2022 ಆಡಿ ಎ8 ಫೇಸ್‌ಲಿಫ್ಟ್‌ ಮಾದರಿಯ ವಿನ್ಯಾಸ, ಪವರ್ ಟ್ರೈನ್ ಮತ್ತು ವೈಶಿಷ್ಟ್ಯಗಳು

ವಿನ್ಯಾಸ

ಇದರ ಡಿಸೈನ್‌ ಬಗ್ಗೆ ಹೇಳುವುದಾದರೆ 2022ರ ಆಡಿ ಎ8 ಸ್ಟೈಲಿಶ್ ಹಾಗೂ ಹೆಚ್ಚು ಫ್ಯೂಚರಿಸ್ಟಿಕ್ ಆಗಿ ಕಾಣುತ್ತದೆ, ಅಂದರೆ ಮೂರು ಆಯಾಮದ ಕ್ರೋಮ್ ಅಂಶಗಳೊಂದಿಗೆ ಮರುವಿನ್ಯಾಸಗೊಳಿಸಲಾದ ಲಾರ್ಜ್ ಸಿಂಗಲ್-ಪೀಸ್ ಫ್ರಂಟ್ ಗ್ರಿಲ್, ಕಡಿಮೆ ರೂಫ್‌ಲೈನ್‌, ಮರುವಿನ್ಯಾಸಗೊಳಿಸಲಾದ ಏರ್ ಇನ್‌ಟೇಕ್‌ಗಳು ಮತ್ತು ಅಗಲವಾದ ಚಕ್ರ ಕಮಾನುಗಳನ್ನು ಒಳಗೊಂಡು ಆಕರ್ಷಕವಾಗಿ ಕಾಣುತ್ತದೆ.

ಈ ಡಿಜಿಟಲ್ ಮ್ಯಾಟ್ರಿಕ್ಸ್‌ ಎಲ್‌ಇಡಿ ಹೆಡ್‌ಲ್ಯಾಂಪ್‌ಗಳು 1.3 ಮಿಲಿಯನ್ ಮೈಕ್ರೋಮಿರರ್‌ಗಳನ್ನು ಹೊಂದಿರುವ ಚಿಪ್‌ಗಳನ್ನು ಬಳಸುತ್ತವೆ, ಇವು ಸೆಕೆಂಡಿಗೆ ಐದು ಸಾವಿರ ಬಾರಿ ಓರಿಯೆಂಟೇಶನ್ ಅನ್ನು ಬದಲಾಯಿಸುವ ಸಾಮರ್ಥ್ಯವನ್ನು ಹೊಂದಿವೆ. ಅಲ್ಲದೇ ಈ ಡಿಜಿಟಲ್ ಮ್ಯಾಟ್ರಿಕ್ಸ್‌ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಐಚ್ಛಿಕ ಘಟಕಗಳಾಗಿವೆ. ಜೊತೆಗೆ ಹೊಸ ಆಡಿ ಎ8ನ ಯಾವುದೇ ರೂಪಾಂತರಗಳಲ್ಲಿ ಪ್ರಮಾಣಿತ ಉಪಕರಣಗಳ ಭಾಗವಲ್ಲ.

ಪವರ್ ಟ್ರೈನ್

ಹೊಸ ಆಡಿ ಎ8 ನ ಹೊಸ ಫೇಸ್‌ಲಿಫ್ಟ್ ಆವೃತ್ತಿಯು ಕಂಪನಿಯ ಮೊದಲ ಸೆಡಾನ್ ಮಾದರಿಯಾಗಿ 3.0-ಲೀಟರ್ ಟರ್ಬೋಚಾರ್ಜ್ ವಿ6 ಟಿಡಿಐ ಡೀಸೆಲ್ ಎಂಜಿನ್ ಆಯ್ಕೆ ಹೊಂದಿದ್ದು, ಇದರ ದಕ್ಷತೆ ಮತ್ತು ಕಾರ್ಯಕ್ಷಮತೆಯನ್ನು ಮತ್ತಷ್ಟು ಸುಧಾರಿಸಲು 48-ವೋಲ್ಟ್ ಮೈಲ್ಡ್-ಹೈಬ್ರಿಡ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗಿದೆ. ಅಲ್ಲದೇ 286 ಬಿಎಚ್‌ಪಿ ಗರಿಷ್ಠ ಶಕ್ತಿ ಮತ್ತು 600 ಎನ್‌ಎಮ್ ಗರಿಷ್ಠ ಟಾರ್ಕ್ ಅನ್ನು ಉತ್ಪದಿಸಬಲ್ಲದು.

ಎರಡನೇ ಎಂಜಿನ್ ಪ್ಲಗ್-ಇನ್ ಹೈಬ್ರಿಡ್ ಟೆಕ್‌ನೊಂದಿಗೆ 3.0 ಲೀಟರ್ ಟಿಎಫ್‌ಎಸ್‌ಐ ಟರ್ಬೋಚಾರ್ಜ್ಡ್ ವಿ6 ಪೆಟ್ರೋಲ್ ಎಂಜಿನ್ ಆಗಿದೆ. ಪವರ್ ಟ್ರೈನ್ 443ಬಿಎಚ್‌ಪಿ ಪೀಕ್ ಪವರ್ ಮತ್ತು 700ಎನ್‌ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಹೈಬ್ರಿಡ್ ಘಟಕವಿಲ್ಲದೆ, ಪೆಟ್ರೋಲ್ ಘಟಕವು ಮಾತ್ರ ಆರೋಗ್ಯಕರ 340ಬಿಎಚ್‌ಪಿ ಗರಿಷ್ಠ ಶಕ್ತಿ ಮತ್ತು 500ಎನ್‌ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಮೂಲಕ ಹೊಸ ಎಂಜಿನ್ ಮಾದರಿಯು 135 ಕಿ.ಮೀ ವೇಗದಲ್ಲೂ 61 ಕಿ.ಮೀ ವರೆಗೆ ಯಾವುದೇ ಸದ್ದಿಲ್ಲದೇ ಚಲಿಸಬಲ್ಲದು.

ಹೆಚ್ಚುವರಿ ಊಂಫ್ ಜೊತೆಗೆ, ಆಡಿ ಎ8 ನ ಪ್ಲಗ್-ಇನ್ ಹೈಬ್ರಿಡ್ ಮಾದರಿಯು 61 ಕಿ.ಮೀ.ಗಳ ವರೆಗೆ ಗಂಟೆಗೆ 135 ಕಿ.ಮೀ ವೇಗದಲ್ಲಿ ಏಕಾಂಗಿಯಾಗಿ ಪ್ರಯಾಣಿಸಬಹುದು, ಅದರ 14.4ಕಿ.ವ್ ಹಿಲಿಥಿಯಂ-ಅಯಾನ್ ಬ್ಯಾಟರಿ ಪ್ಯಾಕ್ ಮತ್ತು 136ಬಿಎಚ್ ಪಿ ಶಾಶ್ವತ ಮ್ಯಾಗ್ನೆಟ್ ಸಿಂಕ್ರೋನಸ್ ಎಲೆಕ್ಟ್ರಿಕ್ ಮೋಟರ್ ನ ಸೌಜನ್ಯ. 2022 ರ ಆಡಿ ಎ8 ನಲ್ಲಿ ಆಫರ್ ನಲ್ಲಿರುವ ಮೂರನೇ ಎಂಜಿನ್ ಹೆಚ್ಚು ಶಕ್ತಿಶಾಲಿ4.0 ಲೀಟರ್ ವಿ8 ಎಂಜಿನ್ ಆಗಿದ್ದು, 571ಬಿಎಚ್ ಪಿ ಪೀಕ್ ಪವರ್ ಮತ್ತು 800ಎನ್ ಎಂ ಗರಿಷ್ಠ ಟಾರ್ಕ್ ಹೊಂದಿದೆ.

ಇದರ ಅದ್ಬುತ ಪರ್ಫಾಮೆನ್ಸ್‌ಗಾಗಿ 14.4kWh ಲಿಥಿಯಂ-ಐಯಾನ್ ಬ್ಯಾಟರಿ ಪ್ಯಾಕ್ ಮತ್ತು 136 ಬಿಎಚ್‌ಪಿ ಪರ್ಮನೆಂಟ್ ಮ್ಯಾಗ್ನೆಟ್ ಸಿಂಕ್ರೊನಸ್, (PSM) ವಿದ್ಯುತ್ ಮೋಟಾರ್ ಅನ್ನು ಅಳವಡಿಸಲಾಗಿದ್ದು, ಮೂರನೇ ಮಾದರಿಯು ಮತ್ತಷ್ಟು ಪ್ರಬಲ ಮಾದರಿಯಾಗಿದೆ.

ವೈಶಿಷ್ಟ್ಯಗಳು

ಹೊಸ ಆಡಿ ಎ8 ಜರ್ಮನ್ ವಾಹನ ತಯಾರಕರ ಇತ್ತೀಚಿನ ಫ್ಲ್ಯಾಗ್‌ಶಿಪ್ ಸೆಡಾನ್ ಆಗಿರುವುದರಿಂದ, 2022 ಆಡಿ ಎ8 ವಿಶ್ವದ ಅತ್ಯಂತ ಟೆಕ್-ಪ್ಯಾಕ್ಡ್ ಕಾರುಗಳಲ್ಲಿ ಒಂದಾಗಿದೆ, ಮತ್ತು 40 ಡ್ರೈವರ್ ಅಸಿಸ್ಟೆನ್ಸ್‌ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದಲ್ಲದೆ, ಹೊಸ ಆಡಿ ಎ8 ಮೈಆಡಿ ಆಪ್ ಮೂಲಕ ರಿಮೋಟ್ ಕಂಟ್ರೋಲ್ ಫಂಕ್ಷನ್‌ನೊಂದಿಗೆ ಪಾರ್ಕಿಂಗ್ ಪೈಲಟ್ ಫಂಕ್ಷನ್, ಎಲ್‌ಇಡಿ ಆಂಬಿಯೆಂಟ್ ಲೈಟಿಂಗ್, ಮಾಸ್ಸಾಜಿಂಗ್ ಸೀಟ್‌ಗಳು, ಹಿಂಭಾಗದ ಪ್ರಯಾಣಿಕರಿಗೆ ಎರಡು 10.1-ಇಂಚಿನ ಸ್ಕ್ರೀನ್‌ಗಳು, ಹಿಂಭಾಗದಿಂದ ವಿವಿಧ ಕಾರ್ಯಗಳನ್ನು ಸರಿಹೊಂದಿಸಲು 5.7-ಇಂಚಿನ ಒಎಲ್ಇಡಿ ಸ್ಕ್ರೀನ್, ಸುಗಮ ಸವಾರಿ ಗುಣಮಟ್ಟಕ್ಕಾಗಿ ಸಕ್ರಿಯ ಸಸ್ಪೆನ್ಷನ್ ಸೇರಿದಂಗತೆ ಇನ್ನೂ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ.

ಇವುಗಳ ಜೊತೆಗೆ ಸೂಪರ್-ಸ್ಮೂತ್ ರೈಡ್ ಹಾಗೂ ಉತ್ತಮ ಸಸ್ಪೆನ್ಶನ್‌ಗಾಗಿ 360-ಡಿಗ್ರಿ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ಇದು ಮುಂಬರುವ ಹಂಪ್ಸ್‌ ಮತ್ತು ಹಳ್ಳಗಳಿಂದ ಉಂಟಾಗುವ ಅಪಾಯವನ್ನು ಗುರುತಿಸಿ ಕಾರನ್ನು 8 ಸೆ.ಮೀವರೆಗೆ ಲಿಫ್ಟ್ ಮಾಡಿ ಅಪಾಯ ತಪ್ಪಿಸುತ್ತದೆ.

ಈ ಕಾರ್ಯಕ್ಷಮತೆ ಸುಧಾರಣೆಗಳ ಹೊರತಾಗಿ ಹೊಸ ಆಡಿ ಎ8ನ ಅತ್ಯಾಧುನಿಕ ಸ್ಪೇಸ್-ಫ್ರೇಮ್ ನಿರ್ಮಾಣಕ್ಕಾಗಿ ಶೇ. 58ರಷ್ಟು ಅಲ್ಯೂಮಿನಿಯಂ ಅನ್ನು ಬಳಸಲಾಗಿದೆ. ಈ ಮೂಲಕ ಇಂಜಿನಿಯರ್‌ಗಳು ಆಡಿ ಎ8ನ ಹಿಂದಿನ ಆವೃತ್ತಿಗಿಂತಲೂ ಹಗುರವಾದ ಹಾಗೂ ಅಧಿಕ ಪರ್ಫಾಮೆನ್ಸ್‌ ನೀಡುವಂತೆ ತಯಾರಿಸಿದ್ದಾರೆ.