ಕಾರು ಚಾಲನೆ ವೇಳೆ ಟಚ್‌ಸ್ಕ್ರೀನ್ ಬಳಕೆಯು ಕುಡಿದು ವಾಹನ ಚಾಲನೆ ಮಾಡುವುದಕ್ಕಿಂತ ಹೆಚ್ಚು ಅಪಾಯಕಾರಿ?

ಮೊದಲು ಪ್ರೀಮಿಯಂ ಫೀಚರ್ ಆಗಿ ಪಾದಾರ್ಪಣೆ ಮಾಡಿದ ಈ ಫೀಚರ್ ಈಗ ಬಹುತೇಕ ಎಲ್ಲಾ ಕಾರುಗಳಲ್ಲಿ ಕಂಡು ಬರುತ್ತದೆ. ನಾವೆಲ್ಲರೂ ನಮ್ಮ ಕಾರುಗಳಲ್ಲಿ ದಿನನಿತ್ಯ ಬಳಸುವ ಈ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ನಿಜಕ್ಕೂ ಅಪಾಯಕಾರಿ ಎಂದು ಇತ್ತೀಚಿನ ಸಂಶೋಧನೆಯೊಂದು ಬಹಿರಂಗಪಡಿಸಿದೆ. ಈ ಸಂಶೋಧನೆಯ ಪ್ರಕಾರ ಕುಡಿದು ವಾಹನ ಚಾಲನೆ ಮಾಡುವುದಕ್ಕಿಂತ ಟಚ್‌ಸ್ಕ್ರೀನ್ ಬಳಸುತ್ತಾ ಚಾಲನೆ ಮಾಡುವುದು ಹೆಚ್ಚು ಅಪಾಯಕಾರಿಯಾಗಿದೆ.

ರಸ್ತೆ ಸುರಕ್ಷತೆಯನ್ನು ಸುಧಾರಿಸುವ ಕುರಿತು ಸಂಶೋಧನೆ ನಡೆಸುವ ಬ್ರಿಟನ್ ನ ಚಾರಿಟಿ ಆಧಾರಿತ ಗುಂಪು ನಡೆಸಿರುವ ಸಂಶೋಧನೆಯ ಪ್ರಕಾರ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂನೊಂದಿಗೆ ಬರುವ ಕಾರುಗಳು ಚಾಲಕನ ಗಮನವನ್ನು ಬೇರೆಡೆಗೆ ಸೆಳೆಯುತ್ತವೆ. ಇದರಿಂದಾಗಿ ಚಾಲಕನು ತನ್ನ ಗಮನವನ್ನು ರಸ್ತೆ ಕಡೆಗೆ ಹರಿಸುವುದಕ್ಕೆ ಸಾಧ್ಯವಾಗುವುದಿಲ್ಲ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಈ ಸಂಶೋಧನೆಯ ಪ್ರಕಾರ, ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಬಳಸುವ ಚಾಲಕನ ರೆಸ್ಪಾನ್ಸ್ ಅವಧಿಯು, ಚಾಲಕನು ಆಲ್ಕೋಹಾಲ್ ಅಥವಾ ಗಾಂಜಾ ಸೇವಿಸಿ ಕಾರು ಚಾಲನೆ ಮಾಡುವ ಅವಧಿಗಿಂತ 2-3 ಪಟ್ಟು ನಿಧಾನವಾಗಿರುತ್ತದೆ.

ಈ ಸಂಶೋಧನೆಯಲ್ಲಿ ಆಪಲ್ ಕಾರ್ ಪ್ಲೇ, ಆಂಡ್ರಾಯ್ಡ್ ಆಟೋ ಕಾರ್ ಕಂಟ್ರೋಲರ್, ಮುಂಭಾಗದ ವಾಹನದಿಂದ ಸುರಕ್ಷಿತ ದೂರ ಹಾಗೂ ಜಾಗರೂಕತೆಯ ಮಾಪಕಗಳನ್ನು ಪರಿಶೀಲಿಸಲಾಗಿತ್ತು. ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಬಳಸುವ ಚಾಲಕರು ಚಾಲನೆ ಮಾಡುವಾಗ ಅತ್ಯಂತ ಕಡಿಮೆ ಪ್ರಮಾಣದಲ್ಲಿ ಜಾಗರೂಕರಾಗಿರುವುದು ಕಂಡುಬಂದಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಚಾಲಕನ ಗಮನವನ್ನು ಪದೇ ಪದೇ ರಸ್ತೆಯಿಂದ ತಿರುಗಿಸುತ್ತದೆ. ಈ ವೇಳೆ ಚಾಲಕನಿಗೆ ಯಾವುದೇ ತ್ವರಿತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲ.

ಐಷಾರಾಮಿ ಕಾರುಗಳಲ್ಲಿ ಕಂಡುಬರುವ ವಾಯ್ಸ್ ಕಮಾಂಡ್ ಫೀಚರ್ ಗಳು ಚಾಲಕರ ಗಮನವನ್ನು 36%ನಷ್ಟು ವಿಚಲಿತಗೊಳಿಸುತ್ತವೆ. ಇದೇ ವೇಳೆ ಕಾರಿನಲ್ಲಿ ಹ್ಯಾಂಡ್ಸ್-ಫ್ರೀ ಬಳಸಿ ಫೋನ್‌ನಲ್ಲಿ ಮಾತನಾಡುವುದರಿಂದ ಅಪಘಾತದ ಅಪಾಯವು 27%ನಷ್ಟು ಹಾಗೂ ಮೆಸೇಜ್ ಗಳನ್ನು ಓದುವುದರಿಂದ ಅಪಘಾತದ ಅಪಾಯವು 35%ನಷ್ಟು ಹೆಚ್ಚಾಗುತ್ತದೆ ಎಂದು ಸಂಶೋಧನೆಯಲ್ಲಿ ಹೇಳಲಾಗಿದೆ.