ಭಾರತೀಯ ವಾಯುಪಡೆಗೆ ಬುಲೆಟ್ ಪ್ರೂಫ್ ವಾಹನಗಳನ್ನು ತಲುಪಿಸಿದ ಅಶೋಕ್ ಲೇಲ್ಯಾಂಡ್

ಅಶೋಕ್ ಲೇಲ್ಯಾಂಡ್ ಹಿಂದೂಜಾ ಗ್ರೂಪ್‌ನ ಪ್ರಮುಖ ಕಂಪನಿಯಾಗಿದ್ದು, ಭಾರತದಲ್ಲಿ ಲಘು ಹಾಗೂ ಭಾರೀ ಕಮರ್ಷಿಯಲ್ ವಾಹನಗಳ ಜೊತೆಗೆ ರಕ್ಷಣಾ ಸಾಧನಗಳನ್ನು ಸಹ ಉತ್ಪಾದಿಸುತ್ತದೆ.

ಈ ಹಗುರವಾದ ಬುಲೆಟ್ ಪ್ರೂಫ್ ವಾಹನಗಳು ಲಾಕ್ಹೀಡ್ ಮಾರ್ಟಿನ್'ರವರ ಕಾಮನ್ ವೆಹಿಕಲ್ ನೆಕ್ಸ್ಟ್ ಜನರೇಷನ್ (ಸಿವಿಎನ್‌ಜಿ)ಯ ಆವೃತ್ತಿಯಾಗಿದೆ ಎಂದುಅಶೋಕ್ ಲೇಲ್ಯಾಂಡ್ ಕಂಪನಿ ಹೇಳಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ವಾಹನಗಳನ್ನು ಟೆಕ್ನಾಲಜಿ ಟ್ರಾನ್ಸ್‌ಫರ್ ಅಡಿಯಲ್ಲಿ ಲಾಕ್‌ಹೀಡ್ ಮಾರ್ಟಿನ್'ನಿಂದ ಪಡೆಯಲಾಗಿದೆ. ಈ ವಾಹನಗಳು ಸಂಪೂರ್ಣವಾಗಿ ಸ್ಥಳೀಯವಾಗಿದ್ದು, ಇವುಗಳನ್ನು ಭಾರತದಲ್ಲಿಯೇ ಅಭಿವೃದ್ಧಿಪಡಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ಈ ಬಗ್ಗೆ ಮಾತನಾಡಿರುವ ಅಶೋಕ್ ಲೇಲ್ಯಾಂಡ್ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ವಿಪಿನ್ ಸೋಂಧಿ, ಸಶಸ್ತ್ರ ಪಡೆಗಳಿಗೆ ವಾಹನ ಸರಬರಾಜು ಮಾಡುವುದು ನಮಗೆ ನಿಜಕ್ಕೂ ಹೆಮ್ಮೆಯ ವಿಷಯವಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಮೂಲಕ ರಾಷ್ಟ್ರ ಸೇವೆಯಲ್ಲಿ ನಮ್ಮ ವಾಹನಗಳನ್ನು ಬಳಸಿಕೊಳ್ಳಲು ನಮಗೆ ಅವಕಾಶ ದೊರೆತಂತಾಗಿದೆ. ಈ ವಾಹನಗಳು ನಮ್ಮ ಕಂಪನಿಯು ಕಷ್ಟದ ಸಂದರ್ಭಗಳಲ್ಲಿ ಅಗತ್ಯವಾದ ತಿಳುವಳಿಕೆಯ ಬಲವಾದ ಅರ್ಥದೊಂದಿಗೆ ಸಂಯೋಜಿಸಲ್ಪಟ್ಟ ಸಾಮರ್ಥ್ಯದ ಮತ್ತೊಂದು ಉದಾಹರಣೆಯಾಗಿವೆ.

ಭಾರತೀಯ ಸಶಸ್ತ್ರ ಪಡೆಗಳ ವಿಶ್ವಾಸಾರ್ಹ ಪಾಲುದಾರನಾಗಿರುವುದಕ್ಕೆ ಕೃತಜ್ಞನಾಗಿದ್ದೇನೆ. ಈ ಮೂಲಕ ರಕ್ಷಣಾ ಸಾಧನಗಳು ಹಾಗೂ ವಾಹನಗಳಲ್ಲಿ ಭಾರತವನ್ನು ಹೆಚ್ಚು ಸ್ವಾವಲಂಬಿಗಳನ್ನಾಗಿ ಮಾಡಲು ಬಯಸುತ್ತೇನೆ ಎಂದು ಹೇಳಿದರು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಬುಲೆಟ್ ಪ್ರೂಫ್ ವಾಹನಗಳು ಹೆಚ್ಚಿನ ಆಫ್ ಲೋಡ್ ಸಾಮರ್ಥ್ಯವನ್ನು ಹೊಂದಿವೆ. ಈ ವಾಹನಗಳು ಮಣ್ಣು, ಮರಳು, ಬಂಡೆಗಳು, ಆಳವಿಲ್ಲದ ನೀರಿನಂತಹ ಪ್ರದೇಶಗಳಲ್ಲಿ ಸುಲಭವಾಗಿ ಸಾಗಲಿವೆ.

ಈ ವಾಹನಗಳು 6 ಜನ ಸಿಬ್ಬಂದಿಯನ್ನು ಸಾಗಿಸಬಲ್ಲವು, ಜೊತೆಗೆ ಅಗತ್ಯವಿರುವ ಸಾಗಿಸಲು ಸಾಕಷ್ಟು ಸ್ಥಳಾವಕಾಶ ನೀಡಲಾಗಿದೆ. ಈ ವಾಹನಗಳು ಒಳಗೆ ಕುಳಿತ ಸೈನಿಕರನ್ನು ಯಾವುದೇ ರೀತಿಯ ದಾಳಿಯಿಂದಲೂ ರಕ್ಷಿಸುತ್ತವೆ ಎಂದು ಅಶೋಕ್ ಲೇಲ್ಯಾಂಡ್ ಕಂಪನಿ ಹೇಳಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ವಾಹನವು ಬುಲೆಟ್ ಹಾಗೂ ಗ್ರೆನೇಡ್ ದಾಳಿಯನ್ನು ಸಹ ತಡೆದುಕೊಳ್ಳಬಲ್ಲದು. ಎಲ್ಲಾ ಬುಲೆಟ್ ಪ್ರೂಫ್ ವಾಹನಗಳು ಹೆಚ್ಚಿನ ಚಾಲನಾ ಸಾಮರ್ಥ್ಯವನ್ನು ಹೊಂದಿವೆ. ಇದು ಯಾವುದೇ ಪರಿಸ್ಥಿತಿಯಲ್ಲಿ ಜನರನ್ನು ರಕ್ಷಿಸುವ ವಿಶ್ವಾಸವನ್ನು ನೀಡುತ್ತದೆ.