ಮಾರ್ಚ್ ತಿಂಗಳಿನಲ್ಲಿ ಅತಿ ಹೆಚ್ಚು ಮಾರಾಟವಾದ ಟಾಪ್-8 ವಾಣಿಜ್ಯ ವಾಹನಗಳಿವು

ಮಾರ್ಚ್ 2022 ರಲ್ಲಿ, ವಾಣಿಜ್ಯ ವಾಹನ ಮಾರಾಟವು ಒಟ್ಟಾರೆ ಧನಾತ್ಮಕ ಬೆಳವಣಿಗೆಯನ್ನು ಕಂಡಿದೆ. ಇದಲ್ಲದೆ, ಸಾಂಕ್ರಾಮಿಕ ಸಂಬಂಧಿತ ನಿರ್ಬಂಧಗಳು, ನಿಧಾನ ವಾಹನ ಮಾರಾಟ ಮತ್ತು ಇತ್ತೀಚಿನ ಸೆಮಿ ಕಂಡಕ್ಟರ್ ಕೊರತೆಯ ಹೊರತಾಗಿಯೂ ವರ್ಷದಿಂದ ವರ್ಷದ ಮತ್ತು ಪ್ರತಿ ತಿಂಗಳ ಮಾರಾಟದಲ್ಲಿ ಉತ್ತಮ ಬೆಳವಣಿಗೆ ಕಂಡಿದೆ. 2022ರ ಮಾರ್ಚ್ ತಿಂಗಳಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಟಾಪ್-8 ವಾಣಿಜ್ಯ ವಾಹನಗಳ ಪಟ್ಟಿ ಇಲ್ಲಿದೆ.

ಟಾಟಾ ಮೋಟಾರ್ಸ್ (33,900 ಯೂನಿಟ್ಸ್)

ಮಾರ್ಚ್ 2022 ರಲ್ಲಿ 33,900 ಯೂನಿಟ್ ವಾಣಿಜ್ಯ ವಾಹನಗಳನ್ನು ಮಾರಾಟ ಮಾಡುವ ಮೂಲಕ ಟಾಟಾ ಮೋಟಾರ್ಸ್ ಮತ್ತೊಮ್ಮೆ ಮಾರಾಟ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ, ಕಂಪನಿ ಕಳೆದ ವರ್ಷ ಮಾರ್ಚ್ ತಿಂಗಳಲ್ಲಿ ಮಾರಾಟ ಮಾಡಿದ್ದ 4,958 ಯುನಿಟ್‌ಗಳಿಗಿಂತ ಹೆಚ್ಚು. ಇದರ ಪರಿಣಾಮವಾಗಿ, ವರ್ಷದಿಂದ ವರ್ಷದ ಮಾರಾಟವು ಶೇಕಡಾ 17 ಕ್ಕಿಂತ ಹೆಚ್ಚು ಸುಧಾರಿಸಿದೆ.

ಮಹೀಂದ್ರಾ (17,349 ಯೂನಿಟ್ಸ್)

ಮಾರ್ಚ್ 2022 ರಲ್ಲಿ ಮಹೀಂದ್ರಾ 17,349 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು, ಇದರ ಪರಿಣಾಮವಾಗಿ ವರ್ಷದಿಂದ ವರ್ಷದ ಮಾರಾಟವು ಶೇಕಡಾ 46 ರಷ್ಟು ಹೆಚ್ಚಾಗಿದೆ, ಏಕೆಂದರೆ ಕಂಪನಿಯು ಮಾರ್ಚ್ 2021 ರಲ್ಲಿ ಕೇವಲ 11,901 ವಾಣಿಜ್ಯ ವಾಹನಗಳನ್ನು ಮಾರಾಟ ಮಾಡಿತ್ತು.

ಅಶೋಕ್ ಲೇಲ್ಯಾಂಡ್ (11,676 ಯೂನಿಟ್ಸ್)

ಮಾರ್ಚ್ 2022 ರಲ್ಲಿ 11,676 ಯುನಿಟ್‌ಗಳನ್ನು ಮಾರಾಟ ಮಾಡುವ ಮೂಲಕ ಅಶೋಕ್ ಲೇಲ್ಯಾಂಡ್ ಅಸಾಧಾರಣವಾಗಿ ಉತ್ತಮ ಪ್ರದರ್ಶನ ನೀಡಿದೆ. ಈ ಮೂಲಕ ಮೂರನೇ ಸ್ಥಾನವನ್ನು ಉಳಿಸಿಕೊಂಡಿದೆ. ಇದರ ಹೊರತಾಗಿ ಕಳೆದ ವರ್ಷಕ್ಕಿಂತ ಈ ಬಾರಿ ಮಾರಾಟವು ಶೇಕಡಾ 10 ಕ್ಕಿಂತ ಹೆಚ್ಚು ಸುಧಾರಿಸಿದೆ. ಅಶೋಕ್ ಲೇಲ್ಯಾಂಡ್ ಮಾರ್ಚ್ 2021 ರಲ್ಲಿ 10,563 ಯುನಿಟ್‌ಗಳನ್ನು ಮಾತ್ರ ಮಾರಾಟ ಮಾಡಿತ್ತು.

VECV (4,566 ಯೂನಿಟ್ಸ್)

ವೋಲ್ವೋ ಐಷರ್ ಕಮರ್ಷಿಯಲ್ ವೆಹಿಕಲ್ಸ್ (ವಿಇಸಿವಿ) ಭಾರತೀಯ ವಾಣಿಜ್ಯ ವಾಹನ ವಿಭಾಗದಲ್ಲಿ ಸ್ಥಿರವಾಗಿ ಬೆಳೆಯುತ್ತಿದೆ. ಮಾರ್ಚ್ 2022 ರಲ್ಲಿ, 4,566 ಯೂನಿಟ್ ವಾಣಿಜ್ಯ ವಾಹನಗಳನ್ನು ವೋಲ್ವೋ ಮತ್ತು ಐಚರ್ ಮಾರಾಟ ಮಾಡಿದೆ. VECV ಕಳೆದ ತಿಂಗಳಿಗೆ ಹೋಲಿಸಿದರೆ ಶೇಕಡಾ 8 ರಷ್ಟು ಮಾರಾಟ ಬೆಳವಣಿಗೆಯನ್ನು ದಾಖಲಿಸಿದೆ.

ಮಾರುತಿ (3,803 ಯೂನಿಟ್ಸ್)

ಮಾರುತಿಯು ಪ್ರಯಾಣಿಕ ವಾಹನ ವಿಭಾಗದಲ್ಲಿ ಮಾರುಕಟ್ಟೆಯ ಮುಂಚೂಣಿಯಲ್ಲಿದ್ದರೂ, ವಾಣಿಜ್ಯ ವಾಹನ ವಿಭಾಗದಲ್ಲಿ ಮಾರ್ಚ್ 2022 ರಲ್ಲಿ ಕೇವಲ 3,803 ಯುನಿಟ್‌ಗಳನ್ನು ಮಾರಾಟ ಮಾಡುವಲ್ಲಿ ಯಶಸ್ವಿಯಾದ ಕಾರಣ, ವಾಣಿಜ್ಯ ವಾಹನ ವಿಭಾಗದಲ್ಲಿ ಇದೇ ರೀತಿಯ ಪ್ರಭಾವವನ್ನು ಬೀರಲು ವಾಹನ ತಯಾರಕರು ಹೆಣಗಾಡುತ್ತಿದ್ದಾರೆ. ಹಾಗಾಗಿ ವಾಣಿಜ್ಯ ವಾಹನ ವಿಭಾಗದಲ್ಲಿ ಶೇ 1 ರಷ್ಟು ಕಡಿಮೆಯಾಗಿದೆ.

ಡೈಮ್ಲರ್ (1,548 ಯೂನಿಟ್ಸ್)

ಡೈಮ್ಲರ್ ಮೋಟಾರ್ಸ್ ಇನ್ನೂ ಮಾರಾಟದ ವಿಷಯದಲ್ಲಿ ಆರನೇ ಸ್ಥಾನಕ್ಕೆ ತೃಪ್ತಿಪಟ್ಟಿದೆ. ಕಂಪನಿಯು ಮಾರ್ಚ್ 2022 ರಲ್ಲಿ 1,548 ಯುನಿಟ್‌ಗಳನ್ನು ಮಾರಾಟ ಮಾಡುವ ಮೂಲಕ ವರ್ಷದಿಂದ ವರ್ಷದ ಮಾರಾಟದ ಅಂಕಿಅಂಶಗಳು ಶೇಕಡಾ 7 ರಷ್ಟು ಹೆಚ್ಚಳ ಕಂಡಿದೆ. ಕಂಪನಿಯು ಕಳೆದ ವರ್ಷ ಮಾರ್ಚ್ 2021 ರಲ್ಲಿ 106 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು.

ಇಸುಜು (662 ಯೂನಿಟ್ಸ್)

ಇಸುಜು ವಾಣಿಜ್ಯ ವಾಹನಗಳು ಮಾರ್ಚ್ 2022 ರಲ್ಲಿ 662 ಯುನಿಟ್ಗಳನ್ನು ಮಾರಾಟ ಮಾಡುವ ಮೂಲಕ 7 ನೇ ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಇಸುಜು ಕಂಪನಿ ಮಾರ್ಚ್ 2021 ರಲ್ಲಿ ಕೇವಲ 589 ಯುನಿಟ್ಗಳನ್ನು ಮಾರಾಟ ಮಾಡುವಲ್ಲಿ ಯಶಸ್ವಿಯಾಗಿದ್ದರಿಂದ ವರ್ಷದ ಬೆಳವಣಿಗೆಯು ಈಗ ಶೇಕಡಾ 12ಕ್ಕೇರಿದೆ.

ಫೋರ್ಸ್ ಮೋಟಾರ್ಸ್ (631 ಯೂನಿಟ್ಸ್)

ಫೋರ್ಸ್ ಮೋಟಾರ್ಸ್ ಮಾರ್ಚ್ 2022 ರಲ್ಲಿ 631 ಯೂನಿಟ್ ವಾಣಿಜ್ಯ ವಾಹನಗಳನ್ನು ಮಾರಾಟ ಮಾಡಿದೆ, ಇದರ ಪರಿಣಾಮವಾಗಿ ವರ್ಷದಿಂದ ವರ್ಷದ ಮಾರಾಟವು ಶೇಕಡಾ 55 ಕ್ಕಿಂತ ಹೆಚ್ಚಾಗಿದೆ. ಕಳೆದ ವರ್ಷದ ಮಾರಾಟದ ಸಮಯದಲ್ಲಿ, ಕಂಪನಿಯು ಕೇವಲ 405 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು.

ವಾಣಿಜ್ಯ ವಾಹನ ವಿಭಾಗವು ಮಾರ್ಚ್ 2022 ರಲ್ಲಿ ಅತ್ಯಂತ ಧನಾತ್ಮಕ ಬೆಳವಣಿಗೆಯನ್ನು ಕಂಡಿದೆ. ಈ ವಿಭಾಗವು ಇನ್ನೂ ಕೆಲವು ವರ್ಷಗಳವರೆಗೆ ಅದರ ಪ್ರಸ್ತುತ ಪಥವನ್ನು ಮುಂದುವರೆಸುತ್ತದೆ ಎಂದು ಕಂಪನಿಗಳು ನಿರೀಕ್ಷಿಸುತ್ತೇವೆ. ಇದಲ್ಲದೆ, ಒಂದೆರಡು ವರ್ಷಗಳಲ್ಲಿ ಈ ಪಟ್ಟಿಯಲ್ಲಿ ಕೆಲವು ಎಲೆಕ್ಟ್ರಿಕ್ ವಾಣಿಜ್ಯ ವಾಹನ ಕಂಪನಿಗಳು ಕಾಣಿಸಿಕೊಳ್ಳುವ ಸಾಧ್ಯತೆಯು ಇದೆ. ಒಂದು ವೇಳೆ ಎಲೆಕ್ಟ್ರಿಕ್ ವಾಹನಗಳ ಆಗಮನವಾದರೆ ವಾಣಿಜ್ಯ ವಾಹನ ವಿಭಾಗದಲ್ಲಿ ಹೊಸ ಕ್ರಾಂತಿಯಾಗಬಹುದು.