಕ್ಲೈನ್ ವಿಷನ್ ಕಂಪನಿಯ ಹಾರುವ ಕಾರು

ಆದರೆ ಭವಿಷ್ಯದಲ್ಲಿ ಹಾರುವ ಕಾರುಗಳು ನಿಜವಾಗಿಯೂ ರಸ್ತೆಗಿಳಿಯಲಿವೆ. ಇದುವರೆಗೂ ಕೆಲವು ಕಂಪನಿಗಳು ಹಾರುವ ಕಾರುಗಳನ್ನು ಪರೀಕ್ಷಿಸಿವೆ. ಆದರೆ ಯಾವ ಕಂಪನಿಯ ಕಾರುಗಳು ಸಹ ಭರವಸೆಯನ್ನು ಮೂಡಿಸಿಲ್ಲ. ಆದರೆ ಕ್ಲೈನ್ ​​ವಿಷನ್‌ ಕಂಪನಿಯ ಹಾರುವ ಕಾರು ಭರವಸೆಯನ್ನು ಮೂಡಿಸಿದೆ.

ಸ್ಲೋವಾಕಿಯಾ ಮೂಲದ ಈ ಕಂಪನಿಯು ತನ್ನ ಏರ್‌ಕಾರ್ ವಿ 5 ಹಾರುವ ಕಾರುಗಳನ್ನು ಪರೀಕ್ಷಿಸಿದೆ. ಈ ಪರೀಕ್ಷೆಯಲ್ಲಿ ಈ ಹಾರುವ ಕಾರುಗಳು ಭರವಸೆಯನ್ನು ಮೂಡಿಸಿವೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಕಾರು ತನ್ನ ಮೊದಲ ಹಾರಾಟದಲ್ಲಿ ಎರಡು ಟೇಕ್‌ಆಫ್ ಹಾಗೂ ಲ್ಯಾಂಡಿಂಗ್ ಗಳನ್ನು ಯಶಸ್ವಿಯಾಗಿ ಮುಗಿಸಿದೆ. ಈ ಕಾರಿನಲ್ಲಿ ಬಿಎಂಡಬ್ಲ್ಯು ಕಂಪನಿಯ 1.6 ಲೀಟರಿನ ಎಂಜಿನ್ ಅಳವಡಿಸಲಾಗಿದೆ.

ಈ ಎಂಜಿನ್ 140 ಬಿಹೆಚ್ ಪಿ ಪವರ್ ಉತ್ಪಾದಿಸುತ್ತದೆ. ತಂತ್ರಜ್ಞಾನದ ದೃಷ್ಟಿಯಿಂದ ಈ ಕಾರು ಭರವಸೆ ಮೂಡಿಸಿದೆ ಎಂದು ಕಂಪನಿ ಹೇಳಿದೆ. ಈ ಕಾರು ಕೇವಲ 3 ನಿಮಿಷಗಳಲ್ಲಿ ವಿಮಾನವಾಗಿ ರೂಪಾಂತರಗೊಳ್ಳುತ್ತದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಎರಡು ಸೀಟುಗಳನ್ನು ಹೊಂದಿರುವ ಏರ್‌ಕಾರ್ ವಿ 5 ಕಾರು, ಒಂದು ಟನ್‌ಗೆ 100 ಕೆ.ಜಿ ತೂಕವನ್ನು ಹೊರುತ್ತದೆ. ಜೊತೆಗೆ ಹಾರಾಡುವ ಸಮಯದಲ್ಲಿ ಹೆಚ್ಚುವರಿಯಾಗಿ 200 ಕೆ.ಜಿ ತೂಕವನ್ನು ಸಾಗಿಸಬಲ್ಲದು.

ಈ ಕಾರು ಒಂದು ಬಾರಿಗೆ 1,000 ಕಿ.ಮೀ ಸಂಚರಿಸಲಿದ್ದು, ಒಂದು ಗಂಟೆಗೆ 18 ಲೀಟರ್ ಇಂಧನವನ್ನು ಬಳಸುತ್ತದೆ ಎಂದು ಕಂಪನಿ ಅಂದಾಜು ಮಾಡಿದೆ. ಈ ಏರ್‌ಕಾರ್ ಗಂಟೆಗೆ 200 ಕಿ.ಮೀ ವೇಗದಲ್ಲಿ ನೆಲದಿಂದ ಆಕಾಶಕ್ಕೆ ಹಾರಬಲ್ಲದು.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಆದರೆ ಈ ಕಾರು ಯಾರು ಬೇಕಾದರೂ ಚಾಲನೆ ಮಾಡಬಹುದೋ ಅಥವಾ ನುರಿತ ಪೈಲಟ್ ಚಾಲನೆ ಮಾಡಬೇಕಾಗುತ್ತದೆಯೋ ಎಂಬ ಪ್ರಶ್ನೆ ಉದ್ಭವಿಸಿದೆ. ಮಾಹಿತಿಯ ಪ್ರಕಾರ ಕಂಪನಿಯು ಮುಂಬರುವ ದಿನಗಳಲ್ಲಿ ಪ್ರಮಾಣೀಕೃತ ಎಡಿಇಪಿಟಿ 300 ಹಾರ್ಸ್ ಪವರ್ ಎಂಜಿನ್ ಹೊಂದಿರುವ ಮಾದರಿಯನ್ನು ಪರೀಕ್ಷಿಸಲಿದೆ.