ಮಹಿಳೆಯರಿಗಾಗಿಯೇ ಶುರುವಾಯ್ತು ಪಿಂಕ್ ಸಿಟಿ ಬಸ್

ಈ ಸೇವೆಯಡಿಯಲ್ಲಿ ಸದ್ಯಕ್ಕೆ ಎರಡು ಬಸ್‌ಗಳು ಕಾರ್ಯಾಚರಣೆ ನಡೆಸಲಿವೆ. ಈ ಬಸ್ ಸೇವೆಯನ್ನು ಮಹಿಳೆಯರಿಗಾಗಿ ಮಾತ್ರ ಕಾಯ್ದಿರಿಸಲಾಗಿದೆ. ಈ ಪಿಂಕ್ ಸಿಟಿ ಬಸ್‌ನಲ್ಲಿ ಕಂಡಕ್ಟರ್‌ನಿಂದ ಕ್ಲೀನರ್'ವರೆಗೆ ಕೇವಲ ಮಹಿಳೆಯರು ಮಾತ್ರ ಇರಲಿದ್ದಾರೆ.

ಈ ಎಲ್ಲರೂ ಪಿಂಕ್ ಬಣ್ಣದ ಉಡುಪಿನಲ್ಲಿರುತ್ತಾರೆ. ಈ ಬಸ್ಸಿನ ಪ್ರಯಾಣ ದರವನ್ನು ರೂ.5ಗಳಿಗೆ ನಿಗದಿಪಡಿಸಲಾಗಿದೆ. ಈ ಬಸ್ ಸೇವೆಯಿಂದ ನಗರದ ಮಹಿಳೆಯರು ಆರಾಮವಾಗಿ, ಸುರಕ್ಷಿತವಾಗಿ ಪ್ರಯಾಣಿಸಲು ಸಾಧ್ಯವಾಗಲಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ವಿಶೇಷ ಬಸ್‌ನಲ್ಲಿ ಒಂದು ಬಾರಿಗೆ 30 ಮಹಿಳಾ ಪ್ರಯಾಣಿಕರು ಪ್ರಯಾಣಿಸಬಹುದು. ಇನ್ನೊಂದು ಪ್ರಮುಖ ಸಂಗತಿಯೆಂದರೆ ಮಹಿಳೆಯರ ಜೊತೆಗೆ ಮಕ್ಕಳೂ ಸಹ ಈ ಬಸ್‌ನಲ್ಲಿ ಪ್ರಯಾಣಿಸಬಹುದು.

ಇಂತಹ ಇನ್ನಷ್ಟು ಬಸ್‌ಗಳನ್ನು ಹಲವು ಮಾರ್ಗಗಳಲ್ಲಿ ಓಡಿಸಲು ರಾಂಚಿ ಪಾಲಿಕೆಯು ನಿರ್ಧರಿಸಿದೆ. ರಾಂಚಿಯಲ್ಲಿ ಮಹಿಳೆಯರಿಗಾಗಿ ಈಗಾಗಲೇ ಪಿಂಕ್ ಆಟೋಗಳಿಗೆ ಚಾಲನೆ ನೀಡಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಮಹಿಳೆಯರಿಗಾಗಿಯೇ ಮೀಸಲಾಗಿರುವ ಈ ಆಟೋಗಳ ಚಾಲಕರು ಸಹ ಮಹಿಳೆಯರೇ ಎಂಬುದು ವಿಶೇಷ. ಪಿಂಕ್ ಬಸ್‌ನ ಕೆಲವು ನಿಲ್ದಾಣಗಳಲ್ಲಿ ಪುರುಷ ಚಾಲಕರಿರುತ್ತಾರೆ.

ಆದರೆ ಹೆಚ್ಚಿನ ನಿಲ್ದಾಣಗಳಲ್ಲಿ ಮಹಿಳಾ ಚಾಲಕರನ್ನು ನೇಮಿಸಿಕೊಳ್ಳಲಾಗಿದೆ. ಮಹಿಳೆಯರಿಗಾಗಿಯೇ ವಿಶೇಷ ಬಸ್ ಆರಂಭಿಸಿರುವ ರಾಂಚಿ ಮಹಾನಗರ ಪಾಲಿಕೆಯ ಈ ಕಾರ್ಯವು ನಿಜಕ್ಕೂ ಶ್ಲಾಘನೀಯ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಮಹಿಳೆಯರು ಬಸ್ಸುಗಳಲ್ಲಿ ಪ್ರಯಾಣಿಸುವಾಗ ಹಲವು ತೊಂದರೆಗಳನ್ನು ಎದುರಿಸುತ್ತಾರೆ. ಆದರೆ ಈ ಪಿಂಕ್ ಬಸ್'ನಿಂದಾಗಿ ಮಹಿಳೆಯರಿಗೆ ಪ್ರಯಾಣದ ವೇಳೆ ತೊಂದರೆಯಾಗುವುದು ತಪ್ಪಲಿದೆ.

ಜೊತೆಗೆ ಪ್ರಯಾಣಕ್ಕಾಗಿ ಕಡಿಮೆ ವೆಚ್ಚವಾಗುತ್ತದೆ. ಈ ಬಸ್ ಸೇವೆಗೆ ಇಂದು ಚಾಲನೆ ನೀಡಲಾಗಿದೆ ಎಂದು ರಾಂಚಿ ಮೇಯರ್ ಆಶಾ ಲಕ್ರಾ ತಿಳಿಸಿದ್ದಾರೆ. ಈ ಬಸ್ಸಿಗೆ ಪಿಂಕ್ ಸಿಟಿ ಬಸ್ ಸೇವೆ ಎಂಬ ಹೆಸರಿಡಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸದ್ಯಕ್ಕೆ ಈ ಸೇವೆಯಲ್ಲಿ ಎರಡು ಬಸ್‌ಗಳು ಸಂಚರಿಸಲಿವೆ. ಮುಂಬರುವ ದಿನಗಳಲ್ಲಿ ಈ ರೀತಿಯ 10 ಬಸ್‌ಗಳಿಗೆ ಚಾಲನೆ ನೀಡಲಾಗುವುದು ಎಂದು ರಾಂಚಿ ಪಾಲಿಕೆ ತಿಳಿಸಿದೆ.

ಈ ಬಸ್ ಪ್ರತಿದಿನ ಬೆಳಿಗ್ಗೆ 7ರಿಂದ ರಾತ್ರಿ 8 ರವರೆಗೆ ಚಲಿಸಲಿದೆ ಎಂದು ರಾಂಚಿ ಮೇಯರ್ ಹೇಳಿದರು. ಈ ಬಸ್ ಕಚ್ರಿ ಚೌಕ್‌ನಿಂದ ಬಿರ್ಸಾ ಚೌಕ್‌ವರೆಗೆ 7 ಕಿ.ಮೀ ಚಲಿಸುತ್ತದೆ. ಇದಕ್ಕಾಗಿ ಮಹಿಳೆಯರು ಕೇವಲ ರೂ.5 ಶುಲ್ಕ ನೀಡಿದರೆ ಸಾಕು.

ಗಮನಿಸಿ: ಈ ಲೇಖನದಲ್ಲಿ ಕೆಲವು ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.