ಬೆಂಗಳೂರಿಗರಿಗೆ ಇದೇ ಅಲ್ವಾ ಬೇಕಾಗಿದ್ದು... ಓಲಾ ಖಡಕ್ ಅಪ್‌ಡೇಟ್‌, ಇನ್ಮುಂದೆ ''ರದ್ದತಿಗಳಿಲ್ಲ''

ಬೆಂಗಳೂರಿನ ಕ್ಯಾಬ್ ಬಳಕೆದಾರರಿಗೆ ಈಗ ಒಂದೊಳ್ಳೆ ಶುಭಸುದ್ದಿ ಹೊರಹೊಮ್ಮಿದೆ. ಓಲಾ ಸಿಇಓ, ಚಾಲಕನಿಂದ ರದ್ದು ಮಾಡಲಾಗದ ಹೊಸ ಸೇವೆಯನ್ನು ಪರಿಚಯಿಸಿದ್ದು, ಈ ಕುರಿತು ಟ್ವಿಟರ್‌ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಬೆಂಗಳೂರಿನಲ್ಲಿ ಹೆಚ್ಚಾಗಿ ಕ್ಯಾಬ್ ಬಳಸುವ ಬಳಕೆದಾರರಿಗೆ ಈ ಸೇವೆಯನ್ನು ಒದಗಿಸಲಾಗಿದೆ.

ಆಟೋ, ಕ್ಯಾಬ್ ಸೇವೆಗಳು ನಗರದ ಸಾರ್ವಜನಿಕರ ನಿತ್ಯವಸರಗಳಿಗೆ ಪ್ರಮುಖ ಸಾರಿಗೆಗಳಾಗಿವೆ. ಅದರಲ್ಲೂ ಮುಖ್ಯವಾಗಿ ಪ್ರತಿದಿನ ಕ್ಯಾಬ್ ಬಳಸುವವರು ಕಳೆದ ಒಂದೆರಡು ವರ್ಷಗಳಿಂದ ಕ್ಯಾಬ್ ಚಾಲಕರ ವಿರುದ್ಧ ಅಸಮಾಧಾನ ವ್ಯಕ್ತ ಪಡಿಸುತ್ತಿದ್ದಾರೆ. ಕ್ಯಾಬ್ ಚಾಲಕರು ರೈಡ್ ಕ್ಯಾನ್ಸಲ್ ಮಾಡುವ ಕುರಿತು ಹಲವರು ದೂರುಗಳು ನೀಡುತ್ತಲೇ ಇದ್ದಾರೆ. ಕೊನೆಗೂ ಇದೀಗ ಪರಿಹಾರ ಬಂದೊದಗಿದೆ.

ಓಲಾ ಕಂಪನಿಯು ಬೆಂಗಳೂರಿನಲ್ಲಿ "ಹೊಸ ಪ್ರೀಮಿಯಂ ಸೇವೆಯನ್ನು" ಪ್ರಾಯೋಗಿಕವಾಗಿ ಪ್ರಾರಂಭಿಸಲು ಸಿದ್ಧವಾಗಿದೆ ಎಂದು ಓಲಾ ಸಿಇಒ ಭವಿಶ್ ಅಗರ್ವಾಲ್ ಘೋಷಿಸಿದ್ದಾರೆ. ಕಂಪನಿಯ ಹೊಸ ಪ್ರೀಮಿಯಂ ಸೇವೆಯನ್ನು "ಪ್ರೈಮ್ ಪ್ಲಸ್" ಎಂದು ಹೆಸರಿಸಲಾಗಿದೆ ಎಂದು ಅವರು ತಿಳಿಸಿದರು. ಇದರ ಪ್ರಯೋಜನಗಳ ಕುರಿತು ಕೂಡ ಅವರು ತಿಳಿಸಿದ್ದು, ಮುಖ್ಯವಾಗಿ ಇದು ರೈಡ್‌ ಕ್ಯಾನ್ಸಲೇಷನ್ ಅನ್ನು ನಿಯಂತ್ರಿಸಲಿದೆ.

ಕೆಲವು ಚಾಲಕರು ಪಿಕಪ್ ಸ್ಥಳಕ್ಕೆ ಆಗಮಿಸಿ ಎಲ್ಲ ವಿಷಯಗಳ ಬಗ್ಗೆ ಮಾತನಾಡಿ ನಂತರ ರದ್ದುಗೊಳಿಸುತ್ತಾರೆ. ಇದನ್ನು ಮಾಡುವುದರಿಂದ ಅಂತರವನ್ನು ಕಾಯ್ದಿರಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಇದರಿಂದ ಜನರು ಆಗಾಗ್ಗೆ ತೊಂದರೆ ಅನುಭವಿಸುತ್ತಿದ್ದಾರೆ. ಈ ಸಮಸ್ಯೆಯನ್ನು ಪರಿಹರಿಸಲು ಓಲಾ ಪ್ರೀಮಿಯಂ ಪ್ಲಸ್ ಎಂಬ ಹೊಸ ರೀತಿಯ ಬುಕಿಂಗ್ ಸೇವೆ ಇದೀಗ ಬೆಂಗಳೂರಿನಲ್ಲಿ ಆರಂಭವಾಗಿದೆ.

ಒಮ್ಮೆ ಕ್ಯಾಬ್ ಡ್ರೈವರ್ ಈ ಆಯ್ಕೆಯನ್ನು ಆರಿಸಿಕೊಂಡು ಬುಕಿಂಗ್ ಮಾಡುವ ಮೂಲಕ ನಿಮ್ಮ ಪ್ರವಾಸವನ್ನು ಒಪ್ಪಿಕೊಂಡರೆ, ಮತ್ತೆ ಅವನು ರದ್ದುಗೊಳಿಸಲಾಗುವುದಿಲ್ಲ. ನೀವು ರದ್ದು ಮಾಡದಿದ್ದರೆ ಅವನು ಇನ್ನೊಂದು ಬುಕಿಂಗ್ ಪಡೆಯುವುದಿಲ್ಲ. ಆ ಕಾರು ಖಂಡಿತವಾಗಿಯೂ ನಿಮಗಾಗಿ ಬರಲೇಬೇಕಾಗುತ್ತದೆ. ಈ ಆಯ್ಕೆಯ ಪರಿಚಯದ ಬಗ್ಗೆ ಓಲಾ ಸಿಇಒ ತಮ್ಮ ಟ್ವಿಟರ್ ಪೇಜ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ಸೇವೆಯನ್ನು ಅವರೂ ಬಳಸುತ್ತಿರುವುದಾಗಿ ತಿಳಿಸಿದ್ದಾರೆ. ಈ ಎಲ್ಲಾ ಆಯ್ಕೆಗಳು ಪ್ರಸ್ತುತ ಲಭ್ಯವಿಲ್ಲ. ಬೆಂಗಳೂರಿನಲ್ಲಿ ಹೆಚ್ಚು ಓಲಾ ಬುಕ್ಕಿಂಗ್ ಮಾಡುವವರಿಗೆ ಮಾತ್ರ ನೀಡಲಾಗಿದೆ ಎಂದು ಹೇಳಿದರು. ಈ ಆಯ್ಕೆಯ ಮೂಲಕ ಬುಕ್ ಮಾಡಿದರೆ ಉತ್ತಮ ಚಾಲಕರು ಮತ್ತು ಟಾಪ್ ಕಾರುಗಳು ಮಾತ್ರ ಬುಕ್ ಆಗುತ್ತವೆ ಎಂದೂ ಅವರು ಹೇಳಿದ್ದಾರೆ.

ಆನ್‌ ಲೈನ್ ಕ್ಯಾಬ್ ಸೇವೆಗಳ ನಿಯಮಿತ ಬಳಕೆದಾರರು ಈ ರೀತಿಯ ಸೇವೆಗಾಗಿ ಬಹಳ ದಿನಗಳಿಂದ ಕಾಯುತ್ತಿದ್ದಾರೆ. ಈ ಸೇವೆಯು ಚಾಲಕರು ರೈಡ್ ಕ್ಯಾನ್ಸಲೇಷನ್ ಮಾಡುವ ತೊಂದರೆಯನ್ನು ಎದುರಿಸುತ್ತಿರುವ ಅನೇಕರಿಗೆ ವರದಾನವಾಗಿದೆ. ಪ್ರಸ್ತುತ ಬೆಂಗಳೂರಿನ ಆಯ್ದ ಗ್ರಾಹಕರಿಗೆ ಮಾತ್ರ ಲಭ್ಯವಿರುವ ಈ ಆಯ್ಕೆಯು ಶೀಘ್ರದಲ್ಲೇ ಎಲ್ಲಾ ನಗರಗಳಿಗೆ ಲಭ್ಯವಾಗಿಸುವ ನಿರೀಕ್ಷೆಯಿದೆ.

ಡ್ರೈವ್‌ ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸಂಬಧಿಸಿದ ಸುದ್ದಿಗಳನ್ನು ಒದಗಿಸುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಕೂಡ ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ಶೇರ್ ಮಾಡಿ.