ಸ್ಥಗಿತಗೊಂಡರು ಬೆಟ್ಟದಷ್ಟು ಬೇಡಿಕೆಯಿರುವ 8 ಪವರ್‌ಫುಲ್ ಕಾರುಗಳು... ಭಾರತೀಯರ ಫೇವರೆಟ್!

ಭಾರತದಲ್ಲಿ ಪ್ರತಿ ವಾಹನ ತಯಾರಕರು ಪ್ರತಿ ವರ್ಷ ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುತ್ತಾರೆ. ಹಾಗೆಯೇ ಹಳೆಯ ಮಾದರಿಗಳನ್ನು ನಿಲ್ಲಿಸುತ್ತಾರೆ. ಆದ್ರೆ ಇಂತಹ ನಿಲ್ಲಿಸಿರುವ ಕೆಲವು ಕಾರುಗಳು ಮಾತ್ರ ಕಾರು ಉತ್ಸಾಹಿಗಳಲ್ಲಿ ಅಚ್ಚಳಿಯದೆ ಉಳಿದಿವೆ. ಅಂತಹ ಕೆಲವು ಟಾಪ್ ಕಾರುಗಳನ್ನು ಇಲ್ಲಿ ನೋಡೋಣ.

ಫಿಯೆಟ್ ಪುಂಟೊ ಅಬಾರ್ತ್: ಭಾರತದಲ್ಲಿನ ಮೊದಲ ಹ್ಯಾಚ್‌ಬ್ಯಾಕ್‌ಗಳಲ್ಲಿ ಒಂದಾದ ಫಿಯೆಟ್ ಪುಂಟೊ ಅಬಾರ್ತ್ ಒಂದು ಅದ್ಬುತ ವಾಹನವಾಗಿದೆ. ಅನೇಕ ಉತ್ಸಾಹಿಗಳು ಈ ಹ್ಯಾಚ್‌ಬ್ಯಾಕ್ ಅನ್ನು ಮರಳು ತರಲು ಇಷ್ಟಪಡುತ್ತಾರೆ. ಇದು ಮಾರುಕಟ್ಟೆಗೆ ಮರಳಿ ಬಂದರೆ ಭಾರತದಲ್ಲಿ ಹೆಚ್ಚು ಜನಪ್ರಿಯವಾಗಿರುವ ಹ್ಯಾಚ್‌ಬ್ಯಾಕ್ ಮಾರುಕಟ್ಟೆಯನ್ನು ಕ್ರಾಂತಿಗೊಳಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ವೋಕ್ಸ್‌ವ್ಯಾಗನ್ ಪೋಲೋ: ಫೋಕ್ಸ್‌ವ್ಯಾಗನ್ ಪೊಲೊ, ಸ್ಥಗಿತಗೊಂಡ ನಂತರವೂ ಭಾರತದಲ್ಲಿ ಅತ್ಯಂತ ಜನಪ್ರಿಯ ಹ್ಯಾಚ್‌ಬ್ಯಾಕ್‌ಗಳಲ್ಲಿ ಒಂದಾಗಿದೆ. ತಮ್ಮ ವಾಹನಗಳನ್ನು ಮಾರ್ಪಡಿಸಲು ಇಷ್ಟಪಡುವ ನಿಜವಾದ ಆಟೋಮೋಟಿವ್ ಉತ್ಸಾಹಿಗಳು ಈ ಹ್ಯಾಚ್‌ಬ್ಯಾಕ್ ಅನ್ನು ಮಾಡಿಫೈಗೊಳಿಸಿ ಬಳಸುತ್ತಿದ್ದಾರೆ. ಈ ಕಾರಣಕ್ಕಾಗಿಯೇ ಬಹಳಷ್ಟು ಜನರು ಭಾರತದಲ್ಲಿ ಅದನ್ನು ಮರಳಿ ತರಲು ಬಯಸುತ್ತಿದ್ದಾರೆ.

ಟಾಟಾ ಹೆಕ್ಸಾ: ಟಾಟಾ ಮೋಟಾರ್ಸ್‌ನಿಂದ ಈಗ ಸ್ಥಗಿತಗೊಂಡಿರುವ ಸ್ಪೋರ್ಟಿ MPV ಹೆಕ್ಸಾ, ಇದು ಭಾರತದಲ್ಲಿ ಖಂಡಿತವಾಗಿಯೂ ಮರಳಿ ಬರಬೇಕಾದ ವಾಹನಗಳಲ್ಲಿ ಒಂದಾಗಿದೆ. ಕಂಪನಿಯು ಸ್ವಲ್ಪ ಕಷ್ಟಪಟ್ಟು ಕೆಲಸ ಮಾಡಿದ್ರೆ, ಟೊಯೊಟಾ ಇನ್ನೋವಾ ಕ್ರಿಸ್ಟಾ ಮತ್ತು ಹೈಕ್ರಾಸ್‌ಗೆ ಅಸಾಧಾರಣ ಪ್ರತಿಸ್ಪರ್ಧಿಯಾಗುವ ಸಾಮರ್ಥ್ಯವನ್ನು ಹೊಂದಿದೆ. ಭಾರತದಲ್ಲಿ ಹೊಸ ಹೆಕ್ಸಾ, ಟೊಯೊಟಾ MPV ಗಳಿಗೆ ಸರಿಯಾದ ಪೈಪೋಟಿ ನೀಡಬಹುದು.

ಹೋಂಡಾ ಸಿವಿಕ್: ಜಪಾನ್ ಆಟೋಮೋಟಿವ್ ದೈತ್ಯ ಹೋಂಡಾ ಕಾರ್ಸ್ ಇಂಡಿಯಾದ ಡಿ-ಸೆಗ್ಮೆಂಟ್ ಸೆಡಾನ್ ಸಿವಿಕ್ ಮರಳಿ ಬರುವುದು ಹಲವರ ಕನಸಾಗಿದೆ. ಈ ಸೆಡಾನ್ ಮೊದಲ ಬಾರಿಗೆ ಬಿಡುಗಡೆಯಾದಾಗ ಕೆಲವು ಅತ್ಯಾಧುನಿಕ ಡಿಸೈನ್‌ನೊಂದಿಗೆ ಭಾರತೀಯರ ಫೆವರೆಟ್ ಸೆಡಾನ್ ಆಗಿತ್ತು. ವಾಸ್ತವಿಕವಾಗಿ ಇದರ ಪುನರಾಗಮನವು ಸಂಭವಿಸುವುದಿಲ್ಲ, ಏಕೆಂದರೆ ಕಂಪನಿಯು ಭವಿಷ್ಯದಲ್ಲಿ ಭಾರತದಲ್ಲಿ SUV ಗಳನ್ನು ಮಾತ್ರ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.

ಫೋರ್ಡ್ ಮುಸ್ತಾಂಗ್: ಫೋರ್ಡ್ ಇಂಡಿಯಾ ಭಾರತೀಯ ಕಾರು ಮಾರುಕಟ್ಟೆಯನ್ನು ತೊರೆದಿರಬಹುದು, ಆದರೆ ಇದು ಇನ್ನೂ ಅನೇಕ ಭಾರತೀಯರ ಹೃದಯವನ್ನು ಬಿಟ್ಟಿಲ್ಲ. ಫೋರ್ಡ್‌ನ ಮುಸ್ತಾಂಗ್ ಸ್ಪೋರ್ಟ್ಸ್ ಕಾರು ಇತ್ತೀಚೆಗೆ ತನ್ನ ಹೊಸ ಪೀಳಿಗೆಯನ್ನು ಪಡೆದುಕೊಂಡಿದೆ. ಆದರೆ ಹೆಚ್ಚಾಗಿ, ಇದು ಭಾರತಕ್ಕೆ ಬರುವುದಿಲ್ಲ. ಆದ್ರೂ ಇದು ಭಾರತದಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಕಾರುಗಳಲ್ಲಿ ಒಂದಾಗಿದೆ.

ರೆನಾಲ್ಟ್ ಡಸ್ಟರ್: ಮಧ್ಯಮ ಗಾತ್ರದ ವಿಭಾಗದಲ್ಲಿ ಅತ್ಯುತ್ತಮ SUV ಗಳಲ್ಲಿ ಒಂದಾಗಿ ಭಾರತೀಯ ಎಸ್‌ಯುವಿ ವಿಭಾಗವನ್ನು ಆಳಿದ್ದ ರೆನಾಲ್ಟ್ ಡಸ್ಟರ್ ಭಾರತಕ್ಕೆ ಮರಳಿ ಬರಲಿದೆ. ಈ ಮುಂಬರುವ ಡಸ್ಟರ್ ಅತ್ಯಂತ ಮಸ್ಕುಲರ್ ಮತ್ತು ಬೋಲ್ಡ್ ಆಗಿದ್ದು, ಈಗಿನ ಎಸ್‌ಯುವಿಗಳಿಗೆ ಸರಿಯಾದ ಪೈಪೋಟಿ ನೀಡುವುದು ಖಚಿತ ಎನ್ನಲಾಗುತ್ತಿದೆ.

ಟಾಟಾ ಸಿಯೆರಾ: ಟಾಟಾ ತನ್ನ ಜನಪ್ರಿಯ ಸಿಯೆರಾವನ್ನು ಭಾರತೀಯ ಮಾರುಕಟ್ಟೆಗೆ ಮರಳಿ ತರುವುದನ್ನು ದೃಢಪಡಿಸಿದೆ. ಈ ವರ್ಷದ ಆರಂಭದಲ್ಲಿ, ಕಂಪನಿಯು ಸಿಯೆರಾ ಪರಿಕಲ್ಪನೆಯನ್ನು ಪ್ರದರ್ಶಿಸಿ ಉತ್ಪಾದನೆಗೆ ತರುವುದಾಗಿ ಖಚಿತಪಡಿಸಿದೆ. ಈ ಬಾರಿ ಮೂರು ಡೋರ್ ಮಾದರಿಯ ಬದಲಾಗಿ ಸಿಯೆರಾ ಐದು ಡೋರ್ ಮಾದರಿಯಾಗಿ ಬಿಡುಗಡೆಯಾಗಲಿದೆ. ಆದರೆ ನಿಜವಾದ ಆಟೋಮೋಟಿವ್ ಉತ್ಸಾಹಿಗಳಿಗೆ, ಹಳೆಯ ಮೂರು-ಬಾಗಿಲಿನ ಸಿಯೆರಾ ಯಾವಾಗಲೂ ಫೇವರೆಟ್.

ಫೋರ್ಡ್ ಫಿಯೆಸ್ಟಾ: ಅಂತರಾಷ್ಟ್ರೀಯವಾಗಿ ಹ್ಯಾಚ್‌ಬ್ಯಾಕ್ ಆಗಿ ಮಾರಾಟವಾದ ಫಿಯೆಸ್ಟಾ, ಭಾರತದಲ್ಲಿ ಸೆಡಾನ್ ಸ್ವರೂಪದಲ್ಲಿ ಮಾತ್ರ ತರಲಾಯಿತು. ಆದರೆ ಇದು ಇನ್ನೂ ಭಾರತದಲ್ಲಿ ಹೆಚ್ಚು ಸ್ಪೋರ್ಟಿಯಾಗಿ ಕಾಣುವ ವಾಹನಗಳಲ್ಲಿ ಒಂದಾಗಿದೆ. ಫೋರ್ಡ್ ಕಾರುಗಳ ವಿಷಯಕ್ಕೆ ಬಂದಾಗ, ಇದು ನಿಜವಾಗಿಯೂ ಐಕಾನ್ ಆಗಿತ್ತು. ಭಾರತದಲ್ಲಿ ಈ ಕಾರಿನ ಮರಳುವಿಕೆಯನ್ನು ನೋಡಲು ಜನ ಬಯಸುತ್ತಿದ್ದಾರೆ. ಪ್ರಸ್ತುತ ನಮ್ಮ ದೇಶಕ್ಕೆ ಮರಳುವ ಯಾವುದೇ ಲಕ್ಷಣಗಳಿಲ್ಲ.