ವಿಶ್ವದಲ್ಲೇ ಮೊದಲ ಬಾರಿಗೆ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರುಗಳ ಸ್ಪರ್ಧೆ ಆಯೋಜಿಸಿದ ಅಲೌಡಾ ಏರೋನಾಟಿಕ್ಸ್

ಅಲೌಡಾ ತಾಂತ್ರಿಕ ತಂಡವು ಈ ಸ್ಪರ್ಧೆಗಾಗಿ ಎರಡು Mk 3 ಗಳನ್ನು ವಿನ್ಯಾಸಗೊಳಿಸಿತ್ತು. ನಿಗದಿ ಪಡಿಸಲಾದ ಮರುಭೂಮಿಯಲ್ಲಿ 300 ಮೀಟರ್ ಡ್ರ್ಯಾಗ್ ಸ್ಟ್ರಿಪ್‌ನಲ್ಲಿ ಎರಡೂ ತಂಡಗಳು ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳುವ ತಂತ್ರವನ್ನು ಅಳವಡಿಸಿಕೊಂಡಿದ್ದವು. ಇಂಜಿನಿಯರ್‌ಗಳು ಹಾಗೂ ಅಧಿಕೃತ ರಿಮೋಟ್ ಟೆಸ್ಟ್ ಪೈಲಟ್‌ಗಳಿಂದ ಕೂಡಿದ ತಂಡಗಳು ಪೂರ್ಣ ಪ್ರಮಾಣದ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರ್‌ಗಳ ನಿಯಂತ್ರಣವನ್ನು ಪಡೆದು ಕೊಂಡವು.

ಈ ಡ್ರ್ಯಾಗ್ ರೇಸ್‌ ಎಲೆಕ್ಟ್ರಿಕ್ ಆಗಿ ನಿಯಂತ್ರಿಸಲ್ಪಡುವ ರೇಸ್ ಟ್ರ್ಯಾಕ್ ಅನ್ನು ವಿಶ್ವದ ಕೆಲವು ಅತ್ಯಂತ ಆಕರ್ಷಕ ದೃಶ್ಯಗಳಲ್ಲಿ ನ್ಯಾವಿಗೇಟ್ ಮಾಡುವುದನ್ನು ಸಹ ಒಳಗೊಂಡಿತ್ತು. ಏರ್‌ಸ್ಪೀಡರ್‌ನ ಮೊದಲ ಡ್ರ್ಯಾಗ್ ರೇಸ್ ಮುಂದಿನ ವರ್ಷ ನಡೆಯಲಿರುವ ಪ್ರಸ್ತಾವಿತ ಅಂತರರಾಷ್ಟ್ರೀಯ ಸ್ಪರ್ಧೆಯಾದ EXA ಗಾಗಿ ಪ್ರಮುಖ ಪೂರ್ವ ತಯಾರಿ ಪರೀಕ್ಷಾ ಅವಧಿಯ ಭಾಗವಾಗಿತ್ತು.

ಈ ರೇಸಿಂಗ್ ಸರಣಿಯು ಹೊಸ ವಾಹನಗಳಿಗೆ ಪ್ರಾಯೋಗಿಕವಾಗಿ ಕಾರ್ಯನಿರ್ವಹಿಸಿತು. ಈ ಡ್ರ್ಯಾಗ್ ರೇಸ್‌ನ ವೀಡಿಯೊವನ್ನು ಯೂಟ್ಯೂಬ್ ಚಾನೆಲ್ ನಲ್ಲಿ ಅಪ್ ಲೋಡ್ ಮಾಡಲಾಗಿದೆ. ಈ ವೀಡಿಯೊದಲ್ಲಿ ಎಲೈಟ್ ಪೈಲಟ್‌ಗಳು ಆಕಾಶದಲ್ಲಿ ಪ್ರಾಪ್ ಟು ಪ್ರಾಪ್ ರೇಸ್ ಮಾಡುತ್ತಿರುವುದರಿಂದ ಈ ಎರಡೂ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರುಗಳ ಅದ್ಭುತ ವೀಕ್ಷಣೆಯನ್ನು ಕಾಣಬಹುದು.

ಈ ಡ್ರ್ಯಾಗ್ ರೇಸ್ ಯಶಸ್ವಿಯಾಗಿ ಪೂರ್ಣಗೊಂಡಿದೆ. ಈ ಡ್ರ್ಯಾಗ್ ರೇಸ್‌ಗಾಗಿ ಎರಡು ತಂಡಗಳನ್ನು ಮಾಡಲಾಗಿತ್ತು, ಒಂದು ತಂಡ ಬ್ರಾವೋ (ಕೆಂಪು) ಹಾಗೂ ಮತ್ತೊಂದು ತಂಡ ಆಲ್ಫಾ (ಕಪ್ಪು). ಈ ಸ್ಪರ್ಧೆಯಲ್ಲಿ ಬ್ರಾವೋ ತಂಡ ಆಲ್ಫಾ ತಂಡವನ್ನು ಕೇವಲ ಮೂರು ಸೆಕೆಂಡುಗಳಲ್ಲಿ ಸೋಲಿಸಿ, ಬೌಂಡರಿ ಗೆರೆಯನ್ನು ದಾಟಿತು. ಇದು ಇಡೀ ತಂಡಕ್ಕೆ ಸಿಕ್ಕ ದೊಡ್ಡ ಯಶಸ್ಸು.

ಈ ಐತಿಹಾಸಿಕ ಮೊದಲ ಡ್ರ್ಯಾಗ್ ರೇಸ್ ಮುಕ್ತಾಯದೊಂದಿಗೆ, ಅಲೌಡಾ EXA ಸರಣಿಯ ಬ್ಯಾನರ್ ಅಡಿಯಲ್ಲಿ ಮೊದಲ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರ್ ಗ್ರ್ಯಾಂಡ್ ಪ್ರಿಕ್ಸ್ ಕ್ಯಾಲೆಂಡರ್ ಘೋಷಿಸಲು ಸಿದ್ಧವಾಗಿದೆ. ದೂರದಿಂದ ಕಾರ್ಯ ನಿರ್ವಹಿಸುವ ಈ ರೇಸ್ ಪ್ರಮುಖ ಸರಣಿಯಾಗಿ ಕಾರ್ಯನಿರ್ವಹಿಸಲಿದ್ದು, ಕ್ರೀಡೆಯನ್ನು ಚಾಲನೆ ಮಾಡುವ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುತ್ತದೆ.

ಈ eVTOL ಗಳನ್ನು ಬಳಸಿಕೊಂಡು ಮುಂಬರುವ ದಿನಗಳಲ್ಲಿ ಪೂರ್ಣ ಪ್ರಮಾಣದ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರುಗಳ ಸ್ಪರ್ಧೆಯನ್ನು ಆಯೋಜಿಸಲಾಗುವುದು. ಈ ಸ್ಪರ್ಧೆಯನ್ನು ಸ್ಪೀಡರ್ಸ್ ಎಂದು ಕರೆಯಲಾಗುತ್ತದೆ. ಇದನ್ನು ಅಲೌಡಾ ಆಯೋಜಿಸಲಿದೆ. ಪ್ರಪಂಚದಾದ್ಯಂತವಿರುವ ವ್ಯಾಪಕ ಸರಣಿಯ ತಂಡಗಳು EXA ರೇಸ್‌ಗಳಲ್ಲಿ ಸ್ಪರ್ಧಿಸಲಿವೆ. ಈ ಸ್ಪರ್ಧೆಯಲ್ಲಿ ಸ್ಪರ್ಧಾತ್ಮಕತೆಯನ್ನು ನೀಡಲು ತಾಂತ್ರಿಕ ಹಾಗೂ ಯುದ್ಧ ತಂತ್ರದ ಸ್ವಾತಂತ್ರ್ಯವನ್ನು ನೀಡಲಾಗುತ್ತದೆ.

ಹಾರುವ ಕಾರುಗಳು ಆಟೋ ಉತ್ಸಾಹಿಗಳಲ್ಲಿ ಹಾಗೂ ವಾಹನ ತಯಾರಕ ಕಂಪನಿಗಳಲ್ಲಿ ಹೆಚ್ಚಿನ ನಿರೀಕ್ಷೆಯನ್ನು ಮೂಡಿಸಿವೆ. ಈ ಕಾರಣಕ್ಕೆ ಜನಪ್ರಿಯ ಕಂಪನಿಗಳಿಂದ ಹಿಡಿದು ಸ್ಟಾರ್ಟ್ ಅಪ್‌ ಕಂಪನಿಗಳವರೆಗೆ ಹಲವು ಕಂಪನಿಗಳು ಹಾರುವ ಕಾರುಗಳನ್ನು ಅಭಿವೃದ್ಧಿಪಡಿಸಲು ಮುಂದಾಗಿವೆ. ಒಟ್ಟು ಐದು ಕಾರುಗಳು ಬಳಕೆಗೆ ಸಿದ್ದವಾಗುತ್ತಿವೆ. ಯಾವ ಕಂಪನಿಗಳು, ಹಾರುವ ಕಾರುಗಳನ್ನು ಬಿಡುಗಡೆ ಮಾಡಲಿವೆ. ಅವುಗಳ ವಿಶೇಷತೆ ಏನು ಎಂಬುದನ್ನು ನೋಡುವುದಾದರೆ : -

ಆಸ್ಟ್ರೋ ಎಲ್ರಾಯ್:

ಈ ಕಾರು ಆಟೋಮ್ಯಾಟಿಕ್ ಆಗಿ ಹಾರುತ್ತದೆ. ಈ ಹಾರುವ ಕಾರನ್ನು ಯಾವುದೇ ನಗರ ಪ್ರದೇಶಗಳಲ್ಲಿ ಬಳಸಬಹುದು. ಈ ಕಾರನ್ನು ಬಳಸಲು ಪ್ರತ್ಯೇಕ ನೆಲ ಅಥವಾ ಜಾಗದ ಅಗತ್ಯವಿಲ್ಲ. ಆಸ್ಟ್ರೋ ಎಲ್ರಾಯ್ ಗಾತ್ರದಲ್ಲಿ ಚಿಕ್ಕದಾಗಿದ್ದರೂ ಹಾರಾಟ ನಡೆಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಕಾರು ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಯಾವಾಗ ಎಂಬ ಖಚಿತ ಮಾಹಿತಿ ಲಭ್ಯವಾಗಿಲ್ಲ. ಕರೋನಾ ವೈರಸ್ ಹರಡುವಿಕೆಯು ಅಸ್ಟ್ರಾ ಎಲ್ರಾಯ್ ಫ್ಲೈಯಿಂಗ್ ಕಾರಿನ ಉತ್ಪಾದನೆಯ ಮೇಲೆ ಪರಿಣಾಮ ಬೀರಿದೆ ಎಂದು ಹೇಳಲಾಗಿದೆ.

ಲಿಫ್ಟ್ ಹೆಕ್ಸಾ

ಈ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರಿನಲ್ಲಿ ಕೇವಲ ಒಬ್ಬರು ಪ್ರಯಾಣಿಕರು ಮಾತ್ರ ಪ್ರಯಾಣಿಸಬಹುದು. ಈ ಫ್ಲೈಯಿಂಗ್ ಕಾರನ್ನು ಕಡಿಮೆ ಅಂತರದಲ್ಲಿ ಹಾರಲು ಇಷ್ಟಪಡುವವರಿಗೆ ವಿನ್ಯಾಸಗೊಳಿಸಲಾಗಿದೆ. ಈ ಕಾರು ಅಲ್ಟ್ರಾಲೈಟ್‌ಗಳಿಂದ ಚಾಲನೆಯಾಗುತ್ತದೆ ಎಂಬುದು ವಿಶೇಷ. ಈ ಹಾರುವ ಕಾರನ್ನು ಚಾಲನೆ ಮಾಡಲು ಪೈಲಟ್ ಪರವಾನಗಿ ಪಡೆಯುವ ಅಗತ್ಯವಿಲ್ಲ.

ಹೋವರ್‌ಸರ್ಫ್:

ಹೋವರ್‌ಸರ್ಫ್ ವಿಶ್ವದ ಅತ್ಯಂತ ದುಬಾರಿ ಹಾಗೂ ಅತ್ಯಾಧುನಿಕ ಕಾರುಗಳಲ್ಲಿ ಒಂದಾಗಿದ್ದು, ದುಬೈ ಪೊಲೀಸರ ಗಮನವನ್ನು ಸೆಳೆಯುತ್ತಿದೆ. ಈ ಕಾರು ಬಿಡುಗಡೆಯಾದ ನಂತರ ದುಬೈ ಪೊಲೀಸರ ಪಡೆಯಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆಗಳಿವೆ. ಇದು ಇವಿಟಿಒಎಲ್ ಪ್ರಮಾಣೀಕೃತ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರ್ ಆಗಿದೆ.

ಅಗಸ್ಟಾ ವೆಸ್ಟ್ಲ್ಯಾಂಡ್ ಎಡಬ್ಲ್ಯು609

ಈ ಹಾರುವ ಕಾರನ್ನು ವಿಐಪಿಗಳ ಬಳಕೆಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಕಾರು ನೇರವಾಗಿ ಕೆಳಕ್ಕಿಳಿದು, ಮೇಲಕ್ಕೆರುತ್ತದೆ.ಈ ಕಾರು ಹೆಚ್ಚು ದೂರ ಪ್ರಯಾಣಿಸುತ್ತದೆ ಎಂದು ಹೇಳಲಾಗಿದೆ.

ಪಾಲ್-ವಿ

ಡಚ್ ಕಂಪನಿಯ ಈ ಫ್ಲೈಯಿಂಗ್ ಕಾರು ಶೀಘ್ರದಲ್ಲೇ ವಿಶ್ವದಾದ್ಯಂತ ಲಭ್ಯವಾಗಲಿದೆ. ಮಿಲ್ಕ್-ವಿ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರುಗಳನ್ನು ಭಾರತದಲ್ಲಿ ಬಿಡುಗಡೆಗೊಳಿಸಲಾಗುವುದು. ಈ ಕಾರನ್ನು ಫ್ಲೈಯಿಂಗ್ ಕಾರ್ ಅಥವಾ ರಸ್ತೆ ಕಾರ್ ಆಗಿ ಬಳಸಬಹುದು. ಈ ಕಾರಿನಲ್ಲಿ ಇಬ್ಬರು ಪ್ರಯಾಣಿಕರು ಮಾತ್ರ ಸಂಚರಿಸಬಲ್ಲರು. ಮೇಲೆ ತಿಳಿಸಲಾದ ಈ ಐದು ಹಾರುವ ಕಾರುಗಳು ಶೀಘ್ರದಲ್ಲೇ ಸಾರ್ವಜನಿಕ ಬಳಕೆಗೆ ಬರಲಿವೆ.

ಇವುಗಳಲ್ಲಿ ಕೆಲವು ಕಾರುಗಳನ್ನು ಪ್ರವಾಸಿಗರನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಪಾಲ್-ವಿನಂತಹ ಹಾರುವ ಕಾರುಗಳನ್ನು ವಾಣಿಜ್ಯ ಹಾಗೂ ಸಾರ್ವಜನಿಕರ ಬಳಕೆಗಾಗಿ ಬಿಡುಗಡೆಗೊಳಿಸಲಾಗುವುದು.