ಭಾರತದಲ್ಲಿ ಗ್ರಾಹಕ ಮೆಚ್ಚದ ಜಿಮ್ನಿ 5-ಡೋರ್ ಇಂಡೋನೇಷ್ಯಾದಲ್ಲಿ ದುಬಾರಿ ಬೆಲೆಗೆ ಅನಾವರಣ!

ಇಂಡೋನೇಷ್ಯಾದ ಜಕಾರ್ತಾದಲ್ಲಿ ನಡೆಯುತ್ತಿರುವ ಇಂಡೋನೇಷ್ಯಾ ಇಂಟರ್ನ್ಯಾಷನಲ್ ಮೋಟಾರ್ ಶೋ 2024 ರಲ್ಲಿ ಸುಜುಕಿ ತನ್ನ ದುಬಾರಿ ಕೊಡುಗೆಯಾಗಿ ಜಿಮ್ನಿ 5 - ಡೋರ್ ಆವೃತ್ತಿಯನ್ನು ಅನಾವರಣಗೊಳಿಸಿದೆ. ಜಕಾರ್ತಾದಲ್ಲಿ ಇದರ ಟಾಪ್-ಸ್ಪೆಕ್ ಬೆಲೆ ಸುಮಾರು IDR 478 ಮಿಲಿಯನ್ (ರೂ. 25.4 ಲಕ್ಷ) ಇದೆ.

ಕಾರನ್ನು ಕ್ಯಾಂಡಿ ರೆಡ್ ಬಣ್ಣದಲ್ಲಿ ಪ್ರದರ್ಶಿಸಲಾಗಿದ್ದು, ಭಾರತದಲ್ಲಿ ಇದನ್ನು ಮಾರುತಿ ಸುಜುಕಿ ಸಿಜ್ಲಿಂಗ್ ರೆಡ್ ಎಂದು ಕರೆಯುತ್ತದೆ. ಕ್ಯಾಂಡಿ ರೆಡ್ + ಬ್ಲೂಶ್ ಬ್ಲ್ಯಾಕ್ ಸಂಯೋಜನೆಯಲ್ಲಿ ಡ್ಯುಯಲ್ ಟೋನ್ ರೂಫ್ ಆಯ್ಕೆಯನ್ನು ಸಹ ಪಡೆಯುತ್ತದೆ. ಪ್ರಸ್ತುತ, ಜಿಮ್ನಿ 3-ಡೋರ್ ಅನ್ನು ಜಪಾನ್‌ನ ಶಿಜುಕಾದಲ್ಲಿರುವ ಸುಜುಕಿಯ ಕೊಸಾಯ್ ಸ್ಥಾವರದಲ್ಲಿ ಮತ್ತು ಭಾರತದ ಗುರುಗ್ರಾಮ್‌ನಲ್ಲಿರುವ ಮಾರುತಿ ಸುಜುಕಿಯ ಮನೇಸರ್ ಘಟಕದಲ್ಲಿ ತಯಾರಿಸಲಾಗುತ್ತಿದೆ.

ಆದರೂ 5 - ಬಾಗಿಲಿನ ಜಿಮ್ನಿಯನ್ನು ಇನ್ನೂ ಭಾರತದಲ್ಲಿ ಪ್ರತ್ಯೇಕವಾಗಿ ತಯಾರಿಸಲಾಗುತ್ತದೆ. ಹಾಗೆಯೇ 5 - ಬಾಗಿಲಿನ ಜಿಮ್ನಿಯನ್ನು ಆಸ್ಟ್ರೇಲಿಯಾದಲ್ಲಿ ಜಿಮ್ನಿ XL ಎಂದು ಪ್ರಾರಂಭಿಸಲಾಯಿತು, ಇದನ್ನು ಭಾರತದಿಂದ ರವಾನಿಸಲಾಗಿದೆ. ಈಗ ಇಂಡೋನೇಷ್ಯಾ ಸ್ಪೆಕ್ ಜಿಮ್ನಿ 5 -ಡೋರ್ ಭಾರತದಿಂದ ರವಾನೆಯಾಗುವ ಸಾಧ್ಯತೆಯಿದೆ. ಕರ್ನಾಟಕದಲ್ಲಿ ಅತಿ ಹೆಚ್ಚು ರಸ್ತೆ ತೆರಿಗೆಗಳಿಂದಾಗಿ ಟಾಪ್-ಸ್ಪೆಕ್ ಜಿಮ್ನಿ 5-ಡೋರ್ ಆಲ್ಫಾ ಎಟಿ ಸುಮಾರು ರೂ. 18.4 ಲಕ್ಷವಿದೆ.

ಇಂಡೋನೇಷ್ಯಾದಲ್ಲಿ ಇದೇ ಕಾರು ಕರ್ನಾಟಕದ ಬೆಲೆಗಿಂತ ಸುಮಾರು ರೂ. 7 ಲಕ್ಷ ದುಬಾರಿಯಾಗಿದೆ. ಜಿಮ್ನಿ 5 - ಡೋರ್ ಮೂಲ ಮಾದರಿಯ ಬೆಲೆಗಳು IDR 443.9 ಮಿಲಿಯನ್‌(ರೂ. 23.6 ಲಕ್ಷ) ನಿಂದ ಪ್ರಾರಂಭವಾಗುತ್ತವೆ. ಇಂಡೋನೇಷ್ಯಾದಲ್ಲಿ, PT ಸುಜುಕಿ ಇಂಡೊಮೊಬಿಲ್ ಮೋಟಾರ್ 3 - ಡೋರ್ ಮಾದರಿಯಿಂದ 5 ಡೋರ್ ಮಾದರಿಗೆ ಅಪ್‌ಗ್ರೇಡ್ ಮಾಡಲು IDR 18 ಮಿಲಿಯನ್ (ರೂ. 1 ಲಕ್ಷ) ಹೆಚ್ಚಿಸಿದೆ.

ವಿಶೇಷತೆಗಳು: ಇಂಡೋನೇಷ್ಯಾದಲ್ಲಿ, ಸುಜುಕಿ ಮ್ಯಾನ್ಯುವಲ್ ಮತ್ತು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ರೂಪಾಂತರಗಳನ್ನು ನೀಡುತ್ತಿದೆ. ರಫ್ತು ಮಾಡಲಾದ ಇಂಡೋನೇಷ್ಯಾ - ಸ್ಪೆಕ್ ಜಿಮ್ನಿ ಭಾರತ - ಸ್ಪೆಕ್ ಮಾದರಿಗೆ ಹೋಲುತ್ತದೆ. ಇದು K15B 1.5L 4-ಸಿಲಿಂಡರ್ NA ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ, 5 - ಸ್ಪೀಡ್ ಮ್ಯಾನುವಲ್ ಅಥವಾ 4 - ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್‌ಗೆ ಜೋಡಿಸಲಾಗಿದೆ.

4X4 ಟ್ರಾನ್ಫರ್ ಕೇಸ್, 15-ಇಂಚಿನ ವೀಲ್‌ಗಳು, ಪ್ರೊಜೆಕ್ಟರ್ ಹೆಡ್‌ಲೈಟ್‌ಗಳು, ಮೌಂಟೆಡ್ ಸ್ಪೇರ್ ವೀಲ್ ಒಂದೇ ರೀತಿ ಉಳಿದಿವೆ. ಒಳಭಾಗದಲ್ಲಿ, ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ಜೊತೆಗೆ 9 - ಇಂಚಿನ ಫ್ರೀ - ಸ್ಟ್ಯಾಂಡಿಂಗ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸ್ಕ್ರೀನ್, 6 ಏರ್‌ಬ್ಯಾಗ್‌ಗಳು, ಪಾರ್ಕಿಂಗ್ ಸೆನ್ಸರ್‌ಗಳು ಮತ್ತು ಪಾರ್ಕಿಂಗ್ ಕ್ಯಾಮೆರಾ ಹೈಲೈಟ್ ವೈಶಿಷ್ಟ್ಯಗಳಾಗಿವೆ.

ಭಾರತದಲ್ಲಿ ಕುಸಿದ ಮಾರಾಟ: ಭಾರತದಲ್ಲಿ, ಜಿಮ್ನಿ ಮಾರಾಟವು ಕಡಿಮೆಯಾಗಿದೆ. ಜನವರಿ 2024 ರಲ್ಲಿ ಕೇವಲ 163 ಯುನಿಟ್‌ಗಳು ಮಾರಾಟವಾಗಿವೆ. ಆದರೆ ಅದರ ಪ್ರತಿಸ್ಪರ್ಧಿ ಮಹೀಂದ್ರ ಥಾರ್ 6,059 ಯುನಿಟ್‌ಗಳ ಅತ್ಯುತ್ತಮ ಸಂಖ್ಯೆಗಳನ್ನು ನೋಂದಾಯಿಸಿದೆ. ಹೆಚ್ಚಿನ ಮಾರುಕಟ್ಟೆಗಳಿಗೆ ಅದನ್ನು ರಫ್ತು ಮಾಡುವುದು ಕಂಪನಿಗೆ ತಾರ್ಕಿಕವೆಂದು ಸಾಬೀತುಪಡಿಸಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.