ಅಧಿಕ ಮೈಲೇಜ್, ಕಡಿಮೆ ಬೆಲೆಯ ಹೊಸ ಕಾರಿನ ಹುಡುಕಾಟದಲ್ಲಿದ್ದೀರಾ?: ಈ ಹ್ಯಾಚ್‌ಬ್ಯಾಕ್‌ಗಳನ್ನು ಒಮ್ಮೆ ನೋಡಿ

ನೀವು ನಗರದ ಜನನಿಬಿಡ ಪ್ರದೇಶದಲ್ಲಿ ವಾಸಿಸುತ್ತಿದ್ದರೆ, ಹ್ಯಾಚ್‌ಬ್ಯಾಕ್ ಅನ್ನು ಓಡಿಸಲು ನಿಮಗೆ ಹೆಚ್ಚು ಅನುಕೂಲಕರವಾಗಿರುತ್ತದೆ. ಜೊತೆಗೆ ಹ್ಯಾಚ್‌ಬ್ಯಾಕ್‌ಗಳನ್ನು ನಿರ್ವಹಿಸುವುದು ಎಸ್‌ಯುವಿಗಿಂತ ಹೆಚ್ಚು ಮಿತವ್ಯಯವಾಗಿದೆ. ಅಲ್ಲದೇ ಉತ್ತಮ ಮೈಲೇಜ್ ನೀಡುವುದರಿಂದಾಗಿ ಇಂಧನ ವೆಚ್ಚವನ್ನು ಉಳಿತಾಯ ಮಾಡಬಹುದು. ಭಾರತೀಯ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಇಂತಹ ಐದು ಅತ್ಯುತ್ತಮ ಹ್ಯಾಚ್‌ಬ್ಯಾಕ್ ಕಾರುಗಳ ಬಗ್ಗೆ ಇಲ್ಲಿ ತಿಳಿದುಕೊಳ್ಳೋಣ...

1. ಮಾರುತಿ ಸುಜುಕಿ ಆಲ್ಟೊ

ಮಾರುತಿ ಸುಜುಕಿ ತನ್ನ ಕೈಗೆಟುಕುವ ಬೆಲೆಯ ಹ್ಯಾಚ್‌ಬ್ಯಾಕ್ ಮಾದರಿಗಳಿಗೆ ಹೆಸರುವಾಸಿಯಾಗಿದೆ. ಮಾರುತಿಯ ಅತ್ಯಂತ ಕೈಗೆಟುಕುವ ಹ್ಯಾಚ್‌ಬ್ಯಾಕ್ ಮಾದರಿಗಳಲ್ಲಿ ಆಲ್ಟೊ 800 ಅತ್ಯಂತ ಜನಪ್ರಿಯವಾಗಿದೆ. ಇದೀಗ ಮಾರುತಿಯ ಹೊಸ ಕೊಡುಗೆಯಾಗಿ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಆಲ್ಟೊ ಕೆ10 ಭಾರೀ ಸದ್ದು ಮಾಡುತ್ತಿದೆ.

ಈ ಹೊಸ ಕಾರು ರೂ. 3.99 ಲಕ್ಷ (ಎಕ್ಸ್ ಶೋ ರೂಂ) ಬೆಲೆಯಲ್ಲಿ ಬಿಡುಗಡೆಯಾಗಿದೆ. ಹಿಂದಿನ ತಲೆಮಾರಿನ ವಾಹನಗಳಂತೆ, ಆಲ್ಟೊ K10 ಅನ್ನು 800cc ಎಂಜಿನ್ ಮತ್ತು ಹೊಸ 1.0-ಲೀಟರ್ K-ಸರಣಿ ಎಂಜಿನ್ ಸೇರಿದಂತೆ ಎರಡು ಎಂಜಿನ್ ಆಯ್ಕೆಗಳಲ್ಲಿ ನೀಡಲಾಗಿದೆ. ಹೊಸ ಆಲ್ಟೊ ಕೆ10 22 ಕಿ.ಮೀ/ಲೀಟರ್ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಇದು 279-ಲೀಟರ್ ಬೂಟ್‌ಸ್ಪೇಸ್ ಅನ್ನು ನೀಡುತ್ತದೆ.

2. ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ

ಪ್ರವೇಶ ಮಟ್ಟದ ವಿಭಾಗದಲ್ಲಿ ಹೆಚ್ಚು SUV-ಪ್ರೇರಿತ ವಿನ್ಯಾಸವನ್ನು ಹುಡುಕುತ್ತಿರುವವರಿಗೆ, ಮಾರುತಿ ಸುಜುಕಿ S-Presso ಉತ್ತಮ ಆಯ್ಕೆಯಾಗಿದೆ. ಮಾರುತಿ ಎಸ್-ಪ್ರೆಸ್ಸೊ ನೇರವಾದ ಆಸನ ಸ್ಥಾನವನ್ನು ನೀಡುವುದರ ಜೊತೆಗೆ ಬಾಕ್ಸಿ ವಿನ್ಯಾಸದೊಂದಿಗೆ ಎಸ್‌ಯುವಿಯ ಅನುಭವವನ್ನು ನೀಡುತ್ತದೆ.

ಮಾರುತಿ ಸುಜುಕಿ S-Presso ಹೊಸ K-Series 1.0-ಲೀಟರ್ ಎಂಜಿನ್‌ನಿಂದ ಮ್ಯಾನುವಲ್ ಮತ್ತು AMT ಗೇರ್‌ಬಾಕ್ಸ್‌ನೊಂದಿಗೆ ಉತ್ತಮ ಮೈಲೇಜ್‌ಗೆ ಸಹಾಯ ಮಾಡುತ್ತದೆ. ಅಲ್ಲದೆ, ಮಾರುತಿ ಸುಜುಕಿ ಆಲ್ಟೊಗೆ ಹೋಲಿಸಿದರೆ ಎಸ್-ಪ್ರೆಸೊದಲ್ಲಿನ ಪ್ರಮಾಣಿತ ಸುರಕ್ಷತಾ ವೈಶಿಷ್ಟ್ಯಗಳು ಈ ವಿಭಾಗದಲ್ಲಿ ಆಕರ್ಷಕ ಆಯ್ಕೆಯಾಗಿದೆ. ಮಾರುತಿ ಎಸ್-ಪ್ರೆಸ್ಸೊ ಬೆಲೆ 4.25 ಲಕ್ಷ ರೂಪಾಯಿ (ಎಕ್ಸ್ ಶೋ ರೂಂ)ಇದೆ.

3. ಟಾಟಾ ಟಿಯಾಗೊ

ಮಾರುತಿ ಸುಜುಕಿ ಮತ್ತು ರೆನಾಲ್ಟ್ ಹೊರತುಪಡಿಸಿ, ಟಾಟಾ ಮೋಟಾರ್ಸ್ ಕೂಡ ಟಿಯಾಗೊ ಹ್ಯಾಚ್‌ಬ್ಯಾಕ್ ರೂಪದಲ್ಲಿ ಕೊಡುಗೆ ನೀಡುತ್ತಿದೆ. ಟಿಯಾಗೊ ವಿಭಾಗದ ಪ್ರಕಾರ ಮೇಲೆ ತಿಳಿಸಿದ ಕಾರುಗಳಿಗಿಂತ ಹೆಚ್ಚಿನ ಬೆಲೆಯಲ್ಲಿ ಬರುತ್ತದೆ. ಆದರೂ ಇದು ಟಾಟಾದ ಪ್ರವೇಶ ಮಟ್ಟದ ಕೊಡುಗೆಯಾಗಿದೆ.

1.2-ಲೀಟರ್ ಪೆಟ್ರೋಲ್ ಎಂಜಿನ್ ಹೊರತುಪಡಿಸಿ, ಟಾಟಾ ಟಿಯಾಗೊ ಸಿಎನ್‌ಜಿ ಆವೃತ್ತಿಯಲ್ಲಿಯೂ ಬರುತ್ತದೆ. ಟಾಟಾ ಟಿಯಾಗೊವನ್ನು ಮ್ಯಾನುಯಲ್ ಮತ್ತು AMT ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ ನೀಡಲಾಗಿದೆ. ಇದು ಈ ಪಟ್ಟಿಯಲ್ಲಿ ಯೋಗ್ಯವಾದ ಸ್ಪರ್ಧಿಯಾಗಿ ಗುರ್ತಿಸಿಕೊಂಡಿದೆ. ಟಾಟಾ ಟಿಯಾಗೊ ಬೆಲೆಯು ರೂ. 5.39 ಲಕ್ಷ (ಎಕ್ಸ್ ಶೋ ರೂಂ)ಇದೆ.

4. ರೆನಾಲ್ಟ್ ಕ್ವಿಡ್

ಎಂಟ್ರಿ-ಲೆವೆಲ್ ಹ್ಯಾಚ್‌ಬ್ಯಾಕ್‌ಗಳ ವಿಷಯಕ್ಕೆ ಬಂದರೆ, ಆಲ್ಟೊ ನಂತರ ನೆನಪಿಗೆ ಬರುವ ಹೆಸರು ರೆನಾಲ್ಟ್ ಕ್ವಿಡ್. ಈ ಕಾರಿಗೆ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯಿದೆ. ಕ್ವಿಡ್ ಹ್ಯಾಚ್‌ಬ್ಯಾಕ್ ಈ ವಿಭಾಗದ ಇತರ ಕಾರುಗಳಿಗೆ ಹೋಲಿಸಿದರೆ ಗಾತ್ರದಲ್ಲಿ ತುಸು ಹೆಚ್ಚಾಗಿದ್ದು, ಎಸ್‌ಯುವಿ ವಿನ್ಯಾಸವನ್ನು ಪಡೆದುಕೊಂಡಿದೆ.

ಮಾರುತಿ ಸುಜುಕಿ ಆಲ್ಟೊದಂತೆಯೇ, ರೆನಾಲ್ಟ್ ಕ್ವಿಡ್ ಅನ್ನು ಮ್ಯಾನುಯಲ್ ಮತ್ತು AMT ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ 800cc ಮೋಟಾರ್ ಅಥವಾ ದೊಡ್ಡ 1.0-ಲೀಟರ್ ಮೋಟಾರ್ ಆಯ್ಕೆಯೊಂದಿಗೆ ನೀಡಲಾಗುತ್ತದೆ. ಅಲ್ಲದೆ, ರೆನಾಲ್ಟ್ ಕ್ವಿಡ್‌ನ ದಪ್ಪ ವಿನ್ಯಾಸ ಮತ್ತು ಅದರ ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಪ್ರವೇಶ ಮಟ್ಟದ ಹ್ಯಾಚ್‌ಬ್ಯಾಕ್‌ಗಳಲ್ಲಿ ನೀಡಿರುವುದು ಅದರ ಜನಪ್ರಿಯತೆಯನ್ನು ಹೆಚ್ಚಿಸಿದೆ.

5. ಮಾರುತಿ ಸುಜುಕಿ ಸೆಲೆರಿಯೊ

ಮಾರುತಿ ಸುಜುಕಿ ಸೆಲೆರಿಯೊ ಈ ಪಟ್ಟಿಯಲ್ಲಿ ಅತಿ ಹೆಚ್ಚು ಮೈಲೇಜ್ ನೀಡುವ ಕಾರಾಗಿದೆ. ಈ ಕಾಂಪ್ಯಾಕ್ಟ್ ಹ್ಯಾಚ್‌ಬ್ಯಾಕ್ ಕಾರು ಪೆಟ್ರೋಲ್ ಮತ್ತು CNG ಆವೃತ್ತಿಗಳಲ್ಲಿ ಮ್ಯಾನುವಲ್ ಮತ್ತು AMT ಗೇರ್‌ಬಾಕ್ಸ್‌ಗಳೊಂದಿಗೆ ಬರುತ್ತದೆ. ಮಾರುತಿ ಸೆಲೆರಿಯೊದ ಒಳಭಾಗಕ್ಕೆ ಸಂಪೂರ್ಣ ಹೊಸ ಲುಕ್ ನೀಡಲಾಗಿದೆ.

ಇದರ ಒಳಾಂಗಣವು ಸಾಕಷ್ಟು ವಿಶಾಲವಾಗಿದ್ದು, ಇದು ಬಜೆಟ್ ವಿಭಾಗದಲ್ಲಿ ಅತ್ಯುತ್ತಮ ಒಳಾಂಗಣ ವಿನ್ಯಾಸದೊಂದಿಗೆ ಬರುತ್ತದೆ. ಹೊಸ ಮಾರುತಿ ಸೆಲೆರಿಯೊವು 1.0-ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದ್ದು, ಇದು 25.2 ಕಿಮೀ/ಲೀಟರ್ ಮೈಲೇಜ್ ನೀಡುತ್ತದೆ. ಜೊತೆಗೆ ಇದು 313-ಲೀಟರ್‌ಗಳೊಂದಿಗೆ ಈ ಪಟ್ಟಿಯಲ್ಲಿರುವ ಕಾರುಗಳಲ್ಲಿ ಹೆಚ್ಚು ಬೂಟ್ ಸ್ಪೇಸ್ ಅನ್ನು ನೀಡುತ್ತದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಭಾರತದಲ್ಲಿ ಹೆಚ್ಚಾಗುತ್ತಿರುವ ಇಂಧನ ಬೆಲೆಗಳಿಂದ ಎಲೆಕ್ಟ್ರಿಕ್ ವಾಹನ ಹಾಗೂ ಸಿಎನ್‌ಜಿ ವಾಹನಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಈ ನಡುವೆ ಅಧಿಕ ಮೈಲೇಜ್ ನೀಡುವ ಸಣ್ಣ ಹ್ಯಾಚ್‌ಬ್ಯಾಕ್‌ಗಳಿಗೂ ಬೇಡಿಕೆ ಹೆಚ್ಚಾಗಿದೆ. ಗ್ರಾಹಕರು ಕಡಿಮೆ ನಿರ್ವಹಣೆ ಹಾಗೂ ಹೆಚ್ಚಿನ ಮೈಲೇಜ್ ನೀಡುವ ಕಾರಿನ ಹುಡುಕಾಟದಲ್ಲಿದ್ದರೆ ಮೆಲೆ ತಿಳಿಸಿರುವ ಕಾರುಗಳಲ್ಲಿ ನಿಮ್ಮಿಷ್ಟದ ಹ್ಯಾಚ್‌ಬ್ಯಾಕ್‌ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು.