ದೆಹಲಿ-ಜೈಪುರವರೆಗಿನ 270 ಕಿ.ಮೀ ಎಲೆಕ್ಟ್ರಿಕ್ ಹೆದ್ದಾರಿಯ ಪ್ರಾಯೋಗಿಕ ಚಾಲನೆ ಪ್ರಾರಂಭ

ವಿದ್ಯುತ್ ಹೆದ್ದಾರಿ ಅಥವಾ ಎಲೆಕ್ಟ್ರಿಕ್‌ ಹೈವೇ ಎಂದರೆ, ಸಾಮಾನ್ಯವಾಗಿ ರಸ್ತೆಯಲ್ಲಿ ಚಲಿಸುವ ವಾಹನಗಳಿಗೆ ರಸ್ತೆ ಮೇಲೆ ಇರುವ(overhead power lines) ವಿದ್ಯುತ್ ಮಾರ್ಗಗಳ ಮೂಲಕ ವಿದ್ಯುತ್ ಸರಬರಾಜು ಆಗುತ್ತದೆ. ಆ ಮೂಲಕ ವಾಹನಗಳು ಚಾರ್ಜ್ ಪಡೆದು ಮುಂದೆ ಸಾಗಬಹುದು.

ಈಸ್ ಆಫ್ ಡೂಯಿಂಗ್ ಬಿಸಿನೆಸ್ ಯೋಜನೆಯ ಭಾಗವಾಗಿ, ನ್ಯಾಷನಲ್ ಹೈವೇ ಫಾರ್ ಎಲೆಕ್ಟ್ರಿಕ್ ವೆಹಿಕಲ್ಸ್ (NHEV) ದೆಹಲಿ-ಜೈಪುರ ಎಕ್ಸ್‌ಪ್ರೆಸ್‌ವೇನಲ್ಲಿ ಇ-ವಾಹನಗಳಿಗಾಗಿ ತಾಂತ್ರಿಕ ಪ್ರಯೋಗಗಳನ್ನು ಪ್ರಾರಂಭಿಸಲಾಗಿದೆ. ಭಾರತದ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವ ಅಶ್ವಿನಿ ಕುಮಾರ್ ಚೌಬೆ ಅವರ ಮಾರ್ಗದರ್ಶನದಲ್ಲಿ ದೆಹಲಿ ಮತ್ತು ಜೈಪುರ ನಡುವಿನ 270 ಕಿ.ಮೀ ಹೆದ್ದಾರಿಯಲ್ಲಿ ಎಲೆಕ್ಟ್ರಿಕ್ ಬಸ್‌ಗಳ ಪ್ರಾಯೋಗಿಕ ಚಾಲನೆಯನ್ನು ಪ್ರಾರಂಭಿಸಲಾಗಿದೆ.

ಎಲೆಕ್ಟ್ರಿಕ್ ಬಸ್‌ಗಳಿಗಾಗಿ ಹೆದ್ದಾರಿಯಲ್ಲಿ ರಚಿಸಲಾದ ಮೂಲಸೌಕರ್ಯಗಳ ಆರ್ಥಿಕ ಕಾರ್ಯಸಾಧ್ಯತೆಯನ್ನು ಪರಿಶೀಲಿಸುವುದು ಮತ್ತು ತಾಂತ್ರಿಕ ಅಡಚಣೆಗಳನ್ನು ತೆಗೆದುಹಾಕುವುದು ಈ ಅಭಿಯಾನದ ಉದ್ದೇಶವಾಗಿದೆ. NHEV ಕಳೆದ ವರ್ಷ ಯಮುನಾ ಎಕ್ಸ್‌ಪ್ರೆಸ್‌ವೇಯಲ್ಲಿ ದೆಹಲಿ ಮತ್ತು ಆಗ್ರಾ ನಡುವೆ ಬಸ್‌ಗಳ ಪ್ರಾಯೋಗಿಕ ರನ್ ನಡೆಸುವ ಮೂಲಕ EV ಬೇಸಿಕ್ ಅನ್ನು ಪರೀಕ್ಷಿಸಿತ್ತು.

ಈ ಯೋಜನೆಯ ಯಶಸ್ಸಿನೊಂದಿಗೆ ಭಾರತದಲ್ಲಿ ಎಲೆಕ್ಟ್ರಿಕ್ ಹೆದ್ದಾರಿಗಳು ಮತ್ತು ಕಾರಿಡಾರ್‌ಗಳ ಅಡಿಪಾಯವನ್ನು ಹಾಕಲಾಗುತ್ತದೆ ಎಂದು ಹೇಳಲಾಗುತ್ತಿದೆ. ನ್ಯೂಗೋದ ಎಲೆಕ್ಟ್ರಿಕ್ ಬಸ್‌ಗಳನ್ನು ಸುಮಾರು ಒಂದು ತಿಂಗಳ ಕಾಲ ಎಲೆಕ್ಟ್ರಿಕ್ ಮಾರ್ಗದಲ್ಲಿ ಪ್ರಾಯೋಗಿಕವಾಗಿ ಓಡಿಸಲು ಬಳಸಲಾಗುತ್ತಿದೆ.

ನ್ಯೂಗೋ ಎಲೆಕ್ಟ್ರಿಕ್ ಕೋಚ್ ತಯಾರಕರ ಮೂಲ ಕಂಪನಿಯಾದ ಗ್ರೀನ್ ಸೆಲ್ ಮೊಬಿಲಿಟಿ ಈ ಯೋಜನೆಗಾಗಿ NHEV ಯೊಂದಿಗೆ ಪಾಲುದಾರಿಕೆ ಹೊಂದಿದೆ. ಇದು ಹೆದ್ದಾರಿಗಳಲ್ಲಿನ EV ಕಾರ್ಯಾಚರಣೆಗಳಿಗೆ ಸಂಬಂಧಿಸಿದ ಎಲ್ಲಾ ಅಂಶಗಳನ್ನು ಒಳಗೊಂಡಿದೆ. ತಾಂತ್ರಿಕ ಪರೀಕ್ಷೆಯ ಸಮಯದಲ್ಲಿ ಎಲೆಕ್ಟ್ರಿಕ್ ವಾಹನಗಳ ತಾಂತ್ರಿಕ, ಆರ್ಥಿಕ, ಪರಿಸರ ಮತ್ತು ಸಾಮಾಜಿಕ ಕಾರ್ಯಸಾಧ್ಯತೆಯನ್ನು ಅಧ್ಯಯನ ಮಾಡಲಾಗುತ್ತದೆ.

ತಾಂತ್ರಿಕ ಪ್ರಯೋಗದ ಆವಿಷ್ಕಾರಗಳು ಮತ್ತು ಶಿಫಾರಸುಗಳನ್ನು ಒಳಗೊಂಡಿರುವ ವಿವರವಾದ ವರದಿಯನ್ನು ಭಾರತ ಸರ್ಕಾರದ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವ ನಿತಿನ್ ಗಡ್ಕರಿ ಅವರಿಗೆ ಭವಿಷ್ಯದ ಹೆದ್ದಾರಿಗಳ ನಿರ್ಮಾಣದ ಸಮಯದಲ್ಲಿ NHAI ನಲ್ಲಿ AHEM ಸೇರ್ಪಡೆಗಾಗಿ ಸಲ್ಲಿಸಲಾಗುವುದು.

ಈ ಟೆಕ್-ಟ್ರಯಲ್ ರನ್‌ಗಳ ಸಂಶೋಧನೆಗಳು ಮತ್ತು ಅನುಭವಗಳನ್ನು 5000 ಕಿ.ಮೀ ಸಾಂಪ್ರದಾಯಿಕ ಹೆದ್ದಾರಿಗಳನ್ನು ಇ-ಹೈವೇಗಳಾಗಿ ಪರಿವರ್ತಿಸಲು ಬಳಸಲಾಗುತ್ತದೆ. ಕೇಂದ್ರ ಸರ್ಕಾರದ ಸಂಸ್ಥೆಯಾದ ಕನ್ವರ್ಜೆನ್ಸ್ ಎನರ್ಜಿ ಸರ್ವಿಸಸ್ ಲಿಮಿಟೆಡ್ (CESL) 2030 ರ ವೇಳೆಗೆ ದೇಶಾದ್ಯಂತ 50,000 ಎಲೆಕ್ಟ್ರಿಕ್ ಬಸ್‌ಗಳನ್ನು ಹೊರತರುವ ಗುರಿಯನ್ನು ಹೊಂದಿದೆ.

ಎಲೆಕ್ಟ್ರಿಕ್ ಬಸ್‌ಗಳನ್ನು ಖರೀದಿಸುವ ಈ ಯೋಜನೆಯ ಒಟ್ಟು ವೆಚ್ಚವನ್ನು 80,000 ಕೋಟಿ ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ. ಇದು ಸಾರ್ವಜನಿಕ ಸಾರಿಗೆಯನ್ನು ಹೊರಸೂಸುವಿಕೆ ಮುಕ್ತಗೊಳಿಸಲು ಕೇಂದ್ರ ಸರ್ಕಾರ ತೆಗೆದುಕೊಂಡಿರುವ ದೊಡ್ಡ ಹೆಜ್ಜೆ ಎಂದು ಪರಿಗಣಿಸಲಾಗಿದೆ.

ಭಾರತವು 2070 ರಲ್ಲಿ ಶೂನ್ಯ ಹೊರಸೂಸುವಿಕೆಯನ್ನು ಸಾಧಿಸುವ ಗುರಿಯನ್ನು ಹೊಂದಿದೆ. ಇದಕ್ಕಾಗಿ ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳ ತಯಾರಿಕೆ ಮತ್ತು ಮಾರಾಟವನ್ನು ಉತ್ತೇಜಿಸಲು ಹೊಸ ನೀತಿಗಳನ್ನು ಜಾರಿಗೆ ತರಲಾಗುತ್ತಿದೆ. ಸಿಇಎಸ್ ಎಲ್ ಶೀಘ್ರದಲ್ಲೇ ಬಸ್ ಖರೀದಿಗೆ ಟೆಂಡರ್ ನೀಡಲಿದೆ.

ಮಾಹಿತಿಯ ಪ್ರಕಾರ, ದೆಹಲಿ, ಬೆಂಗಳೂರು, ಕೋಲ್ಕತ್ತಾ, ಸೂರತ್ ಮತ್ತು ಹೈದರಾಬಾದ್‌ನಂತಹ ದೊಡ್ಡ ನಗರಗಳಲ್ಲಿ ಸಾರಿಗೆ ನಿಗಮಗಳು ನಡೆಸುವ ಎಲ್ಲಾ ಸಾರ್ವಜನಿಕ ಬಸ್‌ಗಳನ್ನು ಸಂಪೂರ್ಣವಾಗಿ ವಿದ್ಯುತ್‌ಗೆ ಪರಿವರ್ತಿಸುವ ಯೋಜನೆ ಇದೆ. ಈ ನಗರಗಳಲ್ಲಿ 5,450 ಇ-ಬಸ್‌ಗಳ ನಿಯೋಜನೆ ಪ್ರಕ್ರಿಯೆ ಆರಂಭವಾಗಿದೆ.

ಈ ಹಿಂದೆ ದೆಹಲಿ ಮತ್ತು ಮುಂಬೈ ನಡುವೆ ವಿದ್ಯುತ್ ಹೆದ್ದಾರಿ (Electric Highway) ನಿರ್ಮಿಸಲು ಭಾರತ ಸರ್ಕಾರ ಯೋಜಿಸುತ್ತಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ತಿಳಿಸಿದ್ದರು. ಅಲ್ಲದೇ ಮಾಲಿನ್ಯವನ್ನು ಕಡಿಮೆ ಮಾಡಲು ಇಂತಹ ವಿದ್ಯುತ್ ಹೆದ್ದಾರಿಗಳಲ್ಲಿ ಟ್ರಾಲಿಬಸ್ ಅನ್ನು ಹೋಲುವ ಟ್ರಾಲಿಟ್ರಕ್‌ಗಳನ್ನು ಓಡಿಸುವ ಗುರಿಯನ್ನು ಹೊಂದಿರುವುದಾಗಿ ಹೇಳಿದ್ದಾರೆ.

ಇನ್ನೊಂದೆಡೆ ಮಾಲಿನ್ಯವನ್ನು ತಡೆಗಟ್ಟುವ ಸಲುವಾಗಿ ಎಥೆನಾಲ್, ಮೆಥನಾಲ್ ಮತ್ತು ಹಸಿರು ಹೈಡ್ರೋಜನ್‌ನಂತಹ ಪರ್ಯಾಯ ಇಂಧನಗಳನ್ನು ಬಳಸಬೇಕೆಂದು ಅವರು ವಾಹನ ಮಾಲೀಕರನ್ನು ಒತ್ತಾಯಿಸಿದ್ದರು.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ಸರ್ಕಾರ 2.5 ಲಕ್ಷ ಕೋಟಿ ರೂಪಾಯಿ ವೆಚ್ಚದಲ್ಲಿ ಸುರಂಗಗಳನ್ನು ನಿರ್ಮಿಸುತ್ತಿದೆ. ನಮ್ಮ ಯೋಜನೆ ಎಲೆಕ್ಟ್ರಿಕ್ ಹೆದ್ದಾರಿ ನಿರ್ಮಾಣ ಮಾಡುವುದಾಗಿದೆ. ಇಲ್ಲಿ ಟ್ರಾಲಿಬಸ್‌ನಂತೆ ನೀವು ಟ್ರಾಲಿಟ್ರಕ್‌ಗಳನ್ನು ಸಹ ಓಡಿಸಬಹುದು ಎಂದು ಕೇಂದ್ರ ಸಚಿವರು ತಿಳಿಸಿದ್ದರು. ಆದರೆ ಈ ಬಗ್ಗೆ ಇನ್ನೂ ಹೆಚ್ಚಿನ ಗೊಂದಲಗಳಿದ್ದು, ಈ ಕುರಿತು ಸಚಿವರು ತಿಳಿಸಬೇಕಿದೆ.