ಕೇವಲ 10 ಲಕ್ಷ ರೂ.ಬಜೆಟ್‌ನಲ್ಲಿ ಎರಡಕ್ಕಿಂತ ಹೆಚ್ಚು ಏರ್‌ಬ್ಯಾಗ್‌ಗಳೊಂದಿಗೆ ಬರುವ ಕಾರುಗಳಿವು!

ಪ್ರಸ್ತುತ 10 ಲಕ್ಷಕ್ಕೂ ಹೆಚ್ಚು ಬೆಲೆ ಹೊಂದಿರುವ ಕಾರುಗಳು ಮಾತ್ರ ಆರು ಏರ್‌ಬ್ಯಾಗ್‌ಗಳನ್ನು ನೀಡುತಿದ್ದು, ಅವು ಕೂಡ ಪ್ರಮಾಣಿತ ಫಿಟ್‌ಮೆಂಟ್ ಅನ್ನು ಹೊಂದಿಲ್ಲ. 10 ಲಕ್ಷ ರೂ. ಒಳಗಿನ ಕೆಲವೇ ಕಾರುಗಳು ಮಾತ್ರ ಎರಡಕ್ಕಿಂತ ಹೆಚ್ಚು ಅಥವಾ ಆರು ಏರ್‌ಬ್ಯಾಗ್‌ಗಳೊಂದಿಗೆ ಬರುತ್ತವೆ.

ಪ್ರಯಾಣಿಕರ ಸುರಕ್ಷತೆಯ ದೃಷ್ಟಿಯಿಂದ ಎರಡಕ್ಕಿಂತ ಹೆಚ್ಚು ಏರ್‌ಬ್ಯಾಗ್‌ಗಳೊಂದಿಗೆ ಕೇವಲ 10 ಲಕ್ಷ ರೂ. ಬಜೆಟ್‌ಗಿಂತ ಕಡಿಮೆ ಬೆಲೆಯಲ್ಲಿ ಲಭ್ಯವಿರುವ ಕಾರುಗಳ ಪಟ್ಟಿ ಇಲ್ಲಿದೆ. ಮುಂಬರುವ ತಿಂಗಳುಗಳಲ್ಲಿ ಈ ಪಟ್ಟಿಯಲ್ಲಿ ಮತ್ತಷ್ಟು ಕಾರುಗಳು ಸೇರಬಹುದು.

ಕಿಯಾ ಸಾನೆಟ್

ಕಿಯಾ ಇತ್ತೀಚೆಗೆ ಸಾನೆಟ್ ಅನ್ನು ನವೀಕರಿಸಿದೆ. ಈ ಅಪ್‌ಗ್ರೇಡ್ ಮೂಲಕ, ತಯಾರಕರು ನಾಲ್ಕು ಏರ್‌ಬ್ಯಾಗ್‌ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಅನ್ನು ಎಲ್ಲಾ ರೂಪಾಂತರಗಳಲ್ಲಿ ಪ್ರಮಾಣಿತ ವೈಶಿಷ್ಟ್ಯಗಳಾಗಿ ಪರಿಚಯಿಸಿದ್ದಾರೆ.

ನೀವು HTK+ Turbo iMT ವೇರಿಯಂಟ್‌ಗೆ ಹೋದರೆ, ಇದು ಕೇವಲ 10 ಲಕ್ಷ ರೂ. ಬೆಲೆಯಲ್ಲಿ ಲಭ್ಯವಿದ್ದು, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ವೆಹಿಕಲ್ ಸ್ಟೆಬಿಲಿಟಿ ಮ್ಯಾನೇಜ್ಮೆಂಟ್ (VSM), ಹಿಲ್-ಅಸಿಸ್ಟ್ ಕಂಟ್ರೋಲ್ (HAC), ಮತ್ತು ಬ್ರೇಕ್ ಅಸಿಸ್ಟ್ (BA) ಅನ್ನು ಒಳಗೊಂಡಿದೆ. ಶ್ರೇಣಿಯ ಟಾಪ್ ರೂಪಾಂತರಗಳು ಆರು ಏರ್‌ಬ್ಯಾಗ್‌ಗಳು ಮತ್ತು ಮುಂಭಾಗದ ಪಾರ್ಕಿಂಗ್ ಸಂವೇದಕಗಳನ್ನು ಒಳಗೊಂಡಿರುತ್ತವೆ.

ರೆನಾಲ್ಟ್ ಕೈಗರ್

Renault ಕೈಗರ್‌ನ ಮಿಡ್-ಸ್ಪೆಕ್ RXT ರೂಪಾಂತರ ನಾಲ್ಕು ಏರ್‌ಬ್ಯಾಗ್‌ಗಳನ್ನು ನೀಡುತ್ತಿದೆ, ಇದು ರೂ. 7.23 ಲಕ್ಷದಿಂದ ಆರಂಭವಾಗುತ್ತದೆ. ಇದರಲ್ಲಿ ಆಧುನಿಕ ತಂತ್ರಜ್ಞಾನ ಹಲವು ವೈಶಿಷ್ಟ್ಯಗಳೊಂದಿಗೆ ಗ್ರಾಹಕರು ಕಡಿಮೆ ಬೆಲೆಗೆ ಹೆಚ್ಚು ಸುರಕ್ಷತೆ ಬಯಸುವವರು ಇದನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಈ ಸಬ್‌ಕಾಂಪ್ಯಾಕ್ಟ್ SUV ಯ ಇತರ ಸುರಕ್ಷತಾ ವೈಶಿಷ್ಟ್ಯಗಳನ್ನು ನೋಡುವುದಾದರೆ ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ, ISOFIX ಮತ್ತು ಹಿಂಭಾಗದ ಪಾರ್ಕಿಂಗ್ ಸಂವೇದಕಗಳನ್ನು ಕೈಗರ್ ಒಳಗೊಂಡಿದೆ. ಇದು ಜಾಗತಿಕ NCAP ಕ್ರ್ಯಾಶ್ ಪರೀಕ್ಷೆಗಳಲ್ಲಿ ನಾಲ್ಕು ಸ್ಟಾರ್ ಭದ್ರತಾ ರೇಟಿಂಗ್ ಅನ್ನು ಸಹ ಪಡೆದುಕೊಂಡಿದೆ.

ಮಾರುತಿ ಬಲೆನೋ

ಮಾರುತಿ ಸುಜುಕಿಯು ತನ್ನ ಸಾಲಿನಲ್ಲಿ ಆರು ಏರ್‌ಬ್ಯಾಗ್‌ಗಳನ್ನು ಬಲೆನೊದ ಎರಡನೇ ಟಾಪ್ ಸೆಟ್ ರೂಪಾಂತರದಲ್ಲಿ 8.09 ಲಕ್ಷದಿಂದ ಪ್ರಾರಂಭಿಸುತ್ತಿದೆ. ಈ ಹ್ಯಾಚ್‌ಬ್ಯಾಕ್‌ನ ಇತರ ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ 360-ಡಿಗ್ರಿ ಕ್ಯಾಮೆರಾ, ಹಿಲ್-ಹೋಲ್ಡ್ ಅಸಿಸ್ಟ್ ಜೊತೆಗೆ ESP (AMT ರೂಪಾಂತರಗಳಿಗೆ ಮಾತ್ರ) ಮತ್ತು ISOFIX ಸೀಟ್ ಆಂಕರ್‌ಗಳು ಸೇರಿವೆ.

ಟೊಯೋಟಾ ಗ್ಲಾನ್ಜಾ

ಇತ್ತೀಚೆಗೆ ಹೆಚ್ಚು ಜನಪ್ರಿಯವಾಗಿರುವ ಟೊಯೊಟಾ ಗ್ಲಾನ್ಜಾ ಆರು ಏರ್‌ಬ್ಯಾಗ್‌ಗಳೊಂದಿಗೆ ಬಾಲೆನೊದಂತೆಯೇ ಎರಡನೇ ಮತ್ತು ಟಾಪ್ ಜಿ ರೂಪಾಂತರಗಳಲ್ಲಿ ಬರುತ್ತದೆ. ಆರು ಏರ್‌ಬ್ಯಾಗ್‌ಗಳನ್ನು ಒಳಗೊಂಡಿರುವ ಈ ರೂಪಾಂತರದ ಬೆಲೆಯು 8.24 ಲಕ್ಷ ರೂ.ನಿಂದ ಪ್ರಾರಂಭವಾಗುತ್ತದೆ.

ಇದರ ಬೆಲೆ ಬಲೆನೊಗಿಂತ 15,000 ರೂ. ಹೆಚ್ಚಿದ್ದರೂ, ಸುರಕ್ಷತಾ ದೃಷ್ಟಿಯಿಂದ ನೋಡುವುದಾದರೆ ಇತರ ಮಾದರಿಗಳಿಂತ ಉತ್ತಮವೆಂದೇ ಹೇಳಬಹುದು. ಇತರ ಭದ್ರತಾ ವೈಶಿಷ್ಟ್ಯಗಳಲ್ಲಿ 360-ಡಿಗ್ರಿ ಕ್ಯಾಮೆರಾ ಮತ್ತು ಹಿಲ್-ಹೋಲ್ಡ್ ಅಸಿಸ್ಟ್ ಜೊತೆಗೆ ESP (AMT ರೂಪಾಂತರಗಳಿಗೆ ಮಾತ್ರ) ಸೇರಿವೆ.

ಕಿಯಾ ಕಾರೆನ್ಸ್

ಕಿಯಾ ಕಾರೆನ್ಸ್ ಶ್ರೇಣಿಯಲ್ಲಿ ಆರು ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ನೀಡಲಾಗಿದೆ. ಇದರ ಪ್ರಮಾಣಿತ ಸುರಕ್ಷತಾ ಪ್ಯಾಕ್ ESC (ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್), ಟೈರ್ ಪ್ರೆಶರ್ ಮಾನಿಟರಿಂಗ್, ಹಿಲ್ ಸ್ಟಾರ್ಟ್ ಅಸಿಸ್ಟ್, ಡೌನ್‌ಹಿಲ್ ಬ್ರೇಕ್ ಕಂಟ್ರೋಲ್ ಮತ್ತು ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳನ್ನು ಒಳಗೊಂಡಿದೆ.

ರೇಂಜ್-ಟಾಪ್ ರೂಪಾಂತರಗಳು ಹಿಂಭಾಗದ ಪಾರ್ಕಿಂಗ್ ಕ್ಯಾಮೆರಾ, ಸ್ವಯಂಚಾಲಿತ ಹೆಡ್‌ಲ್ಯಾಂಪ್‌ಗಳು ಮತ್ತು ವೈಪರ್‌ಗಳು ಮತ್ತು ಮುಂಭಾಗದ ಪಾರ್ಕಿಂಗ್ ಸಂವೇದಕಗಳನ್ನು ಒಳಗೊಂಡಿದ್ದು, ಹೆಚ್ಚು ಅರಾಮದಾಯಕ ರೈಡ್ ಅನುಭವ ನೀಡುತ್ತದೆ.

ಹುಂಡೈ i20

ಹ್ಯುಂಡೈ ಆರು ಏರ್‌ಬ್ಯಾಗ್‌ಗಳನ್ನು ಟಾಪ್ ಸ್ಪೆಕ್ ಆಸ್ಟಾ (ಒ) ರೂಪಾಂತರದಲ್ಲಿ ಮಾತ್ರ ನೀಡುತ್ತಿದೆ. ಇದು ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್, ಹಿಲ್ ಅಸಿಸ್ಟ್ ಕಂಟ್ರೋಲ್, ರಿಯರ್ ವ್ಯೂ ಕ್ಯಾಮೆರಾ, ಆಟೋಮ್ಯಾಟಿಕ್ ಹೆಡ್‌ಲ್ಯಾಂಪ್‌ಗಳು ಮತ್ತು ISOFIX ಸೀಟ್ ಮೌಂಟ್‌ಗಳನ್ನು ಸಹ ಒಳಗೊಂಡಿದೆ.

ಕಿಯಾ ಸೆಲ್ಟೋಸ್

ಕಿಯಾ ಇತ್ತೀಚೆಗೆ MY2022 ಸೆಲ್ಟೋಸ್ ಅನ್ನು ಬಿಡುಗಡೆ ಮಾಡಿದ್ದು, ಇದು ಪ್ರಮಾಣಿತ ಸುರಕ್ಷತಾ ವೈಶಿಷ್ಟ್ಯವಾಗಿ ನಾಲ್ಕು ಏರ್‌ಬ್ಯಾಗ್‌ಗಳೊಂದಿಗೆ ಬರುತ್ತದೆ. ಅಂದರೆ 10 ಲಕ್ಷ ಬಜೆಟ್‌ಗಿಂತ ಸ್ವಲ್ಪ ಹೆಚ್ಚು ದುಬಾರಿಯಾದ ಬೇಸ್ ಸ್ಪೆಕ್ HTE ರೂಪಾಂತರದಲ್ಲಿಯೂ ನೀವು ಮುಂಭಾಗ ಮತ್ತು ಪಕ್ಕದ ಏರ್‌ಬ್ಯಾಗ್‌ಗಳನ್ನು ಪಡೆಯಬಹುದು.

ಕಿಯಾ ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್, ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ವೆಹಿಕಲ್ ಸ್ಟೆಬಿಲಿಟಿ ಮ್ಯಾನೇಜ್‌ಮೆಂಟ್ (VSM), ಹಿಲ್-ಅಸಿಸ್ಟ್ ಕಂಟ್ರೋಲ್ (HAC) ಮತ್ತು ಬ್ರೇಕ್ ಅಸಿಸ್ಟ್ (BA) ಅನ್ನು ಸಹ ಸ್ಟ್ಯಾಂಡರ್ಡ್ ಆಗಿ ನೀಡುತ್ತದೆ.

ಶ್ರೇಣಿಯ ಅಗ್ರ ರೂಪಾಂತರಗಳು ಆರು ಏರ್‌ಬ್ಯಾಗ್‌ಗಳು, 360-ಡಿಗ್ರಿ ಕ್ಯಾಮೆರಾ, ಮುಂಭಾಗದ ಪಾರ್ಕಿಂಗ್ ಸಂವೇದಕಗಳು, ಹಿಂಭಾಗದ ಡಿಸ್ಕ್ ಬ್ರೇಕ್‌ಗಳು ಮತ್ತು ಬ್ಲೈಂಡ್-ಸ್ಪಾಟ್ ಮಾನಿಟರ್ ಅನ್ನು ನೀಡುತ್ತಿದ್ದರೆ. ಹ್ಯುಂಡೈ ಕ್ರೆಟಾ ಮಾತ್ರ ಇನ್ನೂ ಡ್ಯುಯಲ್ ಏರ್‌ಬ್ಯಾಗ್‌ಗಳನ್ನೇ ಪ್ರಮಾಣಿತವಾಗಿ ನೀಡುತ್ತಿದೆ ಎಂಬುದು ಗಮನಿಸಬೇಕಾದ ಸಂಗತಿ.