ಪವರ್‌ಟ್ರೈನ್ ತಯಾರಿಯಲ್ಲಿ ರೆನಾಲ್ಟ್-ನಿಸ್ಸಾನ್ ಮೈಲಿಗಲ್ಲು: ಮೈತ್ರಿಯಾಗಿ 35 ಲಕ್ಷ ಯೂನಿಟ್‌ಗಳ ಉತ್ಪಾದನೆ

ರೆನಾಲ್ಟ್‌, ನಿಸ್ಸಾನ್‌ನ ಓರಗಡಂ ಉತ್ಪಾದನಾ ಘಟಕದಲ್ಲಿ ಎರಡೂ ಕಂಪನಿಗಳಿಗೆ ಈವರೆಗೂ 23 ಲಕ್ಷ ಯುನಿಟ್ ಎಂಜಿನ್‌ಗಳು ಮತ್ತು 12 ಲಕ್ಷ ಯೂನಿಟ್ ಗೇರ್‌ಬಾಕ್ಸ್‌ಗಳನ್ನು ಉತ್ಪಾದಿಸಲಾಗಿದೆ. ಪ್ರಸ್ತುತ ರೆನಾಲ್ಟ್‌-ನಿಸ್ಸಾನ್‌ನ ಓರಗಡಂ ಉತ್ಪಾದನಾ ಘಟಕವು 6 ಎಂಜಿನ್ ರೂಪಾಂತರಗಳನ್ನು ಮತ್ತು ಅದರ ಪವರ್‌ಟ್ರೈನ್‌ಗಳಿಗಾಗಿ 4 ವಿಧದ ಗೇರ್‌ಬಾಕ್ಸ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದಲ್ಲದೆ, ಈ ಉತ್ಪಾದನಾ ಸೌಲಭ್ಯವು ದೇಶೀಯ ಮತ್ತು ಅಂತರಾಷ್ಟ್ರೀಯ ಮಾರುಕಟ್ಟೆಗಳಿಗೆ ಪವರ್‌ಟ್ರೈನ್‌ಗಳನ್ನು ಉತ್ಪಾದಿಸುತ್ತಿದೆ.

ಇತ್ತೀಚೆಗೆ, ರೆನಾಲ್ಟ್‌ ಭಾರತದಲ್ಲಿ ತನ್ನ ರೆನಾಲ್ಟ್‌ ಟ್ರೈಬ್ ಎಂಪಿವಿಗಾಗಿ ಒಂದು ಲಕ್ಷ ಮಾರಾಟ ಮಾಡುವ ಮೂಲಕ ಮತ್ತೊಂದು ಮೈಲಿಗಲ್ಲನ್ನು ದಾಟಿತ್ತು. ಈ ಸಂಭ್ರಮದ ಭಾಗವಾಗಿ ಟ್ರೈಬರ್ MPVಯ ಹೊಸ ವಿಶೇಷ ಆವೃತ್ತಿಯ ರೂಪಾಂತರವನ್ನು ಬಿಡುಗಡೆ ಮಾಡಿದೆ.

ಫ್ರೆಂಚ್ ವಾಹನ ತಯಾರಕರ ಪ್ರಕಾರ, ರೆನಾಲ್ಟ್ ಟ್ರೈಬರ್‌ನ ಈ ಸೀಮಿತ ಆವೃತ್ತಿಯು ದೇಶದಾದ್ಯಂತ ಎಲ್ಲಾ ರೆನಾಲ್ಟ್‌ ಶೋರೂಂಗಳಲ್ಲಿ ಬುಕಿಂಗ್‌ಗೆ ಲಭ್ಯವಿದೆ. ರೆನಾಲ್ಟ್‌ ಟ್ರೈಬರ್‌ನ ಸೀಮಿತ ಆವೃತ್ತಿಯ ರೂಪಾಂತರವು ವಾಸ್ತವವಾಗಿ ಎರಡನೇ-ಫಾರ್ಮ್‌ ಟಾಪ್‌ RxT ಟ್ರಿಮ್ ಲೆವೆಲ್‌ ಅನ್ನು ಆಧರಿಸಿದೆ. ಜೊತೆಗೆ, ಸೀಮಿತ ಆವೃತ್ತಿಯು ರೆನಾಲ್ಟ್ ಟ್ರೈಬರ್ ಎಂಪಿವಿಯ ಸ್ಟ್ಯಾಂಡರ್ಡ್ RxT ಟ್ರಿಮ್‌ಗಿಂತ ಸುಮಾರು 28,000 ರೂ.ಗಳಷ್ಟು ಹೆಚ್ಚು ವೆಚ್ಚವಾಗಲಿದೆ. ಇದರ ಬೆಲೆ 7.24 ಲಕ್ಷ ರೂ. (ಎಕ್ಸ್‌-ಶೋರೂಂ, ಇಂಡಿಯಾ) ಇದೆ.

ರೆನಾಲ್ಟ್‌ ಟ್ರೈಬ್ ಎಂಪಿವಿ ಕುರಿತು ಹೇಳುವುದಾದರೆ, ಇದು ಭಾರತದಲ್ಲಿ ಖರೀದಿಸಬಹುದಾದ 7-ಆಸನಗಳ ಸುರಕ್ಷಿತ ಕಾರು ಮಾದರಿಗಳಲ್ಲಿ ಒಂದಾಗಿದ್ದು, ಗ್ಲೋಬಲ್‌-ಎನ್‌ಸಿಎಪಿ 4-ಸ್ಟಾರ್ ಸುರಕ್ಷತಾ ರೇಟಿಂಗ್‌ ಅನ್ನು ನೀಡಿದೆ. ಈ ಎಂಪಿವಿ ಅನ್ನು 1.0-ಲೀಟರ್, 3 ಸಿಲಿಂಡರ್, ನ್ಯಾಚುರಲ್ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್‌ನೊಂದಿಗೆ 71.01bhp ಗರಿಷ್ಠ ಶಕ್ತಿ ಮತ್ತು 96Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಹೊಸ ಸೀಮಿತ ಆವೃತ್ತಿಯ ರೆನಾಲ್ಟ್‌ ಟ್ರೈಬರ್‌ನಲ್ಲಿನ ಗೇರ್‌ಬಾಕ್ಸ್‌ ಆಯ್ಕೆಯು 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಮತ್ತು 5-ಸ್ಪೀಡ್ ಸ್ವಯಂಚಾಲಿತ ಮ್ಯಾನುವಲ್ ಟ್ರಾನ್ಸ್‌ಮಿಷನ್ (AMT) ಆಗಿ ಮುಂದುವರಿಯುತ್ತದೆ.

ನಿಸ್ಸಾನ್ ಬಗ್ಗೆ ಮಾತನಾಡುವುದಾದದೆ, ಸಬ್-4m ಎಸ್‌ಯುವಿ, ನಿಸ್ಸಾನ್ ಮ್ಯಾಗ್ನೈಟ್ ಭಾರತದಲ್ಲಿ ಬ್ರ್ಯಾಂಡ್‌ನ ಗೇಮ್ ಚೇಂಜರ್‌ಗಳಾಗಿವೆ ಎಂದು ಹೇಳಬಹುದು. ಎಸ್‌ಯುವಿ ಇತ್ತೀಚೆಗೆ ಗ್ಲೋಬಲ್-ಎನ್‌ಸಿಎಪಿಯಲ್ಲಿ 4-ಸ್ಟಾರ್ ಸುರಕ್ಷತಾ ರೇಟಿಂಗ್ ಗಳಿಸಿದೆ.

ಅಲ್ಲದೆ, ನಿಸ್ಸಾನ್ ಮ್ಯಾಗ್ನೈಟ್ ಡ್ಯುಯಲ್ ಫ್ರಂಟ್ ಏರ್‌ಬ್ಯಾಗ್‌ಗಳು, ಎಬಿಎಸ್, ಇಬಿಡಿ, ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳು, ಐಎಸ್‌ಒಫಿಕ್ಸ್‌ ಚೈಲ್ಡ್‌ ಸೀಟ್ ಮೌಂಟ್‌ಗಳು, 360-ಡಿಗ್ರಿ ಕ್ಯಾಮೆರಾ, ಟೈರ್ ಪ್ರೆಶರ್ ಮಾನಿಟರ್, ಬ್ರೇಕ್ ಅಸಿಸ್ಟ್‌, ಟ್ರಾಕ್ಷನ್ ಕಂಟ್ರೋಲ್, ಸ್ಟೆಬಿಲಿಟಿ ಕಂಟ್ರೋಲ್ ಮುಂತಾದ ಸುರಕ್ಷತಾ ವ್ಯವಸ್ಥೆಗಳ ದೀರ್ಘ ಪಟ್ಟಿಯನ್ನು ಹೊಂದಿದ್ದು, ಹಿಲ್ ಸ್ಟಾರ್ಟ್ ಅಸಿಸ್ಟ್‌ನಂತಹ ಹಲವು ಆಯ್ಕೆಗಳನ್ನು ಹೊಂದಿದೆ.

ಇದಲ್ಲದೆ, ನಿಸ್ಸಾನ್ ಮ್ಯಾಗ್ನೈಟ್ ಅನ್ನು CMF-A+ ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ. ಇದು ರೆನಾಲ್ಟ್ ಟ್ರೈಬರ್‌ಗೆ ಆಧಾರವಾಗಿದೆ ಮತ್ತು ಪ್ಲಾಟ್‌ಫಾರ್ಮ್ ಸ್ವತಃ ರೆನಾಲ್ಟ್ ಕ್ವಿಡ್ ಅನ್ನು ಆಧಾರವಾಗಿರುವ CMF-A ಪ್ಲಾಟ್‌ಫಾರ್ಮ್‌ನ ಉತ್ಪನ್ನವಾಗಿದೆ.

ನಿಸ್ಸಾನ್ ಮ್ಯಾಗ್ನೈಟ್ ಭಾರತದಲ್ಲಿ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ. ಬೇಸ್ ಎಂಜಿನ್ 1.0-ಲೀಟರ್ ನ್ಯಾಚುರಲ್ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಆಗಿದ್ದು 72bhp ಗರಿಷ್ಠ ಶಕ್ತಿ ಮತ್ತು 96Nm ಪೀಕ್ ಟಾರ್ಕ್ ಹೊಂದಿದೆ. ಈ ಎಂಜಿನ್ ಎಸ್‌ಯುವಿಗಾಗಿ ಕಾಗದದ ಮೇಲೆ ಕಡಿಮೆ ಶಕ್ತಿಯುತವಾಗಿ ತೋರಿದರೂ, ನಿಸ್ಸಾನ್ ಮ್ಯಾಗ್ನೈಟ್‌ನ ಹಗುರವಾದ ಕರ್ಬ್ ತೂಕವು ಯೋಗ್ಯವಾದ ಕಾರ್ಯಕ್ಷಮತೆಯನ್ನು ತೋರಿಸುತ್ತದೆ.

ಮುಂದಿನ ಎಂಜಿನ್ ಆಯ್ಕೆಯು 1.0-ಲೀಟರ್ ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದು 98.6bhp ಗರಿಷ್ಠ ಶಕ್ತಿ ಮತ್ತು 160Nm ಪೀಕ್ ಟಾರ್ಕ್ (CVT ಗೇರ್ ಬಾಕ್ಸ್‌ ರೂಪಾಂತರದಲ್ಲಿ 152Nm ಟಾರ್ಕ್) ಉತ್ಪಾದಿಸುತ್ತದೆ. 5-ಸ್ಪೀಡ್ ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್ ಅಥವಾ ಸಿಲ್ಕಿ-ಸ್ಮೂತ್ CVTಗಳು ಗೇರ್‌ಬಾಕ್ಸ್‌ ಆಯ್ಕೆಗಳಲ್ಲಿ ಲಭ್ಯವಿದೆ.

ಸದ್ಯ 35 ಲಕ್ಷ ಪವರ್‌ಟ್ರೇನ್ ಯೂನಿಟ್‌ಗಳನ್ನು ಉತ್ಪಾದಿಸುವ ಮೂಲಕ ಮೈಲಿಗಲ್ಲನ್ನು ದಾಟಿರುವ ರೆನಾಲ್ಟ್-ನಿಸ್ಸಾನ್ ಮೈತ್ರಿಯು, ಈ ಹಿಂದೆ ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ ಅನೇಕ ಏರಿಳಿತಗಳನ್ನು ಕಂಡಿದೆ. ಈ ಏರಿಳಿತಗಳ ಹೊರತಾಗಿಯೂ ಮೈಲಿಗಲನ್ನು ಸಾಧಿಸುವ ಮೂಲಕ ಇದೀಗ ಒಕ್ಕೂಟವು ಬಲವಾಗಿ ಕಾಣುತ್ತಿದೆ. ಈ 35 ಲಕ್ಷ ಮೈಲಿಗಲ್ಲು ಭಾರತೀಯ ಮತ್ತು ಜಾಗತಿಕ ಮಾರುಕಟ್ಟೆಗಳಲ್ಲಿ ಮೈತ್ರಿಯ ಬಲವಾದ ಅಡಿಪಾಯಕ್ಕೆ ಸಾಕ್ಷಿಯಾಗಿದೆ.