ಹೊಸ ಮಹೀಂದ್ರಾ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಬಿಡುಗಡೆ

ಹೊಸ ಮಹೀಂದ್ರಾ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಬೆಲೆಯು ದೆಹಲಿ ಎಕ್ಸ್ ಶೋರೂಂ ಪ್ರಕಾರ ರೂ.11.99 ಲಕ್ಷಗಳಾಗಿದೆ. ಇನ್ನು ಈ ಹೊಸ ವೆರಿಯೆಂಟ್ ಗಾಗಿ ಬುಕ್ಕಿಂಗ್ ಅನ್ನು ಪ್ರಾರಂಭಿಸಿದ್ದಾರೆ. ಇನ್ನು ಈ ಹೊಸ ಎಸ್‍ಯುವಿಯನ್ನು ಖರೀದಿಸಲು ಬಯಸುವ ಗ್ರಾಹಕರು ಆನ್‌ಲೈನ್ ಮೂಲಕ ಅಥವಾ ಭಾರತದಾದ್ಯಂತ ಬ್ರ್ಯಾಂಡ್‌ನ ಯಾವದೇ ಡೀಲರುಗಳ ಬಲಿ ತೆರಳಿ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ.

ಇನ್ನು ಶೀಘ್ರದಲ್ಲೇ ಹೊಸ ಮಹೀಂದ್ರಾ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ವಿತರಣೆಯನ್ನು ಪ್ರಾರಂಭಿಸಬಹುದು. ಮಹೀಂದ್ರಾ ಕಂಪನಿಯು ಈ ಹಿಂದೆ ಎಸ್3 ಪ್ಲಸ್ ವೆರಿಯೆಂಟ್ ಅನ್ನು ಸ್ಥಗಿತಗೊಳಿಸಲಾಗಿತ್ತು. ಆದರೆ ಇದೀಗ ಈ ವೆರಿಯೆಂಟ್ ಅನ್ನು ಭಾರತೀಯ ಮಾರುಕಟ್ಟೆಗೆ ಮರಳಿ ತರಲಾಗಿದೆ.

MOST READ: 2020ರ ಡಿಸೆಂಬರ್ ತಿಂಗಳ ಮಾರಾಟದಲ್ಲಿ ಬೆಳವಣಿಗೆ ಸಾಧಿಸಿದ ಮಹೀಂದ್ರಾ ಎಕ್ಸ್‌ಯುವಿ300

ಹೊಸ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಎಸ್5 ವೆರಿಯೆಂಟ್ ನಲ್ಲಿರುವ ಹೆಚ್ಚಿನ ಫೀಚರ್ ಗಳನ್ನು ಒಳಗೊಂಡಿವೆ. ಎಸ್5 ವೆರಿಯೆಂಟ್ ನಲ್ಲಿರುವ ಈ ಹೊಸ ಎಂಟ್ರಿ ಲೆವೆಲ್ ಸೈಡ್-ಸ್ಟೆಪ್, ಸ್ಪೀಡ್ ಸೆನ್ಸಿಂಗ್ ಡೋರ್ ಲಾಕ್, ವಿನೈಲ್ ಸೀಟ್ ಅಪ್ಹೋಲ್ಸ್ಟರಿ ಮತ್ತು ಮುಂಭಾಗ ಮತ್ತು ಹಿಂಭಾಗದ ಬಂಪರ್‌ಗಳಲ್ಲಿ ಪೇಂಟೆಡ್ ಬಾಡಿ ಕ್ಲಾಡಿಂಗ್ ಸೇರಿದಂತೆ ಒಂದೆರಡು ಅಂಶಗಳನ್ನು ಒಳಗೊಂಡಿಲ್ಲ.

ಹೊಸ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ನಲ್ಲಿ 17 ಇಂಚಿನ ಸ್ಟೀಲ್ ವ್ಹೀಲ್ ಗಳ ಸೆಟ್, ಮ್ಯಾನುಯಲ್ ಸೆಂಟ್ರಲ್ ಲಾಕಿಂಗ್, ಟಿಲ್ಟ್ ಅಡ್ಜಸ್ಟ್ ಸ್ಟೀರಿಂಗ್, ಮ್ಯಾನುಯಲ್ ಎಚ್‌ವಿಎಸಿ, ಎಂಜಿನ್ ಸ್ಟಾರ್ಟ್/ಸ್ಟಾಪ್ ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸರ್‌ಗಳನ್ನು ಹೊಂದಿವೆ.

MOST READ: ಜನವರಿ ತಿಂಗಳಿನಲ್ಲಿ ಮಾರುತಿ ಎಕ್ಸ್‌ಎಲ್6 ಕಾರು ಮಾರಾಟದಲ್ಲಿ ಶೇ.305ರಷ್ಟು ಹೆಚ್ಚಳ

ಎಂಟ್ರಿ ಲೆವೆಲ್ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ನಲ್ಲಿ ಅದೇ 2.2-ಲೀಟರ್ ಎಮ್ಹಾಕ್ ಡೀಸೆಲ್ ಎಂಜಿನ್ ಅನ್ನು ಅಳವಡಿಸಲಾಗಿದೆ.. ಈ ಎಂಜಿನ್ ಡಿ-ಟ್ಯೂನ್ಡ್ ಆವೃತ್ತಿಯೊಂದಿಗೆ 120 ಬಿಹೆಚ್‌ಪಿ ಪವರ್ ಮತ್ತು 280 ಎನ್ಎಂ ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಇನ್ನು ಈ ಎಂಜಿನ್ ನೊಂದಿಗೆ 5-ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ, ಹೊಸ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಡೈಮಂಡ್ ವೈಟ್, ದಿಸಾಟ್ ಸಿಲ್ವರ್, ಮಾಲ್ಟನ್ ರೆಡ್ ರೇಂಚ್ ಮತ್ತು ನಾಪೋಲಿ ಬ್ಲ್ಯಾಕ್ ಎಂಬ ನಾಲ್ಕು ಬಣ್ಣಗಳ ಆಯೆಯನ್ನು ಹೊಂದಿವೆ.

MOST READ: ಭಾರತದಲ್ಲಿ ಸೋಲ್ಡ್ ಔಟ್ ಆದ ಮರ್ಸಿಡಿಸ್ ಇಕ್ಯೂಸಿ ಎಲೆಕ್ಟ್ರಿಕ್ ಎಸ್‍ಯುವಿ

ಹೊಸ ಮಹೀಂದ್ರಾ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಅತ್ಯುತ್ತಮ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಅಲ್ಲದೇ ಮಹೀಂದ್ರಾ ಸ್ಕಾರ್ಪಿಯೋ ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಜನಪ್ರಿಯ ಎಸ್‍ಯುವಿಗಳಲ್ಲಿ ಒಂದಾಗಿದೆ.

ಮಹೀಂದ್ರಾ ಕಂಪನಿಗೆ ಮಾರಾಟದಲ್ಲಿ ಸ್ಕಾರ್ಪಿಯೋ ಎಸ್‍ಯುವಿಯು ದೊಡ್ಡ ಕೊಡುಗೆಯನ್ನು ನೀಡುತ್ತಿದೆ. ಅಲ್ಲದೇ ಈ ಹೊಸ ಸ್ಕಾರ್ಪಿಯೋ ಎಸ್3 ಪ್ಲಸ್ ವೆರಿಯೆಂಟ್ ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ. ಇದರಿಂದ ಸ್ಕಾರ್ಪಿಯೋ ಮಾರಾಟವನ್ನು ಇನ್ನಷ್ಟು ಸುಧಾರಿಸಲು ಸಹಾಯ ಮಾಡುತ್ತದೆ.