2022ರಿಂದ ಸಾರ್ವಜನಿಕ ರಸ್ತೆಗಿಳಿಯಲಿವೆ ಚಾಲಕ ರಹಿತ ಕಾರುಗಳು

ಆದರೆ ಈ ಕಾರುಗಳನ್ನು ಕೆಲವು ಸ್ಥಳಗಳಲ್ಲಿ ಸಾರ್ವಜನಿಕ ರಸ್ತೆಗಳಲ್ಲಿ ಮಾತ್ರ ಚಲಿಸಲು ಅನುಮತಿ ನೀಡಲಾಗಿದೆ. ಈ ಡ್ರೈವರ್ ಲೆಸ್ ಕಾರುಗಳಿಗೆ ಸುರಕ್ಷತಾ ಕಾರಣಗಳಿಗಾಗಿ ಚಾಲಕರ ಕಣ್ಗಾವಲಿನಲ್ಲಿ ಮಾತ್ರ ಕಾರ್ಯನಿರ್ವಹಿಸಲು ಪರವಾನಗಿ ನೀಡಲಾಗಿದೆ.

ಚೀನಾ ದೇಶವು ಇತ್ತೀಚೆಗೆ ಕೆಲವು ನಗರಗಳಲ್ಲಿ ಸಂಪೂರ್ಣ ಡ್ರೈವರ್ ಲೆಸ್ ಕಾರುಗಳ ಚಲನೆಗೆ ಅನುಮತಿ ನೀಡಿದೆ. ಈಗ ಜರ್ಮನಿ ಸರ್ಕಾರವು ಸಾರ್ವಜನಿಕ ರಸ್ತೆಗಳಲ್ಲಿ ಡ್ರೈವರ್ ಲೆಸ್ ಕಾರುಗಳನ್ನು ಚಲಾಯಿಸಲು ಕಾನೂನು ರೂಪಿಸಿದೆ.

MOST READ: ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಹೊಸ ಕಾನೂನನ್ನು ಕಳೆದ ವಾರ ಜರ್ಮನ್ ಸಂಸತ್ತು ಅಂಗೀಕರಿಸಿತು. ಈ ಕಾನೂನನ್ನು ಜರ್ಮನಿಯಲ್ಲಿ ಶೀಘ್ರದಲ್ಲೇ ಜಾರಿಗೊಳಿಸುವ ನಿರೀಕ್ಷೆಗಳಿವೆ. ಇದರಿಂದ ಮುಂದಿನ ವರ್ಷದಿಂದ ಜರ್ಮನಿ ದೇಶದಲ್ಲಿ ಡ್ರೈವರ್ ಲೆಸ್ ಕಾರುಗಳು ಕಂಡು ಬರಲಿವೆ.

ಈ ಕಾನೂನು ಸಾರ್ವಜನಿಕ ರಸ್ತೆಗಳಲ್ಲಿ ಲೆವೆಲ್ 4 ಕಾರುಗಳನ್ನು ಚಾಲಕನ ಮೇಲ್ವಿಚಾರಣೆಯ ಅಗತ್ಯವಿಲ್ಲದೆ ಸಂಪೂರ್ಣವಾಗಿ ಡ್ರೈವರ್ ಲೆಸ್ ಆಗಿ ಚಲಿಸಲು ಅನುಮತಿ ನೀಡುತ್ತದೆ.

MOST READ: ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಈ ಕಾನೂನು ಅಡಿಯಲ್ಲಿ ಡ್ರೈವರ್ ಲೆಸ್ ಕಾರುಗಳನ್ನು ಕೆಲವು ಪ್ರದೇಶಗಳಲ್ಲಿ ಮಾತ್ರ ಕಾರ್ಯನಿರ್ವಹಿಸಲು ಅನುಮತಿ ನೀಡಲಾಗುತ್ತದೆ. ಆಟೋಬಾಹ್ನ್ ಹಾಗೂ ಸರ್ಕಾರಿ ನಿಯಂತ್ರಿತ ಹೆದ್ದಾರಿಗಳಲ್ಲಿ ಈ ಕಾರುಗಳ ಚಲನೆಗೆ ಅವಕಾಶ ನಿಡುವುದಿಲ್ಲವೆಂದು ಹೇಳಲಾಗಿದೆ.

ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರಗಳಲ್ಲಿ ಈ ಕಾರುಗಳನ್ನು ರೋಬೋಟ್ ಟ್ಯಾಕ್ಸಿಗಳು ಎಂದು ಕರೆಯಲಾಗುವ ಡ್ರೈವರ್ ಲೆಸ್ ಟ್ಯಾಕ್ಸಿ ಕಾರುಗಳಾಗಿ ಕಾರ್ಯನಿರ್ವಹಿಸಲು ಅನುಮತಿ ನೀಡಲಾಗುವುದು. ವರದಿಗಳ ಪ್ರಕಾರ ಈ ಕಾರುಗಳನ್ನು ಕಂಪನಿ ಉದ್ಯೋಗಿಗಳಿಗೆ ಸಾರಿಗೆ ಹಾಗೂ ವಿತರಣಾ ಸೇವೆಗಳಿಗಾಗಿ ಬಳಸಲಾಗುತ್ತದೆ.

MOST READ: ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಟ್ಯಾಕ್ಸಿ ಕಂಪನಿಗಳು ಈ ರೋಬೋಟ್ ಟ್ಯಾಕ್ಸಿ ಕಾರುಗಳಿಗೆ ವಿಶೇಷ ವಿಮೆ ಮಾಡಿಸುವ ಅಗತ್ಯವಿದೆ. ಈ ಕಾರುಗಳನ್ನು ದೂರದಿಂದಲೇ ಮೇಲ್ವಿಚಾರಣೆ ಮಾಡಲು ಹಾಗೂ ಕಾರ್ಯನಿರ್ವಹಿಸಲು ಅನುಮತಿ ನೀಡಲಾಗುವುದು ಎಂದು ಹೇಳಲಾಗಿದೆ.

ಡ್ರೈವರ್ ಲೆಸ್ ಬಾಡಿಗೆ ಕಾರುಗಳು ಎಂದೂ ಕರೆಯಲಾಗುವ ರೋಬೋಟ್ ಟ್ಯಾಕ್ಸಿಗಳನ್ನು ಮುಂದಿನ ವರ್ಷ ಜರ್ಮನಿಯಲ್ಲಿ ಪರಿಚಯಿಸಲಾಗುವುದು. ಈ ಮೂಲಕ ಜರ್ಮನಿ ದೇಶವು ಸಾರ್ವಜನಿಕ ರಸ್ತೆಗಳಲ್ಲಿ ಈ ಸೇವೆಯನ್ನು ಜಾರಿಗೊಳಿಸಿದ ಮೊದಲ ದೇಶ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.