ಹೊಸ ಐಷಾರಾಮಿ ಕಾರು ಚಾಲನೆ ವೇಳೆ ಕಂಡು ಬಂದ ಸ್ಟೈಲಿಶ್ ಸ್ಟಾರ್

ಇತ್ತೀಚೆಗೆ ಅಲ್ಲು ಅರ್ಜುನ್ ತಮ್ಮ ಹೊಸ ಕಾರನ್ನು ಚಾಲನೆ ಮಾಡುತ್ತಿರುವ ಫೋಟೋಗಳು ಕಂಡುಬಂದಿವೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಈ ಫೋಟೋಗಳಲ್ಲಿ ಅವರು ಐಷಾರಾಮಿ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಕಾರನ್ನು ಚಾಲನೆ ಮಾಡುತ್ತಿದ್ದಾರೆ. ಈ ವೇಳೆ ಅವರ ಪತ್ನಿ ಸ್ನೇಹಾ ರೆಡ್ಡಿ ಕೂಡ ಜೊತೆಗಿದ್ದಾರೆ.

ಜೊತೆಗೆ ಮಕ್ಕಳಾದ ಅಯಾನ್ ಹಾಗೂ ಅರ್ಹಾ ಸಹ ಇದ್ದಾರೆ. ಅಲ್ಲು ಅರ್ಜುನ್ ಸಾಕಷ್ಟು ಸಂಖ್ಯೆಯ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ. ಈ ಪೈಕಿ ಬಹುತೇಕ ಕಾರುಗಳನ್ನು ಅವರ ಇಷ್ಟದಂತೆ ಕಸ್ಟಮೈಸ್ ಮಾಡಲಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಅಲ್ಲು ಅರ್ಜುನ್ ಕಳೆದ ವರ್ಷ ರೇಂಜ್ ರೋವರ್ ವೋಗ್ ಎಸ್‌ಯುವಿಯನ್ನು ಖರೀದಿಸಿದ್ದರು. ಈ ಎಸ್‌ಯುವಿಯು ಲ್ಯಾಂಡ್ ರೋವರ್ ಕಂಪನಿಯ ಟಾಪ್ ಎಂಡ್ ಮಾದರಿಗಳಲ್ಲಿ ಒಂದಾಗಿದೆ. ಅಲ್ಲು ಅರ್ಜುನ್ ಈ ಹೊಸ ಎಸ್‌ಯುವಿಯನ್ನು ಸಹ ಕಸ್ಟಮೈಸ್ ಮಾಡಿಸಿದ್ದಾರೆ.

ರೇಸ್‌ಟೆಕ್ ಇಂಡಿಯಾ ಎಂಬ ಕಂಪನಿಯು ಅಲ್ಲು ಅರ್ಜುನ್ ಅವರ ಈ ಎಸ್‌ಯುವಿಯನ್ನು ಮಾಡಿಫೈಗೊಳಿಸಿದೆ. ವ್ಹೀಲ್ ಕ್ಯಾಪ್‌ಗಳನ್ನು ಅಪ್ ಡೇಟ್ ಮಾಡಿರುವ ಕಾರಣಕ್ಕೆ ಈ ಎಸ್‌ಯುವಿಯು ಆಕರ್ಷಕವಾಗಿ ಕಾಣುತ್ತದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಕಪ್ಪು ಬಣ್ಣದ ಈ ಎಸ್‌ಯುವಿಯು ಕೆಂಪು ಬ್ರೇಕ್ ಕ್ಯಾಲಿಪರ್‌ಗಳನ್ನು ಹೊಂದಿರುವುದರಿಂದ ಅದರ ಸ್ಪೋರ್ಟಿ ಲುಕ್ ಸಹ ಹೆಚ್ಚಾಗಿದೆ. ಈ ಎಸ್‌ಯುವಿಯಲ್ಲಿದ್ದ ಕ್ರೋಮ್ ಬಣ್ಣವನ್ನು ತೆಗೆದು ಹಾಕಲಾಗಿದ್ದು, ಕ್ರೋಮ್ ಬದಲಿಗೆ ಕಪ್ಪು ಬಣ್ಣವನ್ನು ನೀಡಲಾಗಿದೆ.

ಇನ್ನು ಐಷಾರಾಮಿ ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ ಕಾರಿನ ಬಗ್ಗೆ ಹೇಳುವುದಾದರೆ, ಅಲ್ಲು ಅರ್ಜುನ್ ಚಾಲನೆ ಮಾಡಿದ ಕಾರು ಕಾಂಟಿನೆಂಟಲ್ ಜಿಟಿಯ ವಿ 8 ಕನ್ವರ್ಟಿಬಲ್ ಮಾದರಿಯಂತೆ ಕಾಣುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಐಷಾರಾಮಿ ಕಾರಿನ ಹೊರಭಾಗ ಹಾಗೂ ಒಳಭಾಗವು ಕೆಂಪು ಬಣ್ಣವನ್ನು ಹೊಂದಿದೆ. ವಾಹನದ ಮುಂಭಾಗದ ಗ್ರಿಲ್ ಹಾಗೂ ಏರ್ ಡ್ಯಾಮ್ ಕ್ರೋಮ್ ಬಣ್ಣವನ್ನು ಹೊಂದಿವೆ. ಅಲ್ಲು ಅರ್ಜುನ್ ಈ ಕಾರನ್ನು ಚಾಲನೆ ಮಾಡಿರುವುದು ಹೈದರಾಬಾದ್‌ನ ರಸ್ತೆಯಲ್ಲಿ.

ಕಾಂಟಿನೆಂಟಲ್ ಜಿಟಿ ವಿ 8 ಕನ್ವರ್ಟಿಬಲ್ ಕಾರಿನಲ್ಲಿ 4.0-ಲೀಟರಿನ ವಿ 8 ಟ್ವಿನ್-ಟರ್ಬೋಚಾರ್ಜ್ಡ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 493 ಬಿಹೆಚ್‌ಪಿ ಪವರ್ ಹಾಗೂ 660 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಎಂಜಿನ್'ನೊಂದಿಗೆ 8-ಸ್ಪೀಡಿನ ಗೇರ್‌ಬಾಕ್ಸ್‌ ಜೋಡಿಸಲಾಗಿದೆ. ಈ ಎಂಜಿನ್ ಎಲ್ಲಾ ನಾಲ್ಕು ವ್ಹೀಲ್'ಗಳಿಗೆ ಪವರ್ ನೀಡುತ್ತದೆ. ಕಾಂಟಿನೆಂಟಲ್ ಜಿಟಿ ವಿ 8 ಕನ್ವರ್ಟಿಬಲ್ ಕಾರಿನ ಬೆಲೆ ಭಾರತದ ಎಕ್ಸ್ ಶೋರೂಂ ದರದಂತೆ ರೂ.3.64 ಕೋಟಿಗಳಾಗಿದೆ.