ಭಾರತದಲ್ಲಿ 10 ಗಂಟೆಯಲ್ಲಾದ ಕೆಲಸಕ್ಕೆ ಪಾಕಿಸ್ತಾನದಲ್ಲಿ ಒಂದು ತಿಂಗಳು ಹಿಡಿಯಿತು!

ಭಾರತದಲ್ಲಿ ಭರ್ಜರಿ ಕಾರು ಮಾರಾಟವನ್ನು ಇತ್ತೀಚೆಗೆ ಆಟೋ ಉದ್ಯಮ ಕಂಡಿದೆ. ಟಾಟಾ, ಮಹೀಂದ್ರಾ, ಮಾರುತಿ, ಹ್ಯುಂಡೈ, ಕಿಯಾ, ಹೋಂಡಾ ಬ್ರಾಂಡ್‌ಗಳು ದೇಶದಲ್ಲಿ ಗ್ರಾಹಕರ ನೆಚ್ಚಿನ ಬ್ರಾಂಡ್‌ಗಳಾಗಿದ್ದು, ಇವು ಪ್ರತಿ ತಿಂಗಳು ಉತ್ತಮ ಮಾರಾಟವನ್ನು ದಾಖಲಿಸುತ್ತಿವೆ. ಆದ್ರೆ ಪಾಕಿಸ್ತಾನದಲ್ಲಿ ಹಾಗಲ್ಲ, ಆಟೋ ಉದ್ಯಮ ನಷ್ಟದಲ್ಲಿದೆ.

ಪಾಕಿಸ್ತಾನದಲ್ಲಿ ಆರ್ಥಿಕತೆ ಯಾವಮಟ್ಟಿಗೆ ಕುಸಿದಿದೆ ಎಂದರೆ ಅಗ್ಗದ ಬೆಲೆಗೆ ಕಾರುಗಳನ್ನು ನೀಡಿದ್ರು ಅಲ್ಲಿನ ಪ್ರಜೆಗಳಿಗೆ ಖರೀದಿಸುವ ಸಾಮರ್ಥ್ಯವಿಲ್ಲದಂತಾಗಿದೆ. ಇದರಿಂದ ಪಾಕಿಸ್ತಾನದ ವಾಹನೋದ್ಯಮ ಸವಾಲುಗಳನ್ನು ಎದುರಿಸುವುದನ್ನು ಮುಂದುವರೆಸಿದೆ, ಮಾರಾಟದಲ್ಲಿ ನಿರಂತರ ಕುಸಿತವನ್ನು ಗುರುತಿಸಲಾಗಿದೆ. ಭಾರತದಲ್ಲಿ 10 ಗಂಟೆಯಲ್ಲಿ ಮಾರಾಟವಾಗುವ ಕಾರುಗಳನ್ನು ಪಾಕಿಸ್ತಾನದಲ್ಲಿ ಮಾರಾಟ ಮಾಡಲು ತಿಂಗಳ ಪೂರ್ತಿ ಕಾಯುವಂತಾಗಿದೆ.

ನವೆಂಬರ್‌ನಲ್ಲಿ ಪಾಕಿಸ್ತಾನವು 5,000 ಪ್ರಯಾಣಿಕ ವಾಹನಗಳನ್ನು ಮಾರಾಟ ಮಾಡಿದೆ, ಇದು ಹಿಂದಿನ ತಿಂಗಳ ಪ್ರವೃತ್ತಿಯನ್ನು ಪ್ರತಿಬಿಂಬಿಸುತ್ತಿದ್ದು, ಭಾರೀ ಕುಸಿತವನ್ನು ದಾಖಲಿಸಿದೆ. ನವೆಂಬರ್‌ನಲ್ಲಿ ಕೇವಲ 4,875 ಯುನಿಟ್‌ಗಳು ಮಾರಾಟವಾಗಿದ್ದು, ಕಳೆದ ವರ್ಷ ಇದೇ ತಿಂಗಳಿನಲ್ಲಿ ಮಾರಾಟವಾದ 15,432 ಯುನಿಟ್‌ಗಳಿಗೆ ಹೋಲಿಸಿದರೆ ಶೇಕಡಾ 68 ರಷ್ಟು ಕುಸಿತವನ್ನು ಗುರುತಿಸಲಾಗಿದೆ ಎಂದು ಪಾಕಿಸ್ತಾನದ ವಾಹನ ತಯಾರಕರ ಸಂಘ (PAMA) ತಿಳಿಸಿದೆ.

ಹೆಚ್ಚುತ್ತಿರುವ ಇನ್‌ಪುಟ್ ವೆಚ್ಚಗಳು, ಒಟ್ಟಾರೆ ಹಣದುಬ್ಬರ, ಆರ್ಥಿಕ ಹೋರಾಟಗಳಿಂದಾಗಿ ಕಡಿಮೆಯಾದ ಗ್ರಾಹಕರ ಬೇಡಿಕೆ, ಕರೆನ್ಸಿ ಅಪಮೌಲ್ಯೀಕರಣ ಮತ್ತು ವಾಹನ ಖರೀದಿಗಳ ಮೇಲೆ ವಿಧಿಸಲಾದ ಗಣನೀಯ ತೆರಿಗೆಗಳು ಸೇರಿದಂತೆ ವಿವಿಧ ಅಂಶಗಳಿಂದಾಗಿ ಪಾಕಿಸ್ತಾನದಲ್ಲಿ ವಾಹನ ಉದ್ಯಮದ ತೀವ್ರ ಕುಸಿತಕ್ಕೆ ಕಾರಣ ಎಂದು ಹೇಳಬಹುದು.

ಭಾರತದಲ್ಲಿ ಎಷ್ಟು ಕಾರುಗಳು ಮಾರಾಟವಾಗುತ್ತಿವೆ? ಭಾರತದಲ್ಲಿ ವಾಹನ ತಯಾರಕರು ಪಾಕಿಸ್ತಾನದಲ್ಲಿ ಮಾರಾಟವಾದ ಅಂಕಿಅಂಶಗಳನ್ನು ಒಂದು ದಿನದೊಳಗೆ ಮೀರಿಸುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಕಳೆದ ನವೆಂಬರ್‌ ತಿಂಗಳಿನಲ್ಲಿ ಭಾರತದಲ್ಲಿ ಪ್ಯಾಸೆಂಜರ್ ವೆಹಿಕಲ್ ವಿಭಾಗವು ಹೊಸ ಉತ್ತುಂಗವನ್ನು ತಲುಪಿತು, ಬರೋಬ್ಬರಿ 3,60,000 ಯುನಿಟ್‌ಗಳನ್ನು ಮಾರಾಟ ಮಾಡಿರುವುದಾಗಿ ವರದಿಯಾಗಿದೆ.

FADA (ಆಟೋಮೊಬೈಲ್ ಡೀಲರ್ಸ್ ಅಸೋಸಿಯೇಷನ್ಸ್ ಫೆಡರೇಶನ್) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ರಾಷ್ಟ್ರವ್ಯಾಪಿ ಗಂಟೆಗೆ ಸುಮಾರು 500 ಕಾರುಗಳು ಮಾರಾಟವಾಗುತ್ತಿರುವುದಾಗಿ ಹೇಳಲಾಗಿದೆ. ಭಾರತಕ್ಕೆ ಹೋಲಿಸಿಕೊಂಡರೆ ಪಾಕಿಸ್ತಾನದ ವಾಹನ ಮಾರುಕಟ್ಟೆಯು ಗಮನಾರ್ಹ ಅಡಚಣೆಗಳನ್ನು ಎದುರಿಸುತ್ತಿದ್ದು, ಪಾಕಿಸ್ತಾನದ ವಾಹನ ಕ್ಷೇತ್ರದ ಪಥದ ಬಗ್ಗೆ ಕಳವಳ ಮೂಡಿಸಿದೆ.

ಕುತೂಹಲಕಾರಿಯಾಗಿ, ಹಲವಾರು ವಾಹನ ತಯಾರಕರು ಇತ್ತೀಚೆಗೆ ಪಾಕಿಸ್ತಾನದಲ್ಲಿ ಕಾರ್ಯಾಚರಣೆಯನ್ನು ನಿಲ್ಲಿಸಲು ನಿರ್ಧರಿಸಿದ್ದಾರೆ. ಆದರೆ ಇತ್ತ ಭಾರತದಲ್ಲಿನ ವಾಹನ ಉದ್ಯಮಕ್ಕಿರುವ ಬೇಡಿಕೆಯನ್ನು ಕಂಡು ಟೆಸ್ಲಾ, BYD ಮತ್ತು GWM ನಂತಹ ಪ್ರಮುಖ ಜಾಗತಿಕ ಬ್ರಾಂಡ್‌ಗಳು ಭಾರತದ ಬೆಳೆಯುತ್ತಿರುವ ಆಟೋಮೋಟಿವ್ ಮಾರುಕಟ್ಟೆಯನ್ನು ಪ್ರವೇಶಿಸಲು ಅವಕಾಶಗಳನ್ನು ಅನ್ವೇಷಿಸುತ್ತಿದ್ದಾರೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.