ಮಾರಾಟದಲ್ಲಿ ಹೊಸ ದಾಖಲೆ ಬರೆದ ಫೋರ್ಡ್ ಮಸ್ಟಾಂಗ್ ಸ್ಪೋರ್ಟ್ಸ್ ಕಾರು

ಫೋರ್ಡ್ ಕಂಪನಿಯು 2020ರಲ್ಲಿ ಮಸ್ಟಾಂಗ್ ಕೂಪೆಯ 80,577 ಯುನಿಟ್‌ಗಳನ್ನು ಜಾಗತಿಕವಾಗಿ ಮಾರಾಟ ಮಾಡಿದೆ ಎಂದು ಹೆಚ್‌ಐಎಸ್ ಮಾರ್ಕಿಟ್ ನಡೆಸಿದ ಸಂಶೋಧನೆಯಲ್ಲಿ ಬಹಿರಂಗವಾಗಿದೆ. ಈ ಕಾರು ಜಾಗತಿಕ ಸ್ಪೋರ್ಟ್ಸ್ ಕೂಪೆ ಮಾರುಕಟ್ಟೆಯಲ್ಲಿ 15.1%ರಷ್ಟು ಪಾಲನ್ನು ಹೊಂದಿದೆ.

2019ರಲ್ಲಿ ಫೋರ್ಡ್ ಮಸ್ಟಾಂಗ್ ಒಟ್ಟು ಮಾರುಕಟ್ಟೆಯಲ್ಲಿ 14.8%ರಷ್ಟು ಪಾಲನ್ನು ಹೊಂದಿತ್ತು. ಫೋರ್ಡ್ ಮಸ್ಟಾಂಗ್ ಕಳೆದ ಆರು ವರ್ಷಗಳಿಂದ ವಿಶ್ವದಲ್ಲಿ ಅತಿ ಹೆಚ್ಚು ಮಾರಾಟವಾದ ಸ್ಪೋರ್ಟ್ಸ್ ಕೂಪೆ ಕಾರು ಎಂಬ ಹೆಗ್ಗಳಿಕೆಯನ್ನು ಹೊಂದಿದೆ.

MOST READ:ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ಮುಂದಿನ ಎರಡು ವರ್ಷಗಳಲ್ಲಿ ಫೋರ್ಡ್ ಮಸ್ಟಾಂಗ್ ವಿಶ್ವದ ಅತಿ ಹೆಚ್ಚು ಮಾರಾಟವಾಗುವ ಸ್ಪೋರ್ಟ್ಸ್ ಕಾರ್ ಆಗಿರಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಆದರೆ ಕಂಪನಿಯು ಈ ಸೆಗ್'ಮೆಂಟಿನ ಸರಿಯಾದ ಮಾರಾಟ ಅಂಕಿಅಂಶಗಳನ್ನು ಬಹಿರಂಗಪಡಿಸಿಲ್ಲ.

ಇದರ ಜೊತೆಗೆ ಕಳೆದ ವರ್ಷ ಬುಲ್ಲಿಟ್ ಹಾಗೂ ಶೆಲ್ಬಿ ಕಾರುಗಳ ಮಾರಾಟವು 52.7%ನಷ್ಟು ಹೆಚ್ಚಾಗಿದೆ. 2021ರ ಮಾದರಿಗಾಗಿ ಫೋರ್ಡ್ ಕಂಪನಿಯು ಬುಲ್ಲಿಟ್, ಶೆಲ್ಬಿ ಜಿಟಿ 350 ಆರ್ ಹಾಗೂ ಶೆಲ್ಬಿ ಜಿಟಿ 350 ಕಾರುಗಳನ್ನು ಸ್ಥಗಿತಗೊಳಿಸುತ್ತಿದೆ.

MOST READ:ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಕಂಪನಿಯು ಈ ಕಾರುಗಳ ಬದಲು ಮ್ಯಾಕ್ 1 ಅನ್ನು ಸೇರಿಸಲು ನಿರ್ಧರಿಸಿದೆ. ಶೆಲ್ಬಿ ಜಿಟಿ 500 ಮಾದರಿಯೂ ಸಹ ಮುಂದುವರೆಯಲಿದೆ. ವರದಿಗಳ ಪ್ರಕಾರ ಫೋರ್ಡ್ ಮಸ್ಟಾಂಗ್ 61,090 ಯುನಿಟ್ ಮಾರಾಟದೊಂದಿಗೆ 6 ವರ್ಷಗಳ ಕಾಲ ಅಮೆರಿಕಾದಲ್ಲಿ ಹೆಚ್ಚು ಮಾರಾಟವಾದ ಸ್ಪೋರ್ಟ್ಸ್ ಕಾರ್ ಆಗಿದೆ.

ಅಮೆರಿಕಾ ಈ ಕಾರಿನ ದೊಡ್ಡ ಮಾರುಕಟ್ಟೆಯಾಗಿದೆ. ಈ ಕಾರಿನ ಒಟ್ಟು ಮೂರನೇ ಎರಡರಷ್ಟು ಮಾರಾಟವು ಅಮೆರಿಕಾದಲ್ಲಿ ಆಗಿದೆ. 2020ರಲ್ಲಿ ಟೆಕ್ಸಾಸ್'ನಲ್ಲಿ 8,600 ಯುನಿಟ್, ಕ್ಯಾಲಿಫೋರ್ನಿಯಾದಲ್ಲಿ 6,200 ಯುನಿಟ್ ಹಾಗೂ ಫ್ಲೋರಿಡಾದಲ್ಲಿ 5,864 ಯುನಿಟ್ ಮಸ್ಟಾಂಗ್ ಕಾರುಗಳನ್ನು ಮಾರಾಟ ಮಾಡಲಾಗಿದೆ.

MOSTREAD: 10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಕರೋನಾ ಸಾಂಕ್ರಾಮಿಕದಿಂದಾಗಿ ಈ ಕಾರಿನ ಒಟ್ಟು ಮಾರಾಟವು 2019ರಿಂದ 15.7%ನಷ್ಟು ಕಡಿಮೆಯಾಗಿದೆ. ಫೋರ್ಡ್ ಮಸ್ಟಾಂಗ್ ಕಾರಿನಲ್ಲಿ 5.0-ಲೀಟರ್ ವಿ 8 ಪೆಟ್ರೋಲ್ ಎಂಜಿನ್ ಅನ್ನು ಅಳವಡಿಸಲಾಗಿದೆ.

ಈ ಎಂಜಿನ್ 396 ಬಿಹೆಚ್‌ಪಿ ಪವರ್ ಹಾಗೂ 515 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಫೋರ್ಡ್ ಕಂಪನಿಯು ಈ ಎಂಜಿನ್‌ನೊಂದಿಗೆ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಅನ್ನು ನೀಡಿದೆ.

MOSTREAD: ವರ್ಷಗಳ ಕಾಲ ಉಪ್ಪು ನೀರಿನಲ್ಲಿದ್ದರೂ ಹಡಗುಗಳ ಆಂಕರ್‌ಗಳಿಗೆ ತುಕ್ಕು ಹಿಡಿಯದಿರಲು ಕಾರಣಗಳಿವು

ಹೊಸ ಬಿಎಸ್ 6 ಮಾಲಿನ್ಯ ನಿಯಮಗಳು ಜಾರಿಯಾದ ನಂತರ ಈ ಕಾರಿನ ಮಾರಾಟವನ್ನು ದೇಶಿಯ ಮಾರುಕಟ್ಟೆಯಲ್ಲಿ ನಿಲ್ಲಿಸಲಾಗಿದೆ. ಫೋರ್ಡ್ ಕಂಪನಿಯು ಶೀಘ್ರದಲ್ಲೇ ಹೊಸ ಬಿಎಸ್ 6 ಮಸ್ಟಾಂಗ್ ಕಾರ್ ಅನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುವ ಸಾಧ್ಯತೆಗಳಿವೆ.