ಐಫೋನ್‌ ತಯಾರಕರ ಇವಿ ಕಾರು ಭಾರತಕ್ಕೆ ಎಂಟ್ರಿ? ಎಲ್ಲಾ ಬ್ರಾಂಡ್‌ಗಳಿಗೆ ಶುರುವಾಯ್ತು ನಡುಕ!

ವಿಶ್ವದಾದ್ಯಂತ ಇರುವ ಇಂಧನ ಚಾಲಿತ ವಾಹನಗಳಿಗೆ ಮುಖ್ಯವಾಗಿ ಬೇಕಾದದ್ದು ಆಂತರಿಕ ದಹನಕಾರಿ ಎಂಜಿನ್ (ಐಸಿಇ) ಉಳಿದಂತೆ ಎಲ್ಲಾ ಕಾರುಗಳು ಬಹುತೇಕ ಟೆಕ್ನಾಲಜಿಯನ್ನೇ ಬಳಸಿರುತ್ತವೆ. ಈ ನಿಟ್ಟಿನಲ್ಲಿ ನೋಡಿದ್ರೆ ಎಲೆಕ್ಟ್ರಿಕ್ ವಾಹನಗಳು ಹಾಗೂ ಐಸಿಇ ವಾಹನಗಳಿಗೆ ಸಾಮ್ಯತೆಯೇ ಇಲ್ಲ. ಎಲೆಕ್ಟ್ರಿಕ್ ವಾಹನಗಳಿಗೆ ಕೇವಲ ಬ್ಯಾಟರಿ ಹಾಗೂ ಟೆಕ್ನಾಲಜಿ ಇದ್ದರೆ ಸಾಕು.

ಈ ಒಂದೇ ಅಂಶ ಸಾಕಲ್ಲವೇ ವಿಶ್ವದಾದ್ಯಂತ ಇರುವ ಟೆಕ್ ದೈತ್ಯಗಳು ಆಟೋ ವಲಯಕ್ಕೆ ಎಂಟ್ರಿಕೊಡಲು? ಒಂದೆರಡು ವರ್ಷಗಳ ಹಿಂದೆ ಅಮೆರಿಕಾದ ಟೆಕ್-ದೈತ್ಯವಾದ Foxconn, EV ಉದ್ಯಮದಲ್ಲಿ ಸ್ಪರ್ಧಿಸಲು ಆಸಕ್ತಿಯನ್ನು ತೋರಿಸಿತ್ತು. ಇದೇ ಸ್ಮಾರ್ಟ್‌ಫೋನ್ ತಯಾರಕರು ಈಗ ಭಾರತದಲ್ಲಿ ತಮ್ಮ ಇವಿಗಳನ್ನು ತಯಾರಿಸುವ ಸಾಧ್ಯತೆಗಳನ್ನು ಅನ್ವೇಷಿಸುತ್ತಿದ್ದಾರೆ.

ಏನಿದು ಫಾಕ್ಸ್‌ಕಾನ್?: ಅಮೆರಿಕಾದ ಟೆಕ್-ದೈತ್ಯ Apple ಕಂಪನಿಗೆ ಐಫೋನ್‌ ಗಳನ್ನು ತಯಾರಿಸಿಕೊಡುವುದು ಇದೇ Foxconn ಕಂಪನಿ. ಫಾಕ್ಸ್‌ಕಾನ್ ತೈವಾನ್‌ ಮೂಲದ ಟೆಕ್ ದೈತ್ಯವಾಗಿದ್ದು, ವಿಶ್ವದ ಅತಿದೊಡ್ಡ ಎಲೆಕ್ಟ್ರಾನಿಕ್ಸ್ ತಯಾರಕ ಕಂಪನಿಯಾಗಿದೆ. ಇದು 2021 ರಲ್ಲೇ ಮೂರು ಹೊಸ ಇವಿ ಕಾರುಗಳನ್ನು ಫಾಕ್ಸ್‌ಟ್ರಾನ್ ಬ್ರಾಂಡ್‌ನ ಅಡಿಯಲ್ಲಿ ಅನಾವರಣಗೊಳಿಸಿ ಟೆಸ್ಲಾಗೆ ಪೈಪೋಟಿ ನೀಡಲು ನಿರ್ಧರಿಸಿತ್ತು.

ಇದೀಗ ವಿಶ್ವದ ಅತಿದೊಡ್ಡ ವಾಹನ ಮಾರುಕೊಟ್ಟೆಯನ್ನು ಹೊಂದಿರುವ ಭಾರತಕ್ಕೆ ಎಂಟ್ರಿಕೊಡುವ ಬಗ್ಗೆ ಬಾಯಿಬಿಟ್ಟಿದೆ. ವಿವರವಾಗಿ ಹೇಳುವುದಾದರೆ ಫಾಕ್ಸ್‌ಕಾನ್ 2021 ರಲ್ಲಿ ಮೊಬಿಲಿಟಿ ಇನ್ ಹಾರ್ಮನಿ (MIH) ಕನ್ಸೋರ್ಟಿಯಮ್ ಅನ್ನು ಪ್ರಾರಂಭಿಸಿತು. ಇದು EV ಗಳಿಗಾಗಿ ಪ್ಲಾಟ್‌ಫಾರ್ಮ್‌ಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಕೆಲಸ ಮಾಡುತ್ತದೆ. ಇದರ ಸಿಇಒ ಇತ್ತೀಚೆಗೆ ತಮ್ಮ ಕಾರುಗಳು ಭಾರತಕ್ಕೆ ಎಂಟ್ರಿಕೊಡುವ ಕುರಿತು ಮಾತನಾಡಿದ್ದಾರೆ.

ಇತ್ತೀಚೆಗೆ ರಾಯಿಟರ್ಸ್‌ನೊಂದಿಗೆ ಮಾತನಾಡಿದ MIH ಸಿಇಒ ಜ್ಯಾಕ್ ಚೆಂಗ್, "ನಮಗೆ ಸಂಭಾವ್ಯ ಮಾರುಕಟ್ಟೆ ಇರುವಲ್ಲಿ ನಾವು ನಿರ್ಮಿಸಬೇಕು... ಭಾರತ ಅಥವಾ ಆಗ್ನೇಯ ಏಷ್ಯಾದಲ್ಲಿ, ಇದೀಗ ದೊಡ್ಡ ಪ್ರಮಾಣದ ಅವಕಾಶವಿದೆ." ಭಾರತ ಇವಿ ವಲಯದಲ್ಲಿ "ಮುಂದಿನ ಪೀಳಿಗೆಗೆ ಉದಯೋನ್ಮುಖ ಶಕ್ತಿಯಾಗಲಿದೆ" ಎಂದು ಹೇಳಿದ್ದಾರೆ.

ಅಲ್ಲದೇ ಭಾರತದಲ್ಲಿ ಫಾಕ್ಸ್‌ಕಾನ್ ಸ್ಥಾವರವಿದ್ದರೆ ಇನ್ನೂ ಅದ್ಭುತವಲ್ಲವೇ, ಇದು ನಮ್ಮ ಮಾತೃ ಸಂಸ್ಥೆಯಾಗಿದೆ. ಇದು ಸ್ಥಳೀಯ ಭಾರತೀಯ ಸ್ಥಾವರವಾಗಿದ್ದರೆ ಭಾರತೀಯ ಇವಿ ಬ್ರಾಂಡ್‌ಗಳೊಂದಿಗೆ ಇನ್ನೂ ಹೆಚ್ಚು ಸ್ಪರ್ಧಾತ್ಮಕವಾಗಿರುತ್ತದೆ ಎಂದು ಹೇಳುವ ಮೂಲಕ MIH ನ ದೀರ್ಘಾವಧಿಯ ಬೆಳವಣಿಗೆಗೆ ಭಾರತವು ನಿರ್ಣಾಯಕವಾಗಿದೆ ಎಂದು ಹೇಳಿದರು.

ಫಾಕ್ಸ್‌ಕಾನ್ ಥೈಲ್ಯಾಂಡ್‌ನಂತಹ ಇತರ ಆಗ್ನೇಯ ಏಷ್ಯಾದ ದೇಶಗಳಲ್ಲಿ EV ಯೋಜನೆಗಳನ್ನು ಹೊಂದಿದೆ, ಅಲ್ಲಿ ಈಗಾಗಲೇ ಸ್ಥಳೀಯ ಕಂಪನಿಯೊಂದಿಗೆ ಜಂಟಿ ಉದ್ಯಮ ಒಪ್ಪಂದವನ್ನು ಹೊಂದಿದೆ. ಕಂಪನಿಯು ತನ್ನ ಮತೃ ಸಂಸ್ಥೆ Foxconn ಅಥವಾ ಇನ್ನೊಂದು ಕಂಪನಿಯೊಂದಿಗಿನ ಪಾಲುದಾರಿಕೆಯಲ್ಲಿ $ 20,000 (ಸುಮಾರು 16 ಲಕ್ಷ ರೂ.) ಕ್ಕಿಂತ ಕಡಿಮೆ ಬೆಲೆಯ ಮೂರು-ಆಸನಗಳ EV ಅನ್ನು ನಿರ್ಮಿಸಲು ಸಿದ್ಧವಾಗಿದೆ ಎಂದು ಹೇಳಿದರು.

ಸುದ್ದಿ ಸಂಸ್ಥೆಯ ಪ್ರಕಾರ, ಅಕ್ಟೋಬರ್‌ನಲ್ಲಿ ಮೂಲಮಾದರಿಯನ್ನು ಅನಾವರಣಗೊಳಿಸಿದ ಸುಮಾರು 18-24 ತಿಂಗಳ ನಂತರ EV ಉತ್ಪಾದನೆಯನ್ನು ಪ್ರಾರಂಭಿಸಲು MIH ಯೋಜಿಸಿದೆ. 2024 ರಲ್ಲಿ ಆರು ಆಸನಗಳ EV ಮತ್ತು 2025 ರಲ್ಲಿ ಒಂಬತ್ತು-ಆಸನಗಳ ಮಾದರಿಯನ್ನು ತರಲು ನಿರ್ಧರಿಸಲಾಗಿದೆ ಎಂದು ಚೆಂಗ್ ಹೇಳಿದ್ದಾರೆ.

ಸುಮಾರು 2,600 ಪೂರೈಕೆದಾರರನ್ನು ಒಳಗೊಂಡಿರುವ MIH ಕನ್ಸೋರ್ಟಿಯಂ ಅನ್ನು ಎರಡು ವರ್ಷಗಳ ಹಿಂದೆ ಫಾಕ್ಸ್‌ಕಾನ್ ಸ್ಥಾಪಿಸಿದ್ದು, ಇದು EV ಗಳಿಗಾಗಿ Google ನ Android ಆಪರೇಟಿಂಗ್ ಸಿಸ್ಟಮ್‌ಗೆ ಸಮಾನವಾದ ಮುಕ್ತ ವೇದಿಕೆಯನ್ನು ರಚಿಸುವ ಗುರಿಯನ್ನು ಹೊಂದಿದೆ. ಈ ಕಾರುಗಳು ಭಾರತಕ್ಕೆ ಎಂಟ್ರಿಕೊಡುವ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ತಪ್ಪದೆ ಶೇರ್ ಮಾಡಿ.