ಹೊಸ ಎಸ್‍‍ಯುವಿಯ ಟೀಸರ್ ಬಿಡುಗಡೆಗೊಳಿಸಿದ ನಿಸ್ಸಾನ್

ಇದರ ಭಾಗವಾಗಿ ನಿಸ್ಸಾನ್ ಇಂಡಿಯಾ ಹೊಸ ಎಸ್‍‍ಯುವಿಯನ್ನು ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಇದರ ಭಾಗವಾಗಿ ನಿಸ್ಸಾನ್ ಹೊಸ ಸಬ್ 4 ಮೀಟರ್ ಬಿ-ಸೆಗ್‍ಮೆಂಟ್ ಎಸ್‍‍ಯುವಿಯ ಟೀಸರ್ ಚಿತ್ರವನ್ನು ಬಿಡುಗಡೆಗೊಳಿಸಿದೆ. ಈ ಎಸ್‍‍ಯುವಿಯ ಬೆಲೆ ಮತ್ತು ಇತರ ವಿಷಯಗಳು ನಿಸ್ಸಾನ್ ಕಿಕ್ ಕೆಳಗಿನ ಸ್ಥಾನದಲ್ಲಿರುತ್ತದೆ. ಹೊಸ ನಿಸ್ಸಾನ್ ಎಸ್‍‍ಯುವಿಯು ಸಿ‍ಎಂಎಫ್-ಎ ಪ್ಲಾಟ್‍‍ಫಾರ್ಮ್ ಅನ್ನು ಆಧರಿಸಬಹುದು.

ಈ ಎಸ್‍‍ಯುವಿ ಮುಂಬರುವ ರೆನಾಲ್ಟ್ ಸಬ್-4 ಮೀಟರ್ ಹೆಚ್‍‍ಬಿಸಿ ಕಾಂಪ್ಯಾಕ್ಟ್ ಎಸ್‍‍ಯುವಿಯ ಇದೇ ಪ್ಲಾಟ್‍‍ಫಾರ್ಮ್ ಅನ್ನು ಹೊಂದಿದೆ. ನಿಸ್ಸಾನ್ ಸಬ್-4 ಮೀಟರ್ ಕಾಂಪ್ಯಾಕ್ಟ್ ಎಸ್‍‍ಯುವಿಯ ಕಾನ್ಸೆಪ್ಟ್ ಅನ್ನು ಶೀಘ್ರದಲ್ಲೇ ಅನಾವರಣಗೊಳಿಸುವ ಸಾಧ್ಯತೆಗಳಿದೆ.

ಬಿಎಸ್-6 ಮಾಲಿನ್ಯ ನಿಯಮ ಜಾರಿಯಾಗಿರುವುದರಿಂದ ಡೀಸೆಲ್ ಕಾರುಗಳಿಂದ ದೂರ ಉಳಿಯಬಹುದು. ಹೆಚ್ಚಾಗಿ ಪೆಟ್ರೋಲ್ ಆವೃತ್ತಿಗೆ ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ರೆನಾಲ್ಟ್ ಮತ್ತು ನಿಸ್ಸಾನ್ ಎರಡು ದೊಡ್ಡ ವಾಹನ ಉತ್ಪಾದನ ಕಂಪನಿಗಳು ಸಹಭಾಗಿತ್ವದಲ್ಲಿದೆ. ಈ ಎರಡೂ ಕಂಪನಿಗಳು ಡೀಸೆಲ್ ಆವೃತ್ತಿಗಳಲ್ಲಿ ಬಿಡುಗಡೆಗೊಳಿಸುವ ಸಾಧ್ಯತೆಗಳಿಲ್ಲ.

ಹೊಸ ಸಬ್-4 ಮೀಟರ್ ನಿಸ್ಸಾನ್ ಕಾಂಪ್ಯಾಕ್ಟ್ ಎಸ್‍‍ಯುವಿ ಪೆಟ್ರೋಲ್ ಎಂಜಿನ್ ಅನ್ನು ಅಳವಡಿಸಬಹುದು. ಟರ್ಬೋಚಾರ್ಜ್ಡ್ 1 ಲೀಟರ್ 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಅನ್ನು ಶೀಘ್ರದಲ್ಲೇ ರೆನಾಲ್ಟ್ ಟ್ರೈಬರ್ ಕಾಂಪ್ಯಾಕ್ಟ್ ಎಂಪಿವಿಯಲ್ಲಿ ಕೂಡ ಅಳವಡಿಸಲಿದೆ. ಇದೇ ಎಂಜಿನ್ ಅನ್ನು ನಿಸ್ಸಾನ್ ಹೊಸ ಎಸ್‍ಯುವಿಗೆ ಅಳವಡಿಸುವ ಸಾಧ್ಯತೆಗಳಿದೆ.

ಈ ಎಂಜಿನ್ ಸುಮಾರು 80-100 ಬಿಹೆಚ್‍ಪಿ ಪವರ್ ಮತ್ತು 150-200 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸಬಹುದು. ಈ ಎಂಜಿನ್‍‍ನೊಂದಿಗೆ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಿದೆ.

ಈ ಎಸ್‍ಯುವಿಯಲ್ಲಿ ಫ್ರಂಟ್ ಗ್ರಿಲ್‍‍ನಂತಹ ನಿಸ್ಸಾನ್ ಸಿಗ್ನೇಚರ್ ಅಂಶಗಳಿಂದ ಆಕರ್ಷಕ ಲುಕ್ ಅನ್ನು ಹೊಂದಿರಬಹುದು. ಈ ಎಸ್‍‍ಯುವಿಯಲ್ಲಿ 16 ಇಂಚಿನ ಅಲಾಯ್ ವ್ಹೀಲ್‍‍ಗಳನ್ನು ಅಳವಡಿಸಲಿದೆ. ಈ ಎಸ್‍ಯುವಿಯ ಬೆಲೆಯು ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ.5.5 ಲಕ್ಷದಿಂದ ರೂ.9 ಲಕ್ಷಗಳಾಗಿರಬಹುದು.

ಟೀಸರ್ ಚಿತ್ರದಲ್ಲಿ ನಿಸ್ಸಾನ್ ಡ್ಯುಯಲ್ ಟೋನ್ ವಿನ್ಯಾಸವು ಕಿಕ್ಸ್ ನಂತೆ ಅಳವಡಿಸಿರುವುದು ಕಂಡುಬಂದಿದೆ. ಈ ಎಸ್‍‍ಯುವಿಯ ಸೈಡ್ ಪ್ರೊಫೈಲ್ ವಿಂಡ್‍ಶೀಲ್ಡ್, ರೂಫ್‍‍ಲೈನ್, ಸ್ಟೆಪ್‍‍ಬ್ಯಾಕ್ ಸ್ಲಿಕ್ ಹೆಡ್‍‍ಲ್ಯಾಂಪ್, ಎಲ್‍ಇಡಿ ಟೇಲ್‍ ಲ್ಯಾಂಪ್‍‍ಗಳು, ಮಸ್ಕ್ಯುಲರ್ ಪೆಂಡರ್‍‍ಗಳು, ಸ್ಪೋರ್ಟಿ ಕ್ಯಾರೆಕ್ಟರ್ ಲೈನ್ಸ್ ಮತ್ತು ಕ್ರೀಸ್‍‍ಗಳು, ಕ್ರೋಮ್ಡ್ ವಿಂಡೋ ಲೈನ್, ಡಾರ್ಕ್ ಥೀಮ್‍‍ನ ಮಿರರ್ ಮತ್ತು ಮುಂತಾದವುಗಳನ್ನುಅಳವಡಿಸಲಾಗಿದೆ.

ಈ ಎಸ್‍‍ಯುವಿಯು ಭಾರತೀಯ ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ಬ್ರಿಝಾ, ಹ್ಯುಂಡೈ ವೆನ್ಯೂ, ಫೋರ್ಡ್ ಇಕೋಸ್ಪೋರ್ಟ್, ಟಾಟಾ ನೆಕ್ಸಾನ್ ಮತ್ತು ಮಹೀಂದ್ರಾ ಎಕ್ಸ್‌ಯುವಿ 300 ಎಸ್‍ಯುವಿಗಳಿಗೆ ಪೈಪೋಟಿಯನ್ನು ನೀಡುತ್ತದೆ.