Click it and Unblock the Notifications
ಸನ್ರೂಫ್ನೊಂದಿಗೆ ಅತ್ಯಂತ ಕೈಗೆಟುಕುವ ಬೆಲೆಗೆ ಲಭ್ಯವಿರುವ ನಮ್ಮ ದೇಶೀಯ ಕಾರಿದು
ಸಾಮಾನ್ಯವಾಗಿ ಎಲ್ಲಾ ಕಾರು ಮಾಲೀಕರು ತಮ್ಮ ಕಾರಿನಲ್ಲಿ ಸನ್ರೂಫ್ ನ್ನು ಇಷ್ಟಪಡುತ್ತಾರೆ. ಮೊದಲೆಲ್ಲಾ ನಾವು ಕೇವಲ ದುಬಾರಿ ಕಾರುಗಳಲ್ಲಿ ಮಾತ್ರ ಸನ್ರೂಫ್ಗಳನ್ನು ನೋಡಬಹುದಾಗಿತ್ತು, ಆದರೆ ಇದೀಗ ನಾವು ಸಾಮಾನ್ಯವಾಗಿ ಹೆಚ್ಚಿನ ಬ್ರ್ಯಾಂಡ್ನ ಕಾರುಗಳಲ್ಲಿ ಸನ್ರೂಫ್ ನ್ನು ನೋಡಬಹುದಾಗಿದೆ. ಅಲ್ಲದೇ ಈಗ ಸಾಕಷ್ಟು ಜನಪ್ರಿಯ ವೈಶಿಷ್ಟ್ಯವಾಗಿದೆ, ಏಕೆಂದರೆ ಅವುಗಳು ಕೈಗೆಟುಕುವ ದರದಲ್ಲಿವೆ.
ಟಾಟಾ ಮೋಟಾರ್ಸ್ ಕಾರು ತಯಾರಕರಲ್ಲಿ ಒಂದಾಗಿದೆ, ಇದು ರೇಸ್ನಲ್ಲಿಯೂ ಮುಂಚೂಣಿಯಲ್ಲಿದೆ. ಕಾರು ತಯಾರಕರು ಇತ್ತೀಚೆಗೆ ತನ್ನ ಟಾಟಾ ಆಲ್ಟ್ರೊಜ್ (Tata Altroz) ಹ್ಯಾಚ್ಬ್ಯಾಕ್ ಮಾದರಿ ಶ್ರೇಣಿಯಾದ್ಯಂತ ಸನ್ರೂಫ್ ಅನ್ನು ಪರಿಚಯಿಸಿದರು. ಹೀಗಾಗಿ ಈ ವೈಶಿಷ್ಟ್ಯವನ್ನು ನೀಡಲು ಭಾರತದಲ್ಲಿ ಅತ್ಯಂತ ಕೈಗೆಟುಕುವ ಕಾರು. ಟಾಟಾ ಆಲ್ಟ್ರೊಜ್ ಸನ್ರೂಫ್-ಸಜ್ಜಿತ ರೂಪಾಂತರಗಳು ಈಗ ರೂ.7.90 ಲಕ್ಷದಿಂದ ರೂ.10.55 ಲಕ್ಷದವರೆಗಿನ ಬೆಲೆಯಲ್ಲಿ ಲಭ್ಯವಿದೆ. ಈ ಟಾಟಾ ಆಲ್ಟ್ರೊಜ್ 16 ರೂಪಾಂತರಗಳಲ್ಲಿ ಲಭ್ಯವಿದೆ .
ಸನ್ರೂಫ್ ಅಲ್ಲದ ರೂಪಾಂತರಗಳೊಂದಿಗೆ ಹೋಲಿಸಿದಾಗ, ಆಲ್ಟ್ರೊಜ್ನ ಸನ್ರೂಫ್-ಸಜ್ಜಿತ ಮಾದರಿಗಳು ರೂ.45,000 ದುಬಾರಿಯಾಗಿದೆ. ಟಾಟಾ ಆಲ್ಟ್ರೊಜ್ ಕಾರಿನಲ್ಲಿ 1.2 ಲೀಟರ್ ನ್ಯಾಚುರಲ್ ಆಸ್ಪೈರ್ಡ್ ಪೆಟ್ರೋಲ್, 1.2 ಲೀಟರ್ ಟರ್ಬೊ ಪೆಟ್ರೋಲ್ ಮತ್ತು 1.5 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ. ಇದರಲ್ಲಿ 1.2 ಲೀಟರ್ ನ್ಯಾಚುರಲ್ ಆಸ್ಪೈರ್ಡ್ ಪೆಟ್ರೋಲ್ ಎಂಜಿನ್ 86 bhp ಪವರ್ ಉತ್ಪಾದಿಸಿದರೆ, ಟರ್ಬೊ ಪೆಟ್ರೋಲ್ ಎಂಜಿನ್ 110 bhp ಪವರ್ ಉತ್ಪಾದಿಸುತ್ತದೆ.
ಇನ್ನು ಡೀಸೆಲ್ ಎಂಜಿನ್ 90 bhp ಪವರ್ ಉತ್ಪಾದಿಸುತ್ತದೆ. ಈ ಎಂಜಿನ್ ಅನ್ನು 5-ಸ್ಪೀಡ್ ಗೇರ್ಬಾಕ್ಸ್ ನೊಂದಿಗೆ ಜೋಡಿಸಲಾಗುತ್ತದೆ. 1.2 ಲೀಟರ್ ಎಂಜಿನ್ 6-ಸ್ಪೀಡ್ DCT ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗುತ್ತದೆ. ಇನ್ನು ಟಾಟಾ ಈ ಆಲ್ಟ್ರೊಜ್ ಕಾರನ್ನು ಸಿಎನ್ಜಿ ಮಾದರಿಯಲ್ಲಿ ಇತ್ತೀಚೆಗೆ ಬಿಡುಗಡೆಗೊಳಿಸಿತು. ಇದು iCNG ಕಾರು XE, XM+, XM+ (S), XZ, XZ+ (S), ಮತ್ತು XZ+ O (S) ರೂಪಾಂತರಗಳಲ್ಲಿ ಲಭ್ಯವಿದೆ.
ಇದರಲ್ಲಿ XE ಬೇಸ್ ವೆರಿಯೆಂಟ್ ಆದರೆ, XZ+ O (S) ಟಾಪ್-ಸ್ಪೆಕ್ ಆಗಿದೆ. ಇನ್ನು ಹೊಸ ಟಾಟಾ ಆಲ್ಟ್ರೊಜ್ iCNG ಕಾರು 210-ಲೀಟರ್ ಬೂಟ್ ಸ್ಪೇಸ್ ನೊಂದಿಗೆ ಬರುತ್ತದೆ. ಸ್ಟ್ಯಾಂಡರ್ಡ್ ಆಲ್ಟ್ರೊಜ್ ಕಾರಿನ ಬೂಟ್ ಸ್ಪೇಸ್ 345 ಲೀಟರ್ ಗಳಾಗಿದೆ. ಇದನ್ನು ಸಿಎನ್ಜಿ ಕಾರಿಗೆ ಹೋಲಿಸಿದರೆ 135 ಲೀಟರ್ ಹೆಚ್ಚು ಇದೆ, ಪವರ್ಟ್ರೇನ್ಗೆ ಸಂಬಂಧಿಸಿದಂತೆ, ಟಾಟಾ ಆಲ್ಟ್ರೊಜ್ iCNG, ನ್ಯಾಚುರಲ್ ಆಸ್ಪೈರ್ಡ್, CNG-ಹೊಂದಾಣಿಕೆಯ ಎಂಜಿನ್ ಹೊಂದಿದೆ.
ಈ ಎಂಜಿನ್ CNG ಮೋಡ್ನಲ್ಲಿ 72.5bhp ಪವರ್ ಮತ್ತು 103Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇನ್ನು ಈ ಸಿಎನ್ಜಿ ಕಾರಿನಲ್ಲಿ 5-ಸ್ಪೀಡ್ ಮ್ಯಾನುವಲ್ ಗೇರ್ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಇನ್ನು ಗ್ಲೋಬಲ್ ಎನ್ಸಿಎಪಿ ಕ್ರ್ಯಾಶ್ ಟೆಸ್ಟಿಂಗ್ನಲ್ಲಿ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಗಳಿಸಿದ ಭಾರತದ ಏಕೈಕ ಹ್ಯಾಚ್ಬ್ಯಾಕ್ ಆಲ್ಟ್ರೋಜ್ ಆಗಿದೆ. ಇದರಲ್ಲಿ ಟ್ವಿನ್-ಸಿಲಿಂಡರ್ ತಂತ್ರಜ್ಞಾನ, ಇದು ಬೂಟ್ನಲ್ಲಿ ಹೆಚ್ಚು ಬಳಸಬಹುದಾದ ಜಾಗವನ್ನು ಮುಕ್ತಗೊಳಿಸಲು ಎರಡು 30-ಲೀಟರ್ CNG ಟ್ಯಾಂಕ್ಗಳನ್ನು ಬಳಸುತ್ತದೆ.
| Tata Altroz Sunroof | |
| Variant | Price |
| 1.2 P XM+ (S) | ₹7.90 Lakh |
| 1.2 P XZ+ (S) | ₹9.04 Lakh |
| 1.2 P XZ+ (S) Dark | ₹9.44 Lakh |
| 1.2 P XZ+ O (S) | ₹9.56 Lakh |
| 1.2 P XMA+ (S) | ₹9.00 Lakh |
| 1.2 P XZA+ (S) | ₹10.00 Lakh |
| 1.2 P XZA+ (S) Dark | ₹10.24 Lakh |
| 1.2 P XZA+ O (S) | ₹10.56 Lakh |
| 1.2 Turbo XZ+ (S) | ₹9.64 Lakh |
| 1.2 Turbo XZ+ (S) Dark | ₹10.00 Lakh |
| 1.5 D XM+ (S) | ₹9.25 Lakh |
| 1.5 D XZ+ (S) | ₹10.39 Lakh |
| 1.5 D XZ+ (S) Dark | ₹10.74 Lakh |
| 1.2 CNG XM+ (S) | ₹9.53 Lakh |
| 1.2 CNG XZ+ (S) | ₹10.03 Lakh |
| 1.2 CNG XZ+ O (S) | ₹10.55 Lakh |
ಆಲ್ಟ್ರೋಜ್ ಸಿಎನ್ಜಿಯು ಮಾರುತಿ ಬಲೆನೊ ಸಿಎನ್ಜಿ ಮತ್ತು ಟೊಯೊಟಾ ಗ್ಲಾಂಝಾ ಸಿಎನ್ಜಿಯಷ್ಟು ಪವರ್ ಫುಲ್ ಆಗಿದೆ. ಕುತೂಹಲಕಾರಿಯಾಗಿ, ಹ್ಯಾಚ್ಬ್ಯಾಕ್ ಅನ್ನು ನೇರವಾಗಿ CNG ಮೋಡ್ನಲ್ಲಿ ಪ್ರಾರಂಭಿಸಬಹುದು. ಈ ಕಾರಿನಲ್ಲಿ ಸುರಕ್ಷತೆಗಾಗಿ ಹೆಚ್ಚಿನ ಪ್ರಮುಖ್ಯಯನ್ನು ನೀಡಿದ್ದಾರೆ. ಈ ಟಾಟಾ ಆಲ್ಟ್ರೊಜ್ iCNG ಕಾರಿನಲ್ಲಿ ಡ್ಯುಯಲ್ ಏರ್ಬ್ಯಾಗ್ಗಳು, ABS, EBD, ISOFIX ಪಾಯಿಂಟ್ಗಳು, ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್ ಗಳು ಮತ್ತು ಹೆಚ್ಚಿನವುಗಳಂತಹ ಸುರಕ್ಷತ ಫೀಚರ್ಸ್ ಗಳನ್ನು ಒಳಗೊಂಡಿವೆ.
ಈ ಟಾಟಾ ಆಲ್ಟ್ರೊಜ್ iCNG ಸ್ಟ್ಯಾಂಡರ್ಡ್ ಮಾದರಿಯಂತೆಯೇ ಅದೇ ಫೀಚರ್ಸ್ ಗಳನ್ನು ನೀಡುವುದನ್ನು ಮುಂದುವರೆಸಿದೆ. ಇನ್ನು ಈ ಹೊಸ ಕಾರಿನಲ್ಲಿ Apple CarPlay ಮತ್ತು Android Auto ಜೊತೆಗೆ 7.0-ಇಂಚಿನ ಇನ್ಫೋಟೈನ್ಮೆಂಟ್ ಯೂನಿಟ್, ಧ್ವನಿ-ಸಕ್ರಿಯ ಸನ್ರೂಫ್, ಟಿಲ್ಟ್-ಹೊಂದಾಣಿಕೆ ಸ್ಟೀರಿಂಗ್ ವೀಲ್, ಎಲೆಕ್ಟ್ರಿಕ್ ಆಗಿ ಹೊಂದಾಣಿಕೆ ಮಾಡಬಹುದಾದ ORVM ಗಳು, ರಿವರ್ಸಿಂಗ್ ಕ್ಯಾಮೆರಾ ಮತ್ತು ಹೆಚ್ಚಿನ ಫೀಚರ್ಸ್ ಗಳನ್ನು ಒಳಗೊಂಡಿದೆ.
Continue with Google