ಟಾಟಾ ನೆಕ್ಸಾನ್ ಇವಿ ಕಾರಲ್ಲಿ ಸಿಎನ್‌ಜಿ ಪ್ರದರ್ಶನ: ಅಗ್ಗದ ಬೆಲೆಗೆ Nexon i-CNG ಕಾರು ಬರಲಿದೆಯಾ?

ಟಾಟಾ ಮೋಟಾರ್ಸ್ ಇತ್ತೀಚೆಗೆ ಭಾರತದಲ್ಲಿ ಹೊಸ ಫೇಸ್‌ಲಿಫ್ಟ್ Nexon.ev ಅನ್ನು ಪರಿಚಯಿಸಿತು. ಈ ಕಾರಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ವಿಚಿತ್ರವಾಗಿ CNG ಬಾರ್ ಅನ್ನು ತೋರಿಸಿದ್ದು, ಟಾಟಾ ಶೀಘ್ರದಲ್ಲೇ Nexon i-CNG ಅನ್ನು ತರಲಿದೆಯೇ ಎಂಬುದಕ್ಕೆ ಸುಳಿವು ನೀಡಿದಂತಾಗಿದೆ. ಈ ಕುರಿತ ಹೆಚ್ಚಿನ ಮಾಹಿತಿಯನ್ನು ಇಲ್ಲಿ ನೋಡೋಣ.

ಸದ್ಯ ಟಾಟಾ ಮೋಟಾರ್ಸ್, ಎಲೆಕ್ಟ್ರಿಕ್ ಕಾರು ವಿಭಾಗವನ್ನು ಆಳುತ್ತಿದೆ. ಇನ್ಯಾವುದೇ ಕಾರು ಕಂಪನಿಗಿಲ್ಲದ ಬೇಡಿಕೆ ಟಾಟಾ ಎಲೆಕ್ಟ್ರಿಕ್ ಕಾರುಗಳಿದೆ. ಟಾಟಾ ಮೋಟಾರ್ಸ್ ಪ್ರಸ್ತುತ CNG ಕ್ಷೇತ್ರದಲ್ಲಿಯೂ ಗಮನಾರ್ಹ ದಾಪುಗಾಲುಗಳನ್ನು ತೆಗೆದುಕೊಂಡಿದೆ. ಸಿಎನ್‌ಜಿ ಮಾದರಿಗಳನ್ನು ಈಗಾಗಲೇ ಒಂದೊಂದಾಗಿ ಪರಿಚಯಿಸುತ್ತಿರುವ ಟಾಟಾ, ಈಗ ನೆಕ್ಸಾನ್ ಮಾದರಿಯಲ್ಲೂ ಸಿಎನ್‌ಜಿ ಬರುವುದು ಎನ್ನಲಾಗುತ್ತಿದೆ. ಇದಕ್ಕೆ ಸಾಕ್ಷ್ಯವೆಂಬಂತೆ ಕೆಳಗಿನ ಈ ಚಿತ್ರವನ್ನು ನೋಡಿದ್ರೆ ನಿಮಗೂ ಹೌದೆನಿಸಬಹುದು.

ಸಾಫ್ಟ್‌ವೇರ್‌ ದೋಷದಿಂದಲೂ ಹೀಗಾಗಿರಬಹುದು: ವಾಹನ ತಯಾರಕರು ತಮ್ಮ ಬಹುತೇಕ ಕಾರುಗಳಿಗೆ ಒಂದೇ ತಂತ್ರಜ್ಞಾನವನ್ನು ಬಳಸುತ್ತವೆ. ಟಾಟಾ ಕೂಡ Nexon ಮತ್ತು Nexon.ev ಒಂದೇ ರಿತಿಯಾದ ಸಂಪೂರ್ಣ ಡಿಜಿಟಲ್ ಇನ್‌ಸ್ಟ್ರೂಮೆಂಟ್ ಕ್ಲಸ್ಟರ್ ಅನ್ನು ಹೊಂದಿವೆ. ಹಾಗಾಗಿ ಕೆಲವರ ಪ್ರಕಾರ ನೆಕ್ಸಾನ್ ಇವಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌ನಲ್ಲಿ ದೋಷದಿಂದ ಸಿಎನ್‌ಜಿ ಐಕಾನ್ ಅನ್ನು ತೋರಿಸಿದೆ ಎಂದು ಹೇಳುತ್ತಿದ್ದಾರೆ.

ಈ ಹಿಂದೆಯೂ ಟೊಯೊಟಾ ಕಾರುಗಳಲ್ಲಿ ಸುಜುಕಿ ಲೋಗೋ ಕಾಣಿಸಿಕೊಂಡಿದ್ದನ್ನು ನಾವು ನೋಡಿದ್ದೇವೆ. ಈಗ Nexon EV ಯಲ್ಲಿನ CNG ಬಾರ್ ಸಾಕಷ್ಟು ಸೂಕ್ಷ್ಮವಾದ ಸಾಫ್ಟ್‌ವೇರ್ ದೋಷವಾಗಿರಬಹುದು. ಸದ್ಯಕ್ಕೆ, ಈ ಇನ್ಸ್ಟ್ರೂಮೆಂಟ್ ಕ್ಲಸ್ಟರ್ Nexon ಮತ್ತು Nexon.ev ಗೆ ಮಾತ್ರ ಪ್ರತ್ಯೇಕವಾಗಿದೆ. i-CNG ರೂಪಾಂತರಗಳು ಇತ್ತೀಚೆಗೆ ಬಿಡುಗಡೆಯಾದ ನೆಕ್ಸನ್‌ನ ಪವರ್‌ಟ್ರೇನ್ ಭಾಗವಾಗಿಲ್ಲ.

ಇದು ಎರಡು ವಿಷಯಗಳನ್ನು ಸೂಚಿಸಬಹುದು. ಒಂದು, ಟಾಟಾ ಮೋಟಾರ್ಸ್ ಪ್ರಸ್ತುತ ಸಿಎನ್‌ಜಿ ವಾಹನಗಳಾದ ಟಿಯಾಗೊ ಐ-ಸಿಎನ್‌ಜಿ, ಟಿಗೊರ್ ಐ-ಸಿಎನ್‌ಜಿ, ಪಂಚ್ ಐ-ಸಿಎನ್‌ಜಿ ಮತ್ತು ಆಲ್ಟ್ರೊಜ್ ಐ-ಸಿಎನ್‌ಜಿಯಲ್ಲಿ ಸಾಕಷ್ಟು ಹೊಸ ಮತ್ತು ಹೈಟೆಕ್ ಇನ್‌ಸ್ಟ್ರೂಮೆಂಟ್ ಕ್ಲಸ್ಟರ್ ಅನ್ನು ಸ್ಥಾಪಿಸಬಹುದು. ಇಲ್ಲವೇ ನಾವು ನೋಡಿದ ಫೋಟೊ ನಿಜವಾಗಿಯೂ ಟಾಟಾ ಮೋಟಾರ್ಸ್ ನೆಕ್ಸಾನ್‌ನ i-CNG ಆವೃತ್ತಿಯನ್ನು ತರುವ ಮುನ್ಸೂಚನೆಯೂ ಇರಬಹುದು.

Nexon i-CNG ದೃಢೀಕರಿಸಲ್ಪಟ್ಟಿದೆಯೇ?: ಟಾಟಾ ನೆಕ್ಸಾನ್ ಐ-ಸಿಎನ್‌ಜಿ ಆವೃತ್ತಿ ಬರುವ ಕುರಿತು ಬಹಳ ಹಿಂದಿನಿಂದಲೂ ಚರ್ಚೆಗಳಿವೆ. ಈ ಡಿಸ್‌ಪ್ಲೇಯಲ್ಲಿ CNG ಐಕಾನ್ ಪುಟಿದೇಳುವುದು ಬಿಡುಗಡೆಗೆ ಉತ್ತಮ ಸೂಚನೆಯಾಗಿದೆ. ಈಗಿನಂತೆ, ಪೆಟ್ರೋಲ್+ಸಿಎನ್‌ಜಿ ಪವರ್‌ಟ್ರೇನ್ ಆಯ್ಕೆಯೊಂದಿಗೆ ಬ್ರೆಜ್ಜಾ ಮಾತ್ರ ಸಬ್ 4m SUV ಆಗಿದೆ.

ಮುಂಬರುವ ಟಾಟಾ ನೆಕ್ಸಾನ್ i-CNG ಡ್ಯುಯಲ್ ಸಿಲಿಂಡರ್ ತಂತ್ರಜ್ಞಾನದೊಂದಿಗೆ ಮಿಂಚಲಿದೆ. Nexon i-CNG ಬಿಡುಗಡೆಯಾದರೆ, ಇದು ಟರ್ಬೊ ಪೆಟ್ರೋಲ್ ಎಂಜಿನ್‌ನೊಂದಿಗೆ ಭಾರತದಲ್ಲಿ ಮೊದಲ CNG ವಾಹನವಾಗಲಿದೆ. ಇಲ್ಲದಿದ್ದರೇ Altroz i-CNG ಯಂತೆಯೇ ನ್ಯಾಚುರಲ್ಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಸೆಟಪ್ ಅನ್ನು ಟಾಟಾ ನೀಡುವ ಸಾಧ್ಯತೆಯೂ ಇದೆ.

ನೆಕ್ಸಾನ್ ಐ-ಸಿಎನ್‌ಜಿಯು ಟಾಟಾ ಮೋಟಾರ್ಸ್‌ಗೆ ಸಬ್ 4m SUV ವಿಭಾಗದಲ್ಲಿ ತನ್ನ ಅಸ್ತಿತ್ವವನ್ನು ಮತ್ತಷ್ಟು ಬಲಪಡಿಸಲು ಉತ್ತಮ ತಂತ್ರವಾಗಿದೆ. ಟಾಟಾದ ಹಿಂದಿನ ಸಿಎನ್‌ಜಿ ವಾಹನಗಳ ಪ್ರಕಾರ, ಟಾಪ್-ಸ್ಪೆಕ್ ಫಿಯರ್‌ಲೆಸ್ ಟ್ರಿಮ್ ಸೇರಿದಂತೆ ಎಲ್ಲಾ ಟ್ರಿಮ್ ಹಂತಗಳೊಂದಿಗೆ ನೆಕ್ಸಾನ್ ಐ-ಸಿಎನ್‌ಜಿಯ ಉತ್ತಮ ಸಂಭವನೀಯತೆ ಇದೆ. ಬೆಲೆಯ ಪ್ರಕಾರ, Nexon i-CNG ಅದರ ಪೆಟ್ರೋಲ್ ಮಾದರಿಗಳಿಗಿಂತ ಸುಮಾರು ರೂ. 1 ಲಕ್ಷ ಹೆಚ್ಚಾಗಿರಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.