ಪಾಕಿಸ್ತಾನದಲ್ಲಿ ದಾಖಲೆ ಪ್ರಮಾಣದ ಬುಕ್ಕಿಂಗ್ ಪಡೆದುಕೊಂಡ ಹೊಸ ಎಂಜಿ ಎಸ್‍ಯುವಿ

ಇನ್ನು ನೆರೆಯ ಪಾಕಿಸ್ತಾನದಲ್ಲಿ ಎಂಜಿ ಮೋಟಾರ್ಸ್ ಕಂಪನಿಯು ಪಾರುಪತ್ಯ ಸಾಧಿಸಲು ಸಜ್ಜಾಗಿದೆ. ಪಾಕಿಸ್ಥಾನದಲ್ಲಿ ಎಂಜಿ ಕಂಪನಿಯ ಹೆಚ್ಎಸ್ ಎಸ್‌ಯುವಿಗಾಗಿ ಈಗಾಗಲೇ 10,000 ಬುಕ್ಕಿಂಗ್ ಗಳನ್ನು ಪಡೆದುಕೊಂಡಿದೆ. ಈ ಹೊಸ ಎಂಜಿ-ಹೆಚ್ಎಸ್ ಮುಂದಿನ ತಿಂಗಳು ಪಾಕಿಸ್ತಾನದಲ್ಲಿ ಬಿಡುಗಡೆಯಾಗಲಿದೆ. ಪಾಕಿಸ್ತಾನದಲ್ಲಿ ಈ ಹೊಸ ಎಂಜಿ-ಹೆಚ್ಎಸ್ ಎಸ್‍ಯುವಿಯು ಭರ್ಜರಿ ಬೇಡಿಕೆಯನ್ನು ಪಡೆದುಕೊಂಡಿದೆ.

ಪಾಕಿಸ್ತಾನದ ಸಮಾ ವರದಿಯ ಪ್ರಕಾರ, ಎಂಜಿ ಮೋಟಾರ್ಸ್ ಜಾಗತಿಕ ಮಾರುಕಟ್ಟೆಗಳಲ್ಲಿ ಮಾರಾಟವಾಗುವ ಹಲವಾರು ಎಸ್‍ಯುವಿಗಳನ್ನು ಸ್ಥಳೀಯವಾಗಿ ಉತ್ಪಾದಿಸಲು ಸಜ್ಜಾಗುತ್ತಿದೆ. ಇವುಗಳಲ್ಲಿ ಎಂಜಿ-ಎಚ್‌ಎಸ್, ಎಂಜಿ- ಝಡ್ಎಸ್ 1.5 ಮತ್ತು ಎಂಜಿ ಝಡ್ಎಸ್ ಇವಿ ಸೇರಿವೆ.

MOST READ: ಮಾರಾಟದಲ್ಲಿ ಹೊಸ ಮೈಲಿಗಲ್ಲು ಸಾಧಿಸಿದ ಹೋಂಡಾ ಆಮೇಜ್ ಕಾರು

ಎಂಜಿ ಮೋಟಾರ್ ಜಾಗತಿಕ ಉಪಸ್ಥಿತಿಯನ್ನು ಪಾಕಿಸ್ತಾನಕ್ಕೂ ವಿಸ್ತರಿಸಲು ಬಯಸುತ್ತಾರೆ ಎಂದು ಜಾವೇದ್ ಅಫ್ರಿದಿ ಹೇಳಿದ್ದಾರೆ. ಪಾಕಿಸ್ತಾನದ ಜೆಡಬ್ಲ್ಯೂ-ಸೆಜ್ ಮತ್ತು ಎಂಜಿ ಮೋಟಾರ್ಸ್ ಹೊಂದಿರುವ ಚೀನಾದ ಎಸ್‌ಐಸಿ ಜಂಟಿ ಸಹಭಾಗಿತ್ವದಲ್ಲಿ ಅಫ್ರಿದಿ ಪಾಲುದಾರರಾಗಿದ್ದಾರೆ.

ಎಂಜಿ ಯೋಜನೆಗಳು ದೇಶದ ವಾಹನ ಮಾರುಕಟ್ಟೆಯಲ್ಲಿ ಗಮನಾರ್ಹ ಬದಲಾವಣೆ ಗಳನ್ನು ಉಂಟುಮಾಡಬಹುದು. "ಸ್ಪೋರ್ಟಿ ಎಸ್‌ಯುವಿಯನ್ನು ಉನ್ನತ-ತಂತ್ರಜ್ಞಾನದೊಂದಿಗೆ ಒದಗಿಸುತ್ತಿದ್ದು ಅದು ಪಾಕಿಸ್ತಾನದ ವಾಹನ ಮಾರುಕಟ್ಟೆಯನ್ನು ಪರಿವರ್ತಿಸುತ್ತದೆ" ಎಂದು ಎಂದು ಅಫ್ರಿದಿ ಹೇಳಿದರು.

MOST READ: ಬಿಡುಗಡೆಯ ಸನಿಹದಲ್ಲಿ ಹೊಸ ಮಾರುತಿ ಸುಜುಕಿ ಸೆಲೆರಿಯೊ

ಎಂಜಿ ಮೋಟಾರ್ ಕಂಪನಿಯು ಪಾಕಿಸ್ತಾನದಲ್ಲಿ ಎಸ್‍ಯುವಿಗಳ ಜೊತೆಗೆ ಸೆಡಾನ್ ಮತ್ತು ಹ್ಯಾಚ್‌ಬ್ಯಾಕ್ ಸೇರಿದಂತೆ ಹೊಸ ಮಾದರಿಗಳನ್ನು 2021ರಲ್ಲಿ ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಈ ಮೂಲಕದ ಎಂಜಿ ಮೋಟಾರ್ ಪಾಕಿಸ್ತಾನದ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಲು ಸಜ್ಜಾಗಿತ್ತಿದೆ.

ಸಮಾ ವರದಿ ಪ್ರಕಾರ, ವಿಶ್ಲೇಷಕರು ಜಪಾನೀಸ್ ಮತ್ತು ಕೊರಿಯನ್ ಕಾರುಗಳು ಯಾವಾಗಲೂ ಪಾಕಿಸ್ತಾನದ ಮಾರುಕಟ್ಟೆಯಲ್ಲಿ ಉತ್ತಮವಾಗಿ ಮಾರಟವಾಗುತ್ತಿದ್ದರೂ, ಯುರೋಪಿಯನ್ ಕಾರುಗಳ ಜನಪ್ರಿಯತೆಯು ಹೆಚ್ಚಾಗುತ್ತದೆ ಎಂದು ವಿಶ್ಲೇಷಕರು ಉಲ್ಲೇಖಿಸಿದ್ದಾರೆ.

MOST READ: ಕ್ರ್ಯಾಶ್ ಟೆಸ್ಟ್‌ನಲ್ಲಿ ಶೂನ್ಯ ಸ್ಟಾರ್ ರೇಟಿಂಗ್ ಪಡೆದ ಜನಪ್ರಿಯ ಮಾರುತಿ ಎಸ್-ಪ್ರೆಸ್ಸೊ ಕಾರು

ಜನರು ಸುಮಾರು 1000 ಯುನಿಟ್ ಕೊರಿಯನ್ ಬ್ರ್ಯಾಂಡ್‌ಗಳಾದ ಸ್ಪೋರ್ಟೇಜ್ ಮತ್ತು ಟ್ಯೂಸಾನ್ ಅನ್ನು ಖರೀದಿಸುತ್ತಿದ್ದಾರೆ. ಅವರು ಎಂಜಿ ಎಸ್‍ಯುವಿಯನ್ನು ಇದೇ ಬೆಲೆಗೆ ಖರೀದಿಸುತ್ತಿರುವುದು ಆಶ್ಚರ್ಯವೇನಿಲ್ಲ" ಎಂದು ಶೋಧ ವಿಶ್ಲೇಷಕ ಅಹ್ಮದ್ ಲಖಾನಿ ಹೇಳಿದ್ದಾರೆ.

ಪಾಕಿಸ್ತಾನದಲ್ಲಿ ಹೊಸ ಎಂಜಿ-ಹೆಚ್‌ಎಸ್ ಎಸ್‌ಯುವಿಯ ಬೆಲೆಯು ಸುಮಾರು ರೂ.55 ಲಕ್ಷಗಳಾಗಿದೆ. ಈ ಹೊಸ ಎಂಜಿ-ಹೆಚ್‌ಎಸ್ ಪಾಕಿಸ್ತಾನದ ಮಾರುಕಟ್ಟೆಯಲ್ಲಿ ಕಿಯಾ ಸ್ಪೋರ್ಟೇಜ್ ಮತ್ತು ಹ್ಯುಂಡೈ ಟ್ಯೂಸಾನ್ ಎಸ್‍ಯುವಿಗಳಿಗೆ ಪೈಪೋಟಿ ನೀಡುತ್ತದೆ.