ಸಿ‌ಎನ್‌ಜಿ ಕಿಟ್'ನೊಂದಿಗೆ ಮಾಡಿಫೈಗೊಂಡ ಹೊಸ ಹ್ಯುಂಡೈ ಐ 20 ಕಾರು

ಆದರೂ ಐ 20 ಕಾರು ಗಮನಾರ್ಹ ಸಂಖ್ಯೆಯ ಗ್ರಾಹಕರನ್ನು ಹೊಂದಿದೆ. ಹೊಸ ತಲೆಮಾರಿನ ಹ್ಯುಂಡೈ ಐ 20 ಕಾರ್ ಅನ್ನು ಕಳೆದ ವರ್ಷ ಭಾರತದಲ್ಲಿ ಬಿಡುಗಡೆಗೊಳಿಸಲಾಯಿತು. ಭಾರತದ ಬಹುತೇಕ ನಗರಗಳಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ ರೂ.100 ಗಡಿ ದಾಟಿದೆ. ಈ ಕಾರಣಕ್ಕೆ ಬಹುತೇಕ ಗ್ರಾಹಕರು ಹೊಸ ಕಾರು ಖರೀದಿಸುವಾಗ ಆ ಕಾರಿನ ಮೈಲೇಜ್ ಅನ್ನು ಪರಿಗಣಿಸುತ್ತಾರೆ.

ಪೆಟ್ರೋಲ್ ಬೆಲೆ ಏರಿಕೆಯಿಂದ ಕಂಗಾಲಾಗಿರುವ ಕೆಲವು ಕಾರು ಮಾಲೀಕರು ತಮ್ಮ ಕಾರುಗಳಲ್ಲಿ ಸಿಎನ್‌ಜಿ ಕಿಟ್ ಅಳವಡಿಸಿಕೊಳ್ಳುತ್ತಿದ್ದಾರೆ. ಈಗ ಹ್ಯುಂಡೈ ಐ 20 ಕಾರೊಂದನ್ನು ಸಿಎನ್‌ಜಿ ಕಿಟ್'ನೊಂದಿಗೆ ಮಾಡಿಫೈ ಮಾಡಲಾಗಿದೆ.

ಈ ಕಾರಿಗೆ ಸಂಬಂಧಿಸಿದ ವೀಡಿಯೊವನ್ನು ಸಿಎನ್‌ಜಿ ಮಾರುತಿ ಆಟೋಗ್ಯಾಸ್ ಸಿಎನ್‌ಜಿ ಯೂಟ್ಯೂಬ್ ಚಾನೆಲ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ. ಈ ಮಾರುತಿ ಆಟೋ ಗ್ಯಾಸ್ ಕಾರು ಗ್ಯಾರೇಜ್ ಆಗಿದ್ದು ಸಿಎನ್‌ಜಿ ಕಿಟ್'ಗಳನ್ನು ಕಾರುಗಳಲ್ಲಿ ಅಳವಡಿಸುತ್ತದೆ.

ಈ ಗ್ಯಾರೇಜ್ ಭಾರತದಲ್ಲಿ ಇಟಲಿಯ ಸಾವೊಲಿ ಸಿಎನ್‌ಜಿ ಪ್ಯಾಕೇಜ್'ಗಳನ್ನು ಅಧಿಕೃತವಾಗಿ ವಿತರಿಸುತ್ತದೆ. ಹ್ಯುಂಡೈ ಐ 20 ಮಾದರಿಯನ್ನು ಪೆಟ್ರೋಲ್ ಎಂಜಿನ್ ಹಾಗೂ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಮಾರಾಟ ಮಾಡಲಾಗುತ್ತದೆ.

ಆದರೆ ಈ ಕಾರ್ ಅನ್ನು ಸಿಎನ್‌ಜಿ ಆಯ್ಕೆಯಲ್ಲಿ ಮಾರಾಟ ಮಾಡುವುದಿಲ್ಲ. ಸಿಎನ್‌ಜಿ ಕಿಟ್ ಅಳವಡಿಸಲಾದ ಈ ಐ 20 ಕಾರು ಸ್ಪೋರ್ಟ್ಸ್ ಮಾದರಿಯಾಗಿದೆ.ಈ ಕಾರಿನಲ್ಲಿ ಸಾವೊಲಿ ಬೋರಾ ಎಸ್ 32 ಸ್ಕ್ವೇರ್ ಸಿಎನ್‌ಜಿ ಪ್ಯಾಕೇಜ್ ಅಳವಡಿಸಲಾಗಿದೆ.

ಈ ಕಾರಿನಲ್ಲಿ ವೈರ್, ಗ್ಯಾಸ್ ಪೈಪ್‌, ಇಂಜೆಕ್ಟರ್‌ಗಳನ್ನು ಒಳಗೊಂಡಿರುವ ಕಿಟ್ ಅನ್ನು ಕಾರಿನ ಬಾನೆಟ್ ಅಡಿಯಲ್ಲಿ ಆಕರ್ಷಕವಾಗಿ ಅಳವಡಿಸಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು.

ಈ ಸಿಎನ್‌ಜಿ ಕಿಟ್ ಒಟ್ಟು 8 ಇಂಜೆಕ್ಟರ್‌ಗಳನ್ನು ಹೊಂದಿದೆ. 4 ಸಿಲಿಂಡರ್ ಎಂಜಿನ್ ವ್ಯವಸ್ಥೆಯಲ್ಲಿ ಸಾಮಾನ್ಯವಾಗಿ 4 ಇಂಜೆಕ್ಟರ್‌ಗಳನ್ನು ಸರಬರಾಜು ಮಾಡಲಾಗುತ್ತದೆ. ಆದರೆ ಈ ಕಾರಿನಲ್ಲಿ 8 ಇಂಜೆಕ್ಟರ್‌ಗಳನ್ನು ಅಳವಡಿಸಿರುವುದು ವಿಶೇಷ.

ಇದರಿಂದ ಈ ಸಿಎನ್‌ಜಿ ಕಾರಿನಲ್ಲಿ ಎಲೆಕ್ಟ್ರಿಕ್ ಸಪ್ಲೈ ಸಹ ಉತ್ತಮವಾಗಿರುತ್ತದೆ. ಪೆಟ್ರೋಲ್ ವಾಹನಗಳಿಗೆ ಹೋಲಿಸಿದರೆ ಸಿಎನ್‌ಜಿ ವಾಹನಗಳು ಸ್ವಲ್ಪ ಹೆಚ್ಚು ಟ್ರಾಕ್ಷನ್ ಹೊಂದಿರುತ್ತವೆ. ಇಷ್ಟು ದೊಡ್ಡ ಸಂಖ್ಯೆಯ ಇಂಜೆಕ್ಟರ್‌ಗಳನ್ನು ನೀಡುವ ಮೂಲಕ ಇದನ್ನು ತಪ್ಪಿಸಬಹುದು.

ಚಿತ್ರ ಕೃಪೆ: ಸಿ‌ಎನ್‌ಜಿಮಾರುತಿಆಟೋಗ್ಯಾಸ್ ಸಿ‌ಎನ್‌ಜಿ