ಅಧಿಕ ಮೈಲೇಜ್, ಅತ್ಯಾಧುನಿಕ ಫೀಚರ್ಸ್, ಕೈಗೆಟುಕುವ ಬೆಲೆಗೆ ಗರಿಷ್ಟ ಮೌಲ್ಯದ 7-ಸೀಟರ್ ಕಾರುಗಳು!

ಅತ್ಯಾಧುನಿಕ ವೈಶಿಷ್ಟ್ಯಗಳು, ಹೊಸ ವಿನ್ಯಾಸ ಮತ್ತು ಸುರಕ್ಷತೆಯ ಜೊತೆಗೆ ಹಣಕ್ಕೆ ಗರಿಷ್ಠ ಮೌಲ್ಯವಿರುವ ಕಾರನ್ನು ಭಾರತದಲ್ಲಿ ಗ್ರಾಹಕರು ಹೆಚ್ಚಾಗಿ ಹುಡುಕುತ್ತಾರೆ. ಅಂಥವರಿಗಾಗಿ ಇಂದು ಮಾರುಕಟ್ಟೆಯಲ್ಲಿ ಹಣಕ್ಕೆ ಹೆಚ್ಚು ಮೌಲ್ಯವಿರುವ ಐದು ಮೂರು-ಸಾಲಿನ (7-Seater) ವಾಹನಗಳನ್ನು ಪಟ್ಟಿ ಮಾಡಿದ್ದು, ಈ ಕಾರುಗಳು ಮೇಲೆ ತಿಳಿಸಿದ ಅಂಶಗಳಲ್ಲಿ ಯಾವುದರಲ್ಲೂ ರಾಜಿಯಾಗುವುದಿಲ್ಲ.

ಕಿಯಾ ಕಾರೆನ್ಸ್: ಸಾಕಷ್ಟು ಕ್ಯಾಬಿನ್ ನೀಡುವುದರ ಹೊರತಾಗಿ kia carens ಉತ್ತಮ ಸುರಕ್ಷತೆಯನ್ನು ಕೂಡ ಒದಗಿಸುತ್ತದೆ. ಆರು ಏರ್‌ಬ್ಯಾಗ್‌ಗಳು, ಡೌನ್‌ಹಿಲ್ ಬ್ರೇಕ್ ಕಂಟ್ರೋಲ್, ಆಲ್-ವೀಲ್ ಡಿಸ್ಕ್ ಬ್ರೇಕ್‌ಗಳು, ಟೈರ್ ಪ್ರೆಶರ್ ಮಾನಿಟರ್, ರಿಯರ್ ಪಾರ್ಕಿಂಗ್ ಸೆನ್ಸರ್‌ಗಳು, ಎಬಿಎಸ್ ಮತ್ತು ಹೆಚ್ಚಿನ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಉತ್ತಮ ನಿರ್ಮಾಣ ಗುಣಮಟ್ಟವನ್ನು ಹೊಂದಿದೆ.

ಕಾರೆನ್ಸ್ ಬಹು ಎಂಜಿನ್ ಮತ್ತು ಟ್ರಾನ್ಸ್‌ಮಿಷನ್ ಆಯ್ಕೆಗಳನ್ನು ನೀಡುವ ಏಕೈಕ ಕೈಗೆಟುಕುವ MPV ಆಗಿದೆ. ಇದು 113bhp ಪವರ್ 1.5-ಲೀಟರ್ NA ಮತ್ತು 1.5-ಲೀಟರ್ ಟರ್ಬೊ ಜೊತೆಗೆ 158bhp ಪವರ್ ಮತ್ತು 253Nm ಟಾರ್ಕ್ ಹೊರ ಹಾಕುವ ಎರಡು ಪೆಟ್ರೋಲ್ ಎಂಜಿನ್‌ಗಳಲ್ಲಿ ಲಭ್ಯವಿದೆ.

ನ್ಯಾಚುರಲ್ಲಿ ಆಸ್ಪಿರೇಟೆಡ್ ಎಂಜಿನ್ 6-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಮಾತ್ರ ಲಭ್ಯವಿದ್ದರೆ, ಟರ್ಬೊ 6-ಸ್ಪೀಡ್ iMT ಕ್ಲಚ್‌ಲೆಸ್ ಟ್ರಾನ್ಸ್‌ಮಿಷನ್ ಮತ್ತು 7-ಸ್ಪೀಡ್ ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್‌ನೊಂದಿಗೆ ಬರುತ್ತದೆ. ಕಾರೆನ್ಸ್ 113bhp ಪವರ್ ಮತ್ತು 250Nm ಟಾರ್ಕ್‌ನೊಂದಿಗೆ 1.5-ಲೀಟರ್ ಡೀಸೆಲ್‌ನೊಂದಿಗೂ ಬರುತ್ತದೆ. ಇದು 6-ಸ್ಪೀಡ್ ಮ್ಯಾನ್ಯುವಲ್ ಕ್ಲಚ್‌ಲೆಸ್ ಮತ್ತು 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್‌ಗೆ ಸಂಯೋಜಿಸಲ್ಪಟ್ಟಿದೆ.

ರೆನಾಲ್ಟ್ ಟ್ರೈಬರ್: renault triber ಮಾರುಕಟ್ಟೆಯಲ್ಲಿ ಹೆಚ್ಚು ಕೈಗೆಟುಕುವ MPV ಮಾತ್ರವಲ್ಲ, ಇದು ಭಾರತದಲ್ಲಿ ರೆನಾಲ್ಟ್‌ನ ಹೆಚ್ಚು ಮಾರಾಟವಾಗುವ ವಾಹನವಾಗಿದೆ. ಟ್ರೈಬರ್ 96Nm ಟಾರ್ಕ್ ಜೊತೆಗೆ 71bhp ಪವರ್ 1-ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದೆ. ಈ ಎಂಜಿನ್ 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಅಥವಾ 5-ಸ್ಪೀಡ್ AMT ಗೆ ಜೋಡಿಸಲಾಗಿದೆ.

ಟ್ರೈಬರ್ ಗ್ಲೋಬಲ್ ಎನ್‌ಸಿಎಪಿ ಕ್ರ್ಯಾಶ್ ಟೆಸ್ಟ್‌ಗಳಲ್ಲಿ 4 ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದಿರುವುದರಿಂದ ಉತ್ತಮವಾಗಿ ನಿರ್ಮಿಸಲಾದ ಸುರಕ್ಷಿತ ವಾಹನವಾಗಿ ಗುರ್ತಿಸಿಕೊಂಡಿದೆ. ರೆನಾಲ್ಟ್ MPV 8 ಇಂಚಿನ ಇನ್ಫೋಟೈನ್ ಮೆಂಟ್ ಸಿಸ್ಟಮ್, ಕೂಲ್ಡ್ ಗ್ಲೋವ್ ಬಾಕ್ಸ್ ಮತ್ತು ಸೆಂಟರ್ ಕನ್ಸೋಲ್‌ನೊಂದಿಗೆ ಬರುತ್ತದೆ.

ಮಾರುತಿ ಸುಜುಕಿ ಎರ್ಟಿಗಾ/ ಟೊಯೋಟಾ ರೂಮಿಯಾನ್: ಮಾರುತಿ ಎರ್ಟಿಗಾ (maruti ertiga) ಮೂರು-ಸಾಲಿನ ವಾಹನ ಮತ್ತು ಟೊಯೋಟಾ ರೂಮಿಯಾನ್ ಎರಡೂ ಒಂದೇ ಪ್ಲಾಟ್‌ನಿಂದ ಹುಟ್ಟಿಕೊಂಡಿವೆ. 1.5-ಲೀಟರ್ ಪೆಟ್ರೋಲ್ ಪವರ್‌ಟ್ರೇನ್‌ನೊಂದಿಗೆ 102bhp ಪವರ್ ಮತ್ತು 136.8Nm ಟಾರ್ಕ್ ಉತ್ಪಾದನೆಯೊಂದಿಗೆ ಬರುತ್ತವೆ.

ಎರಡೂ MPVಗಳು ಎರಡು ಗೇರ್‌ಬಾಕ್ಸ್ ಆಯ್ಕೆಗಳನ್ನು ಪಡೆಯುತ್ತವೆ - 5-ಸ್ಪೀಡ್ ಮ್ಯಾನುವಲ್ ಮತ್ತು 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಪ್ಯಾಡಲ್ ಶಿಫ್ಟರ್‌ಗಳೊಂದಿಗೆ ಬರುತ್ತವೆ. ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ 7-ಇಂಚಿನ ಟಚ್‌ಸ್ಕ್ರೀನ್, ಡ್ಯುಯಲ್ ಏರ್‌ಬ್ಯಾಗ್‌ಗಳು, ಇಬಿಡಿ ಮತ್ತು ಬ್ರೇಕ್ ಅಸಿಸ್ಟ್‌ನೊಂದಿಗೆ ಎಬಿಎಸ್, ಎರಡನೇ ಸಾಲಿನಲ್ಲಿ ಐಎಸ್‌ಒಫಿಕ್ಸ್ ಚೈಲ್ಡ್ ಸೀಟ್ ಆಂಕಾರೇಜ್‌ಗಳು ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳನ್ನು ಹೊಂದಿವೆ.

ಮಹೀಂದ್ರಾ ಬೊಲೆರೊ ನಿಯೋ: ಬೊಲೆರೊ ನಿಯೋ ನಮ್ಮ ಪಟ್ಟಿಯಲ್ಲಿ ಅತ್ಯಂತ ಕೈಗೆಟುಕುವ ಡೀಸೆಲ್ ವಾಹನವಾಗಿದೆ. ಇದು ಒರಟಾದ SUV ಆಗಿದ್ದು, ಬಾಡಿ-ಆನ್-ಫ್ರೇಮ್ ನಿರ್ಮಾಣವನ್ನು ಆಧರಿಸಿದೆ. ಒಂದೇ ಡೀಸೆಲ್ ಎಂಜಿನ್ ಆಯ್ಕೆಯೊಂದಿಗೆ ಮಾತ್ರ ಲಭ್ಯವಿದೆ. 1.5-ಲೀಟರ್ ಡೀಸೆಲ್ ಎಂಜಿನ್ 99bhp ಪವರ್ ಮತ್ತು 260Nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಇದನ್ನು 5-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಸಂಯೋಜಿಸಲಾಗಿದೆ.

ಸಿಟ್ರನ್ C3 ಏರ್‌ಕ್ರಾಸ್: ಸಿಟ್ರನ್ ಪ್ರಸ್ತುತ ಮಧ್ಯಮ ಗಾತ್ರದ SUV ಅನ್ನು ನೀಡುತ್ತಿರುವ ಏಕೈಕ ತಯಾರಕರಾಗಿದ್ದು ಇದು 5-ಸೀಟರ್ ಮತ್ತು 5+2 ಆಸನಗಳೆರಡರಲ್ಲೂ ಲಭ್ಯವಿದೆ. C3 ಏರ್‌ಕ್ರಾಸ್ ಒಂದೇ 1.2-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದ್ದು ಅದು 109bhp ಪವರ್ ಮತ್ತು 190Nm ಟಾರ್ಕ್ ಉತ್ಪಾದನೆಯನ್ನು ಹೊಂದಿದೆ.

ಸಿಟ್ರನ್ 6-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಮಾತ್ರ ನೀಡುತ್ತಿದೆ. ARAI ಪ್ರಕಾರ, ಇದು 18.5 kmpl ಅನ್ನು ನೀಡುತ್ತದೆ. ಇದು 10-ಇಂಚಿನ ಟಚ್‌ಸ್ಕ್ರೀನ್‌ನೊಂದಿಗೆ ಬರುತ್ತದೆ, ಆದರೂ ಇದು ವೈರ್ಡ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ, ಮ್ಯಾನುಯಲ್ ಎಸಿ, ಟ್ವಿನ್ ಏರ್‌ಬ್ಯಾಗ್‌ಗಳು ಮತ್ತು ಟೈರ್ ಪ್ರೆಶರ್ ಮಾನಿಟರ್ ಅನ್ನು ಮಾತ್ರ ಒಳಗೊಂಡಿದೆ.