ಮಾರ್ಚ್ ತಿಂಗಳಿನಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಕಾರುಗಳಿವು

ಹೊಸ ರೆನಾಲ್ಟ್ ಟ್ರೈಬರ್

ರೆನಾಲ್ಟ್ ಕಂಪನಿಯು ತನ್ನ ಹೊಸ ಟ್ರೈಬರ್ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.5.30 ಲಕ್ಷಗಳಾಗಿದೆ. ಮಾರ್ಚ್ 9ರಿಂದ ಹೊಸ ಟ್ರೈಬರ್ ಕಾರಿನ ಬುಕ್ಕಿಂಗ್'ಗಳನ್ನು ಆರಂಭಿಸಲಾಗಿದೆ.

ರೆನಾಲ್ಟ್ ಕಂಪನಿಯು ಟ್ರೈಬರ್ ಕಾರ್ ಅನ್ನು ಹೊಸ ನೋಟ ಹಾಗೂ ಫೀಚರ್'ಗಳೊಂದಿಗೆ ಬಿಡುಗಡೆಗೊಳಿಸಿದೆ. ಈ ಕಾರ್ ಅನ್ನು ಮೊದಲ ಬಾರಿಗೆ 2019ರ ಆಗಸ್ಟ್ ತಿಂಗಳಿನಲ್ಲಿ ಬಿಡುಗಡೆಗೊಳಿಸಲಾಯಿತು.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ರೆನಾಲ್ಟ್ ಕಂಪನಿಯ ಈ ಕಾಂಪ್ಯಾಕ್ಟ್ ಎಂಪಿವಿಯು ದೇಶಿಯ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದಿದೆ. ಕಳೆದ ವರ್ಷ ಈ ಕಾರಿನ ಟರ್ಬೊ ಮಾದರಿಯನ್ನುಬಿಡುಗಡೆಗೊಳಿಸಿದ ನಂತರ ಈ ಕಾರು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿದೆ.

ಜೀಪ್ ವ್ರಾಂಗ್ಲರ್

ಜೀಪ್ ಕಂಪನಿಯು ತನ್ನ ಮೇಡ್ ಇನ್ ಇಂಡಿಯಾ ವ್ರಾಂಗ್ಲರ್ ಕಾರ್ ಅನ್ನು ಈ ತಿಂಗಳು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.53.90 ಲಕ್ಷಗಳಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ವ್ರಾಂಗ್ಲರ್ ಎಸ್‌ಯುವಿಯ ವಿತರಣೆಯನ್ನು ಇಂದಿನಿಂದ ಆರಂಭಿಸಲಾಗಿದೆ. ಈ ಎಸ್‌ಯುವಿಯನ್ನು ಅನ್ ಲಿಮಿಟೆಡ್ ಹಾಗೂ ರುಬಿಕಾನ್ ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಈ ಎಸ್‌ಯುವಿಯನ್ನು ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಮಾರಾಟ ಮಾಡಲಾಗುತ್ತದೆ.

ಮರ್ಸಿಡಿಸ್ ಬೆಂಝ್ ಎ-ಕ್ಲಾಸ್ ಲಿಮೋಸಿನ್

ಮರ್ಸಿಡಿಸ್ ಬೆಂಝ್ ತನ್ನ ಎ-ಕ್ಲಾಸ್ ಲಿಮೋಸಿನ್ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಬೆಲೆ ರೂ.39.90 ಲಕ್ಷಗಳಾಗಿದೆ. ಮರ್ಸಿಡಿಸ್ ಬೆಂಝ್ ಎ-ಕ್ಲಾಸ್ ಲಿಮೋಸಿನ್ ಕಾರ್ ಅನ್ನು ಪೆಟ್ರೋಲ್, ಡೀಸೆಲ್ ಎಂಜಿನ್ ಆಯ್ಕೆಗಳು ಹಾಗೂ ಏರೋಡೈನಾಮಿಕ್ ಡಿಸೈನ್, ಐಷಾರಾಮಿ ಫೀಚರ್'ಗಳೊಂದಿಗೆ ಮಾರಾಟ ಮಾಡಲಾಗುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಮರ್ಸಿಡಿಸ್ ಬೆಂಝ್ ಎ-ಕ್ಲಾಸ್ ಲಿಮೋಸಿನ್‌ ಪೆಟ್ರೋಲ್ ಮಾದರಿಯ ಬೆಲೆ ರೂ.39.90 ಲಕ್ಷಗಳಾದರೆ, ಡೀಸೆಲ್ ಮಾದರಿಯ ಬೆಲೆ ರೂ.40,90 ಲಕ್ಷಗಳಾಗಿದೆ. ಇನ್ನು ಎಎಂಜಿ ಎ 35 4 ಮ್ಯಾಟಿಕ್ ಮಾದರಿಯ ಬೆಲೆ ರೂ.56.24 ಲಕ್ಷಗಳಾಗಿದೆ.

ಹೊಸ ಬೆಂಟ್ಲಿ ಬೆಂಟಾಯ್ಗಾ

ಬೆಂಟ್ಲಿ ಕಂಪನಿಯು ತನ್ನ ಹೊಸ ಬೆಂಟಾಯ್ಗಾ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.4.10 ಕೋಟಿಗಳಾಗಿದೆ. ಈ ಕಾರಿನ ಬುಕ್ಕಿಂಗ್'ಗಳನ್ನು ದೆಹಲಿ, ಮುಂಬೈ ಹಾಗೂ ಹೈದರಾಬಾದ್‌ ನಗರಗಳಲ್ಲಿ ಆರಂಭಿಸಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಕಾರಿನ ಅದರ ವಿನ್ಯಾಸದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ. ಜೊತೆಗೆ ಹೊಸ ಫೀಚರ್'ಗಳನ್ನು ಸೇರಿಸಲಾಗಿದೆ. ಆದರೆ ಎಂಜಿನ್'ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

ಟಾಟಾ ಟಿಯಾಗೊ ಎಕ್ಸ್‌ಟಿಎ ಎಎಂಟಿ

ಟಾಟಾ ಮೋಟಾರ್ಸ್ ಭಾರತದಲ್ಲಿ ಟಿಯಾಗೊ ಎಕ್ಸ್‌ಟಿಎ ಎಎಂಟಿಯನ್ನು ಬಿಡುಗಡೆಗೊಳಿಸಿದೆ. ಈ ಹೊಸ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.5.99 ಲಕ್ಷಗಳಾಗಿದೆ. ಟಿಯಾಗೊ ಎಕ್ಸ್‌ಟಿಎ ಎಎಂಟಿ ಈ ಮಾದರಿಯ ನಾಲ್ಕನೇ ಎಎಂಟಿ ಆಯ್ಕೆಯಾಗಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಕಾರಣಕ್ಕೆ ಈ ಕಾರು ಹೊಸ ಗ್ರಾಹಕರನ್ನು ಆಕರ್ಷಿಸುವ ಸಾಧ್ಯತೆಗಳಿವೆ. ಹೊಸ ಮಾದರಿಯು ಟಿಯಾಗೊದ ಕಡಿಮೆ ಬೆಲೆಯ ಆಟೋಮ್ಯಾಟಿಕ್ ಮಾದರಿಯಾಗಿದೆ. ಇದಕ್ಕೂ ಮುನ್ನ ಟಿಯಾಗೊ ಎಕ್ಸ್‌ ಝಡ್‌ಎ ಅಗ್ಗದ ಆಟೋಮ್ಯಾಟಿಕ್ ಮಾದರಿಯಾಗಿತ್ತು.

ಈ ಮಾದರಿಯ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.6.46 ಲಕ್ಷಗಳಾಗಿದೆ. ಕಂಪನಿಯ ಎಂಟ್ರಿ ಲೆವೆಲ್ ಮಾದರಿಯಾದ ಈ ಕಾರಿನ ಬೆಲೆ ರೂ.4.85 ಲಕ್ಷಗಳಿಂದ ರೂ.6.84 ಲಕ್ಷಗಳಾಗಿದೆ.