ಐಒಸಿಎಲ್'ಗೆ 15 ಹೈಡ್ರೋಜನ್ ಬಸ್‌ಗಳನ್ನು ಪೂರೈಸಲಿದೆ ಟಾಟಾ ಮೋಟಾರ್ಸ್

ಇಂಡಿಯನ್ ಆಯಿಲ್ ಕಾರ್ಪೊರೇಶನ್ ಲಿಮಿಟೆಡ್ (ಐಒಸಿಎಲ್) ಟಾಟಾ ಮೋಟಾರ್ಸ್‌ಗೆ 15 ಹೈಡ್ರೋಜನ್ ಇಂಧನ ಕೋಶ ಬಸ್‌ಗಳನ್ನು ತಯಾರಿ ಪೂರೈಸಲು ಆರ್ಡರ್ ನೀಡಿದೆ. ಇದಕ್ಕೆ ಸಂಬಂಧಿಸಿದ ಟೆಂಡರ್ ಅನ್ನು ಟಾಟಾ ಮೋಟಾರ್ಸ್ ಟೆಂಡರ್ ಗೆದ್ದಿದೆ ಎಂದು ಐ‌ಒಸಿ‌ಎಲ್ ತಿಳಿಸಿದೆ.

ಐಒಸಿಎಲ್ 2020ರ ಡಿಸೆಂಬರ್‌ನಲ್ಲಿ ಟೆಂಡರ್‌ಗಳನ್ನು ಕರೆದಿತ್ತು. ಈ ಟೆಂಡರ್ ನಲ್ಲಿ ಟಾಟಾ ಮೋಟಾರ್ಸ್ ಸೇರಿದಂತೆ ದೇಶದ ಪ್ರಮುಖ ಕಂಪನಿಗಳು ಭಾಗವಹಿಸಿದ್ದವು. ಕೊನೆಗೆ ಟಾಟಾ ಮೋಟಾರ್ಸ್ ಹರಾಜಿನಲ್ಲಿ ಗೆದ್ದಿದೆ.

ಈ ಹಿನ್ನೆಲೆಯಲ್ಲಿ ಟಾಟಾ ಮೋಟಾರ್ಸ್‌ಗೆ ಆರ್ಡರ್ ನೀಡಲಾಗಿದೆ. ಎಲ್ಲಾ 15 ಹೈಡ್ರೋಜನ್ ಇಂಧನ-ಚಾಲಿತ ಬಸ್ಸುಗಳನ್ನು 144 ವಾರಗಳಲ್ಲಿ ತಲುಪಿಸಬೇಕು ಎಂದು ಐಒಸಿಎಲ್ ತಿಳಿಸಿದೆ. ಟಾಟಾ ಮೋಟಾರ್ಸ್ ಕೆಲವೇ ತಿಂಗಳುಗಳಲ್ಲಿ ಈ ಎಲ್ಲಾ ಬಸ್ಸುಗಳನ್ನು ತಲುಪಿಸುವ ನಿರೀಕ್ಷೆಗಳಿವೆ.

ಐಒಸಿಎಲ್‌ನ ಸಂಶೋಧನೆ ಹಾಗೂ ಅಭಿವೃದ್ಧಿ ಕೇಂದ್ರದ ಸಹಯೋಗದೊಂದಿಗೆ ಭವಿಷ್ಯದಲ್ಲಿ ಇಂಧನ ಕೋಶ ವಾಹನಗಳು ಹಾಗೂ ತಂತ್ರಜ್ಞಾನಗಳ ಕುರಿತು ಸಂಶೋಧನೆ ಮುಂದುವರಿಸುವುದಾಗಿ ಟಾಟಾ ಮೋಟಾರ್ಸ್ ತಿಳಿಸಿದೆ.

ಈಗ ಪೂರೈಸಲಿರುವ ಎಲ್ಲಾ ಹೈಡ್ರೋಜನ್ ಇಂಧನ ಕೋಶ ಬಸ್‌ಗಳ ನಿರ್ವಹಣೆ ಹಾಗೂ ಕಾರ್ಯಾಚರಣೆಯ ಜವಾಬ್ದಾರಿಯನ್ನು ವಹಿಸಿಕೊಳ್ಳುವುದಾಗಿ ಟಾಟಾ ಮೋಟಾರ್ಸ್ ಹೇಳಿದೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಟಾಟಾ ಮೋಟಾರ್ಸ್ ವಾಣಿಜ್ಯ ವಾಹನ ಅಧಿಕಾರಿ ಕ್ರಿಸ್ ವಾ, ಟಾಟಾ ಮೋಟಾರ್ಸ್ ಇದುವರೆಗೆ ಫೇಮ್ 1 ಯೋಜನೆಯಡಿ 215 ಎಲೆಕ್ಟ್ರಿಕ್ ಬಸ್ಸುಗಳನ್ನು ತಲುಪಿಸಿದೆ. ಫೇಮ್ 2 ಯೋಜನೆಯಡಿ 600 ಎಲೆಕ್ಟ್ರಿಕ್ ಬಸ್ಸುಗಳನ್ನು ತಲುಪಿಸಲು ಕಂಪನಿಗೆ ಅವಕಾಶವಿದೆ ಎಂದು ಹೇಳಿದರು.

ಹೈಡ್ರೋಜನ್ ಇಂಧನ ಕೋಶ ವಾಹನಗಳು ಆವಿಗಳನ್ನು ಮಾತ್ರ ಮಾಲಿನ್ಯಕಾರಕಗಳಾಗಿ ಹೊರಸೂಸುತ್ತವೆ. ಇದು ಹೈಡ್ರೋಜನ್ ಇಂಧನ ಕೋಶವನ್ನು ವಿದ್ಯುಚ್ಛಕ್ತಿಯಾಗಿ ಪರಿವರ್ತಿಸಿ ಅದರ ಮೂಲಕ ಚಲಿಸಬಹುದು.

ಆದರೆ ಇಂಧನ ಕೋಶ ವಾಹನ ಎಲೆಕ್ಟ್ರಿಕ್ ವಾಹನಕ್ಕಿಂತ ಉತ್ತಮ ವಾಹನವಾಗಿದೆ. ಎಲೆಕ್ಟ್ರಿಕ್ ವಾಹನವನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ಆರರಿಂದ ಎಂಟು ಗಂಟೆ ಬೇಕಾಗುತ್ತದೆ ಎಂಬುದು ಇದಕ್ಕೆ ಕಾರಣ. ಸಾಮಾನ್ಯ ಚಾರ್ಜಿಂಗ್ ಕೇಂದ್ರಗಳಲ್ಲಿ ಚಾರ್ಜ್ ಮಾಡುವಾಗ ಇಷ್ಟು ಸಮಯ ಬೇಕಾಗುತ್ತದೆ.

ಆದರೆ ಸಾಂಪ್ರದಾಯಿಕ ಇಂಧನ ವಾಹನಗಳಲ್ಲಿ ಇಂಧನವನ್ನು ಕೆಲವೇ ಕ್ಷಣಗಳಲ್ಲಿ ಇಂಧನ ತುಂಬಿಸಬಹುದು. ಅಗತ್ಯವಿರುವಷ್ಟು ಹೈಡ್ರೋಜನ್ ಅನ್ನು ಕೆಲವೇ ಕ್ಷಣಗಳಲ್ಲಿ ತುಂಬಬಹುದು.

ಹೈಡ್ರೋಜನ್ ಇಂಧನ ಕೋಶ ವಾಹನಗಳು ಹೆಚ್ಚು ದೂರ ತಲುಪುವ ಸಾಮರ್ಥ್ಯವನ್ನು ಹೊಂದಿವೆ. ಟೊಯೊಟಾದ ಮಿರೈ ಪೂರ್ತಿಯಾಗಿ ಇಂಧನ ತುಂಬಿದ ನಂತರ ಸಾವಿರ ಕಿ.ಮೀಗಳವರೆಗೆ ಸಂಚರಿಸುತ್ತದೆ.

ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.