Just In
- 4 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 4 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 5 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 5 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Movies ತಿಂಗಳುಗಳ ಒಳಗೆ ಬಾಡಿದ ಪ್ರೀತಿ: ಹನ್ಸಿಕಾಗಾಗಿ ಸಿಂಬು ಖರ್ಚು ಮಾಡಿದ್ದು ಒಂದೆರಡು ಕೋಟಿ ಅಲ್ಲ!
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಕ್ಟೋಬರ್ನಲ್ಲಿ ಹೆಚ್ಚು ಮಾರಾಟ ಕಂಡ ಹೊಸ ಕಾರುಗಳು
ಕಳೆದ ತಿಂಗಳು ಕಾರುಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿಲ್ಲ. ಆದರೆ ಕೆಲವು ಹೊಸ ಕಾರುಗಳು ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿವೆ. ಕಳೆದ ಕೆಲವು ತಿಂಗಳುಗಳಲ್ಲಿ Tata Punch, Mahindra XUV 700, Tata Safari, Volkswagen Taigun ನಂತಹ ಕಾರುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗಿದೆ. ಈ ಎಲ್ಲಾ ಮಾದರಿಗಳು ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿವೆ. ಯಾವ ಯಾವ ಹೊಸ ಕಾರುಗಳು ಎಷ್ಟು ಪ್ರಮಾಣದಲ್ಲಿ ಮಾರಾಟವಾಗಿವೆ ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.
Tata Punch
Tata Punch ಬಿಡುಗಡೆಯಾದ ಮೊದಲ ತಿಂಗಳೇ ಹೆಚ್ಚು ಜನಪ್ರಿಯವಾಗಿದೆ. ಕಳೆದ ತಿಂಗಳು Tata Punch ಮೈಕ್ರೋ ಎಸ್ಯುವಿಯ 8453 ಯುನಿಟ್ಗಳು ಮಾರಾಟವಾಗಿವೆ. Tata Motors ಕಂಪನಿಯ ಕಾರುಗಳ ಮಾರಾಟದಲ್ಲಿ Tiago ಎರಡನೇ ಸ್ಥಾನದಲ್ಲಿದ್ದು, Altroz ಅನ್ನು ಹಿಂದಿಕ್ಕಿದೆ. ಕಂಪನಿಯು Punch ಮೈಕ್ರೋ ಎಸ್ಯುವಿಗಾಗಿ ಎಷ್ಟು ಬುಕ್ಕಿಂಗ್ಗಳನ್ನು ಪಡೆದುಕೊಂಡಿದೆ ಎಂಬುದನ್ನು ಬಹಿರಂಗಪಡಿಸಿಲ್ಲ.
Tata Punch ನಿಂದಾಗಿ ಕಂಪನಿಯು ಕಳೆದ ತಿಂಗಳು 33,926 ಯುನಿಟ್ ವಾಹನಗಳನ್ನು ಮಾರಾಟ ಮಾಡಿದೆ. ಕಂಪನಿಯು ಮಾರಾಟದ ವಿಷಯದಲ್ಲಿ ಮೂರನೇ ಸ್ಥಾನದಲ್ಲಿದೆ. ಕಂಪನಿಯ ಮಾರಾಟವು ಅಕ್ಟೋಬರ್ನಲ್ಲಿ 44% ನಷ್ಟು ಹೆಚ್ಚಾಗಿದ್ದು, ಮಾರುಕಟ್ಟೆ ಪಾಲು 13.7% ಕ್ಕೆ ಏರಿದೆ. ಈ ಮೈಕ್ರೋ ಎಸ್ಯುವಿಯನ್ನು ಅಕ್ಟೋಬರ್ 18 ರಂದು ಭಾರತದಲ್ಲಿ ಬಿಡುಗಡೆಗೊಳಿಸಲಾಯಿತು. ಸುಮಾರು 12 ದಿನಗಳಲ್ಲಿ ಈ ಮೈಕ್ರೋ ಎಸ್ಯುವಿ ಹೆಚ್ಚು ಮಾರಾಟವನ್ನು ದಾಖಲಿಸಿದೆ.
Mahindra XUV 700
ಅಕ್ಟೋಬರ್ನಲ್ಲಿ Mahindra ಕಂಪನಿಯ ಹೊಸ XUV 700 ಎಸ್ಯುವಿಯ 3407 ಯುನಿಟ್ಗಳು ಮಾರಾಟವಾಗಿವೆ. ಬಿಡುಗಡೆಯಾದ ಒಂದು ತಿಂಗಳೊಳಗೆ Mahindra XUV 700 ಎಸ್ಯುವಿಯು 70,000 ಯುನಿಟ್ ಬುಕ್ಕಿಂಗ್ ಪಡೆದಿದೆ. ಈ ಎಸ್ಯುವಿಯ ಡೀಸೆಲ್ ಮಾದರಿಗಳ ವಿತರಣೆಯನ್ನು ನವೆಂಬರ್ ಕೊನೆಯ ವಾರದಿಂದ ಆರಂಭಿಸಲಾಗುವುದು. ಪೆಟ್ರೋಲ್ ಮಾದರಿಗಳ ವಿತರಣೆಯನ್ನು ಈಗಾಗಲೇ ಆರಂಭಿಸಲಾಗಿದೆ. ಕಂಪನಿಯು ಜನವರಿ ವೇಳೆಗೆ 14,000 ಯುನಿಟ್ಗಳನ್ನು ವಿತರಿಸಲಿದೆ.
Mahindra XUV 700 ಎಸ್ಯುವಿಗಾಗಿ ಮೊದಲ ಹಂತದ ಬುಕ್ಕಿಂಗ್ ಗಳನ್ನು ಅಕ್ಟೋಬರ್ 7 ರಂದು ಆರಂಭಿಸಲಾಯಿತು. ಈ ಎಸ್ಯುವಿಯು ಒಂದು ಗಂಟೆಯೊಳಗೆ 25,000 ಬುಕ್ಕಿಂಗ್ ಗಳನ್ನು ಪಡೆಯಿತು. ಎರಡನೇ ದಿನ ಮತ್ತೆ 25,000 ಬುಕ್ಕಿಂಗ್ಗಳನ್ನು ಪಡೆಯಿತು. ಡಿಸೆಂಬರ್ ತಿಂಗಳಿನಿಂದ ಈ ಎಸ್ಯುವಿಯ ವಿತರಣೆ ವೇಗವಾಗಲಿದೆ. ಸೆಮಿ ಕಂಡಕ್ಟರ್ ಗಳ ಕೊರತೆಯಿಂದಾಗಿ ಈ ಎಸ್ಯುವಿಯ ವಿತರಣೆ ಪೂರ್ಣ ಪ್ರಮಾಣದಲ್ಲಿ ಸಾಧ್ಯವಾಗುತ್ತಿಲ್ಲ.
Tata Safari
Tata Motors ಕಂಪನಿಯ 6/7 ಸೀಟರ್ ಎಸ್ಯುವಿಯಾದ Safari ಕೂಡ ದೇಶಿಯ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿದೆ. ಅಕ್ಟೋಬರ್'ನಲ್ಲಿಕಂಪನಿಯು ಈ ಎಸ್ಯುವಿಯ ಒಟ್ಟು 1,735 ಯುನಿಟ್ ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿದೆ. Tata Safari ಎಸ್ಯುವಿಯನ್ನು XE, XM, XT, XT+, XZ, XZ+ ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಸೆಪ್ಟೆಂಬರ್ನಲ್ಲಿ ಈ ಎಸ್ಯುವಿಯ ಗೋಲ್ಡ್ ಆವೃತ್ತಿಯನ್ನು ಬಿಡುಗಡೆಗೊಳಿಸಲಾಗಿದೆ.
Tata Safari ಗೋಲ್ಡ್ ಎಡಿಷನ್ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ. 21.89 ಲಕ್ಷಗಳಾಗಿದೆ. ಹೊಸ ಎಕ್ಸ್ಕ್ಲೂಸಿವ್ ಆವೃತ್ತಿಯನ್ನು ವೈಟ್ ಗೋಲ್ಡ್ ಹಾಗೂ ಬ್ಲ್ಯಾಕ್ ಗೋಲ್ಡ್ ಎಂಬ ಎರಡು ವಿಭಿನ್ನ ಬಣ್ಣಗಳಲ್ಲಿ ನೀಡಲಾಗುತ್ತದೆ. ಕಂಪನಿಯು ಈ ಮಾದರಿಯಲ್ಲಿ ಬ್ಲಾಕ್ ರೂಫ್ ನೀಡಿದೆ. ಇದು Safari ಎಸ್ಯುವಿಗೆ ಡ್ಯುಯಲ್ ಟೋನ್ ಲುಕ್ ನೀಡುತ್ತದೆ.
Volkswagen Taigun
Volkswagen ಕಂಪನಿಯು ಕಳೆದ ತಿಂಗಳು ತನ್ನ Taigun ಎಸ್ಯುವಿಯ 2,551 ಯುನಿಟ್ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿದೆ. Taigun ಎಸ್ಯುವಿಯು ಮಾರಾಟದಲ್ಲಿ Skoda Kushaq ಎಸ್ಯುವಿಯನ್ನು ಹಿಂದಿಕ್ಕಿದೆ. ಬಿಡುಗಡೆಯಾದ ಒಂದು ತಿಂಗಳ ನಂತರ, ಈ ಎಸ್ಯುವಿ 18,000 ಕ್ಕೂ ಹೆಚ್ಚು ಯುನಿಟ್ಗಳನ್ನು ಬುಕ್ ಮಾಡಲಾಗಿದೆ ಎಂದು ಕಂಪನಿ ತಿಳಿಸಿದೆ. Taigun ಎಸ್ಯುವಿಯ ಬೆಲೆ ಭಾರತದ ಎಕ್ಸ್ ಶೋರೂಂ ದರದಂತೆ ರೂ. 10.50 ಲಕ್ಷಗಳಾಗಿದೆ.
Taigun ಎಸ್ಯುವಿಗಾಗಿ ಸುಮಾರು 12,000 ಯುನಿಟ್ ಮುಂಗಡ ಬುಕಿಂಗ್ಗಳನ್ನು ಸ್ವೀಕರಿಸಲಾಗಿದೆ. ಆದರೆ ಈ ಎಸ್ಯುವಿಯು ದಿನಕ್ಕೆ ಸರಾಸರಿ 250 ಬುಕ್ಕಿಂಗ್ಗಳನ್ನು ಪಡೆಯುತ್ತಿದೆ ಎಂದು ಕಂಪನಿ ಹೇಳಿದೆ. 2021ರ ಹೊಸ Volkswagen Taigun ಎಸ್ಯುವಿಯ ಸಂಪೂರ್ಣ ಉತ್ಪಾದನಾ ಬ್ಯಾಚ್ ಮಾರಾಟವಾಗಿದೆ. ಈ ಎಸ್ಯುವಿಗಾಗಿ ಹೆಚ್ಚುತ್ತಿರುವ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯು Taigun ಎಸ್ಯುವಿಯ ಬುಕ್ಕಿಂಗ್ಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಬಹುದು ಎಂದು ಹೇಳಲಾಗಿದೆ.
ಹೊಸ ಕಾರುಗಳು ದೇಶಿಯ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿವೆ. ಕಳೆದ ತಿಂಗಳು ಬಿಡುಗಡೆಯಾದ ಎರಡು ಕಾರುಗಳು ಟಾಪ್ 25 ರಲ್ಲಿ ಸ್ಥಾನ ಪಡೆದಿವೆ. ಇದರೊಂದಿಗೆ ಇತರ ಹೊಸ ಮಾದರಿಗಳಿಗೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಪ್ರತಿ ವರ್ಷವೂ ದಸರಾ, ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಹೊಸ ವಾಹನಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುತ್ತವೆ. ಈ ಸಂದರ್ಭದಲ್ಲಿ ವಾಹನ ತಯಾರಕ ಕಂಪನಿಗಳು ಸಹ ವಾಹನ ಖರೀದಿಸುವವರಿಗೆ ಹಲವು ರೀತಿಯ ಕೊಡುಗೆಗಳನ್ನು ನೀಡುತ್ತವೆ. ಆದರೆ ಈ ಬಾರಿ ಹೊಸ ವಾಹನಗಳು ನಿರೀಕ್ಷಿತ ಪ್ರಮಾಣದಲ್ಲಿ ಮಾರಾಟವಾಗಿಲ್ಲ. ಜಾಗತಿಕವಾಗಿ ಸೆಮಿ ಕಂಡಕ್ಟರ್ ಗಳಿಗೆ ಕೊರತೆ ಉಂಟಾಗಿರುವುದರಿಂದ ಕಂಪನಿಗಳು ವಾಹನಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಉತ್ಪಾದಿಸದೇ ಇರುವುದರಿಂದ ವಾಹನಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುತ್ತಿಲ್ಲ.