Toyota: ಶೀಘ್ರದಲ್ಲೇ ಬಿಡುಗಡೆಯಾಗಲಿರುವ ಟೊಯೋಟಾ ಕಾರುಗಳು! ಎರ್ಟಿಗಾ, ಫ್ರಾಂಕ್ಸ್ ಕೂಡ ಇವೆ...

ಟೊಯೋಟಾ ಹೊಸ ಇನ್ನೋವಾ ಹೈಕ್ರಾಸ್ ಕಾರನ್ನು ಬಿಡುಗಡೆ ಮಾಡಿ ಮಾರುಕಟ್ಟೆಯಲ್ಲಿ ಸಖತ್ ಸದ್ದು ಮಾಡಿತ್ತು. ಬಳಿಕ ಹೊಸ ಬಿಡುಗಡೆಗಳ ಕುರಿತು ಗ್ರಾಹಕರಲ್ಲೂ ಕುತೂಹಲ ಈಗ ಹೆಚ್ಚಾಗಿದೆ. ಹಾಗಾದರೆ ಟೊಯೋಟಾದಿಂದ ಮುಂದೇನು? ಟೊಯೋಟಾ ಬಿಡುಗಡೆ ಮಾಡಬಹುದಾದ ಕಾರುಗಳು ಯಾವುವು? ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.

Toyota ರೂಮಿಯಾನ್: ಎಲ್ಲರಿಗೂ ತಿಳಿದಿರುವಂತೆ ಟೊಯೊಟಾ ಹಾಗೂ ಮಾರುತಿ ಒಪ್ಪಂದದಲ್ಲಿ ರೀಬ್ಯಾಡ್ಜಿಂಗ್ ವಾಹನಗಳು ಬರುತ್ತವೆ. ಹಾಗೆಯೇ ಮುಂಬರುವ ದಿನಗಳಲ್ಲಿ ಮಾರುತಿ ಎರ್ಟಿಗಾವನ್ನು ಆಧರಿಸಿದ ಟೊಯೋಟಾ ರೂಮಿಯಾನ್ ಬರಲಿದೆ. ಅದೇ K15C 1.5-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರಲಿದೆ. ಬೆಲೆ ಎರ್ಟಿಗಾಗಿಂತ ಸ್ವಲ್ಪ ದುಬಾರಿಯಾಗಿರಲಿದೆ, ಸೆಪ್ಟೆಂಬರ್‌ನಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

7-ಸೀಟರ್ ಕೊರೊಲ್ಲಾ ಕ್ರಾಸ್: 7-ಆಸನಗಳ ವಿಭಾಗದಲ್ಲಿ ಟೊಯೊಟಾ ಭದ್ರಕೋಟೆಯನ್ನು ಹೊಂದಿದೆ. ವರದಿಯ ಪ್ರಕಾರ, ಟೊಯೋಟಾ TNGA-C ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದ ಹೊಸ 7-ಆಸನಗಳ ಮೇಲೆ ಕಾರ್ಯನಿರ್ವಹಿಸುತ್ತಿದೆ. ಇದು ಇನ್ನೋವಾ ಹೈಕ್ರಾಸ್‌ಗೆ ಆಧಾರವಾಗಿದೆ. ಈ ಕಾರು 5-ಆಸನಗಳಿರುವ ಕೊರೊಲ್ಲಾ ಕ್ರಾಸ್‌ನಿಂದ ವಿನ್ಯಾಸ ಸ್ಫೂರ್ತಿಯನ್ನು ಪಡೆದಿದೆ.

ಇದು 2.0-ಲೀಟರ್ NA ಪೆಟ್ರೋಲ್ ಮತ್ತು ಬಲವಾದ ಹೈಬ್ರಿಡ್ ಎಂಜಿನ್ನೊಂದಿಗೆ ಬರಬಹುದು. Innova HyCross 18 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗುವುದರಿಂದ ಈ 7 ಆಸನಗಳ ಕೊರೊಲ್ಲಾ ಮಾದರಿಯು ಸುಮಾರು 14 ರಿಂದ 15 ಲಕ್ಷ (ಎಕ್ಸ್ ಶೋ ರೂಂ) ನಿಂದ ಪ್ರಾರಂಭವಾಗಬಹುದು ಎಂದು ನಿರೀಕ್ಷಿಸಬಹುದು.

ರೀಬ್ಯಾಡ್ಜ್ ಫ್ರಾಂಕ್ಸ್: ಮಾರುತಿ ಇತ್ತೀಚೆಗೆ ಹೊಸ ಫ್ರಾಂಕ್ಸ್ ಅನ್ನು ಬಿಡುಗಡೆ ಮಾಡಿದೆ. ಕೂಪ್ ತರಹದ ಹಿಂಭಾಗದ ವಿನ್ಯಾಸದೊಂದಿಗೆ ಬರುತ್ತದೆ. ವರದಿಗಳ ಪ್ರಕಾರ, ಟೊಯೊಟಾ ಶೀಘ್ರದಲ್ಲೇ ಫ್ರಾಂಕ್ಸ್‌ನ ಬ್ಯಾಡ್ಜ್-ಇಂಜಿನಿಯರ್ ಆವೃತ್ತಿಯನ್ನು ತರಲಿದೆ. ಬ್ಯಾಡ್ಜ್-ಇಂಜಿನಿಯರಿಂಗ್ ಆವೃತ್ತಿಯು ಹೊರಗೆ ಕೆಲವು ಸೂಕ್ಷ್ಮ ವಿನ್ಯಾಸ ಬದಲಾವಣೆಗಳನ್ನು ಪಡೆಯಲಿದೆ. ಮುಂಬರುವ ಕೆಲವೇ ತಿಂಗಳುಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಹೊಸ ಜೆನ್ ಫಾರ್ಚೂನರ್: ಫಾರ್ಚೂನರ್ ಬಗ್ಗೆ ಭಾರತೀಯ ಮಾರುಕಟ್ಟೆಯಲ್ಲಿ ಯಾವುದೇ ಪರಿಚಯದ ಅಗತ್ಯವಿಲ್ಲ. ಪೂರ್ಣ-ಗಾತ್ರದ SUV ವಿಭಾಗವನ್ನು ಆಳಿದ ದೈತ್ಯ ಎಸ್‌ಯವಿ. ಈಗ ಟೊಯೋಟಾ ಹೊಸ-ಜೆನ್ ಫಾರ್ಚುನರ್ ಅನ್ನು ತರುವ ಮೂಲಕ ಸ್ಪರ್ಧೆಯಲ್ಲಿ ಪ್ರತಿಸ್ಪರ್ಧಿಗಳಿಗೆ ತೀರ್ವ ಪೈಪೋಟಿ ನೀಡಲು ಸಜ್ಜಾಗುತ್ತಿದೆ ಎಂಬುದು ತಿಳಿದುಬಂದಿದೆ.

ವರದಿಗಳ ಪ್ರಕಾರ, ಹೊಸ ಫಾರ್ಚುನರ್ TNGA-F ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ಹೊಸ ಮೈಲ್ಡ್ ಹೈಬ್ರಿಡ್ ಡೀಸೆಲ್ ಎಂಜಿನ್‌ಗೆ ಅವಕಾಶ ಕಲ್ಪಿಸಲಿದೆ ಎಂದು ತಿಳಿದುಬಂದಿದೆ. ಪ್ಲಾಟ್‌ಫಾರ್ಮ್‌ನಲ್ಲಿನ ಬದಲಾವಣೆಯೊಂದಿಗೆ, ಇದು ಹೊಸ ವಿನ್ಯಾಸ ಮತ್ತು ಹಲವಾರು ಹೊಸ ವೈಶಿಷ್ಟ್ಯಗಳನ್ನು ಸಹ ಪಡೆಯುತ್ತದೆ. ಹೊಸ ಜನ್ ಫಾರ್ಚೂನರ್ ಅನ್ನು 2024 ರಲ್ಲಿ ನಿರೀಕ್ಷಿಸಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ.