8-ಸೀಟರ್ ಟೊಯೊಟಾ ಇನೋವಾ ಕ್ರಿಸ್ಟಾ ಮತ್ತು ಹೈಕ್ರಾಸ್ ಕಾರುಗಳು ಸಾಮಾನ್ಯ ಜನರಿಗಿಲ್ಲ!

ಜನಪ್ರಿಯ ವಾಹನ ತಯಾರಕ ಕಂಪನಿಯಾದ ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್ (TKM) ತನ್ನ ಇನೋವಾ ಕ್ರಿಸ್ಟಾ ಮತ್ತು ಇನೋವಾ ಹೈಕ್ರಾಸ್ ಎಂಪಿವಿ ಮಾದರಿಗಳನ್ನು 8-ಸೀಟುಗಳ ಆವೃತ್ತಿಯಾಗಿ ಬಿಡುಗಡೆಗೊಳಿಸುವ ಯೋಜನೆಯಲ್ಲಿದ್ದರು. ಆದರೆ 8-ಸೀಟುಗಳ ವಾಹನಗಳನ್ನು ಖಾಸಗಿ ವಾಹನಗಳಾಗಿ ನೋಂದಾಯಿಸುವುದನ್ನು ನಿಷೇಧಿಸಲು ಭಾರತ ಸರ್ಕಾರ ನಿರ್ಧರಿಸಿದೆ.

ಭಾರತ ಸರ್ಕಾರ ನಿರ್ಧರಾವು ಟೊಯೊಟಾ ಕಂಪನಿಯ ಉದ್ದೇಶಗಳ ಮೇಲೆ ಪರಿಣಾಮ ಬೀರಬಹುದು. ಸರ್ಕಾರದ ಹೊಸ ನಿರ್ಧಾರದ ಪ್ರಕಾರ, 8 ಸೀಟುಗಳ ವಾಹನಗಳನ್ನು ವಾಣಿಜ್ಯ ಉದ್ದೇಶಗಳಿಗಾಗಿ ಅಥವಾ ಟ್ಯಾಕ್ಸಿಗಳಾಗಿ ಮಾತ್ರ ನೋಂದಾಯಿಸಬಹುದು, ಖಾಸಗಿ ವಾಹನಗಳಾಗಿ ಅಲ್ಲ. ಭಾರತ ಸರ್ಕಾರದ ಒಡೆತನದ ಪರಿವಾಹನ್ ವೆಬ್‌ಸೈಟ್, ಮೇ 22, 2023 ರಿಂದ ಎಂಟು ಅಥವಾ ಅದಕ್ಕಿಂತ ಹೆಚ್ಚಿನ ಆಸನಗಳನ್ನು ಹೊಂದಿರುವ ವಾಹನಗಳ ನೋಂದಣಿ ವಿನಂತಿಗಳನ್ನು ಖಾಸಗಿ ವಾಹನಗಳಾಗಿ ಸ್ವೀಕರಿಸುವುದನ್ನು ನಿಲ್ಲಿಸಿದೆ.

ಈ ವಾಹನಗಳಿಗೆ ಟ್ಯಾಕ್ಸಿಗಳು ಅಥವಾ ವಾಣಿಜ್ಯ ವಾಹನಗಳ ನೋಂದಣಿಯನ್ನು ಇನ್ನೂ ಅನುಮತಿಸಲಾಗಿದೆ. ಎಂಟು ಅಥವಾ ಅದಕ್ಕಿಂತ ಹೆಚ್ಚಿನ ಸೀಟುಗಳನ್ನು ಹೊಂದಿರುವ ವಾಹನಗಳಿಗೆ, ಭಾರತ ಸರ್ಕಾರವು ಸಾರಿಗೆ ವಿಭಾಗದ ಅಡಿಯಲ್ಲಿ ಓಮ್ನಿಬಸ್ ಎಂಬ ಹೊಸ ವರ್ಗವನ್ನು ರಚಿಸಿದೆ. ಇದನ್ನು ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯ (MoRTH) ನಿರ್ದಿಷ್ಟಪಡಿಸಿದೆ. ಓಮ್ನಿಬಸ್ ವರ್ಗದ ಅಡಿಯಲ್ಲಿ ಬರುವ ವಾಹನಗಳು ವಾರ್ಷಿಕ ಫಿಟ್ನೆಸ್ ಪ್ರಮಾಣಪತ್ರಕ್ಕೆ ಒಳಗಾಗಬೇಕಾಗುತ್ತದೆ.

ಭಾರತ ಸರ್ಕಾರದ ಈ ಇತ್ತೀಚಿನ ನಿರ್ಧಾರವನ್ನು ಗಮನಿಸಿದರೆ, ಇನೋವಾ ಕ್ರಿಸ್ಟಾ ಮತ್ತು ಇನೋವಾ ಹೈಕ್ರಾಸ್‌ನ 8-ಸೀಟರ್ ಆವೃತ್ತಿಗಳಿಗೆ ಟೊಯೋಟಾ ತನ್ನ ಯೋಜನೆಗಳನ್ನು ಹೇಗೆ ಅಳವಡಿಸಿಕೊಳ್ಳುತ್ತದೆ ಎಂಬುದನ್ನು ನೋಡಬೇಕಾಗಿದೆ. ಪ್ರಸ್ತುತ, ಎರಡೂ ಎಂಪಿವಿಗಳನ್ನು ಸ್ಟ್ಯಾಂಡರ್ಡ್ 7-ಸೀಟರ್ ಕಾನ್ಫಿಗರೇಶನ್‌ಗಳೊಂದಿಗೆ ಮಾರಾಟ ಮಾಡಲಾಗುತ್ತದೆ, ಆದರೆ ಟಾಪ್-ಸ್ಪೆಕ್ ರೂಪಾಂತರಗಳು ಮಧ್ಯದ ಸಾಲಿನಲ್ಲಿ ಕ್ಯಾಪ್ಟನ್ ಸೀಟ್‌ಗಳೊಂದಿಗೆ 6-ಸೀಟುಗಳ ಕಾನ್ಫಿಗರೇಶನ್ ಹೊಂದಿದೆ.

ಟೊಯೊಟಾ ಎರಡೂ ಎಂಪಿವಿಗಳ 8-ಸೀಟುಗಳ ಆವೃತ್ತಿಗಳನ್ನು ಪರಿಚಯಿಸಲು ಉದ್ದೇಶಿಸಿದೆ. ಮೂರು ಪ್ರಯಾಣಿಕರಿಗೆ ಅಕ್ಕಪಕ್ಕಕ್ಕೆ ಅವಕಾಶ ಕಲ್ಪಿಸಲು ಮೂರನೇ ಸಾಲಿನಲ್ಲಿ ಹೆಚ್ಚುವರಿ ಸ್ಥಳಾವಕಾಶವನ್ನು ಒಳಗೊಂಡಿದೆ. ಆದರೆ, ಸರ್ಕಾರದ ಹೊಸ ತೀರ್ಪಿನಿಂದಾಗಿ ಖಾಸಗಿ ಕಾರು ಮಾಲೀಕರು ಈ ಆವೃತ್ತಿಗಳನ್ನು ಖರೀದಿಸಲು ಸಾಧ್ಯವಾಗುವುದಿಲ್ಲ. ಬದಲಾಗಿ, 8-ಸೀಟುಗಳ ರೂಪಾಂತರಗಳನ್ನು ವಾಣಿಜ್ಯ ಮಾಲೀಕರು ಅಥವಾ ಕ್ಯಾಬ್ ನಿರ್ವಾಹಕರು ಮಾತ್ರ ಬಳಸಬಹುದು.

ಟೊಯೊಟಾ ಇನೋವಾ ಕ್ರಿಸ್ಟಾ ಮತ್ತು ಇನೋವಾ ಹೈಕ್ರಾಸ್ 8-ಸೀಟುಗಳ ಆವೃತ್ತಿಗಳು ಸರಣಿಯಾದ್ಯಂತ ಭ್ಯವಿರುತ್ತವೆಯೇ ಅಥವಾ ಬೇಸ್-ಸ್ಪೆಕ್ ರೂಪಾಂತರಗಳಿಗೆ ಸೀಮಿತವಾಗಿದೆಯೇ ಎಂಬುದನ್ನು ನೋಡಲು ಆಸಕ್ತಿದಾಯಕವಾಗಿದೆ. ವಿಶಿಷ್ಟವಾಗಿ, ಕ್ಯಾಬ್ ನಿರ್ವಾಹಕರು ಅಥವಾ ವಾಣಿಜ್ಯ ಫ್ಲೀಟ್ ಮಾಲೀಕರು ಬೇಸ್-ಸ್ಪೆಕ್ ರೂಪಾಂತರಗಳನ್ನು ಆರಿಸಿಕೊಳ್ಳುತ್ತಾರೆ. ಕಡಿಮೆ ವೆಚ್ಚದಲ್ಲಿ ಎಂಪಿವಿಗಳ ಉಪಯುಕ್ತತೆ ಮತ್ತು ಪ್ರಾಯೋಗಿಕತೆಗೆ ಆದ್ಯತೆ ನೀಡುತ್ತಾರೆ.

ಸದ್ಯ ಮಾರುಕಟ್ಟೆಯಲ್ಲಿ ಹೊಸ ಟೊಯೊಟಾ ಇನೋವಾ ಹೈಕ್ರಾಸ್ ಪೆಟ್ರೋಲ್ ಆವೃತ್ತಿಯು 2 ಟ್ರಿಮ್‌ಗಳಲ್ಲಿ ಲಭ್ಯವಿದ್ದು, ಇದು G-SLF ಮತ್ತು GX ಆಗಿದೆ. ಇನ್ನು ಒಟ್ಟು 4 ರೂಪಾಂತರಗಳಲ್ಲಿ ಲಭ್ಯವಿದೆ. ಈ ಇನೋವಾ ಹೈಕ್ರಾಸ್ ಮಾದರಿಯು ಇನೋವಾ ಕ್ರಿಸ್ಟಾಗಿಂತ 20 ಎಂಎಂ ಉದ್ದ ಮತ್ತು ಅಗಲವಾಗಿದೆ. ಆದರೆ ಇದರ ಎತ್ತರವು ಒಂದೇ ಆಗಿರುತ್ತದೆ, ಆದರೆ ವೀಲ್ ಬೇಸ್ 100 ಎಂಎಂವರೆಗೆ ವಿಸ್ತರಿಸಲಾಗಿದೆ. ವ್ಹೀಲ್‌ಬೇಸ್‌ನ ಹೆಚ್ಚಳವು ಉತ್ತಮ ಕ್ಯಾಬಿನ್ ಜಾಗವನ್ನು ನೀಡುತ್ತದೆ.

ಇನೋವಾ ಹೈಕ್ರಾಸ್ ಕಾರಿನಲ್ಲಿ ಎರಡು ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ. ಇದು 2.0-ಲೀಟರ್ ನ್ಯಾಚುರಲ್-ಆಸ್ಪೈರ್ಡ್ ಮತ್ತು 2.0-ಲೀಟರ್ ಪೆಟ್ರೋಲ್ ಜೊತೆಗೆ ಟೊಯೊಟಾದ ಸೆಲ್ಫ್ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ತಂತ್ರಜ್ಞಾನ. ಹೈಬ್ರಿಡ್ ಅಲ್ಲದ ಆವೃತ್ತಿಯು 172 ಬಿಹೆಚ್‍ಪಿ ಪವರ್ ಮತ್ತು 205 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಿದರೆ, ಹೈಬ್ರಿಡ್ ಪವರ್‌ಟ್ರೇನ್ 186 ಬಿಎಚ್‍ಪಿ ಪವರ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.