ಇದೇ ತಿಂಗಳಲ್ಲಿ ಮಾರುತಿ, ಕಿಯಾ, ಹ್ಯುಂಡೈ ಬ್ರಾಂಡ್‌ಗಳ 4 ಭರ್ಜರಿ ಕಾರುಗಳ ಬಿಡುಗಡೆ

ಕಳೆದ ವರ್ಷಾಂತ್ಯದಲ್ಲೇ ಭರ್ಜರಿ ಕಾರುಗಳನ್ನು 2023 ರಲ್ಲಿ ಬಿಡುಗಡೆ ಮಾಡುವುದಾಗಿ ಭಾರತೀಯ ಬ್ರಾಂಡ್‌ಗಳು ಸೇರಿದಂತೆ ವಿದೇಶಿ ಬ್ರಾಂಡ್‌ಗಳು ಕೂಡ ಘೋಷಿಸಿದ್ದವು. ಆದ್ರೆ ಹೇಳಿದ ಸಮಯಕ್ಕಿಂತ ಈಗ ತುಸು ತಡವಾಗಿದೆ. ಇದೀಗ ಬಿಡುಗಡೆ ಸಮಯ ಬಂದಿದ್ದು, ಮಾರುತಿ, ಕಿಯಾ, ಹ್ಯುಂಡೈ, ಬೆಂಝ್‌ನಿಂದ ಭರ್ಜರಿ ಕಾರುಗಳು ಇದೇ ತಿಂಗಳು ಬಿಡುಗಡೆಯಾಗಲಿವೆ.

ಎರಡು ಪ್ರಮುಖ ಕಾರು ಬಿಡುಗಡೆಗಳು, ಒಂದು ಚೊಚ್ಚಲ ಪ್ರವೇಶ ಸೇರಿದಂತೆ ಐಷಾರಾಮಿ ವಿಭಾಗದಲ್ಲಿ ಪ್ರಮುಖ ಬಿಡುಗಡೆಯೂ ಇದೆ. ಅವು ಯಾವುವೆಂದು ಇಲ್ಲಿ ವಿವರವಾಗಿ ನೋಡೋಣ. ಕಿಯಾ ತನ್ನ ಮಧ್ಯಮ ಗಾತ್ರದ SUV ಸೆಲ್ಟೋಸ್ಗೆ ನವೀಕರಣವನ್ನು ನೀಡಲು ಸಿದ್ಧವಾಗಿದ್ದರೇ, ಮಾರುತಿಯ ಪ್ರೀಮಿಯಂ MPV ಇನ್ವಿಕ್ಟೋವನ್ನು ತರಲಿದೆ. ಹ್ಯುಂಡೈ ಅತ್ಯಂತ ಕೈಗೆಟುಕುವ SUV ಅನ್ನು ಬಿಡುಗಡೆ ಮಾಡಲಿದೆ.

1. ಮಾರುತಿ ಇನ್ವಿಕ್ಟೊ: ಟೊಯೊಟಾ ಪಾಲುದಾರಿಕೆ ಅಡಿಯಲ್ಲಿ ಬರುತ್ತಿರುವ ಇನ್ವಿಕ್ಟೋ ಜುಲೈ 5 ರಂದು ಬಿಡುಗಡೆಗೆ ಸಜ್ಜಾಗಿದೆ. ಇನ್ವಿಕ್ಟೋದ ಉನ್ನತ-ಮಟ್ಟದ ರೂಪಾಂತರಗಳು 183hp ಪವರ್, 2.0-ಲೀಟರ್ ಸ್ಟ್ರಾಂಗ್-ಹೈಬ್ರಿಡ್ ಪವರ್‌ಟ್ರೇನ್ ಅನ್ನು ಒಳಗೊಂಡಿರಲಿದೆ. ಪ್ರವೇಶ ಮಟ್ಟದ ಟ್ರಿಮ್‌ಗಳು 173hp ಪವರ್, 2.0-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು CVT ಯೊಂದಿಗೆ ಬರಲಿದೆ.

2. ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್: ಜೂನ್ 2022 ರಿಂದ ಜಾಗತಿಕವಾಗಿ ಇರುವ ಸೆಲ್ಟೋಸ್ ಫೇಸ್‌ಲಿಫ್ಟ್ ಈ ತಿಂಗಳು ಭಾರತದಲ್ಲಿ ಪಾದಾರ್ಪಣೆ ಮಾಡಲು ಸಿದ್ಧವಾಗಿದೆ. ಅಂದರೆ ಜುಲೈ 4 ರಂದು ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್ ಅನ್ನು ಬಿಡುಗಡೆ ಮಾಡಲು ಕಂಪನಿ ಸಜ್ಜಾಗಿದೆ. ಬಹು ನಿರೀಕ್ಷಿತ ಫೇಸ್‌ಲಿಫ್ಟ್ ಕಾಸ್ಮೆಟಿಕ್ ಮತ್ತು ವೈಶಿಷ್ಟ್ಯದ ನವೀಕರಣಗಳು ಸೇರಿದಂತೆ ಹೊಸ ಪವರ್‌ಟ್ರೇನ್ ಅನ್ನು ತರಲಿದೆ.

ಟ್ವಿನ್ ಕನೆಕ್ಟ್ ಇನ್ಫೋಟೈನ್‌ಮೆಂಟ್, ಹೊಸ ಒಳಾಂಗಣ, ಪರಿಷ್ಕೃತ ಮುಂಭಾಗದ ಗ್ರಿಲ್ ಮತ್ತು ಹಿಂಭಾಗದೊಂದಿಗೆ ಬರುತ್ತಿದೆ. ಇನ್ನು ADAS ಕೂಡ ಇರಲಿದೆ. 115hp ಪವರ್ 1.5-ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ಗಳನ್ನು ಒಯ್ಯಲಾಗುತ್ತದೆ. ವೆರ್ನಾ ಮತ್ತು ಕ್ಯಾರೆನ್ಸ್‌ನಿಂದ ಹೊಸ 160hp, 1.5-ಲೀಟರ್ ಟರ್ಬೊ-ಪೆಟ್ರೋಲ್ ಮೋಟರ್ ಸಹ ಹೊಸ ಸೆಲ್ಟೋಸ್‌ನಲ್ಲಿ ನೀಡಲಾಗುವುದು.

3. ಹ್ಯುಂಡೈ ಎಕ್ಸ್‌ಟರ್: ಜುಲೈ 10 ರಂದು ಹ್ಯುಂಡೈ ತನ್ನ ಬಹುನಿರೀಕ್ಷಿತ ಎಕ್ಸ್‌ಟರ್ ಮಾದರಿಯನ್ನು ಬಿಡುಗಡೆ ಮಾಡಲು ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಿದೆ. ತಮಿಳುನಾಡಿನ ಶ್ರೀಪೆರಂಬದೂರಿನಲ್ಲಿ ಹ್ಯುಂಡೈನ ಘಟಕದಲ್ಲಿ ಹೊಸ ಹ್ಯುಂಡೈ ಎಕ್ಸ್‌ಟರ್ ಕಾರಿನ ಉತ್ಪಾದನೆಯನ್ನು ಪ್ರಾರಂಭಿಸಿದೆ. ಇದರಲ್ಲಿ 1.2 ಲೀಟರ್ ಕಪ್ಪಾ ಪೆಟ್ರೋಲ್ ಮತ್ತು 1.2 ಲೀಟರ್ ಕಪ್ಪಾ ಪೆಟ್ರೋಲ್ ಅನ್ನು ಫ್ಯಾಕ್ಟರಿ-ಫಿಟ್ ಮಾಡಿದ ಸಿಎನ್‌ಜಿ ಕಿಟ್‌ನೊಂದಿಗೆ ಒಳಗೊಂಡಿರುತ್ತದೆ.

ಕಾರಿನ ಮುಂಭಾಗ ಪ್ಯಾರಾಮೆಟ್ರಿಕ್ ಫ್ರಂಟ್ ಗ್ರಿಲ್, ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು, ಎಲ್‌ಇಡಿ ಡಿಆರ್‌ಎಲ್‌ಗಳು, ಕ್ಲಾಮ್‌ಶೆಲ್ ಬಾನೆಟ್ ಮತ್ತು ಎಚ್ ಆಕಾರದ ಎಲ್‌ಇಡಿ ಟೈಲ್ ಲ್ಯಾಂಪ್‌ಗಳನ್ನು ಹೊಂದಿದೆ. ಸುಲಭವಾಗಿ ಪ್ರವೇಶಿಸಲು ಮತ್ತು ಹೊರಬರಲು ಡೋರುಗಳು ವಿಶಾಲವಾಗಿ ತೆರೆದುಕೊಳ್ಳುತ್ತವೆ. ಎಲೆಕ್ಟ್ರಿಕ್ ಸನ್‌ರೂಫ್, ಡ್ಯುಯಲ್ ಟೋನ್ ಅಲಾಯ್ ವ್ಹೀಲ್ ಗಳು ಇತ್ಯಾದಿಗಳನ್ನು ಸಹ ಹೊಂದಿದೆ.

4. ಎರಡನೇ-ಜನ್ ಮರ್ಸಿಡಿಸ್-ಬೆನ್ಜ್ GLC: ನಿರ್ದಿಷ್ಟ ದಿನಾಂಕವನ್ನು ಇನ್ನೂ ದೃಢೀಕರಿಸಲಾಗಿಲ್ಲವಾದರೂ, ಈಗಾಗಲೇ 50,000 ಟೋಕನ್ ಮೊತ್ತಕ್ಕೆ ಬುಕ್ಕಿಂಗ್ ನಡೆಯುತ್ತಿದೆ. ಇದನ್ನು 2.0-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಮತ್ತು GLC 220d ಅನ್ನು 2.0-ಲೀಟರ್ ಡೀಸೆಲ್‌ನೊಂದಿಗೆ ಬಿಡುಗಡೆ ಮಾಡಲಿದೆ. ಇವು ಕ್ರಮವಾಗಿ 204hp/320Nm ಮತ್ತು 197hp/440Nm ಟಾರ್ಕ್ ಉತ್ಪಾದಿಸುತ್ತವೆ.

ಮುಂದಿನ ತಿಂಗಳುಗಳಲ್ಲಿ ಇನ್ನೂ ಹೆಚ್ಚಿನ SUV ಗಳು ಬಿಡುಗಡೆಯಾಗಲಿವೆ. ಹೋಂಡಾ ಎಲಿವೇಟ್ ಮತ್ತು ಸಿಟ್ರನ್ C3 ಏರ್‌ಕ್ರಾಸ್‌ನೊಂದಿಗೆ ಎರಡು ಹೊಸ ಮಾದರಿಗಳು ಎಂಟ್ರಿ ಕೊಡಲಿವೆ. ಹಾಗೆಯೇ ಟಾಟಾ ತನ್ನ ಮೂರು SUV ಗಳಾದ ನೆಕ್ಸಾನ್, ಹ್ಯಾರಿಯರ್ ಮತ್ತು ಸಫಾರಿಗೆ ಪ್ರಮುಖ ನವೀಕರಣಗಳನ್ನು ನೀಡಲಿದೆ. ನಂತರ ಫೋರ್ಸ್ ಗೂರ್ಖಾ 5-ಡೋರ್ ಮತ್ತು ಪಂಚ್ ಸಿಎನ್‌ಜಿಯನ್ನು ಸಹ ಬರುವ ಸಾಧ್ಯತೆಯಿದೆ.