ಈ ಹೊಸ ಕಾರುಗಳನ್ನು ಪಡೆಯಲು ಇಷ್ಟು ದಿನ ಕಾಯಲೇ ಬೇಕು

ಬೇಡಿಕೆ ಹೆಚ್ಚಾಗಿರುವ ಕಾರಣಕ್ಕೆ ಸಣ್ಣ ಕಾರುಗಳಿಂದ ಎಸ್‌ಯುವಿಗಳವರೆಗೆ ವಿತರಣೆಯನ್ನು ಪಡೆಯಲು ಹೆಚ್ಚು ಕಾಲ ಕಾಯಬೇಕಾಗಿದೆ. ವರದಿಗಳ ಪ್ರಕಾರ ಕಾರುಗಳ ವಿತರಣೆಯನ್ನು ಪಡೆಯಲು 1 ತಿಂಗಳಿನಿಂದ 10 ತಿಂಗಳವರೆಗೆ ಕಾಯಬೇಕಾಗಿದೆ. ಮಾರುತಿ ಸುಜುಕಿ ಕಂಪನಿಯು ಅಕ್ಟೋಬರ್‌ ತಿಂಗಳಿನಿಂದ ಪೂರ್ಣ ಸಾಮರ್ಥ್ಯದೊಂದಿಗೆ ಕಾರುಗಳನ್ನು ಉತ್ಪಾದಿಸುತ್ತಿದೆ.

ಆದ್ದರಿಂದ ಕಂಪನಿಯ ಜನಪ್ರಿಯ ಕಾರುಗಳಾದ ಸ್ವಿಫ್ಟ್, ಆಲ್ಟೊ ಹಾಗೂ ವ್ಯಾಗನ್ಆರ್ ಗಳ ವಿತರಣೆಯನ್ನು ಪಡೆಯಲು 3 - 4 ವಾರಗಳ ಕಾಯಬೇಕಾಗುತ್ತದೆ. ಆದರೆ ಎರ್ಟಿಗಾ ಕಾರಿನ ವಿತರಣೆಯನ್ನು ಪಡೆಯಲು 6 - 8 ವಾರಗಳ ಕಾಯಬೇಕಾಗುತ್ತದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಮಾರುತಿ ಸುಜುಕಿ ಕಂಪನಿಯು ಡಿಸೆಂಬರ್ 27ರಿಂದ ಜನವರಿ 3ರವರೆಗೆ ನಿರ್ವಹಣೆಯನ್ನು ಸ್ಥಗಿತಗೊಳಿಸಿತ್ತು. ಇನ್ನು ದೇಶದ ಎರಡನೇ ಅತಿದೊಡ್ಡ ಕಾರು ತಯಾರಕ ಕಂಪನಿಯಾದ ಹ್ಯುಂಡೈ ಕಳೆದ ಆರು ತಿಂಗಳಿನಿಂದ ತನ್ನ ಉತ್ಪಾದನೆಯನ್ನು ದ್ವಿಗುಣಗೊಳಿಸಿದೆ.

ಕಳೆದ ಆರು ತಿಂಗಳಲ್ಲಿ ಕಂಪನಿಯು ಕ್ರೆಟಾ ಕಾರಿನ ಉತ್ಪಾದನೆಯನ್ನು 340 ಯುನಿಟ್‌ನಿಂದ 640 ಯುನಿಟ್‌ಗಳಿಗೆ ಹೆಚ್ಚಿಸಿದೆ. ಇದರಿಂದಾಗಿ ಈ ಮೊದಲು 6 ತಿಂಗಳಿದ್ದ ಕಾಯುವ ಅವಧಿಯು 2 - 3 ತಿಂಗಳುಗಳಿಗೆ ಇಳಿಕೆಯಾಗಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಹ್ಯುಂಡೈ ವೆನ್ಯೂ ಹಾಗೂ ವರ್ನಾ ಕಾರುಗಳ ಉತ್ಪಾದನೆಯನ್ನು ಸಹ ಹೆಚ್ಚಿಸಲಾಗಿದೆ. ಹೊಸ ಐ 20 ಕಾರಿನ ವಿತರಣೆಯನ್ನು ಪಡೆಯಲು 2 - 3 ತಿಂಗಳ ಕಾಲ ಕಾಯಬೇಕಾಗಿದೆ. ಹ್ಯುಂಡೈ ಕಂಪನಿಯು ಈ ಅವಧಿಯನ್ನು ಕಡಿಮೆಗೊಳಿಸಲು ಪ್ರಯತ್ನಿಸುತ್ತಿದೆ.

ಸದ್ಯಕ್ಕೆ ಕಂಪನಿಯು ಪ್ರತಿ ತಿಂಗಳು ಈ ಕಾರಿನ 8000 - 9000 ಯುನಿಟ್'ಗಳನ್ನು ಉತ್ಪಾದಿಸುತ್ತಿದೆ. ಈ ಪ್ರಮಾಣವನ್ನು ತಿಂಗಳಿಗೆ 12,000 ಯುನಿಟ್‌ಗಳಿಗೆ ಹೆಚ್ಚಿಸುವ ಸಾಧ್ಯತೆಗಳಿವೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಕಿಯಾ ಮೋಟಾರ್ಸ್ ಕಂಪನಿಯ ಸೆಲ್ಟೋಸ್ ಹಾಗೂ ಸೊನೆಟ್ ಕಾರುಗಳ ವಿತರಣೆಯನ್ನು ಪಡೆಯಲು 2-3 ತಿಂಗಳು ಕಾಯಬೇಕಾಗಿದೆ. ಇನ್ನು ಮಹೀಂದ್ರಾ ಅಂಡ್ ಮಹೀಂದ್ರಾ ಕಂಪನಿಯು ತನ್ನ ಥಾರ್ ಎಸ್‌ಯುವಿಯ ಉತ್ಪಾದನೆಯನ್ನು ಹೆಚ್ಚಿಸಲು ಮುಂದಾಗಿದೆ.

ಸದ್ಯಕ್ಕೆ ಪ್ರತಿ ತಿಂಗಳು ಈ ಎಸ್‌ಯುವಿಯ 2000 ಯೂನಿಟ್'ಗಳನ್ನು ಉತ್ಪಾದಿಸಲಾಗುತ್ತಿದೆ. ಎರಡನೇ ಹಂತದಲ್ಲಿ ಈ ಪ್ರಮಾಣವನ್ನು 3000 ಯುನಿಟ್ ಹಾಗೂ 3500 ಯುನಿಟ್'ಗಳಿಗೆ ಹೆಚ್ಚಿಸಲಾಗುವುದು.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಉತ್ಪಾದನೆಯ ಹೆಚ್ಚಳವಾದ ನಂತರ ಕಾಯುವ ಅವಧಿಯು ಕಡಿಮೆಯಾಗಲಿದೆ. ಸದ್ಯಕ್ಕೆ ಥಾರ್ ಎಸ್‌ಯುವಿ ವಿತರಣೆಯನ್ನು ಪಡೆಯಲು 20 - 40 ವಾರಗಳ ಕಾಲ ಕಾಯಬೇಕಾಗಿದೆ.

ನಿಸ್ಸಾನ್ ಕಂಪನಿಯು ಈ ವಾರ ತನ್ನ ಮ್ಯಾಗ್ನೈಟ್ ಕಾರಿನ ಉತ್ಪಾದನೆಯನ್ನು ತಿಂಗಳಿಗೆ 2700 ಯೂನಿಟ್'ಗಳಿಂದ 4000 ಯೂನಿಟ್'ಗಳಿಗೆ ಹೆಚ್ಚಿಸುತ್ತಿದೆ. ಇದರಿಂದಾಗಿ ಕಾಯುವ ಅವಧಿಯು 6 ತಿಂಗಳಿಂದ 2 - 3 ತಿಂಗಳುಗಳಿಗೆ ಇಳಿಯಲಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಬಹುತೇಕ ಕಂಪನಿಗಳ ಡೀಲರ್'ಗಳು ಡಿಸೆಂಬರ್‌ನಲ್ಲಿ ತಮ್ಮ ಬಳಿಯಿದ್ದ ಕಾರುಗಳನ್ನು ಮಾರಾಟ ಮಾಡಿದ್ದಾರೆ. ಕಳೆದ ಡಿಸೆಂಬರ್‌ನಲ್ಲಿ 2,76,500 ಯುನಿಟ್‌ ಕಾರುಗಳು ಮಾರಾಟವಾಗಿವೆ. ಈ ಪ್ರಮಾಣವು ಕಳೆದ ಒಂದು ದಶಕದ ಅವಧಿಯಲ್ಲಿ ಡಿಸೆಂಬರ್‌ ತಿಂಗಳಿನಲ್ಲಿ ಅತಿ ಹೆಚ್ಚಿನದಾಗಿದೆ. ಈ ಬಗ್ಗೆ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.