ಬಿಡುಗಡೆಗೂ ಮುನ್ನ ಡೀಲರ್ ಬಳಿ ತಲುಪಿದ ಬಹುನಿರೀಕ್ಷಿತ ಟೊಯೊಟಾ ಇನೋವಾ ಹೈಕ್ರಾಸ್

ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಟೊಯೊಟಾ ತನ್ನ ಇನೋವಾ ಹೈಕ್ರಾಸ್ ಹೈಬ್ರಿಡ್ ಎಂಪಿವಿಯನ್ನು ಇತ್ತೀಚೆಗೆ ಅನಾವರಣಗೊಳಿಸಿತ್ತು. ಈ ಹೊಸ 2023ರ ಜನವರಿ ತಿಂಗಳಿನಲ್ಲಿ ಇನೋವಾ ಹೈಕ್ರಾಸ್ ಕಾರು ಭಾರತದಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ. ಸದ್ಯಕ್ಕೆ, ಭಾರತದಾದ್ಯಂತ ಟೊಯೊಟಾ ಡೀಲರ್‌ಗಳು ಈ ಹೊಸ ಹೈಬ್ರಿಡ್ ಕಾರಿಗಾಗಿ ಬುಕಿಂಗ್ ಗಳನ್ನು ಸ್ವೀಕರಿಸಲು ಪ್ರಾರಂಭಿಸಿದ್ದಾರೆ.

ಟೊಯೊಟಾ ಇನೋವಾ ಹೈಕ್ರಾಸ್ ವಿತರಣೆಯು ಬಿಡುಗಡೆಯಾದ ಕೆಲವು ದಿನಗಳ ನಂತರ ನಡೆಯಲಿದೆ. ಇದೀಗ ಈ ಹೊಸ ಇನೋವಾ ಹೈಕ್ರಾಸ್ ಮಾದರಿಯು ದೇಶಾದ್ಯಂತ ಡೀಲರ್ ಶೋರೂಮ್‌ಗಳಿಗೆ ಆಗಮಿಸಲು ಪ್ರಾರಂಭಿಸಿದೆ. ಈ ಟೊಯೊಟಾ ಇನೋವಾ ಹೈಕ್ರಾಸ್ ಕಾರು 2 ಲೀಟರ್ ಪೆಟ್ರೋಲ್ ಸ್ಟ್ರಾಂಗ್ ಹೈಬ್ರಿಡ್ ಇಂಜಿನ್‌ನಿಂದ ಚಾಲಿತವಾಗಿರುವ ಇನ್ನೋವಾ ಹೈಕ್ರಾಸ್ 9.5 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಹೈಕ್ರಾಸ್ ಅತ್ಯಂತ ವೇಗದ ಇನೋವಾ ಆಗಿದೆ. ಟೊಯೊಟಾ ಇನೋವಾ ಕ್ರಿಸ್ಟಾ ಅಲ್ಲ ಟೊಯೊಟಾ ಫಾರ್ಚುನರ್ ಎಸ್‍ಯುವಿ ಗಿಂತಲೂ ವೇಗವಾಗಿದೆ.

ಅಲ್ಲದೇ ಈ ಹೆಚ್ಚಿನ ಕಾರ್ಯಕ್ಷಮತೆಯು ಹೈಬ್ರಿಡ್ ಪವರ್‌ಟ್ರೇನ್ ನೀಡುವ ತ್ವರಿತ ಟಾರ್ಕ್ ಮತ್ತು ಪೆಪ್ಪಿ ಪ್ರತಿಕ್ರಿಯೆಯೊಂದಿಗೆ ಸಂಬಂಧಿಸಿದೆ, ಜೊತೆಗೆ ಗಮನಾರ್ಹವಾದ ತೂಕ ಉಳಿತಾಯದೊಂದಿಗೆ ಮೊನೊಕಾಕ್ ಚಾಸಿಸ್ ಮತ್ತು ಫ್ರಂಟ್ ವೀಲ್ ಡ್ರೈವ್ ಲೇಔಟ್ ಅದು ಈಗ ಸ್ಟ್ಯಾಂಡರ್ಡ್ ಆಗಿ ಈ ಹೊಸ ಎಂಪಿವಿಯಲ್ಲಿ ಬರುತ್ತಿದೆ. ಈ ಟೊಯೊಟಾ ಇನೋವಾ ಹೈಕ್ರಾಸ್ ಕಾರು 21.1 ಕಿ.ಮೀ ಮೈಲೇಜ್ ಅನ್ನು ಹೊಂದಿದೆ. ಇನ್ನು ಈ ಕಾರು 2,850 ಎಂಎಂಬೃಹತ್ ವೀಲ್‌ಬೇಸ್ ಹೊಂದಿರುವ ವಾಹನಕ್ಕೆ ನಿಜವಾಗಿಯೂ ಅದ್ಭುತವಾಗಿದೆ.

ಈ 7 ವಯಸ್ಕರಿಗೆ ಸಾಕಷ್ಟು ಸ್ಥಳಾವಕಾಶವಿದೆ. ಈ ಇನೋವಾ ಕ್ರಿಸ್ಟಾಗಿಂತ ದೊಡ್ಡದಾಗಿದೆ ಮತ್ತು ಹೆಚ್ಚು ಐಷಾರಾಮಿಯಾಗಿದೆ. ಮೊದಲ ಸಾಲಿನಲ್ಲಿ ಪವರ್ಡ್ ಸೀಟ್ ಗಳಿಂದ ಹಿಡಿದು ಎರಡನೇ ಸಾಲಿನಲ್ಲಿ ಒಟ್ಟೋಮನ್ ಶೈಲಿಯ ಚಾಲಿತ ಸೀಟ್ ಗಳವರೆಗೆ, ಇನೋವಾ ಹೈಕ್ರಾಸ್ ಮುಂದಿನ ಹಂತಕ್ಕೆ ಆರಾಮವನ್ನು ನೀಡುತ್ತದೆ. ಇತರ ಸೌಕರ್ಯಗಳೆಂದರೆ ಕ್ಯಾಬಿನ್‌ನಾದ್ಯಂತ ಮೃದುವಾದ ಸ್ಪರ್ಶ ಸಾಮಗ್ರಿಗಳು, ಬೃಹತ್ ಪನರೊಮಿಕ್ ಸನ್‌ರೂಫ್, ಆರ್ಟ್ ಲೆದರ್ ಸೀಟ್‌ಗಳು ಮತ್ತು ಚಾಲಿತ ಟೈಲ್ ಗೇಟ್. ಹೈಕ್ರಾಸ್‌ನಲ್ಲಿ, ಸುರಕ್ಷತೆಯು ಇನ್ನೋವಾ ಕ್ರಿಸ್ಟಾದ ಮೇಲೆ ದೊಡ್ಡ ಲೆಗ್-ಅಪ್ ಅನ್ನು ಪಡೆಯುತ್ತದೆ.

ADAS ಭಾರತದಲ್ಲಿ ಮಾರಾಟವಾಗುವ ಟೊಯೊಟಾ ವಾಹನದಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡಿದೆ ಮತ್ತು ಅದರೊಂದಿಗೆ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಆಟೋಮ್ಯಾಟಿಕ್ ಎಮರ್ಜನ್ಸಿ ಬ್ರೇಕಿಂಗ್, ಲೇನ್ ಕೀಪ್ ಅಸಿಸ್ಟ್, ಲೇನ್ ಕೀಪ್ ಅಸಿಸ್ಟ್ ಮತ್ತು ಟ್ರಾಫಿಕ್ ಸೈನ್ ಗುರುತಿಸುವಿಕೆಯಂತಹ ವೈಶಿಷ್ಟ್ಯಗಳೊಂದಿಗೆ ಬರುತ್ತಿದೆ. ಈ ಟೊಯೊಟಾದ ಹೊಸ ಕ್ರಾಸ್‌ಒವರ್‌ನ ಇತರ ಪ್ರಮುಖ ವೈಶಿಷ್ಟ್ಯಗಳೆಂದರೆ 10 ಇಂಚಿನ ಫ್ಲೋಟಿಂಗ್ ಟೈಪ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಸಂಪೂರ್ಣ ಮರುವಿನ್ಯಾಸಗೊಳಿಸಲಾದ ಡ್ಯಾಶ್‌ಬೋರ್ಡ್ ಅನ್ನು ಹೊಂದಿದೆ.

ಇದರೊಂದಿಗೆ ಹೊಸ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು 360 ಡಿಗ್ರಿ ಕ್ಯಾಮೆರಾವನ್ನು ಹೊಂದಿದೆ. ಇನೋವಾ ಹೆಸರು ಹೊಂದಿರುವ ಈ ಎಂಪಿವಿಯ ಮಾದರಿಯು ಹೆಚ್ಚು ಕ್ರಾಸ್‌ಒವರ್ ಆಗಿದೆ, ಸಾಕಷ್ಟು ಎಸ್‍ಯುವಿ-ಇಶ್ ಸ್ಟೈಲಿಂಗ್ ಸೂಚನೆಗಳೊಂದಿಗೆ. ಹೆಚ್ಚಿನ ಮುಂಭಾಗದ ಬಾನೆಟ್ ಮತ್ತು ಕಮಾಂಡಿಂಗ್ ಡ್ರೈವಿಂಗ್ ಸ್ಥಾನದಿಂದ ಹೆಚ್ಚು ಮಸ್ಕಲರ್ ಪ್ರೊಫೈಲ್‌ ಹೊಂದಿದೆ, ಈ ಹೊಸ ಟೊಯೊಟಾ ಇನೋವಾ ಹೈಕ್ರಾಸ್ ಕಾರಿನಲ್ಲಿ ಬಹು ಏರ್‌ಬ್ಯಾಗ್‌ಗಳು, ಎಲ್ಲಾ ಪ್ರಯಾಣಿಕರಿಗೆ ಮೂರು ಪಾಯಿಂಟ್ ಸೀಟ್‌ಬೆಲ್ಟ್‌ಗಳನ್ನು ಸಹ ಪಡೆಯುತ್ತದೆ.

ಈ ಹೊಸ ಟೊಯೊಟಾ ಇನ್ನೋವಾ ಹೈಕ್ರಾಸ್ ಕಾರಿನಲ್ಲಿ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಈ ಕಾರಿನಲ್ಲಿ 2.0-ಲೀಟರ್ ಪೆಟ್ರೋಲ್ ಮತ್ತು 20-ಲೀಟರ್ ಪೆಟ್ರೋಲ್-ಹೈಬ್ರಿಡ್ ಎಂಜಿನ್ ನೊಂದಿಗೆ ಬರುತ್ತಿದೆ. ಇವೆರಡೂ ಮುಂಭಾಗದ ಚಕ್ರಗಳಿಗೆ ಪವರ್ ಅನ್ನು ನೀಡುತ್ತವೆ. ಮೊದಲನೆಯದನ್ನು 172 bhp ಪವರ್ ಮತ್ತು 205 Nm ಟಾರ್ಕ್ ಉತ್ಪಾದಿಸಲು ಟ್ಯೂನ್ ಮಾಡಲಾಗಿದೆ ಆದರೆ ಎರಡನೆಯದು ಹೆಚ್ಚುವರಿ 11 bhp ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ ಗಳೊಂದಿಗೆ CVT ಮತ್ತು e-CVT ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗುತ್ತದೆ.

ಟೊಯೊಟಾ ಇನ್ನೋವಾ ಹೈಕ್ರಾಸ್ ಮತ್ತು ಇನ್ನೋವಾ ಕ್ರಿಸ್ಟಾಗಿಂತ ಹೆಚ್ಚು ಬೆಲೆಯ ಫಾರ್ಚೂನರ್ ನಡುವಿನ ಸ್ಥಾನದ ಪಡೆಯಲಿದೆ. ಈ ಹೈಕ್ರಾಸ್ ಅನ್ನು ಇನ್ನೋವಾ ಕ್ರಿಸ್ಟಾ ಮತ್ತು ಫಾರ್ಚುನರ್ ನಡುವೆ ಬೆಲೆಯ ವಿಷಯದಲ್ಲಿ ಇರಿಸಲಾಗುವುದು ಎಂದು ನಾವು ನಿರೀಕ್ಷಿಸುತ್ತೇವೆ. ಮುಖ್ಯವಾಗಿ ಈ ಹೊಸ ಟೊಯೊಟಾ ಇನೋವಾ ಹೈಕ್ರಾಸ್ ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ಟಾಟಾ ಸಫಾರಿ ಮತ್ತು ಹ್ಯುಂಡೈ ಅಲ್ಕಾಜರ್‌ಗಳಿಗೆ ಪೈಪೋಟಿ ನೀಡುತ್ತದೆ. ಈ ಹೊಸ ಇನೋವಾ ಹೈಕ್ರಾಸ್ ಪ್ರಸ್ತುತ ಅಸ್ತಿತ್ವದಲ್ಲಿರುವ ಇನೋವಾ ಕ್ರಿಸ್ಟಾಗಿಂತ ಹಗುರ, ಹೆಚ್ಚು ವಿಶಾಲ ಮತ್ತು ಪ್ರೀಮಿಯಂ ಆಗಿರುತ್ತದೆ.