ಯಶಸ್ವಿಯಾಗಿ ಟೇಕ್ ಆಫ್ ಆದ ವಿಶ್ವದ ಮೊದಲ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರು

ಅಲಡಾ ಏರ್‌ಸ್ಪೀಡರ್ ಎಂಕೆ 3 ಎಂಬ ಹೆಸರಿನ ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರು ಮುಂದಿನ ವರ್ಷದ ವೇಳೆಗೆ ಬಳಕೆಗೆ ಬರುವ ನಿರೀಕ್ಷೆಗಳಿವೆ. ಈ ಕಾರು ನಾಲ್ಕು ಮೀಟರ್ ಉದ್ದ ಹೊಂದಿರುವ ಮಲ್ಟಿ-ಕಾಪ್ಟರ್ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರ್ ಆಗಿದೆ.

ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರನ್ನು ಆಸ್ಟ್ರೇಲಿಯಾದ ವಿಮಾನಯಾನ ಪ್ರಾಧಿಕಾರದ ಅನುಮೋದನೆಯೊಂದಿಗೆ ದಕ್ಷಿಣ ಆಸ್ಟ್ರೇಲಿಯಾದ ಡೈರಿ ಫಾರೆಸ್ಟ್‌ನಲ್ಲಿ ಪರೀಕ್ಷಿಸಲಾಗುತ್ತಿದೆ. ಈ ಪರೀಕ್ಷೆಯಲ್ಲಿ ಕಾರು ಟೇಕಾಫ್ ಆಗಿ ಸುರಕ್ಷಿತವಾಗಿ ಇಳಿದಿದೆ.

ಈ ಪರೀಕ್ಷಾರ್ಥ ಚಾಲನೆಯ ಯಶಸ್ಸಿನ ನಂತರ, ಶೀಘ್ರದಲ್ಲೇ ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರನ್ನು ಬಳಕೆಗೆ ತರಲು ಉತ್ಪಾದನಾ ಕಂಪನಿಯು ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿದೆ. ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರು 130 ಕೆ.ಜಿ ತೂಕವನ್ನು ಹೊಂದಿದೆ.

ಈ ಕಾರ್ ಅನ್ನು ಹೆಚ್ಚು ವೇಗ ಹಾಗೂ ಹೆಚ್ಚುವರಿ ಶ್ರೇಣಿ ತಲುಪುವ ರೀತಿಯಲ್ಲಿ ಹಗುರವಾಗಿ ವಿನ್ಯಾಸಗೊಳಿಸಲಾಗಿದೆ. ಕಂಪನಿಯು ಹೆಚ್ಚಿನ ವೇಗದಲ್ಲಿ ಹಾರಾಡಲುಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರನ್ನು ಎಫ್ 1 ಸ್ಪೋರ್ಟ್ಸ್ ಕಾರ್ ರೂಪದಲ್ಲಿ ಅಭಿವೃದ್ಧಿಪಡಿಸಿದೆ.

ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರು ಪ್ರತಿ ಗಂಟೆಗೆ 150 ಕಿ.ಮೀನಿಂದ 250 ಕಿ.ಮೀ ವೇಗದಲ್ಲಿ ಹಾರಬಲ್ಲದು. ಈ ಫ್ಲೈಯಿಂಗ್ ಕಾರನ್ನು ವಿಮಾನದ ಕಾಕ್‌ಪಿಟ್ ಭಾಗದೊಂದಿಗೆ ನಿರ್ಮಿಸಲಾಗಿದೆ.

ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರನ್ನು ಪರಿಶೋಧಿಸುತ್ತಿರುವ ಹಿನ್ನೆಲೆಯಲ್ಲಿ ಈ ಕಾರನ್ನು ಟೆಲಿರೋಬ್‌ಗಳು ಹಾರಿಸುತ್ತಿವೆ. ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರಿನಲ್ಲಿ ಮನುಷ್ಯರು ಕುಳಿತು ಪ್ರಯಾಣಿಸುವ ಸಾಧ್ಯತೆಗಳು ಹೆಚ್ಚು.

ಕಂಪನಿಯು ಸದ್ಯಕ್ಕೆ ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರಿನ ಬಗ್ಗೆ ಹೆಚ್ಚು ಪ್ರತಿಕ್ರಿಯೆ ನೀಡಿಲ್ಲ. ಈ ಕಾರಿನಲ್ಲಿ ರೋಬಾಟ್ ಅನ್ನು ಕಾಕ್‌ಪಿಟ್‌ನಲ್ಲಿ ನಿಲ್ಲಿಸಲಾಗಿದೆ. ಅದನ್ನು ನೆಲದ ಮೇಲೆ ಪೈಲಟ್‌ಗೆ ಜೋಡಿಸಲಾಗಿದೆ. ಪೈಲಟ್ ತಲೆ ತಿರುಗಿಸಿದಾಗ ರೋಬೋಟ್ ಕೂಡ ತನ್ನ ತಲೆಯನ್ನು ತಿರುಗಿಸುತ್ತದೆ ಎಂದು ಕಂಪನಿ ಹೇಳಿದೆ.

ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರನ್ನು 15 ನಿಮಿಷಗಳ ಲಿಥಿಯಂ ಪಾಲಿಮರ್ ಬ್ಯಾಟರಿಯೊಂದಿಗೆ ಪರೀಕ್ಷಿಸಲಾಗುತ್ತಿದೆ. ಬಳಕೆಗೆ ಬಂದ ನಂತರ ಈ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರು ಓಲಾ ಹಾಗೂ ಉಬರ್‌ನಂತಹ ರೈಡ್-ಶೇರಿಂಗ್ ಕಂಪನಿಗಳ ಅಡಿಯಲ್ಲಿ ಬರಲಿದೆ ಎಂದು ಕಂಪನಿ ಹೇಳಿದೆ.

ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರುಗಳು ಶೀಘ್ರದಲ್ಲೇ ಬಳಕೆಗೆ ಬರುವುದು ಖಚಿತ. ಇದಕ್ಕೆ ಸಾಕ್ಷಿಯಾಗಿರುವುದೇ ಆಸ್ಟ್ರೇಲಿಯಾದಲ್ಲಿ ಈಗ ನಡೆಯುತ್ತಿರುವ ಫ್ಲೈಯಿಂಗ್ ಎಲೆಕ್ಟ್ರಿಕ್ ಕಾರಿನ ಪರೀಕ್ಷಾರ್ಥ ಹಾರಾಟ.