ಅತ್ಯಾಧುನಿಕ ಫೀಚರ್ಸ್‌ಗಳೊಂದಿಗೆ 2022ರ ಎಂಜಿ ಗ್ಲೊಸ್ಟರ್ ಎಸ್‌ಯುವಿ ಬಿಡುಗಡೆ

2022ರ ಎಂಜಿ ಗ್ಲೊಸ್ಟರ್ ಎಸ್‌ಯುವಿಯು ಸೂಪರ್, ಶಾರ್ಪ್ ಮತ್ತು ಸ್ಯಾವಿ ಎಂಬ ರೂಪಾಂತರಗಳಲ್ಲಿ ಲಭ್ಯವಿದೆ. ಸ್ಯಾವಿ ರೂಪಾಂತರವು 6 ಮತ್ತು 7-ಸೀಟ್ ಲೇಔಟ್‌ಗಳಲ್ಲಿ 4X2 ಮತ್ತು 4×4 ಡ್ರೈವ್‌ಟ್ರೇನ್‌ಗಳೊಂದಿಗೆ ನೀಡಲಾಗುತ್ತದೆ, ಆದರೆ ಸೂಪರ್ ಮತ್ತು ಶಾರ್ಪ್ ಅನ್ನು 4×2 ಡ್ರೈವ್‌ಟ್ರೇನ್‌ನಲ್ಲಿ 7-ಸೀಟ್ ಲೇಔಟ್‌ನಲ್ಲಿ ಮಾತ್ರ ನೀಡಲಾಗುತ್ತದೆ. 2022ರ ಎಂಜಿ ಗ್ಲೊಸ್ಟರ್ ಅನ್ನು ಹೊಸ ಮತ್ತು ಸುಧಾರಿತ ಸುರಕ್ಷತೆ, ಶೈಲಿ ಮತ್ತು ತಂತ್ರಜ್ಞಾನಗಳೊಂದಿಗೆ ಭಾರತೀಯ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ.

ಈ ಗ್ಲೋಸ್ಟರ್‌ನ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟ್ ಸಿಸ್ಟಮ್ (ADAS) ಡೋರ್ ಓಪನ್ ವಾರ್ನಿಂಗ್ (DOW), ರಿಯರ್ ಕ್ರಾಸ್ ಟ್ರಾಫಿಕ್ ಅಲರ್ಟ್ (RCTA), ಮತ್ತು ಲೇನ್ ಚೇಂಜ್ ಅಸಿಸ್ಟ್ (LCA) ನಂತಹ ಹೆಚ್ಚುವರಿ ಮೊದಲ-ಇನ್-ಸೆಗ್ಮೆಂಟ್ ವೈಶಿಷ್ಟ್ಯಗಳನ್ನು ಹೊಂದಿದೆ.

2022ರ ಎಂಜಿ ಗ್ಲೊಸ್ಟರ್ ಎಸ್‌ಯುವಿ ಫ್ಹೋರ್ ವ್ಹೀಲ್ ಡ್ರೈವ್ ಆವೃತ್ತಿಯು ಎಲ್ಲಾ ಹೊಸ ಬ್ರಿಟಿಷ್ ವಿಂಡ್‌ಮಿಲ್ ಟರ್ಬೈನ್-ಥೀಮಿನ ಅಲಾಯ್ ವ್ಹೀಲ್ ನೊಂದಿಗೆ ಬಂದಿದೆ. ಈ ಹೊಸ ಎಸ್‌ಯುವಿಯು 'ಡೀಪ್ ಗೋಲ್ಡನ್' ಬಣ್ಣದ ಆಯ್ಕೆಯೊಂದಿಗೆ ಬರಲಿದೆ ಜೊತೆಗೆ ಅಸ್ತಿತ್ವದಲ್ಲಿರುವ ಬಣ್ಣ ಆಯ್ಕೆಗಳಲ್ಲಿ ಮೆಟಲ್ ಬ್ಲ್ಯಾಕ್, ಮೆಟಲ್ ಆಶ್ ಮತ್ತು ವಾರ್ನ್ ವೈಟ್ ಸೇರಿವೆ.

ಹೊಸ ಮಾದರಿಯು ತನ್ನ ಅತ್ಯುತ್ತಮ ವಿಭಾಗದಲ್ಲಿ 12.28-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಆಡಿಯೊ ಸಿಸ್ಟಮ್ ಅನ್ನು 12 ಸ್ಪೀಕರ್‌ಗಳೊಂದಿಗೆ ಉಳಿಸಿಕೊಂಡಿದೆ ಜೊತೆಗೆ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಜೊತೆಗೆ ಮೊದಲ-ಇನ್-ಸೆಗ್ಮೆಂಟ್ ಶಾರ್ಟ್‌ಪೀಡಿಯಾ ಸುದ್ದಿ ಅಪ್ಲಿಕೇಶನ್ ಮತ್ತು ವಾಯ್ಸ್ ಕಾಮೆಂಡ್ ಒಳಗೊಂಡಿದೆ. ವಾಸ್ತವವಾಗಿ,

ಇದರೊಂದಿಗೆ ಕನೆಕ್ಟಿವಿಟಿ ಕಾರ್ ತಂತ್ರಜ್ಞಾನವು 75 ಕ್ಕೂ ಹೆಚ್ಚು ಸಂಪರ್ಕಿತ ಕಾರ್ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ನವೀಕರಿಸಿದ ಎಂಜಿ ಗ್ಲೊಸ್ಟರ್ ಮೆಸೇಜ್&ಮೆಮೊರಿ ಫಂಕ್ಷನ್, 360-ಡಿಗ್ರಿ ಕ್ಯಾಮೆರಾ, ಡ್ಯುಯಲ್ ಪನೋರಮಿಕ್ ಸನ್‌ರೂಫ್, 3-ವಲಯ ಕ್ಲೈಮೆಂಟ್ ಕಂಟ್ರೋಲ್, ಟ್ರ್ಯಾಕ್ಷನ್ ಕಂಟ್ರೋಲ್, 6 ಏರ್‌ಬ್ಯಾಗ್‌ಗಳು, ಇತ್ಯಾದಿಗಳೊಂದಿಗೆ ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ಡ್ರೈವರ್ ಸೀಟ್ ಅನ್ನು ಹೊಂದಿದೆ.

ಇದರೊಂದಿಗೆ ಆಟೋನೊಮಸ್ ಎಮರ್ಜನ್ಸಿ ಬ್ರೇಕಿಂಗ್, ಬ್ಲೈಂಡ್ ಸ್ಪಾಟ್ ಮಾನಿಟರಿಂಗ್ ಸಿಸ್ಟಮ್, ಲೇನ್ ಕೀಪ್ ಅಸಿಸ್ಟ್, ಘರ್ಷಣೆ ತಪ್ಪಿಸುವ ವ್ಯವಸ್ಥೆ ಮುಂತಾದ ವೈಶಿಷ್ಟ್ಯಗಳೊಂದಿಗೆ ಲೆವೆಲ್ 1 ADAS ನೊಂದಿಗೆ ಬರುತ್ತದೆ.

2022ರ ಎಂಜಿ ಗ್ಲೊಸ್ಟರ್ ಅನ್ನು ಎರಡು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಇವುಗಳು 2.0-ಲೀಟರ್, 4-ಸಿಲಿಂಡರ್ ಟರ್ಬೊ ಮತ್ತು 2.0-ಲೀಟರ್ ಟ್ವಿನ್-ಟರ್ಬೊ ಎಂಜಿನ್ ಗಳಾಗಿವೆ. ಇದರಲ್ಲಿ 2.0-ಲೀಟರ್ ಎಂಜಿನ್ 163 ಬಿಹೆಚ್‍ಪಿ ಪವರ್ ಮತ್ತು 375 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇನ್ನು 2.0-ಲೀಟರ್ ಟ್ವಿನ್-ಟರ್ಬೊ ಎಂಜಿನ್ 218 ಬಿಹೆಚ್‍ಪಿ ಪವರ್ ಮತ್ತು 480 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಟ್ವಿನ್ ಟರ್ಬೊ ಡೀಸೆಲ್ ಎಂಜಿನ್ ಆಯ್ಕೆ ಮಾಡಬಹುದಾದ ಡ್ರೈವ್ ಮೋಡ್‌ಗಳೊಂದಿಗೆ ಆನ್-ಡಿಮಾಂಡ್ 4WD (ಫೋರ್-ವೀಲ್ ಡ್ರೈವ್) ಸಿಸ್ಟಮ್‌ನೊಂದಿಗೆ ಬರುತ್ತದೆ. ಎರಡೂ ಮೋಟಾರ್‌ಗಳು 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಬರುತ್ತವೆ. ಎಸ್‍ಯುವಿ ಇಂಟಿಲ್ ಜೆಂಟ್ 4 ವ್ಹೀಲ್ ಡ್ರೈವ್ ಅನ್ನು ಹೊಂದಿದೆ, ಇದು 7 ವಿಧಾನಗಳೊಂದಿಗೆ ಎಲ್ಲಾ ಟೇರೆನ್ ಸಿಸ್ಟಂಗಳನ್ನು ಹೊಂದಿದೆ.

ಬಿಡುಗಡೆಯ ಕುರಿತು ಎಂಜಿ ಮೋಟಾರ್ ಇಂಡಿಯಾದ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ರಾಜೀವ್ ಚಾಬಾ ಮಾತನಾಡಿ, ತಾಂತ್ರಿಕ ಅಡಚಣೆ, ನಿರಂತರ ವಿಕಸನ ಮತ್ತು ಉತ್ತಮ ದರ್ಜೆಯ ಗ್ರಾಹಕರ ಅನುಭವವು ಎಂಜಿಯ ಪ್ರಮುಖ ಆದ್ಯತೆಗಳಾಗಿವೆ. ಗ್ಲೋಸ್ಟರ್ ದಪ್ಪ, ಗಟ್ಟಿಮುಟ್ಟಾದ, ಬಹುಮುಖ ಮತ್ತು ಐಷಾರಾಮಿ ಎಂದು ಹೆಸರುವಾಸಿಯಾಗಿದೆ ಮತ್ತು ನಮ್ಮ ಗ್ರಾಹಕರ ಪ್ರತಿಕ್ರಿಯೆಗೆ ನಾವು ಕೃತಜ್ಞರಾಗಿರುತ್ತೇವೆ. ಅದರ 2WD ಮತ್ತು 4WD ಟ್ರಿಮ್‌ಗಳು, ಶಕ್ತಿಯುತ ಎಂಜಿನ್ ಆಯ್ಕೆಗಳು, ಮುಂದಿನ-ಜನರೇಷನ್ ತಂತ್ರಜ್ಞಾನ ಮತ್ತು MY MG ಶೀಲ್ಡ್ ಪ್ಯಾಕೇಜ್‌ನೊಂದಿಗೆ, 'ಸುಧಾರಿತ ಗ್ಲೋಸ್ಟರ್' ಅನ್ನು ನಮ್ಮ ಹೊಸ-ಯುಗದ ಗ್ರಾಹಕರನ್ನು ಸಂತೋಷಪಡಿಸಲು ಮತ್ತು ಪ್ರಚೋದಿಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದರು.

ಹೊಸ ಗ್ಲೊಸ್ಟರ್ ವೈಯಕ್ತಿಕಗೊಳಿಸಿದ ಕಾರು ಮಾಲೀಕತ್ವದ ಪ್ರೋಗ್ರಾಂ "MY MG SHIELD" ಜೊತೆಗೆ ಸರ್ವಿಸ್ ಆಯ್ಕೆಗಳೊಂದಿಗೆ ಬರುತ್ತದೆ. ಗ್ರಾಹಕರಿಗೆ ಸ್ಟ್ಯಾಂಡರ್ಡ್ 3+3+3 ಪ್ಯಾಕೇಜ್ ಅನ್ನು ನೀಡಲಾಗುವುದು, ಅಂದರೆ 3 ವರ್ಷಗಳ ಅನಿಯಮಿತ ಕಿಲೋಮೀಟರ್‌ಗಳ ವಾರಂಟಿ, 3 ವರ್ಷಗಳ ರೋಡ್ ಸೈಡ್ ಅಸಿಸ್ಟ್ ಮತ್ತು 3 ಲೇಬರ್ ಪ್ರಿ ಸರ್ವಿಸ್ ಅನ್ನು ಒಳಗೊಂಡಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

2022ರ ಎಂಜಿ ಗ್ಲೊಸ್ಟರ್ ಎಸ್‍ಯುವಿಯು ಹೊಸ ನವೀಕರಣಗಳೊಂದಿಗೆ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದೆ. ಈ ಹೊಸ ಎಸ್‍ಯುವಿಯು ಹಬ್ಬದ ಸೀಸನ್ ನಲ್ಲಿ ಹೆಚ್ಚಿನ ಗ್ರಾಹಕರನ್ನು ಸೆಳೆಯಬಹುದು ಮತ್ತು ಮಾರಾಟದಲ್ಲಿ ಕಂಪನಿಗೆ ಉತ್ತಮ ಕೊಡುಗೆಯನ್ನು ನೀಡುತ್ತದೆ..