ಕರೋನಾ ವೈರಸ್ ಆರ್ಭಟದ ನಡುವೆಯೂ ಏರಿಕೆ ಕಂಡ ಎಂಪಿವಿ ಕಾರು ಮಾರಾಟ

ಆದರೂ ಲಾಕ್‌ಡೌನ್‌ನಿಂದ ಉಂಟಾಗಿರುವ ನಷ್ಟದಿಂದ ಚೇತರಿಸಿಕೊಳ್ಳಲು ಆಟೋ ಮೊಬೈಲ್ ಉದ್ಯಮಕ್ಕೆ ಹಲವಾರು ತಿಂಗಳುಗಳು ಬೇಕಾಗುತ್ತವೆ. ಕಾರು ಕಂಪನಿಗಳು ತಮ್ಮ ಜುಲೈ ತಿಂಗಳ ಮಾರಾಟ ವರದಿಗಳನ್ನು ಬಿಡುಗಡೆಗೊಳಿಸುತ್ತಿವೆ. ಜುಲೈ ತಿಂಗಳ ಎಂಪಿವಿ ಸೆಗ್ ಮೆಂಟಿನ ಮಾರಾಟ ವರದಿಯನ್ನು ಸಹ ಬಿಡುಗಡೆಗೊಳಿಸಲಾಗಿದೆ. ಈ ವರದಿಯ ಪ್ರಕಾರ 2019ರ ಜುಲೈ ತಿಂಗಳಿಗೆ ಈ ವರ್ಷದ ಜುಲೈ ತಿಂಗಳಿನಲ್ಲಿ ಎಂಪಿವಿ ಕಾರುಗಳ ಮಾರಾಟ ಪ್ರಮಾಣವು 3%ನಷ್ಟು ಹೆಚ್ಚಾಗಿದೆ.

ಮಾರುತಿ ಸುಜುಕಿ ಕಂಪನಿಯ ಎರ್ಟಿಗಾ ಭಾರತದಲ್ಲಿ ಹೆಚ್ಚು ಮಾರಾಟವಾದ ಎಂಪಿವಿಯಾಗಿ ಹೊರಹೊಮ್ಮಿದೆ. ಜುಲೈ ತಿಂಗಳಿನಲ್ಲಿ 8,504 ಯುನಿಟ್ ಎರ್ಟಿಗಾ ಕಾರುಗಳು ಮಾರಾಟವಾಗಿವೆ. 4,360 ಯುನಿಟ್ ಮಾರಾಟದೊಂದಿಗೆ ಮಹೀಂದ್ರಾ ಬೊಲೆರೊ ಎರಡನೇ ಸ್ಥಾನದಲ್ಲಿದೆ. ರೆನಾಲ್ಟ್ ಟ್ರೈಬರ್ 3,076 ಯುನಿಟ್ ಮಾರಾಟದೊಂದಿಗೆಮೂರನೇ ಸ್ಥಾನದಲ್ಲಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಇದೇ ವೇಳೆ ಟೊಯೊಟಾ ಕಂಪನಿಯ ಇನೋವಾ ಕ್ರಿಸ್ಟಾ ಕಾರಿನ ಮಾರಾಟವು ಹಿಂದಿನ ವರ್ಷಕ್ಕಿಂತ 40%ನಷ್ಟು ಕುಸಿದಿದೆ. ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ 2,927 ಯುನಿಟ್‌ಗಳು ಜುಲೈ ತಿಂಗಳಿನಲ್ಲಿ ಮಾರಾಟವಾಗಿವೆ. ಈ ವರ್ಷ ಬಿಡುಗಡೆಯಾದ ಟೊಯೊಟಾ ವೆಲ್‌ಫೈರ್‌ನ ಒಟ್ಟು 16 ಯುನಿಟ್ ಗಳು ಮಾರಾಟವಾಗಿವೆ.

ಇನ್ನು ಮಹೀಂದ್ರಾ ಕಂಪನಿಯ ಎಂಪಿವಿ ಕಾರುಗಳ ಮಾರಾಟ ಪ್ರಮಾಣವು ಸಹ ಕುಸಿದಿದೆ. ಜುಲೈ ತಿಂಗಳಿನಲ್ಲಿ ಮಹೀಂದ್ರಾ ಮರಾಜೊದ ಕೇವಲ 20 ಯುನಿಟ್ ಗಳು ಮಾರಾಟವಾಗಿ, ಮಾರಾಟ ಪ್ರಮಾಣವು ಕಳೆದ ವರ್ಷಕ್ಕಿಂತ 98%ನಷ್ಟು ಕುಸಿದಿದೆ. ಜುಲೈ ತಿಂಗಳಿನಲ್ಲಿ ಮಹೀಂದ್ರಾ ಕ್ಸೈಲೋದ ಒಂದೇ ಒಂದು ಯುನಿಟ್ ಸಹ ಮಾರಾಟವಾಗಿಲ್ಲ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಮಾರುತಿ ಎರ್ಟಿಗಾ, ಮಹೀಂದ್ರಾ ಬೊಲೆರೊ ಹಾಗೂ ರೆನಾಲ್ಟ್ ಟ್ರೈಬರ್ ಎಂಪಿವಿಗಳ ಮಾರಾಟವು ಏರಿಕೆಯಾಗಿದ್ದರೆ, ಮಹೀಂದ್ರಾ ಮರಾಜೊ, ಟೊಯೊಟಾ ವೆಲ್‌ಫೈರ್‌ ಹಾಗೂ ಮಹೀಂದ್ರಾ ಕ್ಸೈಲೋಗಳ ಮಾರಾಟವು ಕುಸಿದಿದೆ. ಗ್ರಾಹಕರು ಪ್ರೀಮಿಯಂ ಫೀಚರ್ ಹೊಂದಿರುವ ಎಂಪಿವಿಗಳ ಬದಲು ಕೈಗೆಟುಕುವ ಹಾಗೂ ಉತ್ತಮ ಫೀಚರ್ ಗಳನ್ನು ಹೊಂದಿರುವ ಎಂಪಿವಿಗಳಿಗೆ ಆದ್ಯತೆ ನೀಡುತ್ತಿರುವುದೇ ಇದಕ್ಕೆ ಕಾರಣ.

ಇನ್ನು ದೇಶಿಯ ಮಾರುಕಟ್ಟೆಯಲ್ಲಿ ಹ್ಯಾಚ್‌ಬ್ಯಾಕ್ ಕಾರುಗಳ ಮಾರಾಟವೂ ಸಹ ಕುಸಿದಿದೆ. ಪ್ರೀಮಿಯಂ ಸೆಡಾನ್ ಹಾಗೂ ಎಸ್‌ಯುವಿ ಕಾರುಗಳ ಮಾರಾಟವೂ ಕುಸಿತ ಕಂಡಿದೆ. ಐಷಾರಾಮಿ ಕಂಪನಿಗಳಾದ ಆಡಿ, ಬಿಎಂಡಬ್ಲ್ಯು ಹಾಗೂ ಮರ್ಸಿಡಿಸ್ ಬೆಂಝ್ ಗಳ ಮಾರಾಟವು ಸಹ ಗಣನೀಯವಾಗಿ ಕುಸಿದಿದೆ.

ಮೂಲ: ಆಟೋಪಂಡಿತ್ಸ್